Quote: بدأت بوادر انشقاق وسط نساء الحركة الشعبية، بسبب ظهور عدد منهن متبرجات وعليهن آثار خمر في ندوة الحركة الشعبية التي أُقيمت بميدان الحركة بكادقلي أمس الأول، الأمر الذي أدى إلى تذمر واحتجاج قوي من القياديات النسوية للحركة الشعبية بالولاية، دعا إلى تدخل ياسر عرمان الذي طلب إرجاع المتبرجات إلى الخرطوم فوراً، وأنكر أمام النساء إحضارهن إلى كادقلي.واستنكرت نساء جنوب كردفان سلوك عرمان باستجلاب مثل هؤلاء النسوة بحجة دعم حملة مرشح الحركة بالولاية عبد العزيز الحلو. وقالت إحدى القياديات بالحركة من نساء الولاية، إنهن سيطرحن الثقة في تجمع المرأة بقطاع الشمال، وتكوين تجمع جديد لا تدخله قيادات غير محترمة.
يا أستاذ بريمة ما حا اقول ليك المصدر منو ولا حا اقول ليك أعمل قوقل في ذاكرتك عشان تتذكر النساء السودانيات في جبال النوبةوغيرها لبسن شكلو شنو بس عليك الله أمشي قوقل إمج و أعمل بحث بي جملة نساء جبال النوبة و تعال خت الصور هنا و قيسا بي كلمة متبرجات
يا جماعة متبرجات دا مقياس للحركة الإسلامية و السلفيين في السودان السودانيات ديل لبسن بي يحددو مجتمعهن، وما عندو علاقة بالتبرج ولا السفور
يا بريمة إنتا بي صحك لي عقدين من الزمان في الشمالية دي بي يركزو زيرين مريسه لي ناس النفير، وحسب علمنا الكلام دا ماشي في انحاء كتيرة في السودان والمريسة ما سكر في جبال النوبة و النيل الأزرق و جنوب السودان و إنتا ما الزول البي يكلموك بي الكلام دا
05-02-2011, 12:58 PM
Khalid Kodi
Khalid Kodi
تاريخ التسجيل: 12-04-2004
مجموع المشاركات: 12477
ألف شكر لإيراد مصدر الخبر؛ وإن كان المصدر لا يعنينى كثيراً بيتنا فى كادقلى .. وبتصل بالأهل والأصدقاء كل وقت والأخباره طازه من هناك .. السكر كان راقد رج .. والحت السوهو فى كادقلى ما حصل فى جوبا.
بريمة
05-02-2011, 01:35 PM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
نحنا شفنا الحت بعد الديكورات بتاعت ناس الخرتوم ديل في فرقة الفنون الشعبية عليك الله نزل لينا إحتفالات الخريف ،الحصاد، البلوغ ، الزواج بتاعت أهلنا في جنوب كردفان صور كويسه ، لكن لو فيديو بي تكون ما قصرت
05-02-2011, 02:17 PM
علي جلاس
علي جلاس
تاريخ التسجيل: 06-08-2010
مجموع المشاركات: 968
لقد حضر الي مدينة فلادلفيا قبل عامين لزيارة بعض الرفاق وصادف حفل للفنانة سميرة دنيا
ترفيهي لأسر للجالية قام علي أمرها بعض الأخوان المهمومين بالشأن العام, وكعادة الرفاق إستغلال
أي تجمع ولو جنازة لعرض تجارتهم الفاسدة , فقدمه المتسلقين والمتاجرين بقضايا الغلابة ليلقي كلمة
في حفل ترفهي عام , فلن يتردد وخير وما أستهل به الكلام بعد أن حيا الحضور :-
("" ياجماعه أنا ملاحظ أنوا النساء قاعده في side والرجال في side والرجال برقصوا براهم والبنات براهم .. يا أخونا الكلام ده في الخرطوم الناس خلو "" ) فهذا مايبشر به هذا العرمان وسودانه الجديد .
وبعد الحفل أتت أحد المتبرجات أمام LOBBY الفندق وأخذته الي مكان غير. شنو ا الغريب الجاب النطيحة و ال......عشان يستنكر علي الأخ بريمة نقلة لخبر وهم في طيات دفاعهم لا يستنكرون ويبررون لفعل كهذا !
______________________
مدينة فلادلفيا عبارة عن سودان مصغر بكل ما هو جميل في أهلنا وعادتنا وتقاليدنا السمحه ما بيرضوا بمسخرة وأنحطاط الأخلاق هذا فلهم التحية وأنا فخور منكم
05-02-2011, 03:16 PM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
Quote: لقد حضر الي مدينة فلادلفيا قبل عامين لزيارة بعض الرفاق وصادف حفل للفنانة سميرة دنيا
ترفيهي لأسر للجالية قام علي أمرها بعض الأخوان المهمومين بالشأن العام, وكعادة الرفاق إستغلال
أي تجمع ولو جنازة لعرض تجارتهم الفاسدة , فقدمه المتسلقين والمتاجرين بقضايا الغلابة ليلقي كلمة
في حفل ترفهي عام , فلن يتردد وخير وما أستهل به الكلام بعد أن حيا الحضور :-
("" ياجماعه أنا ملاحظ أنوا النساء قاعده في side والرجال في side والرجال برقصوا براهم والبنات براهم .. يا أخونا الكلام ده في الخرطوم الناس خلو "" ) فهذا مايبشر به هذا العرمان وسودانه الجديد .
وانت يا علي جلاس البوديك الحفلات شنو , كان مستنكر رقيض الرجال والنساء مع بعض !! ماتعملوا حفلة رجالية بس ولا نسائية بس !! شنو المنطق الغريب دا كان عايز تبشر بفكر الإخوان ولا أنصار السنة أول حاجة طبقه في روحك , ما تحضر حفلات مختلطة كان مستنكر الرقيص المختلط!!
Quote: نهال كرار وانت يا علي جلاس البوديك الحفلات شنو , كان مستنكر رقيض الرجال والنساء مع بعض !! ماتعملوا حفلة رجالية بس ولا نسائية بس !! شنو المنطق الغريب دا
الفهم قسم !! أنا مستنكر تحشر هذا العرمان وهو زائر لأهل مدينة ماذال أهلها يحافظون علي تقاليدهم
وبرضوا ما بمانعوا في العايز يرقص مع من يريد حسب الظواهر المكتسبه حديثا نوعا ما.
Quote: وانت يا علي جلاس البوديك الحفلات شنو
أمش الحفلة ولا أمش الGOأنت المنطقك قريب ولا رأس السوط !!.
اخ بريمة مصلحة الناس بجنوب كردفان بقارة/ ونوبة العيش بسلام وامان بعيدا عن التعصب وازكاء روح الكراهية والبغض.. الاقليم يا اخ بريمة عاني ما فيه الكفاية من الحروب الاهلية التي دفع ثمنها مواطن الاقليم هناك سواء كان بقاري او نوباي.. الوقت وقت وضع مصلحة التعابا الغلابا البؤساء الذين ان نجو من حمي الضنك ماتوا بالرصاص/ الاهتمام بلباس نساء النوبة دا مش الموضوع (طبعا انا اساسا لا اصدق كل ما يكتب عن التلفيقات التي تقال ضد الحلو) لكن برجع وبقول المرحلة القادمة ان لم ينتبه عقلاء جنوب كردفان فانهم سوف ياكلون وحدهم الحصرم عكس ناس المركز الذي لا يهم من يفوز هارون او الحلو ففي النهاية هما غرابا سياكل احدهم الاخر.
05-02-2011, 05:47 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
حبابك يااااخ عشرة بلا كشرة واراك تلوي عنق الحقيقة بهذا البوست يا زول الناس هناك ماشين امفكو اتفهم دوافعك واجندتك لفتح هذا الخيط ولكنه يعد خصماً عليك لو متذكر شكلتنا مع المدعو أدكون عاشقها في نيوسودان هههههههههههههه قلنا أن من ثقافة شعب جبال النوبة هي العري وعدم لبس الملابس وكذلك شــرب المشروبات الكحولية وهي عادة ويفخر بها اهل جبال النوبة وإن بدأت في الانحسار اخيراً وتعد مدعاة للتباهي عندهم ، وبعدين ما معقول الخواجة دا يكون عارف أكتر منك اسي في ذمتك الطيب مصطفى دا انا بنقل ليهو موضوع بعدين انت اسي ما قاعد في بلداً ناسها ماشين ساكت او شبه ساكت
تحاياي
05-02-2011, 05:51 PM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
ياخي كأنو البلد خلاص ما فيها فساد ولا فيها نهب .. وأصبحنا نتحدث عن المتبرجات والسكرانات .. عارف بداية الإنقاذ دي الحكومة كلها كان همها مطاردة ستات الشاي وبائعات الكسرة والشغالات في محطات البنزين .. طبعاً دي مهن شريفة وبتعول أسر كثيرة وكافية خيرها شرها .. لم تنتبه الحكومة للبلد بل ذهبت في تأمين نفسها وإرساء دولتها البوليسية .. ياخي نحن عازين سلام حقيقي عايزين ديمقراطية عايزين تنمية .. ما عايزين إرهاب ولا دولة أمنية .. إنتو البلد دي حقت منو
05-02-2011, 06:02 PM
Nasr
Nasr
تاريخ التسجيل: 08-18-2003
مجموع المشاركات: 10838
Quote: هناك فرق كبير بين إمرأة متبرجه فى ندوة عامة للحركة الشعبية .. وأخرى تلبس زى الجبال التقليدى ..
ما فيه أي إحترام لعقل القارئ يعني اللابسة زي الجبال التقليدي (وأظنك إتفقت ضمنا مع الناس هنا عن كيف يكون ذلك) إذا جات ندوة الحركة الشعبية حيقولوا (دي ما متبرجة دي لابسة لبس تقليدي؟؟؟؟؟؟؟؟؟؟؟؟) اللبس من تبرج وسفور عنده علاقة شديدة بالثقافة المحلية (الواحد متأسف إنه بيتكلم في بديهيات لكن الله قادر) يعني لو في القصيم في السعودية لو في بت ما لابسة عباءة سوداء ومغطية وشها بالبرقع ناس القصيم يمكن يقولوا عليها متبرجة. لكن لو لبست نفس اللبس دا في جبال النوبة ممكن يقولوا عليها مجنونة.
حبابك يااااخ عشرة بلا كشرة واراك تلوي عنق الحقيقة بهذا البوست يا زول الناس هناك ماشين امفكو اتفهم دوافعك واجندتك لفتح هذا الخيط ولكنه يعد خصماً عليك لو متذكر شكلتنا مع المدعو أدكون عاشقها في نيوسودان هههههههههههههه قلنا أن من ثقافة شعب جبال النوبة هي العري وعدم لبس الملابس وكذلك شــرب المشروبات الكحولية وهي عادة ويفخر بها اهل جبال النوبة وإن بدأت في الانحسار اخيراً وتعد مدعاة للتباهي عندهم
متفق يا ول أبا مع نص مداخلتك .. ولكن أختلف معك جذرياً فى أن المتبرجات هن بنات المنطقة المتربيات هناك كما تؤول أنت .. المتبرجات جابوهن من الخرطوم .. ودا هو الفرق ..
بريمة
05-02-2011, 06:33 PM
Nasr
Nasr
تاريخ التسجيل: 08-18-2003
مجموع المشاركات: 10838
Quote: متفق يا ول أبا مع نص مداخلتك .. ولكن أختلف معك جذرياً فى أن المتبرجات هن بنات المنطقة المتربيات هناك كما تؤول أنت .. المتبرجات جابوهن من الخرطوم .. ودا هو الفرق ..
بكلام ناس الباسكت نقول ليك دي أير بول
(هي إنتي أنا متبرجة جبال وإنت متبرجة خرطوم يللا أمشي ما متفسخة يا منحلة) ما بقول ليك الفهم قسم لكن بقول ليك الغرض مرض
05-02-2011, 07:30 PM
Kostawi
Kostawi
تاريخ التسجيل: 02-04-2002
مجموع المشاركات: 39979
Quote: ولكن أختلف معك جذرياً فى أن المتبرجات هن بنات المنطقة المتربيات هناك كما تؤول أنت .. المتبرجات جابوهن من الخرطوم .. ودا هو الفرق ..
يا ول ابا ربما نحتاج الى تعريف ما هو التبرج في ثقافة الناس دي هو ليس تبرجا وانت تصر على انه تبرج الحاجة التانية لو جيت ولقيت ليك ناس بعوموا في رهد عرايا وانت قلعته وخشيت سبحته معاهم هذا يحدث بصورة طبيعية حتى في الخرطوم ولا اقول ليك قول عدد العرايا زادوا كم واحدة كدا فما الذي يضير في ذلك؟
05-02-2011, 08:04 PM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
(هي إنتي أنا متبرجة جبال وإنت متبرجة خرطوم يللا أمشي ما متفسخة يا منحلة) ما بقول ليك الفهم قسم لكن بقول ليك الغرض مرض
بالجد بعيد كل البعد عن الحاصل .. الجابوهن من الخرطوم يعملن ما يعملن عن قصد وسبق إصرار، يعنى التبرج مقصود لذاته للفت الأنتباه .. أما بنات الجبال اللائى يلبسن الزى التقليدى .. هو زيهن منذ أن ولدن ..
وهناك فارق السماء والأرض ..
بريمة
05-02-2011, 08:09 PM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
Quote: يا ول ابا ربما نحتاج الى تعريف ما هو التبرج في ثقافة الناس دي هو ليس تبرجا وانت تصر على انه تبرج الحاجة التانية لو جيت ولقيت ليك ناس بعوموا في رهد عرايا وانت قلعته وخشيت سبحته معاهم هذا يحدث بصورة طبيعية حتى في الخرطوم ولا اقول ليك قول عدد العرايا زادوا كم واحدة كدا فما الذي يضير في ذلك؟
الذى يضير هو جابوهن من الخرطوم .. يبدو المزه فى جنوب كردفان غير مشجعة ..
بريمة
05-02-2011, 08:29 PM
الامين موسى البشاري
الامين موسى البشاري
تاريخ التسجيل: 08-09-2009
مجموع المشاركات: 15391
إنت الخرطوم دي دولة أجنبية؟؟؟؟ مش ياها ذاتها عاصمة المشروع الحضاري وهو عاصمة المشروع الحضاري فيها مزرعة لتربية المتبرجات؟؟؟؟؟ لو قلت جابوهن من جوبا كان نعيد النظر كرتين لكن من الخرطوم؟؟؟؟؟؟ وعمر البشير الجا رقص في الحملة الإنتخابية كان جاي من تقلي؟؟؟ ما هو برضو جاي من الخرطوم يعني حرام علي بلابله الدوح حلال للطير من كل جنس؟؟؟؟؟؟؟؟؟؟؟؟؟ أي سوداني وأي سودانية عندهم الحق يمشوا لأي مدينة ولا قرية يروون في داخل السودان علي كيفهم في الخارج محتاجة لفيزا، متفهمين الحكاية دي
05-02-2011, 10:01 PM
فيصل سعد
فيصل سعد
تاريخ التسجيل: 01-26-2010
مجموع المشاركات: 1015
انت زول فارغ لي الا الحركة الشعبية لم ولن تعمل يوم على ان تقتاد عاريات الى مكان ما ثم مهو التبرج فى وجهة نظرك؟ هلى كشف الشعر ام كل الجسد وانت بهذ1ا الحديث السمج تكون قد قذفت لنساء شريفات كان فى دعم حملة الحلو ولم يذهبن لاجل التبرج اما السكر فهذا شى اتيت به انت وكل هذا يوضح افلاسكم وفقدانكم لامنخابت جنوب كرفان
05-02-2011, 10:22 PM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة