|
|
 من كان يعتقد ان لنا دولة ووطن فهو مخطئ
|
نعم لنا ارض شاسعة وانهار ولكنها غير مستثمرة ولا تغنى الشعب شر الجوع
ومن كان يعتقد ان لنا شعب فهو مخطئ فمن بقي منهم فهو مقهور مكبوت وتفرق البقية فى الف دولة ودولة
ومن كان يعتقد ان لنا حكومة فهو مخطئ فانها تعيس فى الارض فسادا وتفتقد لمن يحاسبها ويسألها من اين لك هذا؟
من كان يعتقد بأن لنا احزاب فهو مخطئ لانها تحاول ان تقاسم الحزب الحاكم كيكة الفساد
ومن كان يعتقد ان لنا برنامج اقتصادى فهو مخطئ لان حزب بطانة الحاكم صادروا الاقتصاد ووضعوا له قوانين ما انزل الله بها من سلطان، اقتصاد يفتقد لقواعد واصول الاقتصاد نفسه
ومن كان يعتقد بانه يستطيع العودة والاستقرار مهما بلغ من وفرة مال فهو مخطئ فالارض خاوية ومياهها سراب
فان وقعت في فخ المؤتمر ستنتشى قليلا وتصبح صيدا سهلا لمفترسى ساستهم وتجارهم فهم كالذئاب إن لم تجد ما تقتاته فإنها تأكل بعضها البعض
فأنت ليس بأقوى من صلاح قوش او من الزبير او من الترابى على بابا النظام نفسه
فأرض بلدى طاردة
وقوى شرها ماردة
يصفى فيها الخصوم
بدماء باردة
الحرية فيها اغلى من النفط
يحسبون عدد انفاسك
وكل شاردة فيك
وواردة
|
|
 
|
|
|
|
|
|
|
|
Re: من كان يعتقد ان لنا دولة ووطن فهو مخطئ (Re: محمد النيل)
|
بالذمة دا كلام!!
ابو النور يجي يقول ليك والله والله (ومعاها غميضة عيون) البلد ما بتتفات - ياخي ابداع يا زول نحن مضيعين عمرنا هنا ساكت الخ الخ الخ
وتجي انت تقول لينا كلامك الفوق دا !!
نحن كناس مؤمنين نصدقكم الاتنين كيف ولا نعمل قرعة ولا شنو بالظبط؟؟
___________
يا النيل ياخي مشتاقين و حمدلله على السلامة..
شكلك الـ14 ساعة طيران دي قضيتها سب دين ساكت::)
| |
|
|
|
|
|
|
|
|
|
Re: من كان يعتقد ان لنا دولة ووطن فهو مخطئ (Re: حسن حماد محمد)
|
Quote: نحن كناس مؤمنين نصدقكم الاتنين كيف ولا نعمل قرعة ولا شنو بالظبط؟؟
|
يا حسين يا خوى صدقنا إحنا الإتنين لأنو ابو النور بينظر ليها من ناحية
كوارع وسمك أمدرمان والويست بتاع كوتشينة نادى السهام فى العزوزاب والحوامة مع العجائز
ناس حسن همت وحاج زوغوأبو عماد
بيعكسوا ليه الجانب غير المهموم لانو أولادهم قايمين بالواجب وبيرسلوا ليهم الدولارات من بر
وابو النور زاتو عارف نفسو ما قاعد
وطبعا حلاوة السودان فى الاهل
وجلسة فى مناسبة عقد او حتى فى ونسة صيوان بكا (عزاء)
أو فى لحظة جدال عن الهلال والمريخ
وقراصة يوم الجمعة كان بى ملوحة او ويكة حمرا
دى الزاوية اللى بينظر بيها صاحبك أبو النور للسودان
فصدقو بدون تردد
ومنو القال ليك انا خلاس طرت ال 14 ساعة؟
انا من الناس المرقو يوم 21 مارس فى السوق العربى
وح أكون فاعد ومنتظر إن شاء الله أطلع يوم 21 إكتوبر زاتووو
لك من الحب الف كيلو
| |
|
|
|
|
|
|
|
|
|
Re: من كان يعتقد ان لنا دولة ووطن فهو مخطئ (Re: محمد النيل)
|
الأخ محمد النيل
ظلمتا الكوب أن جعلت ناظريك ترى الجانب الفارغ
عندنا شعب طموح سابق الحكومة وشايلا في ضهرو تب ...يهاجر الى أقاصي البلاد ويتغرب ويدفع ضرائب المغتربين ويبدع في بلاد الغربة وينافس كثير من كوادر البشر ويتفوق ويحن الى الوطن ويعول من هم في أرض الوطن ويبني بيوتاً غاية في الجمال رغم تقصير الحكومات التي لا تجعل له صرف صحي ولا طرق داخليه مسفلته ولا مصارف أمطار ...فتجد عمارات وبيوت هؤلاء كدره ثمينه ملقاة في فلاة ....
عندنا شباب طموح جداً جداً صنع ملحمة البترول وقاد ثورة الاتصالات وهم كثر نباهي بهم العالم ...مهندسين وفنيين (الواحد مايرضى بي مرتب سبعة مليون ) ...عيني بارده ...وهؤلاء المهندسين هم أفضل الناس أوضاعاً الآن (مادياً) وإستقراراً ...
وزي ماقالت المره أم العروس عندما أرادت أن تتبوبر لجارتها بأن (عريس بتي مامغترب في الخليج عريس بتي مهندس في هجليج ) ....
وعندنا الكثير المثير لو داير زيادة ...أحمد الله يالنيل
تخريمه صغيره :
ماتقارن الخرطوم بالرياض وجده ...قارنا بالخرطوم سنة 2000م
| |
|
|
|
|
|
|
|
|
|
Re: من كان يعتقد ان لنا دولة ووطن فهو مخطئ (Re: أمير فتحي)
|
Quote:
محمد ياخوى مالك علينا ما تخلينا نحلم شوية؟
|
الاخ حسن حماد محمد
احلم كما شاء لك الحلم
الخبر الكويس انو الحلم مازال بالمجانى
بس ما تنسى تضمن فى حلمك الحرية
لانك لو مفكر تستقر فى الوطن وعندك حبت قريشات قنعان منهن امشى فى ظل هذا الوضع فلن تجد العدالة وتكافؤ الفرص والتنافس الشريف لنجاح عملك
لن ينجح عملك لانك ليس من اهل المؤتمر
لن ينجح عملك لانك ليس وطنى
لن ينجح عملك لأن نسيبك ليس منهم
ولاخالك ولاعمك
او لانك ليس من قبيلة ذلك الزول الكبير
لن ينجح عملك لانك لن تعرف دروب الولائم الخرافية ودفع العمولات التسهيلية لتلك الكروش الكبيرة
احلم بالحرية اولا
مودتى
| |
|
|
|
|
|
|
|
|
|
Re: من كان يعتقد ان لنا دولة ووطن فهو مخطئ (Re: محمد النيل)
|
Quote: ظلمتا الكوب أن جعلت ناظريك ترى الجانب الفارغ
|
يا ود يا أمير إنت
سلام كتير
هناك اكواب نصفها مليان
وواحدين ربعهم مليان
واكواب اخرى 99% منها مليان
لكن يا خوى كوبك دا فى قعره بس
المهندسين البتقولهم ديل كم؟
وزوى المرتبات الكبيرة ديل بمثلوا كم من الشعب؟
حتى الشركات دى حقت منو؟
او حتى شركات الأتصالات دى بتجيب قروشها من منو وكيف.
شركات الإتصال دى أكبر مافيا
تطحن فى الشعب المسكين
هل إنت عارف كرت التلفون أبو عشرة جنيه تكلفتو فى الاصل كم؟
ملاليم
الحكومة بتضيف عليها جبايات مليون فى المائة والشركة تضيف عليهو أرباح طائلة غير إنسانية
ولا قانوية و لا ضميرية ولو الحكومة شالت يدها
والشركات بطلت جشعها فلو باعتو بنصف جنيه برضو ربحانة ربح وفير.... تخيل!!!!!!
وفى النهاية الكرت يجيك بعشرة جنيه نهب مسلح
اصلو الشركات كدا كدا حقاتهم (تقاطع مصالح يعنى)
امامهندسين البترول البتتحدث عنهم ديل بيعومو فى بترول ما حقهم
حق يوم 9 يوليو
واصلا لو كان حقنا فنحنا مامستفيدين منو
أموالو بر هناك
شوف يا حبيبنا
75 فى المائة من المال فى السودان يسيطر عليه 5 فى المائة من سكان السودان
هدا هو الفقر و الفساد بعينه
الإحصائية دى لحدت يوم 9 يوليو
وبعدها خم وصر لو كنت من ناس ال 5 فى المائة
مع مودتى برضو
| |
|
|
|
|
|
|
| |
محمد النيل
حسين نوباتيا
حسن حماد محمد
أمير فتحي
فيس بوك
تويتر
انستقرام
يوتيوب
بنتيريست