|
Re: أنانيا صفر في الثقافة السودانية (Re: Kostawi)
|
الي صديقي دكين
صديقي وانا استشهد كلماتك . انحنا لو بارينا الزول دا قد نصبح جزءا من شجرة ابنوس في دغل منسى.. او جزء من نبات استوائي .. بدل ما نقعد نتفاكر ونتثاقف حنقعد نتمثل ضوئيا .. هل ترِضي لنا ان نتمثل ضوئيا بعد العمر ده كلو؟؟ الزول دا لو تابعناه حينقلنا الي مرحلة ما قبل الانسان , سنتعلم الجلوس في دغل.. ونحدق سنحدق الي ما تذخر به الارض من عقاربها وحياتها وافاعيها ... ستحدق يا صديقي الي وحوش ضارية وهي تفترس طرائدها لا يمنعهم منك الا انهم يرونك مثلهم ..بطول العشرة والتحديق سنسكن كهفا او جحرا يا صديقي قبالة تلك الادغال سنجلس يا صديقي نحدق.. و سيجلب لنا ذلك لسع افاعي وقرص عقارب ان لم ينسج العنكبوت بيته حولنا ونحن باسطى اذرعتنا بالوصيد.. سندمن شم الادغال يا صديقي سنعود يا صديقي بدائين كما بدأت سيرتنا الاولي وراسمالي وقتها يا صديقي ضبانة تسي تسي سترهن يا صديقي عفتك وصاحبنا الي مرتزقة حركة متمردة احتموا بتلك الادغال يمارسون عليكم انسانيتهم واشواقهم والادغال لا ترحم ولا هم يرحمون يومها انا اكون قد تمثلت ضوئيا واصبحت ثاني اكسيد كربون تنفسته الشمس
| |
|
|
|
|
|
|
Re: أنانيا صفر في الثقافة السودانية (Re: محسن خالد)
|
Quote: أنا إلهامي، ولا مساومات معي. وبذا فاعتبروني مستقيلاً عن إقطاعيتكم وتعارفات ضيعتكم البرجوازية هذه، إني منتسبٌ إلى الدغل. عشيرتي الدغل.. ريحه تملأ أنفي وحفيف أشجاره ينوِّم أذني في فراديس مبتدعاته، فراديس أن أكون إلهامي |
لذا عشقناك فكن يا امير الحكم
خالص الود..
_____________ عســاك طيب..
| |
|
|
|
|
|
|
Re: أنانيا صفر في الثقافة السودانية (Re: محسن خالد)
|
تحياتي أخي محسن إسمح لي بإقتباس الكلمات للأغنية المصاحبة للبوست من موقعها LyricsAndSongs.COM
والتي تبدأ من المقطع الآخير :ـ
This song is dedicated to Yutandey Price the sister of Venus and Serena Williams who was slain during a gang shoot-out in Compton, Sunday September 14th 2003, Rest in peace!
Quote: lyrics of DREAMS by THE GAME from the album THE DOCUMENTARY (2005) at LyricsAndSongs.COM [Verse 1]
I woke up out dat coma, 2000 and 1 Bout the same time Dre dropped 2000 and 1 Three years later the album is done Aftermath presents: Nigga Witta Attitude Volume 1 Rap critics politicin Wanna know the outcome! Ready to die, Reasonable Doubt and D..... in one I feel like Pac, after the Snoop Dogg trial was done Dre behind the G-Series and All Eyez On Me I watched the death of a dynasty! So I told Vibe Magazine Workin' with Dr.Dre was a "DREAM!" I had visions of makin' a classic Then my wall turned black,like I was starin outa Stevie Wonders glasses It's kinda hard to imagine,like Kanye West Comin back from a fatal accident, to beat makin' and rappin' But, we da future Whitney Houston told me that, it's gon take mo' than a bullet in a heart to hold me back
[Hook] Blushin' in this 40 ounce Lettin the ink from my pen bleed Cuz Marthin Luther King had a "DREAM!" Aaliyah had a "DREAM!" Left Eye had a "DREAM!" So I reached out to Kanye and "brough you all my dreeam!"
[Sample playin "It's cuz I love you!"]
[Verse 2] I had dreams of f... an R'n'B bitch like Mya When I saw dat on a front of that King Read the article in a magazine She loved g......, loved n.... things So I'm the glass house havin' n.... dreams! Good girls neva' give it up But anything gets possible ,if 50 f.... Vivica Heard of life's obstacles,found my way through the maze Then joy turned to pain like, Frankie Beverly and Maze Used to dream about bein' Unsigned Hype Till I was crushed my Dave Mase, almost let my pen fall asleep on a page Daydreamin' yesterday Dozin' on offback stage I tought I saw Eazy talkin' to Jam Master Jay So I walked over heard Jam Master say It's a hardknock life, then you pass away They say sleep is the cousin' of death So my eyes wide open cuz a dream is kin to ya last breath
[Hook] Blushin' in this 40 ounce Lettin' the ink from my pen bleed Cuz Marthin Luther King had a "DREAM!" Aalyah had a "DREAM!" Left Eye had a "DREAM!" So I reached out to Kanye and "brought you all my dream!"
[Sample playin "It's cuz I love you!"]
[Verse 3] The Dream of Huey Newton, that's what I'm livin' through The Dream of Eric Wright, that's what I'm givin' you! Who walk through the Whithouse without a business suit? Compton had Jerry Curl drippin' on Ronald Reagens shoes Gave Mike Lim my demo came here to pay my dues Started of with Whoo Kid then I started blazin' Clue It was all a Dream like BIG said it be Don't sleep on me homie I bring nightmares to reality Rap Phenomenon defyin' the rulez of gravity Studied all the classic start revisin my strategy Cuz Marshall Mathers made it Curtis Jackson made it Head in the clouds wonderin where the hell Marvin Gaye went? How do I say this, I'm livin' for my son but I can't figure, why I'm at my temple with this gun Wake up to a Jesus Piece like a Cathlic Nun The War to be a rap legend has just begun
[Hook] Blushin' in this 40 ounce Lettin' the ink from my pen bleed Cuz Marthin Luther King had a "DREAM!" Aalyah had a "DREAM!" Left Eye had a "DREAM!" So I reached out to Kanye and "you are my dreeam!"
[Sample playin "It's cuz I love you!"]
[At the end GAME talking:]
This song is dedicated to Yutandey Price the sister of Venus and Serena Williams who was slain during a gang shoot-out in Compton, Sunday September 14th 2003, Rest in peace!
|
(عدل بواسطة Eng. Mohammed al sayed on 06-06-2007, 04:01 PM)
| |
|
|
|
|
|
|
Re: أنانيا صفر في الثقافة السودانية (Re: محسن خالد)
|
الصديق محسن.. حبابك
الكلام التالي.. هو بعض من مناقشات مع اخونا محمد عثمان..و كان مفترض أن ينزل في بوست الأمثال السرية..و بوست دكتور بشرى الفاضل (هذا لا يجب السكوت عليه)..بالتوافق الآني..و لكن..! نسبة لظروفي .. لم تأتي مشاركتي ابكر.. لأني كنت انتظر أن تخلص من موضوعك..و تكتب لينا.. The End حتى بعد داك نتكلم معاك..من باب القراءة الفاعلة..و التي نظن نشدناك لها كغاية.. و تاني نسبة لظروفي.. بحثت عن البوست و لم اجده..ووجدت هذا البوست..و عليه سأقدم كلامي هنا..و في بوست بشرى.. و حتى الآن .. اعتبر بوست الأمثال السرية .. قيد الإنجاز..ووصيتي ليك (و هي ايضا وصية اخونا محمد عثمان).. الإستمرار فيه..و كتابة خلاصاتك.. التي تود أن تصل اليها.. و سأعود للمتابعة..
كبر
| |
|
|
|
|
|
|
Re: أنانيا صفر في الثقافة السودانية (Re: اساسي)
|
يبدو اني تاخرت بلحظات اخ كبر ولكني استسمحك ان تنقل المداخلات الخاصة بالامثال الي بوست الامثال هذا الخيط اعتقد ان فيه موضوع منفصل نوعا عن فكرة الامثال وان كان مرتبط بالاحداث الماضية هذا البوست مبشر بنقاش عميق في نواحي اخرى ولكن الخيار لك استاذنا كبر تحياتي
| |
|
|
|
|
|
|
Re: أنانيا صفر في الثقافة السودانية (Re: محسن خالد)
|
اساسي كتب:
Quote: هذا البوست مبشر بنقاش عميق في نواحي اخرى |
حبابك يا صديق.. كتر خيرك على التنبيه.. لكن المحنة هي محنة حال..و ليست محنة واقعة بعينها.. بالنسبةلي قراءة محسن خالد..و ابكر ادم..و عثمان البشرى..و المساجلات الأخيرة.. هي اشياء الإنفصال فيها (تفصيل كل على حدة)..يدخل في خانة بتر الأشياء..و هو الذي يؤدي الى القراءة المعوجة.. يعني محسن خالد ده.. لمن يكتب عن الأمثال السرية.. احداثيات الإنسان..الوجود و الوجود الآخر..و حذية الجيش..انا و انت و غيرنا.. سيفهم ذلك..خصوصا الضاقوا مننا درك الدفاع الشعبي و الخدمة الإلزامية.. و محنة الحال.. هي محنة الحال يا صديق..و ما اقساها..
كتر خيرك..
كبر
| |
|
|
|
|
|
|
Re: أنانيا صفر في الثقافة السودانية (Re: Kabar)
|
((أنا إلهامي، ولا مساومات معي. وبذا فاعتبروني مستقيلاً عن إقطاعيتكم وتعارفات ضيعتكم البرجوازية هذه، إني منتسبٌ إلى الدغل. عشيرتي الدغل.. ريحه تملأ أنفي وحفيف أشجاره ينوِّم أذني في فراديس مبتدعاته، فراديس أن أكون إلهامي: الليل جاك ومن دُهَم الحَجَر لا تزاول يا أب دوماً علي وترك مسيرو جداول تلت الليل علي الببره ما بتقاول بوطّيك حيّة الشق والأنيس العاول))
-----------------------------------
الأديب محسن لك التحية الحذاء بالحذاء في بداية الرهان والجائزة عند الميس للفائز. الاقتباس اعلاه حمال أوجه .. يتفسر بالعزلة وهي حال الأنبياء كما كان قبلها الغياب.. لكنه لا يكنمل تماما ففي الجدار ثلمة تمكن " هيتس" بطل "باربوس" من اختبار علائق الأشياء..او ستتسع الهوة الفاصلة فوق الجدار..ومن ثم تبتدئ المجاورة بتبادل الملح و"خمار" العجين واللت وضروب التواصل.. من دومة الإستياء ستلقي بالبيض من عل قبل ان يفرخ شاهينه ريشة للسباحة في عماء يتعرف على الزهو والإنتصار. الغرور هو مجافات المنطق وإخضاعه للفراغ الذي يروض قشة في مهب الأعاصير مع نسر جارح وحسبان كل منهما بمدى منزلة الإرتفاع.
| |
|
|
|
|
|
|
Re: أنانيا صفر في الثقافة السودانية (Re: عبد المنعم ابراهيم الحاج)
|
مشكور كوستاوي ما لقيت لي فرقة كدا أتكلم في ترجمتك أم ملوحة وشطة كاربة للأمثال
ويا مجاهد أريتك بخير، ومتوحشنك بزّاف كن كما نرجوه لك يا جميل وفنّان
أها يا السماني الدغل دا عندنا فيهو رأي كبير وعريض، لأنو المدنية بقت ترشح الأذكياء بصبّابتو، وما تخلي غير الغباء التتوطى فيهو الكراع للركبة متل القنا، كدي أرجاني لامن يجي الكتاب التام من "جحيم الإكسسوار"، يمكن تلقى ليك شوفة أسمح
يا كبّر، والله متوحشينك يا الزوين لعلك بأمان وكما نرجوه لك وأكثر (الثقافتارية كما أُقفّيها مع العسكرتارية، هي الهلام الما عندو حيل ولا قدرة للمقاومة في آخر الزمان. جانا من هناااك، من عالم مسوِّس جوهرو، وحيلتو بس في انتقاء الفساتين. المشكلة في أنَّها لا تمتلك رؤية بالأساس، لقد أحسنا بها الظن وكنّا مسرفين ليرحمنا الله). متمتّع غاية المتع بكلمك، والله مشتهي كتابتك لي أزمان مِعِدّة يا عملات عادل البدوي ويا حليلو هو ومحمّد جنى السر كن بخير
يا منعم يا جميل، أريتك بألف خير خُرم البطل الباربوسي القائم بينو وبين حركة الحياة دا ياهو الشالع ولا بُدَّ النفّاج وألا الصريف البينو وبين الثورة العين في العين أبداً ما تخاف عليهو يندمج في الأحداث وألا تجرفو ويروح فيها. سينتقدها على الدوام وسحتفظ بوعي وحدته غير ممسوس ولا مُسْتَعْمَر
| |
|
|
|
|
|
|
Re: أنانيا صفر في الثقافة السودانية (Re: محسن خالد)
|
Eng. Mohammed al sayed يا زول سلام، يمين طششتك بأم العشى الفي عيوني والعجلة السماح يا غالي، والله طالبين السماح يا قول علي إبراهيم أها رأيك شنو في الغنية دي مع الكلام الفوق دا؟ عجبتني جداً إضافتك لأنو في ناس بتكون مطفره من الروابط بين الكتابة والشغل دا زمان صاحبي طارق أبو عبيدة لمّا نزلت أغنية يوسو ندور مع بورتريه الغياب "سمّعني" في أضاني دي، إني شنو؟ "دي جي" خطير، شفت كيف؟ أنا الأشتر زول دا، ولما الشابات صاحباتي وأصحابي يجوا يغنوا، يقولوا: هووي الغناء ساهل، لكن خشم الاسمو محسن دا نسدو بشنو!؟ ويبدوا الجماعة يحمّروا لي، يعني اطرب انبسط اتخمج ارقص زي ما عايز، بس أوووعك تخفف دمك وتقول تساعدنا ككورس وألا تشيل معانا، ما حُكُم؟ عِلّ في ظمتي أنا أشتر وتب مع إني شدييد في إني أعرف الغناء السمح من الكعب وذواقة تمام، أسأل الموصلي ناس الراب ديل أنا بفتكر إنو أزوالد شبنغلر لما كان بتكلّم عن هلاك الحضارة الغربية في كتابه الشهير "تدهور الغرب" كان شايف الشبّان البارود ديل بنقزوا ويضاربوا بالمسدسات قدامه بس باللون الأبيض داير لي فرقة أتكلم فيها عن توباك شاكور، الزول دا بلخص اختناق الحضارة الغربية كلها إلا بالأسود، ودا شارع تاني لم يخطر على بال أزوالد شبنغلر، معروف طبعا لعبة شبنغلر دا في إنو يقسم الحضارات الإنسانية لتركيبات حضارية بواقع العقلية المسيطرة للحضارة، عكس التقسيم للتاريخ بالقديم والوسيط وعووووع. هو نفسه اشتغل الفِغَر العام لقرايتو بنفس السيركل دا بس في العموم، وكمنهج، لكن من خلال تقسيمات عقلية حضارية مثل حضارة فاوست أو حضارة أبولو و.. إلخ ويبدأ كتابه العجيب هكذا: (يضم هذا الكتاب، لأوَّل مرة، محاولة لتقرير ما سيحدث في تاريخ المستقبل. محاولة لمتابعة مراحل لم تحدث بعد من مصير حضارة.."سقوط الحضارة، صفحة رقم: 126) فتأمَّل! يا صديق سلامن ومشكور
| |
|
|
|
|
|
|
Re: أنانيا صفر في الثقافة السودانية (Re: منى أحمد)
|
Quote: أنا إلهامي، ولا مساومات معي. وبذا فاعتبروني مستقيلاً عن إقطاعيتكم وتعارفات ضيعتكم البرجوازية هذه، إني منتسبٌ إلى الدغل. عشيرتي الدغل.. ريحه تملأ أنفي وحفيف أشجاره ينوِّم أذني في فراديس مبتدعاته، فراديس أن أكون إلهامي |
محسن كيفنك
كدي شوف العبقري القديم ده صور المقتبس الفوق ده بي ياتو صورة:
ناس قدر الله قاعدين في البيوت ما بخترو من كبي وكشف حال الحـريم ما بفترو اخير اختر براي اسد الرضيمة بنترو وصاحبي ان زل ما بفشاهو ديمه بسترو
الم يعتمد الهامه وخرج عن اقطاعيات غيره وانتسب إلى الدغل وعشيرته؟
| |
|
|
|
|
|
|
Re: أنانيا صفر في الثقافة السودانية (Re: Ahmed Yousif Abu Harira)
|
محسن الزول لو بارا دربك دا بصاب بالكجل يازول على الطلاق راسى سخن سوف اقراء كلامك دا تانى كان اقدر اطلع بحاجة اوعدك انا مقيل هنا,,لكن من غير مشاركة تهدر الباندوث قالمتابعة تفيد المتلقى,,,
لكن بسالك سوال فى التفسير يوشع ابن نون مشى وين لما سيدنا موسى قابل الخضر لان الايات تناولت اسلوب التثنية ولا ليس الجمع ودى لك
| |
|
|
|
|
|
|
Re: أنانيا صفر في الثقافة السودانية (Re: محسن خالد)
|
Quote: أنانيا صفر في الثقافة السودانية |
العنوان عنوان مانيفستو حركة التمرد الاولى فى/ضد الثقافة السودانية. ضد السائد والمحافظ والمستقر والمعروف وضد الحكمة الماسخة وضد روح وعقل القطيع. هذا المانيفستو مع السؤال. ومع القلق. ومع الشك. ومع الفردانية. مع المفرد/الواحد/المنبت عن قرون التبعية والتابعية وتقاليد "الحذية" التى تريد مسخ الناس الى كتلة صماء لا مجال فيها للاختلاف او التميز. هذا بيان للناس من زعيم حركة التمرد صفر.. سلاحه قلمه. راجماته كلماته.. وهو مستعد للاستشهاد دفاعآ عن اطروحاته. وتنفيذآ لبرنامجه.. تحقيقآ للهدف النهائى: الخلاص الخلاص
| |
|
|
|
|
|
|
Re: أنانيا صفر في الثقافة السودانية (Re: محسن خالد)
|
سلام يا صاحب
لم اقرا الانانيا التى حدتثنى عنها... في حالة ابتعاد عن كل "المشهد" لتامله من مسافة "صحية" وكافية تسمح برؤية افضل ،هناك خطا او اخطاء جوهرية في ما جرى و يجرى لا تساعد على وضع الحوار المازوم جانبا و دفع حوار الحياة المنتج ليصبح رئيسي ...
امسكت بعدد من "اخطائي" وتهمنى في المقام الاول ... لان اللغو ـ عادة - عن الاخرين اسهل و ارخص...
قد اعود مرة للكتابة هنا ... اقول "قد" لان احد اسئلتى لروحى هى عن جدوى الكتابة هنا... وهنا اعنى بها الاسافير بشكلها القائم الان ....
احد اسئلة كثيرة ....
سلام
| |
|
|
|
|
|
|
Re: أنانيا صفر في الثقافة السودانية (Re: ahmed haneen)
|
عارف يا سيد محسن .. انت زول ( عواليق ) .. قدر ما الله يديهو من ناصية الكلام واتساع الافق .. بتكون عنده حتة كدا اصلو ما داير يزح منها .. ذي نكتة ( الجمل سفينة الصحراء ) .. انا أعلم يقينا انك تمتلك من الموهبة طرق .. تأهلك انك توصل الحاجة الدايرها بكل متعة .. سياسة ( الصدمة ) ما بتنفع مع ( الثقافة السودانية ) .. انت بتتخاطب مع ( ثقافة ساكنة ) بمنطق ولسان ( ثقافة متحركة ) .. عارف ( البدو ) لمن يرحلوا المدينة .. بتمترسوا حول ( العادات والتقاليد ) ليه .. ليس تمسكا بها .. ولكن خوفهم من ( ثقافة المدينة المتحركة ) .. الكاتب او المفكر او كما شاء لك الله ان تسمى نفسك .. حكمته تكون في كيفية تعامله مع ( ناسه ) .. كونك تسيطر عليك فكرة انك تكون ( شاذ ) وانا يا جماعة ( انا كدا ) .. الحركات دي ممكن تنفع مع ( الجكس ) .. ( تعمل شعرك بوب والبنطلون يكون ناصل وكدارة وحزام ملون ) ..!! بس صدقني في النهاية حتشيل ( حاجاتك ) وتمضي في سبيلك .. وتقول في نفسك ( ديل ناس وهم ورجعيين .. الجهل مصيبة ) .. وتكون اتحولت من ( عواليق ) ذينا كدا .. الي زول ( فاكيها ) في روحه ..
| |
|
|
|
|
|
|
Re: أنانيا صفر في الثقافة السودانية (Re: humida)
|
تعرف يا حميضة يا صديقي انا زمان كنت زيك كدا فرحان بالمولد ودايما بجي طاير وفاكي الزراير كان في ناس كتار متكيفين مني وناس اكتر منهم شامين حناني زاتو , طبعا بحكم انه ماسكاني ام فريحانة كنت بتخيل انه كلامي البكتبه ضربات موجعة وانها بحجم كتابات الناس البقيف ليهم في حلقهم . ومواصل في ام فريحانتي عايدي اتلح دا وامحط دا واتفلسف في دا واخر اليوم امشي من المنبر دا بي ام فريحانتي ومتخيل اني وقفت المنبر دا علي كراع واحدة زي صاحبنا حسن موسى ما عامل مع المثقفاتية بس بي طريقتي . قبل فترة كدا بديت اقرا مرات في الارشيف تعرف لقيت العجب العجاب اول حاجة لقيتها واكتشفتها اني ما كنت قاعد اقرأ للناس هم بيكتبوا شنو يعني بجي البوست وانا داخل بي فكرة معشعشة في صنقوري عن الزول الكاتب البوست من خلال بوستات تانية غالبا ما عندها علاقة بالبوست الجيت داخل فيهو بطريقة طاير وفاكي الزراير اكتشفت انه الكلام المكتوب في البوستات البهاجمها قد اكون متفق معاهو كله لو ما قلت جزء كبير منه . المشكلة الاكبر من كدا لما اقرا كلامي في البوستات القديمة الكنت بشارك فيها بطريقة الفرح الكبير بالمولد العظيم بلقي نفسي غالبا ما كنت كاتب كلام فاضي و ( مال امه داعي) وغالبا ما كان عنده علاقة بالبوست المكتوب يعني ببساطة حاجة تخجل ما اكتر ولا اقل اها المشكلة الاكبر انه في ناس كانوا بيجوا طايرين معاي بنفس طريقتي ويشبكوني ليك دعم لحدي ما اصدق والان انا محتار فيهم هل كانوا بضحكوا علي ولا بضحكوا معاي ولا عندهم اجندة بيخدموها من خلالي انا الطاير وفاكي الزراير . نهايتو .. محسن خالد دا زول سفيه ما فيها كلام زول عواليق ما فيها قول بس بعدين لما يجي ويكيبيديا ولا امازون ولا غيرهم يتكلموا عن الادب السوداني ممكن يكتبوا ومن اكثر ادباء السودان شهرة وابداعا محسن خالد والطيب صالح يعني ببساطة ممكن يقدموا عليهو الزول دا لاسع اضاف للمكتبة السودانية العالمية خمسطاشر كتاب وكلام فاضي في المنتديات الطيب صالح ممكن عادي يتكلم في صالون او منتدي ادبي صغير زي كلام بت مجذوب طبعا ما حتقدر تقول لي ما بيعرف لكن لما يجوا يتكلموا عن الطيب صالح بيقولوا ليك اول حاجة (الفرمالة) حقت موسم الهجرة وبعد داك عرس الزين والمريود وما تعرف مقالات في المجلة . اها بعد عشرة سنوات كدا لو ما محسن خالد اتلحس لانه مرشح نفسه انه يغادر قبل الاربعين وانا مصدق النظرية دي اها لو دا حصل بعد عشر سنوات حيجو ناس المربد الثقافي يختوا في صفحة واحدة مع طيب الذكر الطيب صالح وواسيني الاعرج وغارسيا واحتمال الوقت داك يقدموه عليهم بحكم انه لسع راجل منتج وما معروف بكرة يعمل شنو في المكتبة العالمية . اها في الوقت داك انا وانت بنكون خاتين كراسينا قدام البيت وبنتونس تقول لي شفت بالله زولك محسن خالد الزمان بتاع النت داك اخد جائزة الريشة الذهبية عن كتابة فلمه العالمي (بت مجذوب حقت المغرب) في مهرجان كان السنمائي نشرب قهوتنا ونتذكر دكين وتمبس في شبابه ومعتصم ابو الدفاع وكبكبته ونفكها ضحكة وانت بتقول لي والله بقي محمول واتملا شفع بعدها بتركب الروزا الطلعت بيها من الاغتراب وتقول لي انا ماشي القط رزق العيال وتركب حافلتك لا يحترمك سوى الكمساري وعمر الفاروق الحلفت عليهو ما يدفع . وقتها انا بكون دخلت الكراسي جوة البيت بعد زيارتك ورسلوني ( عادي) اجيب فول العشاء وانا شايل هم حق فطور الشفع الماشين المدرسة اجيبه من وين .
| |
|
|
|
|
|
|
Re: أنانيا صفر في الثقافة السودانية (Re: اساسي)
|
يا اساسي .. لعلمك انا امبارح القريبة دي مشيت اشتريت تي شيرت ( لاكوست ) .. بمبلغ وقدره 266 ريال سعودي .. ودا كلو عشان احاول اغير من ( الواقع ) البتحكي فيهو دا .. لكن كما يبدو لي انه حنضيفو لصف ( الونسة ) .. ولمن اجي قايم ( ألقط رزقي ) حتقول لي ( فنيلتك دي لحدي هسع ما اتقطعت ) .. طبعا لحدي الزمن داك بتكون اتحولت من ( تي شيرت ) لـ( فنيلة ) .. بنفس السياق صاحبنا ( اعلاه ) .. ونحن قاعدين ( برضو ) احتمال يجي طاير داير ليهو ( سفة ) .. وشايل ليهو ورق ( فلسكاب ) ..!! ( يا زول انت لسع ما طلعت من الأمعاء الغليظة دي ) ..
قال سعفة قال .. زولنا الا يدوهو جائزة ( الكرسي الافرنجي ) ..!!
| |
|
|
|
|
|
|
Re: أنانيا صفر في الثقافة السودانية (Re: humida)
|
Quote: يتفسر بالعزلة وهي حال الأنبياء كما كان قبلها الغياب.. لكنه لا يكنمل تماما ففي الجدار ثلمة تمكن " هيتس" بطل "باربوس" من اختبار علائق الأشياء..او ستتسع الهوة الفاصلة فوق الجدار..ومن ثم تبتدئ المجاورة بتبادل الملح و"خمار" العجين واللت وضروب التواصل.. من دومة الإستياء ستلقي بالبيض من عل قبل ان يفرخ شاهينه ريشة للسباحة في عماء يتعرف على الزهو والإنتصار. الغرور هو مجافات المنطق وإخضاعه للفراغ الذي يروض قشة في مهب الأعاصير مع نسر جارح وحسبان كل منهما بمدى منزلة الإرتفاع. |
يا ضفدع ابن ضفدعين نصفك في الماء ونصفك في الطين نقي نقتين لكل سجاح أتباع من الجعارين ولكل ساقطة في الحي لاقطة ___________
Quote: أنانيا صفر في الثقافة السودانية |
شنو المنطق البيخلي د. حسن موسى صاحب مخيلة لا يعتذر عنها وفي الوكت ذاتو أمي جاهل زي حضراتكم كده !!
| |
|
|
|
|
|
|
Re: أنانيا صفر في الثقافة السودانية (Re: محسن خالد)
|
Quote: والحِذْية مصطلح عسكري، يعني عدم خروج أي جندي، من جيشنا هذا، عن محاذاته لباقي الجند. أوّل شيء عليه أن يحاذي "ذهنياً". وذلك بموافقته على المفاهيم العسكرية دون اختبارٍ لها. والتي تتشّعب كلها وترتبط بمفهوم الحذية الملموس هذا نفسه. وبإقراره على أنّه يُكافئ ويُطابق "الآخر" جاره. الذي ربما يكون غبياً، أو مُنْبَت الموهبة، أو به أي نوع آخر من العِلَل القدراتية. ثم يحاذي الآخر "بدنياً" وذلك بصلب الجسد كي لا يُنْتِئ عيناً أو ضلعاً من أمامٍ أو وراء خارجه؛ يجفِّف بدنه لدى أي تعريجة أو التفافة منه. أي يرمي نفسه في قالب جاره، وجاره ينضرب طوبةً تطابقه. وهذا بإيجاز تعريف (العقل والجسد) عند العسكر. وباستدخال مفاهيم النُّفرة القطيعية والروح المعنوية الواحدة على هذا التعريف، يتّسع ليكون (العقل والجسد والروح). ومع صدى جلالات المارش الواحدة يتم التلاشي المحكم، وتنبهم تلك الجماعة بتمامها في بهيمة متوحّدة وعمياء. واحدة الفكرة الحذية، واحدة الروح المستلبة، واحدة اللغة الجلالة، واحدة الحركة الصفا انتباه |
يا محسن يا خالد
اولا: هذا اجمل ما قرأت من وصف مكتوب للعسكر و العسكرية حتى فى محنة اقتباسهاواخراجها من السياق العام للنص تبدو كافية و شاملة.
احمد لله اننى لم انتمى لآى من مؤسساتها فى حياتى بدافع كره طفولى ومعرفة لاحقة
سوف اعود لبيان التمرد رقم صفر
ودما لاتساوم
| |
|
|
|
|
|
|
Re: أنانيا صفر في الثقافة السودانية (Re: haider osman)
|
Quote: فما الذي يجعل رجلاً مثل نيوتن يصحو باكراً وبدلاً عن شراب قهوته يقول بدون مناسبة "لكل فعل رد فعل مساوٍ له في المقدار ومضاد له في الاتجاه"؟ يُلقيها إلقاءً كما يفعل أبو تمّام بكلماته. و ليس كما يعافر الباحث أو الأكاديمي بأدواتهما. فهما يترصدان ويدققان ويلاححان ليتم لهما إما الاستنباط أو الاستقراء بأحسن الجوائز. أمّا الخلق فشرارة في الدماغ. تطير بصاحبها وبالبشرية جمعاء إلى الأمام كما حدث مع جابر بن حيّان ونيوتن ولويز باسكال وإنشتاين . وهي أُعطية. مِمَّن؟ |
قيل لرجل: أتقوم الليل يا أبا أمامة؟ قال: نعم. قالوا: وما تصنع ؟ قال: أبول ثم أرجع لأنام
| |
|
|
|
|
|
|
Re: أنانيا صفر في الثقافة السودانية (Re: Mohamed E. Seliaman)
|
Quote: فما الذي يجعل رجلاً مثل نيوتن يصحو باكراً وبدلاً عن شراب قهوته يقول بدون مناسبة "لكل فعل رد فعل مساوٍ له في المقدار ومضاد له في الاتجاه"؟ يُلقيها إلقاءً كما يفعل أبو تمّام بكلماته. و ليس كما يعافر الباحث أو الأكاديمي بأدواتهما. فهما يترصدان ويدققان ويلاححان ليتم لهما إما الاستنباط أو الاستقراء بأحسن الجوائز. أمّا الخلق فشرارة في الدماغ. تطير بصاحبها وبالبشرية جمعاء إلى الأمام كما حدث مع جابر بن حيّان ونيوتن ولويز باسكال وإنشتاين . وهي أُعطية. مِمَّن؟ |
لعلك تعرف يا محسن أن المقومات (النوعية) و(الكمية) لهذه المقايسة أصلا مفقودة !! هذا بغض الطرف عن التسلسل الزمني للأحداث التي بدأت بهجاء الروائي الحسن البكري وانتهت بهذا الخيط الأخرق!! لكنك بكا تأكيد تعرف أنك لن تعدم قطعان الحمر من المكادي إلى الريفي مرورا بالزبرا التي ينبغي لهذه المقايسة الحمقاء أن تجوز عليها!! هذا فقط ما اقتضى ذكر حال أبي أمامة مع قيام الليل!! وكما كتبت :
Quote: فالجاهل متسلطٌ بطبعه، ومستبدٌ بقصوره، وليس بوسعك العيش معه بميزاتك كلّها في كومونة واحدة. |
وسأعود لك بإذن الله بالروابط والتوثيق جاهدا أن أحترم التسلسل الزمني للواقعات !!
| |
|
|
|
|
|
|
Re: أنانيا صفر في الثقافة السودانية (Re: humida)
|
الذين يحاولون تصنيف بذاءات وكتاباته المنفلتة ضمن (العلمي والمعرفي والبحثي والإبداعي ....إلخ) ثم يغلفونها بمسوغات مشابهة من قبيل الحداثة والجسارة وما إلي ذلك (من أكاضيب) لتسويقها على الجميع , ببساطة هم أغبياء !! ويفترضون غباء الآخرين بدأت الوقائع كما يلي ( Macroنوردهامن الذاكرة : (1) في بوست أنزله السيد بكري تداخل محسن مستشهدا بالمثل:
Quote: "العاجباه.....يبلع اللالوب" |
يعني محسن استخدم المثل وطبقه تطبيقا استشهاديا في رده وخطابه !! بل دافع عن استخدامه للمثل !!! وقد خاطب محسن محاوريه بمثل هذه البذاءات كثيرا يراجع مثلا بوست ألم نشرح لك صدرك (لحميدة) (2) دارت الأيام وجاء إلى السطح هجاء الروائي الحسن البكري وبه الكثير من الشواهد على أن محسن يقصد البذاءة لذاتها وانتهى البوست بنكسة لمحسن جعلته يفضل ترك البوست يغطس!! وجرت بعض محاولات لإرهاب د. بشرى (3) على خلفية ذلك البوست وما وقع فيه انتقل محسن إلى منبر الحوار الديموقراطي بعد قبوله لشرط نجاة الموضح في قولها:
Quote: حينما سألني محسن خالد إذا ما كان بإمكانه أن ينشر بحرية تامة في سودان فور أول، كلمته أننا لا نقبل بإطلاق عبارات من شاكلة "العاجباه.....يبلع اللالوب" في مخاطبة شركاء الحوار، وأن أي عبارة أو لفظة بذيئة لن تجد مكاناً لها في هذا المنبر. |
(4) القارئ الكريم لاحظ أن كلام نجاة أعلاه قد كتب قبل باقة الأمثال السرية بوقت ليس قصيرا !! وأن ذلك يشهد على زعمنا بأن محسن يتعمد الإساءة والبذاءة حتى سارت ركبان الأسافير بأمثاله السفيهة!! (4) وقعت صراعات منبر الحوار الديموقراطي على خلفية الجكس والبيرة و(مفاكرة محمد حسبو ) وحوار أميرة أحمد حول الإساءات الجندرية في ردود محسن ....إلخ إلخ وقد أكثرت نجاة من الاستشهاد بمثل اللالوب ده!! (5) محسن قام جاب الباغة بتاعتو دي بغباء لا يحسد عليه ومن ضمنها مثل اللالوب ده (بغباء لا يحسد عليه) (6) فصلوه من هناك (7) جاء راجع هنا ( رجعت لي قديمة ) ونجر ليه مقدمة من عيار الخارم بارم مخادعا بها قطيع الحمر (8) المفاجأة الصادمة أن د. بشرى قال رأيه بكل وضوح وشجاعة ( وهو ما كان يتحاشاه محسن دائما) (9) ردة الفعل لم تكن مرضية لغرور محسن قام نجر البوست : أنانيا صفر في الثقافة السودانية وهاجم فيه د. بشرى مقنعا في الأكاديميا __________ هذا ما حصل باختصار شديد
السؤال : ده كلو علاقتو شنو بالثقافة السودانية هذه الرة
| |
|
|
|
|
|
|
Re: أنانيا صفر في الثقافة السودانية (Re: Mohamed E. Seliaman)
|
Quote: (9) (8) المفاجأة الصادمة أن د. بشرى قال رأيه بكل وضوح وشجاعة ( وهو ما كان يتحاشاه محسن دائما) (9) ردة الفعل لم تكن مرضية لغرور محسن قام نجر البوست : أنانيا صفر في الثقافة السودانية |
لا يا أبو حميد "أنانيا صفر في الثقافة السودانية" ما اتنجرت بعد ما د. بشرى قال رأيه بل أعلن عنها الأستاذ محسن قبل كدا بفترة. إذاً في خلل في التسلسل بتاعك.
باغات مودتي
| |
|
|
|
|
|
|
Re: أنانيا صفر في الثقافة السودانية (Re: محسن خالد)
|
محسن خالد سلام أيوة بوست الأمثال ما عجبني لأنه ما فيه أي إضافة من قِبل الكاتب يعني أي كاتب منبري من العوام (زي حالاتنا كدا) يقدر يكتبه زيه البوست غابت عنه الرؤية النقدية المتكاملة يخيل لي السبب إنك كتبته أثناء تعرضك لعملية (شد الأطراف) في كلام قالوا ليك هنا زول (يخيل لي أساسي) إنو "إيقاع الكتابة في المنبر يختلف عن الكتابة العادية" أنا متفق مع الكلام دا عشان كدا إنت وحسبو لما تكتبو بعيد عن (شد الأطراف) بتكون كتابتكم مجيهة
بخصوص "الوجود والوجود الآخر" بجيك
يضحك نهارك
| |
|
|
|
|
|
|
Re: أنانيا صفر في الثقافة السودانية (Re: محسن خالد)
|
أحمد حنين مشكور يا فنّان ووينك؟ مشتاقين نسمع صوتك، إنت والأسرة أريتكم طيبين وكن أبداً بخير يا صديقي في الغار
حميدة إزيك يا زول تتخيّل لامن أشوف غيبتك طوَّلت كدا بقول "العواليق" دا هسع بكون الحصل عليهو شنو؟ مالو ما جاء أدانا نبزة نبزتين في الدنيا الزائلة دي! الحتّة الدايرك تنتبه ليها بعدين بالمساء ومع كباية جبنة تقيلة، هي إنو الكتابة العجبتك لأنها بتقول أفكارها بطريقة منزوعة الصدمة دي ذاتها، بتقول إنو "الأخلاقية" في جنس أمورنا دي هي شنو؟ (تكنيك) لترقية العمل نفسه، يصادق عليه الفنان لا غيره، مش (تكتيك) لمحاحاة الخارج. فكّر فيها مع الجبنة دي! أها لمّا (التكنيك) بتاعنا دا يقول نديكم من جُوَّه خط ستة فدا ضرورة معرفية وفنية ما فيها مساومة، وبتكون دي أخلاقية القطعة الفنية، مش محسن خالد. وكونو (التكتيك) بتاعكم إنتو في التدرِّق يتحول للوعظ كدا كسبنا مجرّد نتحاور. لأنو الإنت مفتكرو ثابت في الثقافة دا حقو تراجعو في الكتب الأساميها زي كدا: الثابت والمتحوِّل في الثقافة. يا حمّيدة "الثابت" هو في الحقيقة محارب للمتحرك وما قاعد يتلفت في ثباته ساي، ولن يقبل التحاور إلا إذا اختَلَّت في تقديراته موازين كسب المعركة، علينا إذن أن تكون لنا "لامة" النبي الجاهز لأقسى الاحتمالات. الانتساب للدغل وسمناه بالأنانيا كي لا يعتبر انسحاباً بقدر ما هو استعدادٌ كما يجب للمعركة. معركة المفكّر والملهم تتمثّل بالأساس في الإنتاج ثم الصمود على هذا الخط. دائماً أخوك "العواليق" دا يا حميدة بقول: (المنتحر وحده هو المنسحب). والمنتحر هنا ليس القاتل لنفسه إلا بقَدَر. أقصد بها هنا تحديداً التارك لنبوءته، أي المستقيل عن الضيعة البرجوازية وفي نَفْس الوقت غير منتسب للدغل. (هسّع أيام هجمة الطيب مصطفى ديك، الإنت كنت ليفتننت محترم فيها، ألم يخطر ببالك مطلقاً بأنّ تلك الهجمة كلّها لو وُجّهت لك ماذا سيكون شعورك كبشري عادي!؟ مش كان جريت لطبيب نفسي، وألا انتحرت فنياً وبالطريقة الفوق دي؟. أها إنت دايرني أخلي الجاهزية حقتي دي عشان تجننوني بغبائكم وقلّة بصارتكم في المعرفة والقدرة على الفهم، والله ياهو!) يضحك نهارك يا بوي، أنا قلت إنّي "مفكّر ليكم" ياخ. إلا كان إنت براك قايلني "مسكين ليكم" وألا كيف؟ ---- اللامة هي عدّة الحرب من سلاح وما إليه. ومعروف الحديث الطويل عن إحدى الوقائع الحربية الذي يقول فيه النبي: (ما ينبغي لنبي إذا أخذ لامة الحرب أن يرجع حتى يقاتل).
السماني يا أساسي، عليك الله وقّع نظرية "الطائر وفاكِّي الزراير" دي كويس لحميدة "القنيط" دا. عجبتني خالص لأني ممحون من زمان في نوعيتو دي اسمها شنو. وأخوك ود خالد بدربو الماسكو دا يسمو في أيتها جائزة. الجائزة يا أساسي عندها دروب برااها وبرستيج سلوكي دقيق. أول لافتة مرورية من الدرب دا الترفّع عن مخاطبة أنواع هذا الحميدة. لأنو داير يقول "أنا هنا" كما تفضلت بنفسك. والتعنقل في مكان وردي خالص وهاي هاي، وأنا زول عامي ساكت وراعي، لا متفلهم ولا شايف روحي. بالكتير كم سنة وألا شهر وبزهج من بلد الخواجات دي كلها وبلحق جمالي في ود أب قنجة، وبشيل معاي كراسات أملأها كتابة لروحي براها. تلقى الدنيا حر والعريب منحشرين في بيت حناي قصيّيير ويكبوا في جبنتن ويدوبوا، حَرَّم دي الجنّة الما بعدها جنّة.
| |
|
|
|
|
|
|
Re: أنانيا صفر في الثقافة السودانية (Re: محسن خالد)
|
عبد المنعم إبراهيم كيفك يا فنّان؟ وزول بهي وضو أسمع.. المييع عِتّان دا إنت عملت ليهو رأس وضنب الشيء دا ببدأ من الجهتين بضنب فياخي شوف كتابتك وأشغالك وما تشتغل بالفطايس البتتوسل الروح من حُجار المقابر دي
هشام المجمَّر يا زين إزيك والنونات الحلوين ومديرة المنزل؟ أريتكم بخير وهانين أها منتظرك تعال وواصل النضم المقعّد
حيدر عُثمان كن بخير يا جميل ومتحوشنك بزّاف أجمل سؤال يا حيدر وجّهتو ليهو الشابّة الفوق دي الاسمها منى أبو زيد: هل إنت قاصد ود خالد دا في "العمل العام"؟ كيف يعني "قصد" و"عمل عام"! والبجمع العبارتين "حلومر" ديل معاً شنو؟ الراجل يشيل ويصفي في حساباته مع زملاء دراسة وفنانين من كارات تانية وناس انتقدوه في حاجة وألا أي زول يقول رأيه في المنبر يطخو كاركاتير ووو إلخ وبرضك مُصِرّ إنو دا عمل عام!؟ العمل العام ينجز بالمثاقفة والأخذ والرد لتستبين الأفكار وألا بالكاركاتير الببغاء؟ دا سؤال جوهري يا مصطفى مدِّثر أرجو أن تسأله لشيخ حسن الفكّت كورتو دا على لساني ونيابة عني، حاري فيك شجاعة وحرية مثقف حقيقي. ويضحك نهارك يا جميل معليش يا حيدر علي التخريمات
| |
|
|
|
|
|
|
Re: أنانيا صفر في الثقافة السودانية (Re: محسن خالد)
|
فوق جبهةالشمس أقمنا عرش الحلم الأول عالية عالية كانت الممالك
على دفء الهمس أزهر جمر الصمت هتافا أناخ الحبر رواحله وترجل خضراء خضراء أضحت المسالك
على ترنيم الأمس غنانا القمر وهلل رقص ليل الوجع الحالك
فى جب خطيئتنا الرجس إنفتح الحلم تأول أن سبع ضحكات وضيئة تطفئ سبع آهات عجاف ونجتاز المهالك
والآن وقوف نحن وظلنا يسير
يا شاردات القول إدنينا يا واردات الهول إنسينا فلا الأحلام سماوات تنادينا ولا نبت الجناح فينا كى نطير
| |
|
|
|
|
|
|
Re: أنانيا صفر في الثقافة السودانية (Re: أبوذر بابكر)
|
Quote: ----------------
والآن وقوف نحن وظلنا يسير
---------------- أبو ذر بابكر
|
يا أبا ذر، وَرَّدت نهاري بهذا الرحيق، شكراً على هذا السيداب في الحقل يا فنّان لك في قبلي من المعزَّات ما لا قِبَل لك به، وما إن مفاتحه لتنوء بقلوب الأرض كلها عن حمله كن بخير، وفانوس القلوب أبداً كما شهدناك
| |
|
|
|
|
|
|
Re: أنانيا صفر في الثقافة السودانية (Re: محسن خالد)
|
وكأنّي بحسن موسى في خطابه الأخير يقول لجماعة فور أوول: فتشو، ياهن داك السوق بتاع الانترنت، لو لقيتو ديكتاتورية بت ناس أحسن من حقتنا دي عليكم يسهل وعلينا يمهل. يا زول إنت بتقول في شنو؟ الديموقراطية وألا القشرانية دي بجيبوها بديكتاتورية؟ والله ياهو جيب الداير يفلق الحوتة بحجر ويجيبها من ضنبها! (دا كاركاتير يا حسن اتخيل نفسك مرسوم بالرسم الماخمج). حسن موسى: فتشو، ياهن داك السوق بتاع الانترنت، لو لقيتو ديكتاتورية بت ناس أحسن من حقتنا دي عليكم يسهل وعلينا يمهل. إيمان شَقَّاق: يا زول إنت بتقول في شنو؟ الديموقراطية وألا "القشرانية" دي بجيبوها بديكتاتورية؟ الحيوان "اللذيذ" بتاعك داك منحشر تحت وبياكل في تسالي: والله ياهو جيب الداير يفلق الحوتة بحجر ويجيبها من ضنبها. لاحظ كاركاتيراتي فيها بنات. وممكن تدِّي المرأة فوق رأسها زيها وزي الراجل. باعتبارها مش كائن عضيرة عشان تتعامل معاهو بـنظرية: (الرجل النبيل). دي على وزن (البدائي النبيل) بتاعة ناس الخواض ديك. رأيك شنو في فكرة الكاركاتير دي؟ (الرسم بالكلمات) عنوان ديوان لنزار قباني.
| |
|
|
|
|
|
|
شيطان المعرفة (Re: محسن خالد)
|
جاييك يا مُحسن بالكلام دة، لاستعادة لحظة افتراق المعرفة عن الطاعة، حتى صارت الفلسفة تميّز بين الإيمان و المعرفة، المؤمن لا يجادل، و المعرفيّ يسأل و يقول لا و كيف. كنت جاي بحلاوة هذه المقدّمة كلّها، من مولّانا أبي الفتح الشهرستاني، بس قسمت منه في السكّة إلى بوستك هذا، حيث اعترضني ساخر من المعرفة و ابليسها..
{اعلم أنّ أوّل شبهة وقعت في الخليقة شبهة ابليس لعنه الله و مصدرها استبداده بالرأي في مقابلة النص، و اختياره الهوى في معارضة الأمر و استكباره بالمادة التي خُلق منها و هي النار على مادة آدم عليه السلام و هي الطين
و انشعبت من هذه الشبهة سبع شبهات و سارت في الخليقة، ..........
الأولى: أنّه قد علم قبل خلقي أي شيء يصدر عنّي و يحصل منّي فلِم خلقني أوّلا و ما الحكمة في خلقه إيّاي؟
و الثانية: إذ خلقني على مُقتضى إرداته و مشيئته، فلِم كلّفني بمعرفته و طاعته و ما الحكمة في هذا التكليف بعد أن لا ينتفع بطاعة و لا يتضرّر بمعصية؟
و الثالثة: إذ خلقني و كلّفني فالتزمت تكليفه بالمعرفة و الطاعة و عرفت فاطعت فلم كلّفني بطاعة آدم و السجود له و ما الحكمة في هذا التكليف على الخصوص بعد أن لا يزيد ذلك في معرفتي و طاعتي إيّاه؟
و الرابعة: إذ خلقني و كلّفني على الإطلاق و كلّفني بهذا التكليف على الخصوص فإذا لم اسجد لآدم فلم لعنني و أخرجني من الجنّة و ما الحكمة في ذلك بعد أن لم ارتكب قبيحا إلّا قولي لا اسجد إلّا لك؟
و الخامسة: إذ خلقني و كلّفني مطلقا و خصوصا فلم اطع فلعنني و طردني فلم طرّقني إلى آدم حتى دخلت الجنّة ثانيا و غرّرته بوسوستي فأكل من الشجرة المنهيُّ عنها و أخرجه من الجنّة معي؟ و ما الحكمة في ذلك بعد أن لو منعني من دخول الجنّة لاستراح مني آدم و بقي خالداً فيها؟
و السادسة: إذ خلقني و كلّفني عموما و خصوصا و لعنني ثم طرّقني إلي الجنّة و كانت الخصومة بيني و بين آدم فلم سلّطني على أولاده حتى اراهم من حيث لا يرونني و تؤثّر فيهم وسوستي و لا يؤثِّر فيّ حولهم و قوّتهم و قدرتهم و استطاعتهم و ما الحكمة في ذلك بعد أن لو خلقهم على الفطرة دون من يحتالهم عنها ليعيشوا طاهرين سامعين مطيعين كان أحرى بهم و أليق بالحكمة
و السابعة: سلّمت هذا كلّه، خلقني و كلّفني مطلقا و مقيّدا و إذا لم اطع لعنني و طردني و إذا أردت دخول الجنّة مكّنني و طرّقني و إذ عملتُ عملي أخرجني ثم سلّطني على بني آدم فلِم إذا استمهلته أمهلني فقلتُ أنظِرني إلى يوم يبعثون قال فأنّك من المنظرين إلى يوم الوقت المعلوم، و ما الحكمة في ذلك بعد أن لو أهلكني في الحال استراح آدم و الخلق منّي و ما بقي شرٌ ما في العالم، أليس بقاءُ العالم على نظام الخير خيرٌ من امتزاجه بالشر؟}
| |
|
|
|
|
|
|
Re: شيطان المعرفة (Re: بله محمد الفاضل)
|
محسن تحياتي وشكرا كتير
ربما راقك ملاحظة ولع المحذواتية بالمعايير، فالمحذواتي لا يرى بأسا في ان يكون معيار نظافة البوت هو ان ترى وجهك فيه، فإن لم ترى وجهك فلك الويل والثبور والصلعة والكاركون، يصنعون غرابيل معيارهم مما تركه لهم اباؤهم الاولون من اسلاك وخشب ومسامير، ليتاح لهم "لواكة الكلام" دون ان يضرسهم حجر إلهام ما. ولو علموا ان الاحجار ما وجدت للواكة بل يبنى بها لما تكبدوا عناء الغربلة. المحذواتي تحركه ذات الرغبة التي تحرك ذكر وعل الاسبتس، فتجعله يقتل غريمه من اجل ان تأتي حملان الربيع القادم وهي تحمل جيناته هو بالذات، اي بصورة اخرى " قادم جديد للحذية" او لا قادم. انهم يعشقون الات النسخ والكوبي بيست والكوت والبرنت اسكرين، ولا تستغرب اذا وجدت محذواتي وهو يقف امام الة نسخ في السوق العربي متسائلا " هل ياترى صنع اليابنيون واحدة تسمح لي بوضع نفسي داخلها؟". انها ذات المأساة يا صديقي، و استطيع ان اقولها بالفم المليان " الحذية هي اصل كل الشرور"، هنا بدأ مفهوم الزنا و التفرقة العنصرية والعبودية والختان وضرب الزوجات لتأديبهن ، وهنا انتحر الناقد الفنان لانه فشل في ان يقاتل صفا كالبنيان المرصوص. المحذواتي لا يتورع ولا يغادر ولا يتعلم، فهو لا يتورع من ان يشهر مسدسه كما فعل نابليون، حين اطلق الرصاص بمحاذاة الصف ليصيب كل كرش بارزة، ولا يهم ان كانت تلك الكرش نفخها صاحبها غباءا او تيها او مجرد كرش بسبب الماء البارد ، كما انه لا يغادر لان رأسه محشوة بمقولات مثل " السمك لا يعيش خارج الماء" دون ان يدري انه لولا محاولة تجربة بعض الاسماك لصحة هذه المقولة لما كانت الحياة على اليابسة ولما كنا هنا. والمحذواتي لا يتعلم لانه لا يتورع ولا يغادر، فلا علم مع المكابرة، وما المكابرة الا ظل عدم التورع على الارض.
| |
|
|
|
|
|
|
| |