|
رئيس الوزراء النرويجى ودرجه الاهتمام بالرعايا_ فيراندا وعيالها التسعه صور+ فيديو
|
صباح اليوم الخميس 26 مايو 2011 قمت من صباح الرحمن والاخبار المحليه كلها تتوجه نحو شارع الحديقه الذى يقع خلف قصر الملك وفى نشره سبعه اسمع من الراديو فى انه هناك مراسله مباشره من منزل رئيس الوزراء النرويجى ينس استولتينبيرق قلت ياربى النرويج حصل فيهو انقلاب ولا الملك مات ولا حاجه زى كده بينى وبينكم الملك كان عنده عمليه فى القلب ومركبين ليهو صمام صناعى يعنى جايز وممكن يكون ارتاح
اسمع المذيعه بتتكلم بطريقه مؤثره كانهت بتبكى وبتقول انه ده منظر جميل ااااااااووووو وا حلاتها فيراندا وعيالها التسعه لحدى هنا ما قدرت اجمع الموضوع خصوصا وانا سايق داخل نفق طويل ولازم انتبه للسرعه لانه الكاميرا قبل تلاته اسابيع طقتنى بى1600 كرونه =300دولار قلت احسن النركز فى الشارع ,الاخبار ملحوقه فى النت بعد ما اصل الشغل
فتحت النت واقلب فى اخبار اليوم واول صوره لاقتنى للريس والست فيراندا...............هاااااااا............اتخيلوا
يتبع
|
|
|
|
|
|
|
|
Re: رئيس الوزراء النرويجى ودرجه الاهتمام بالرعايا_ فيراندا وعيالها التسعه صور+ فيديو (Re: محمد زكريا)
|
فيراندا طلعت بطه
وترجع الحكايه انه البطه ست الاسم كانت هربت من حديقه الملك وحطت رحالها فى منزل رئيس الوزراء الواقع بالقرب من القصر الكلام ده كان فى بدايه شهر مايو وقالو انها ملت من المراسم والتجهيزات للاحتفالات بالعيد القومى ووجود الزوار والكلاب فى الحديقه وذهبت تشتكى عند الرئيس لان الملك ما عنده سلطات وقاعد كرمز او ضوره بس واتضح فيما بعد انها كانت حامل وانهت محتاجه للهدوء..........اتخيلو دى قصه حقيقيه وللكبار كمان
يتبع
| |
|
|
|
|
|
|
Re: رئيس الوزراء النرويجى ودرجه الاهتمام بالرعايا_ فيراندا وعيالها التسعه صور+ فيديو (Re: محمد زكريا)
|
والغريبه التقول بتفهم فى السياسه وما خافت من حرس ولا كاميرات ولا ولا وقامت مشت دخلت الصالون وبعد الواطه فللت مشت قعدت فى البرنده وقالت الليله من محلى ده ما بتحرك ويا ريس انا فى عرضك.انا حرمه غلبانه ومش عارفه جوزى فين ومافى حد مهتم بى والريس شالتو الهاشميه وحلف حرررررررررم وقال على بالطلاق من مكانك دى ما تمرقى الا بعد الاربعين والزارعك اليقلعك والريس كان فخور بانه بيهتم باضعف وابسط الرعايا حتى ولو كان طيره ساى تخيلوا كان بيعتبرها واحده من ناس البيت وحتى كبار الزوار والضيوف لامن يجوه فى البيت بيعرفهم عليها ويتصوره معاها واختاروا ليها اسم فيراندا لانها (حرنت) وبيضت فى البرندا
لقطه تجمعهم ورئيس جنوب افريقا
============
وفى الطريق مع رئيس الفيفا عاوزين يسلموا على الست فيراندا
وفى صوره قالوا اخدوها مع بيل قيت يمكن تطلع فى برنامج ويندوز القادم. حقوق الصور محفوظه للست فيراندا وعيالها
========== العيال طلعوا تمانيه مش تسعه
| |
|
|
|
|
|
|
Re: رئيس الوزراء النرويجى ودرجه الاهتمام بالرعايا_ فيراندا وعيالها التسعه صور+ فيديو (Re: Tragie Mustafa)
|
Quote: غايتو امبيكي بكون الضحك عايز يشرطه في المهابيل الخواجات ديل.
يا اخوي بخت فرناندا وملكها العادل.
لينا الله نحن اهل السودان.
كفاره على مخالفة السرعه و الجاتك في مالك سامحتك في صحتك باذن الله. |
الجسوره تراجى مصطفى كيفك والشباب ان شاءالله بخير يا رب متابعك والله لكن ما داير اتداخل فى السياسه مع الاوضاع الراهنه اللياقه تعبت بالله شفتى قصه رئيسنا ده كيف, عالم بتحس وعالم بتكتل علنى وما بتدس ممبيكى ح يفتكر النراوجه ديل ما عندهم شغله
والله كنت لاحق شنو ما عارف بس اشوف ليكى الفلاش طق...اخخخخخخ خالفت السرعه واستحقيت العقاب والحمدلله جات سليمه
===== تحياتى
| |
|
|
|
|
|
|
Re: رئيس الوزراء النرويجى ودرجه الاهتمام بالرعايا_ فيراندا وعيالها التسعه صور+ فيديو (Re: محمد زكريا)
|
اها نرجع للخبر المن الصباح ده وباقى اليوم كله وانا افكر فى العبر والمقارنه بين رئيس ورئيس لكن دقيقه اجيب ليكم الخبر وباقى الصور المصدر وفيه الفيديو http://www.vg.no/nyheter/innenriks/artikkel.php?artid=10086217
الخبر انه البطه فيراندا بعد ما فقعت سواسيوا فى سلام وامان راح ترجع للقصر حيث البحيره والماء والوجه الحسن من بط ووز ورئيس الوزراء صرح بانه اتصل بكليه الدراسات البيوجيه قسم الكيور واتاكد انه البطه بعد ما تفقع بترجع مكان المويه فى اليوم الخامس وعشان كده اليوم من الصباح اخد اتذن من مكتبه انه ح يتاخر لخدى ما الجماعه ديل يرجعوا للبحيره وطبعاً المشكله فى الشارع الفاصل بين الحديقه والبيت..شارع زحمه من الصباح عشان كده لازم هو بنفسه يقف على سلامه الست فيراندا وعيالها وفى نفس الوقت لازم يخليها ترحل براحتها وبالطريقه البتريحها هى يعنى هو مش ح يطردها من بيتو ولا ح يطاردها يشيلها بالقوه هى وعيالها
قصه والله......اتارى المذيعه ليها حق تبكى
وانحنا نعمل شنو يعنى
| |
|
|
|
|
|
|
Re: رئيس الوزراء النرويجى ودرجه الاهتمام بالرعايا_ فيراندا وعيالها التسعه صور+ فيديو (Re: محمد زكريا)
|
عليكم الله حلفتكم الصوره الجايه دى اقيفو فيها شويه واتمعنو فيها كويس
وامشى الهوينى مرفوع الراس بالله ما شايفين القدله بتاعه العزه والافتخار والكبرياء والثقه بتاعه الست فيراندا دى؟؟؟؟؟؟؟؟؟؟ لكن تقول شنو؟ ليها مليون حق انها تحس بالفخر والاعتزاز وتمشى مرفوعه الراس اذا كان رئيسها بيهتم برعاياه بالطريقه دى
اتخيلو .......هنا البطه بس بتمشى بالطريقه دى.....البطه يا عالم ....علامه التعجب دى بيعملوها كيف؟ وانحنا بسبب الشنو ما عارف العندنا ما بنقدر...............ياخ ولا اقول ليك.... انسى
========= اخخخخخخخخ يا وجع........اه يابلد
| |
|
|
|
|
|
|
Re: رئيس الوزراء النرويجى ودرجه الاهتمام بالرعايا_ فيراندا وعيالها التسعه صور+ فيديو (Re: محمد زكريا)
|
واخيراً
النهايه السعيده الست فيراندا وسواسيوا فى البحيره وراعى فرحان وحزنان على فراقهم وشفع شواطين جنس شيطنه...بالله من اول مره فى المويه وسباحه التقول كيجاب بس
غايتو اليوم ده ما ح انساه طول حياتى بطه ياعالم؟؟؟؟؟؟؟؟؟؟؟؟ هسه دى لو عندنا كان سبكوها حله كاربه للريس
========== خلونا فى جلد الكديس الممكن نعمل منه جزمه بالله
فى الرابط ده بتلقوا الفيديو الكامل للخبر ولو محتاجين مترجم اتصلو علىّ
فتكم بعافيه
بطه؟.بطه؟
| |
|
|
|
|
|
|
Re: رئيس الوزراء النرويجى ودرجه الاهتمام بالرعايا_ فيراندا وعيالها التسعه صور+ فيديو (Re: احمد محمد بشير)
|
سلام يا ابو حميد
Quote: قولت ليهم تعالو شوفو البطة دي ذكية كيف, وعاملة ساتر بي رئيس البلد شخشيا قولت ليهم تعال شوفو الاسكندناف ديل بيهتمو بي مخلوقات الله كيف. |
بالله خبر زى ده يفوتك والا عجب انه المعارضه ناويه تتناول الموضوع فى جلسه البرلمان الجايه غايتو ما علينا كل ناس فى همهم...تابع اخبار تسعه الليله
لكن انت عارف المحيرنى اكتر شنو ابو العيال ديل وين.؟؟؟؟؟ ما يكون واحد سودانى لقاها حايمه فى الحديقه داير يعمل بيها ورق اقامه؟ خلى بالك يكون قام عملها وزاغ مش السودانيين الهنا ديل ..زلامن يلقوا النرواجه منبطحين فى الحديقه لا بيفرزوا ليك دى بطه ولا دى وزه واحد معرس وحده عمرها 75 سنه قال لى ماااااااااااا كله نرويجى يا عمك ..........مش بيعمل ورق..وبعديها ممكن تفتح اتخيل بالله........ولا اقول ليك تتصور؟
ينعل ابو السياسه زاتها البتخليك تعرس حبوبتك
| |
|
|
|
|
|
|
Re: رئيس الوزراء النرويجى ودرجه الاهتمام بالرعايا_ فيراندا وعيالها التسعه صور+ فيديو (Re: محمد زكريا)
|
شكرا يا محمد زكريا علي البوست الظريف
وحقيقة رغم غرابة الموضوع علي البعض لكنه ليس غريبا علي رئيس وزراء النرويج المهذب يانس استولتنبرغ وقد تابعت الموضوع والصور من موقع يانس في الفيس بوك
قبل مدة كنت في زيارة لمبني البرلمان Stortinget بدعوة من نائبة رئيس البرلمان ماريت نيباك وصادف كان في جلسة صباحية للبرلمان وكان يانس حاضر للجلسة فوجدت الورق الكان موجود أمامه في مقعده أخدت صورة للورق. ياخي الراجل قاعد يرسم في قلب يعني عدل فأمن فرسم.
هذا هو يانس وحزب العمل Arbeiderpartietالذي خرج بالنرويج من الأزمة الإقتصادية التي هزت العالم إلي بر الأمان بأقوي مما كانت وجعل النرويج الدولة الأفضل علي مستوي العالم للخمس سنوات الماضية حسب تقارير الأمم التحدة للتنمية البشرية.
أرجو من كل السودانيين في النرويج الوقوف معنا في حزب العمل حتي يتمكن الحزب من الفوز في بلدية أوسلو في إنتخابات سبتمبر المقبل لنعيد بلدية أوسلو من اليمين Høyre واليمين المتطرف Frp الذي جثم علي صدر البلدية لقرابة ال 20 سنة وبدد ميزانيتها في الصرف البذخي وتطوير غرب أوسلو حيث رجال الأعمال والأرستقراطية وترك شرق أسلو تغرق في التخلف والفقر نكاية في الأجانب. حزب العمل رغم أنه يحكم النرويج لكن حسب قوانين الحكم اللامركزي لا يستطيع فعل شئ في بلدية اوسلو
أتمني أن ينتبه الأجانب الذين يشكلون 50% من سكان المدينة لذلك ويشاركوا بكثافة في الإنتخابات البلدية المقبلة لإبعاد اليمين واليمين المتطرف من حكم بلدية أسلو وإذا قدر لحزب العمل وحلفائه الفوز بإدارة البلدية فنضمن بأن تتحول كل أوسلو شرقها وغربها لعاصمة حضارية تشرف النرويج ويجد فيها كل السكان فرص متساوية في الخدمات من سكن وتعليم وغيره
ستنطلق حملة حزب العمل kick off من دار الحزب مساء الثلاثاء القادم 31 مايو الساعة 6 مساء وبحضور رئيس الحزب ورئيس الوزراء يانس استوتنبيرغ وكل قيادة الحزب وياريت يا محمد زكريا تشرفنا بي هناك
| |
|
|
|
|
|
|
Re: رئيس الوزراء النرويجى ودرجه الاهتمام بالرعايا_ فيراندا وعيالها الت (Re: محمد زكريا)
|
سلام محمد زكريا
قابلت يانس الليلة وكالعادة كان متألقا ويشيع في المكان جو من المرح حتي وهو يتحدث في القضايا السياسية الشائكة
ياخي لو في كوبي ماشين ممكن تنسخ البشر كان عملنا 180 نسخة من رئيس وزرائنا يانس Jens Stoltenberg ووزعناهم علي كل دول العالم فقيرها وغنيها ومتأكد حيختفي الظلم والفقر والحروب من كوكب الأرض ويحل محلها العدل والرفاه والأمان
بعد إنتهينا من الإجتماع سألتو من فيراندا ووليداتا قال أمورم سالكة تمام في حديقة الملك (de klarer seg bra )
في إنتظاركم بكرة ونكمل باقي الونسة بكره إن شاء الله
| |
|
|
|
|
|
|
Re: رئيس الوزراء النرويجى ودرجه الاهتمام بالرعايا_ فيراندا وعيالها الت (Re: أسامة البلال)
|
Quote: سلام محمد زكريا
قابلت يانس الليلة وكالعادة كان متألقا ويشيع في المكان جو من المرح حتي وهو يتحدث في القضايا السياسية الشائكة
ياخي لو في كوبي ماشين ممكن تنسخ البشر كان عملنا 180 نسخة من رئيس وزرائنا يانس Jens Stoltenberg ووزعناهم علي كل دول العالم فقيرها وغنيها ومتأكد حيختفي الظلم والفقر والحروب من كوكب الأرض ويحل محلها العدل والرفاه والأمان
بعد إنتهينا من الإجتماع سألتو من فيراندا ووليداتا قال أمورم سالكة تمام في حديقة الملك (de klarer seg bra )
في إنتظاركم بكرة ونكمل باقي الونسة بكره إن شاء الله |
يا اسامه سلام, كنت غايب من المنبر شويه وما لاحظت مداخلتك يا اسامه يا صديق انت ح تقول لى منو ولا منو مافى زول بيصدق درجه تواضع وبساطه الناس ديل الا تكون بالقرب منهم مافى زول بيصدق انه رئيس البلد ممكن تلاقيه وتقعد تتكلم معاه بدون اى حواجز وكمان لا بيمشى معاه نجده ولا بيوقفوا ليهو حركه المرور و احيانا بتلقاهو سايق عجله. اما الوزراء فعااااااااادى تلاقيهم فى المواصلات راكبين جنبك وفى السوق واقف فى الصف بيشترى خضار بعديك رئيس ووزير شنو ياخ الاسره المالكه زاتها غايه فى التواضع ياخ انحنا بس المتطنقعين ومتفلهمين بدون اى داع وسبب
====== شكراً الامسيه الرائعه
| |
|
|
|
|
|
|
Re: رئيس الوزراء النرويجى ودرجه الاهتمام بالرعايا_ فيراندا وعيالها الت (Re: محمد زكريا)
|
سلام يا Hisham Ibrahim
Quote: دا قلم بكـ ... ومكسور من تحت وما فيهو غُتاء ..
ياخ الناس ديل بس فاقدين لا إله إلا الله ...
ديل بطهم كدا ،، رعاياهم كيف ؟
|
يا ابو الشباب قلنا ليك البطه دى زاتها رعاياهم زاتهم او كما قال ابن بطوطه حين زار النرويج فى رحلته الاسكندنافيه ما تستغربش .......لهم ملك عادل والكل رعاياه, بشر على بط على بطريق
===== تحياتى
| |
|
|
|
|
|
|
|