|
|
|
 Re: الخطوط الجوية القطرية (Re: حذيفه ابراهيم الكباشي)
|
Quote: و الحال كذلك .. أقترح على الحكومة إن فكرت في بيع الخطوط الجوية
السودانية مرة أخرى – و ستفكر – أن تبيعها للخطوط الجوية القطرية. |
ولما البيع أصلا ياحسين ؟!
أليس فى مقدور هذه الحكومه أن تجعل السودانيه
مثل القطريه تماما ؟؟!!
ألن يأتى يوم ونراك تكتب عن الخطوط السودانيه
كما كتبت الآن عن القطريه ؟!
وبما أنو القطريه هى ناقلى الرسمى فإسمح لى أن أسألك
عن أفضل خدمه وجدتها على متنها ؟ ( بينى وبينك الخدمات متنوعه ) .
ثم إنك زول ماعندك عشره ,, معقوله تجى مارى بالدوحه وتهمشنا كده ؟
عموما إذا كنت حتى الآن لم تعود فأدينا شرف إستضافتك لمدة 48 ساعه
وأنت فى طريق العوده . وفى هذه الحاله أرجو الإتصال 0097455901792
مع تحياتى ,,
| |
 
|
|
|
|
|
|
|
|
Re: الخطوط الجوية القطرية (Re: عبدالمجيد الكونت)
|
سلامات يا حسين
| Quote: خدماتها ممتازة و تحترم المسافر - جداً - بغض النظر عن جنسيته. |
مؤسف
عندما يصير أفضل ما نستدل به على امتياز من نتعامل معه
أنه لا يمارس علينا العنصرية
وكأن الأصل أن يمارس الجميع العنصرية علينا
.
| |
|
|
|
|
|
|
|
|
|
Re: الخطوط الجوية القطرية (Re: Ibrahim Mehaisi)
|
Quote: أقترح على الحكومة إن فكرت في بيع الخطوط الجوية
السودانية |
مرة أخرى – و
أقترح أن تبحث الحكومة في أسباب التدهور الذي اصاب الخطوط السودانية لدرجة تشليحها وبيعها...والتي عندما كانت في قمة مجدها وتحترم الناس ...قطر ذاتها(وليست الخطوط القطرية) كانت في رحم الغيب
| |
|
|
|
|
|
|
|
|
|
Re: الخطوط الجوية القطرية (Re: ALMURADABI)
|
تحياتي للاخ حسين وضيوف البوست
ليس دفاعا عن القطريه ولكن ما يرش قبل الهبوط الى وجهات معينه (كل وجهات الهند -نيبال- دكا -شيتاقونغ -) ووجهات اخري (خانتني الذاكرة) لم تكن الخرطوم من بينها يعتبر جزء من متطلبات تحقيق الجودة الشاملة ودا نهج القطريه منذ 1996 بعد ما اعادت الشركه توجهها نحو العالميه التي بلغتها في فتره وجيزه بخطط مدروسة .
ولو لاحظت بيعملو اعلان انو متطلبات الصحة بتتطلب رش الانسيكتسايدر بل اذا كان عندك حساسيه ممكن تطلب منهم منديل ..
صدقني الحصل في القطريه ممكن يحصل لي اي شركه عندها ادارة تمتلك رؤيه معينه ... بتذكر في لقاءات المدير التنفيذي للقطريه كان بيقول انو بيسالوهو الناس .. انت عايز تعمل شركه زي بريتش ايرويز ؟؟ قال ردي دايما كان بيكون لا انا عايز اعمل شركة ليها طعم ومذاق ونهج يختلف عن اي شركة تانيه
الخدمة والاناقه داخل الكابينه شيء عادي وبيتحقق لكنو بيعكس اهتمام الشركات بي شيء مهم جدا وهو السلامه ودا شيء لا ينقص القطرية الاهتمام بالسلامة عندهم اكثر بي كتير
التدريب مهم لو الناس بتعرف
حسين كتبنا ليك في بوستك اكتر ما كتبت انت معليش
| |
|
|
|
|
|
|
|
|
|
Re: الخطوط الجوية القطرية (Re: ALMURADABI)
|
| Quote: بس كان خلوا البفباف البيرشوه لامن توصل السودان يكون ما قصروا |
يا موردابي البرشوهو ده معطر، "فريشنّر"، حصل لنا في الطائرة القادمة من لندن للدوحة ومن الدوحة للندن..
___
أي خطوط طيران هي سفيرة لبلادها.. وسيماهم في خطوطهم ؛)
| |
|
|
|
|
|
|
|
|
|
Re: الخطوط الجوية القطرية (Re: الخير محمد عوض)
|
يا ناس انتو جربتو .. طيران الامارات ... ؟؟
لي تجربة قاسية مع القطرية ..
عادة اسافر الى دبي بطيران الامارات والان قلصت الشركة رحلاتها الى الخرطوم الى ثلاثة ايام بدلا عن سبعة .. فاضطررت الى القطرية .. نعم تتفوق على الاماراتية في بعض الاشياء لكن اجمالا الاماراتية افضل .. المهم .. غادرت الخرطوم الى دبي عن طريق الدوحة وكالعادة احمل معي سبائك ذهبية وعند وصولي الى صالة الترانزيت بمطار الدوحة اوقفتني احدى الشرطيات خلف جهاز الاسكانر ,, وطلبت فتح الشنطة فرفضت ,, وقالت لي ماذا في الشنطة .. قلت لها ذهب .. واعطيتها الاوارق الرسمية الصادرة من السودان .. اصرت على فتح الشنطة فرفضت مرة اخرى فاستدعت زميلها فاحتديت معهم في الحديث فقاموا بالاتصال باحد المسئولين وقالوا له ان هناك سوداني يحمل ذهب قيمته اكثر من مليون دولار .. وبعد نقاش طويل .. سمحوا لي بالذهاب نحو الطائرة التي اوشكت على المغادرة وكنت اخر من صعد اليها .. حركة بايخة ومافي داعي ليها .. خصوصا وان الذهب لم يخرج من الدوحة ولاهو داخل اليها ..
وكانت اخر رحلة اتجهت بعدها الى (فلاي دبي ) وتذكروا هذا الاسم جيدا ..
| |
|
|
|
|
|
|
|
|
Re: الخطوط الجوية القطرية (Re: Yassir Tayfour)
|
| Quote: يا موردابي البرشوهو ده معطر، "فريشنّر"، حصل لنا في الطائرة القادمة من لندن للدوحة ومن الدوحة للندن.. |
والله يا ود طيفور ماااااا ظنيتو معطر
انا غايتو لامن رشوهو في الطيارة ما اكضب عليك
ما حبيتها منهم ,,, شكلها ما حلوة
| |
|
|
|
|
|
|
|
|
|
Re: الخطوط الجوية القطرية (Re: Gaafar Ismail)
|
Quote: بس كان خلوا البفباف البيرشوه لامن توصل السودان يكون ما قصروا[/QUOT
إنتو عارفين انا خليت السفر بالقطرية عشان البخاخ البرشوهو دا نهائياً وقررت تاني ما اركبها
الصادق
| |
|
|
|
|
|
|
|
|
|
Re: الخطوط الجوية القطرية (Re: الصادق صديق سلمان)
|
والقصواء والميمون ديل يركبن منو يا ملاسي ...؟
غايتو ناقة النبي كان كانت زي القصواء حقتنا دي كان ( ص) لحدي هسع ما وصـل المدينه
والا البرعي ما كان قال بالطائرة السودانية لي رسولنا قوماك بي ..
كان قال: بالقطرية لي رسولنا قوماكـ بي
والا : بي فلاي دبي لي رسولنا قوماكـ بي
سودانير لمن قامت القطرية أبو الشيخ حمد كان في تمهيدي روضة ..
الطيران دا صناعه يعني تجهيزات وخطط ودراسه ومتابعه وفن وذوق ووو
مره قالوا يا ملاسي في رحله قطرية لمن جات مواعيدها كان رُكابها 2 ، إختلفوا
في المطار يمشوها والا ياجلوها ، رفعوا الامر لي مدير الخطوط قال تمشي رحلتها
وكأنوا كاملة الركاب ،، ولا اجلوها ولا دقيقه ،، الحكى لي الكلام دا والله واحد سوداني شغال في الشحن فيها ..
طيارات سودانير دي كان باعوها للقطرية - طياراتنا مستودعات ما يتنفع عندهـم،
يعني القطرية بي تيسهم دا الا يشتروها عشان خطوطها بس ..
| |
|
|
|
|
|
|
|
|
|
Re: الخطوط الجوية القطرية (Re: Magdi Ahmed Elsheikh)
|
| Quote: وقالوا له ان هناك سوداني يحمل ذهب قيمته اكثر من مليون دولار |
ربنا يزيد ويبارك...
لكن يا نيستا ما بالغت معانا...
دهب بي مليون دولار وقاعد معانا في البورد دا؟؟؟
ما تشتري ليك بورد وطيارة براك...مالك ومال بورد
بكري وفلاي دبي...(اعمل فلاي نيستا)
| |
|
|
|
|
|
|
|
|
|
Re: الخطوط الجوية القطرية (Re: كمال ادريس)
|
| Quote: لي تجربة قاسية مع القطرية .. |
Quote:
عند وصولي الى صالة الترانزيت بمطار الدوحةاوقفتني احدى
الشرطيات خلف جهاز الاسكانر ,, وطلبت فتح الشنطة فرفضت
|
______
أول مرة أعرف إنو شرطة قطر إدارة
من إدارات الخطوط الجوية القطرية!
| |
|
|
|
|
|
|
|
| |
Hussein Mallasi
محمد إبراهيم علي
حذيفه ابراهيم الكباشي
كمال سالم
nadus2000
khaleel
عوض عبدالله طه
عزان سعيد
Ibrahim Mehaisi
ALMURADABI
hammama
Yassir Tayfour
الخير محمد عوض
معتصم محمد صالح
Gaafar Ismail
الصادق صديق سلمان
Hisham Ibrahim
Magdi Ahmed Elsheikh
nazar hussien
علي جلاس
كمال ادريس
الفاضل يسن عثمان
Rawia
بدر الدين الأمير
فيس بوك
تويتر
انستقرام
يوتيوب
بنتيريست