|
|
 الخميس قراية المطاميس
|
با نصب بي خفض بو رفع اب جزم
با نصبتين ب خفضتين ب رفعتين
با جاب الف بي جيب يا بوا حاب واو والف
بليلة اللربحا والاسبوع انتهى
والخميس قراية اولاد المدارس المطاميس
.
.
.
هل هذه كانت دعوة لترك مقاعد الدراسة ؟
يا ربي هل هل يفتكرني او الغرام حالا نساهو
البوست دا عبارة عن كلام زول راميهو جمل ضنبو مقطوع
يعني ضهربة وام هلا هلا
العندو ام هلا هلا حبابو والله
|
|
 
|
|
|
|
|
|
|
|
Re: الخميس قراية المطاميس (Re: عبدالله ود البوش)
|
ود البوش
سلام
دكتور حسن داموس باعوا حمارو البمشي بيهو المدرسة
عشان يخلي المدرسة المانافعة
اصر ان يواصل سار حتي وصل
=======================================================
تعرف لي زمن عايز اكتب عن رحيل حبوبتك بتول بت امحمد اللمين
لانها جهجهت بكات اخوالك واهلنا كلهم في معيجنة
اسال الله ان يتقبلها القبول الحسن
| |
|
|
|
|
|
|
|
|
Re: الخميس قراية المطاميس (Re: saif massad ali)
|
| Quote: دكتور حسن داموس باعوا حمارو البمشي بيهو المدرسة |
.
.
انا ابوي قال لي ما عندنا ليك حمار تمشي بيهو المدرسة اياها الحمارة الزرقا العاقر الوحيدة دي
مشيت جبت حمارة عباس صديق لانو خلاس كمل الابتدائي وقبلوه في طابت الجنوبية
قام ابوي الله ارحمو قال لي خلاس خليها معاهن الصيفية وجيبا الرشاش عشان ما عندنا ليها عليقة
رجعتها لعمي الصديق الله يرحمو قام قال لي لو ما تخليها معاك الصيفية حمارتي في الرشاش ما بديها
اها شلتها ومشيت بيها المحيريبا اجيب الرغيف ابيعو
طق طق طق طري طري كان ما طري ما تشتري
الضاق حلاتو باع نعلاتو
ابيع الرغيف عشان اجيب حق عليقة الحمارة وعليقتي
.
.
لكن يا ود عوج الدرب الحمارة دي دغلة دغالة يوم بالت فوق شنطتي والكتب والكراسات شربت ببول الحمارة
.
.
| Quote: حبوبتك بتول بت امحمد اللمين |
الله يرحمها ويغفر ليها كانت فالحة ونجيضة
عليك الله اكتب عنها وسوف اثري لك البوست بالسكلي والردحي ....
.
.
مشكرين يا سيف على غفشاتك الممتازة
| |
|
|
|
|
|
|
|
|
|
Re: الخميس قراية المطاميس (Re: عبدالله ود البوش)
|
يا عبدالله و الله رجعتني لي زمن قديم و حلو
أيام خلوة شيخنا عبدالوهاب في السيالة في عطبرة
و ولده يقرينا
با جاب ألف
بي جيب يا
بو جاب وا وألف
يا سلام زمن كرامةالبليلة و الدواية و المحاية
شكرا" ليك
و قرايتك صاح بي أم هلا هلتا :)
| |
|
|
|
|
|
|
|
|
|
Re: الخميس قراية المطاميس (Re: aydaroos)
|
aydaroos
عايد الروس سلامات
.
.
شرفت اللم يكون يا عيدروس ؟
والجنيات حاموا ليك الحلة كلها ويرددون :
المابدينا حق الشرافة بالعقرب النتافة
المرة تطلق
والراجل اتعلق
والجنا اجني من السماء مفلق
وشوووووووووو اكبو ليكن العيش في القفة ولا الجردل
عيش فتريتة
عيش قدم الحمام
عيش ود الفحل
وكلووووووووو لبليلة اللربحا
وكنيش كنيش تجيب المطر والعيش
.
.
| |
|
|
|
|
|
|
|
|
|
Re: الخميس قراية المطاميس (Re: عبدالله ود البوش)
|
بعد اجي من الخلوة ابوي الله يرحمو طوالي اناديني
عبدالله تعال اقرأ ( الم يكون )
وكرررررررر اقراها ليك
لم يكن الذين كفروا من اهل الكتاب والمشركين منفكين حتى تاتيهم البينة ... الى اخر السورة
وبكرة برضو نفس السؤال وبعد بكرة نفس السؤال
قمت قلت لابوي : يا با انت مافي سورة غير الم يكون دي
قال لي يا ولدي كنت داير اتأكد من حاجة وخلاس اتأكدت
اصريت عليهو اوريني الحاجة دي
قال لي : السورة دي المنافق لو جن ما يحفظها .... !!!!!!!
ولو حفظا الليلة بالقوة بكرة ما اقدر
عشان كدا سألتك منها تلاتة ايام متتالية
.
.
والنصيحة كنت احفظها عن ظهر قلب وانا طفل
لكن الليلة .... الله اكفينا شر النفاق
.
.
-
| |
|
|
|
|
|
|
|
|
|
Re: الخميس قراية المطاميس (Re: عبدالله ود البوش)
|
عندما يشرف اح الطلاب اهله بحفظ بعض السور الهامة يتم تكريمه وعلى والده احضار وجبة دسمة للفكي
وطلاب الخلوة يرددون بصوت منخفض دون اسماع الفكي ولكن الشاذ منهم والذي لايرغب في الخلو اقولها
بطول حسو واطلب الله جري لبيتن :
جدادة سمينة تغدي فكينا والفضلة تجينا
سيدنا آكل ولا اقوم
قوم تاكل ام دلدوم
.
.
سيدنا اديتنا الجوع
سيدنا خلوتنا ام كوع
.
.
ايام لها الواح
والفاتولة جاب الواحولة
ما اياهن ديل ذاتن
.
.
والليلة وين لي وين يا عينيا انا عجبوني كالو العين يا عينيا انا
| |
|
|
|
|
|
|
|
|
|
Re: الخميس قراية المطاميس (Re: عبدالله ود البوش)
|
يا عوض عكاشة
الوست كيف الليلة لاني لو قعدت على الجهاز دا اكتر من كدا بقوم انضم كتر
الليام دي كلامي بقى كتير خلاس نعل ما مسكني الزهايمر
كمان بقيت اتونس براي
اسع دي ذاتا مش ونسة ذاتية ؟
اونس ولا اقوم ؟
جيب معاك زميل حريف واوعك من حميدة
| |
|
|
|
|
|
|
|
|
|
Re: الخميس قراية المطاميس (Re: aydaroos)
|
Quote: الم تر كيفا
كسره رهيفة |
الم ترى يا عايد الروس ان منهج الخلاوي يكاد يكون موحدا في كل مناطق السودان
رغم ان كل فكي له كينونته وطريقته الخاصة
فكيف توحد ذلك
وكذلك الالعاب
شدت
حرينا
الرمة وحباسا
حولب لب
ور
ور ور وررررررررررر
وحتى الالفاظ
الروس الروس
حباب التروس
من الدفسا للقطع نفسا
اجيني القطع نفسا
لوووووووووووول قطع اخدر
| |
|
|
|
|
|
|
|
|
|
Re: الخميس قراية المطاميس (Re: aydaroos)
|
اخونا عيدروس صاحب اللوح والمحاية
.
.
Quote: الدواية كنا بي نعملها كألآتي:
1- شعر ذنب حصان(للقادرين) ، ضني غنمايه للزينا.
2- صمغ من شجر الغرض أو السدر
3- سكن من قعر الدوكة (السكن هو ناتج حرق الخشب المتكثف تحت الدوكة) |
مكونات الدواية هي نفسها الليلتنا في الجزيرة علا ضنب الحصان دا ما عندنا لاغني لا فقير ( هو ناس الخلوة كلهن فقرا )
اولاد الراحات بقعدوا في الدكاكين وناس نحنا نبح الليل والنهار با نصب وبي خفض
.
حكاية عمك حسن دي ضحكتني حتى كدت ان اشقلب على قفاي ...... وتعتبر ضحكة الاسبوع قبل الليل ما افلل ....
.
.
احكي يا عيدروس احكي يا حكاي
اكرر حبي الشديد لعطبرة لكن ما عارف لشنو .... اظنو في سر انا ما عارفو .... لكن ح ازور عطبرة واقعد فيها عشان اشوف السر دا شنو
.
.
شكري وتقديري لهذه النفحات القرآنية
| |
|
|
|
|
|
|
|
|
|
Re: الخميس قراية المطاميس (Re: نادية عثمان)
|
Quote: e: كمان بقيت اتونس براي
كُر يا يايابا كُر !!
أكلم أريج ؟!
مالك ياعبدوش ياخ ؟ |
العلي انا هين يا نادية
لو كنت املك ناصية الحروف كما تملكين علاتشوفوا ليكن حلة غير الحلة دي
شكرا ندوش لمرورك الجميل جمال روحك الفنانة فن جد
تحياتي
.
.
.
هي اريج منتظرة زول اكلما .... اي حرف اكتبو ترسل اشارة
مس كول تلاتة مرات معناها اشارة حمراء
مرتين صفرا
مرة واحدة سيف سايد
| |
|
|
|
|
|
|
|
|
|
Re: الخميس قراية المطاميس (Re: شكرى سليمان ماطوس)
|
اوووووووووو اخونا شكري ماطوس
ياخ مشتاقين شوق شديد خلاس
حافظ الم يكون ولا ما حافظا يا شكري ؟
.
.
الفكي عندكن كان بجلد بالخيدرانا في راحة الكرعين ؟ ولا كيف ؟
بليلة اللربحا عندكن كيف ؟
عايزين المقارنات لكن الخلاوي في السودان كلو اتخيل لي منهجها واحد موحد
.
.
شكري وتقديري يا شكري
| |
|
|
|
|
|
|
|
|
|
Re: الخميس قراية المطاميس (Re: aydaroos)
|
Quote:
عذاب بس يا ود المدير :)
حليلهم كلهم ياخ |
صدقت يا عيدروس،
سلم لي علي العقاب زنقة زنقة،
الحِلة التحت والفوق، العمرت، الكريماب، النواوآب،
ناس جدك عيدروس، السارة، والكرارآب، ولعِن خليوة
كمان...
| |
|
|
|
|
|
|
|
|
|
Re: الخميس قراية المطاميس (Re: معاوية المدير)
|
اخونا الجميل معاوية المدير
الله يسلمك يا معاوية
عيدروس دا زول ظاهر عليهو وناس وحكاي
وعطبرة يحلو الحكي عنها ولها مكانة خاصة في قلب كل سوداني
.
.
ونس يا معاوية والدنيا خميس والخلوة خلوتكن
| |
|
|
|
|
|
|
|
|
|
Re: الخميس قراية المطاميس (Re: Hayat Hussien)
|
| Quote: سلام....حضرنا للتحية |
اختنا Hayat Hussien
وعليك السلام ومنك السلام واليك
حضروكا يشرف والله
اها ما دام جيتي احضري معانا بليلة الخلوة لكن اعملي حسابك من الحصحاص في اخر الحلة
امي الله يطول عمرا دائما تقول لينا تربية العيال قرش حصحاص
.
.
ولك تحية خاصة كما تعلمين اختي حياة حسين الصادق
| |
|
|
|
|
|
|
|
|
|
Re: الخميس قراية المطاميس (Re: عبدالله ود البوش)
|
اها ما دام جيتي احضري معانا بليلة الخلوة لكن اعملي حسابك من الحصحاص في اخر الحلة
امي الله يطول عمرا دائما تقول لينا تربية العيال قرش حصحاص
والله يا عبدالله اخوي امك الله يديها العافية جابت التايها
جنس حصحاص هو بس ربك المستعان
تحياتي واحترامي
| |
|
|
|
|
|
|
|
|
|
Re: الخميس قراية المطاميس (Re: aydaroos)
|
| Quote: و سيدنا قاعد علي العرش مغمضا" عينيه و يتلولح |
مغمض العينين سيدنا ولكنه مركز تركيزا لو اخطأ احدهم في آخر ركن من الخلوة يصححو
.
.
يقال ان هارون الرشيد استقدم مدرس فارسي ليدرس ابنه القرآن واللغة
فبدأ معه اول درس بالتدريج وبدأ معه بتحفيظ سورة المسد
فيقول الدرس تبت يدا
فقول التلميذ : تبت يدان
فتضجر المدرس واخبر والده بانه لايرغب في تدريسه لانه غبي اقول له تبت يدا فيقول تبت يدان
فضحك هارون الرشيد وقال له هذا الطفل يتحدث اللغة العربية على سجيتها
فلابد ان يقول تبت يدان بدلا من تبت يدا لانه في اعتباره بان الجملة كاملة وتبت فعل ويدان فاعل
ولكنك ان قلت له تبت يدا ابي لهب لقال لك تبت يدا ابي لهب
وهنا عرف الفارسي الفرق بين الماذر تنق والقراية ام دق
.
.
شكرا عيدروس لاتحافك البوست واثرائه بهذه الذكريات المحببة الى نفوسنا
| |
|
|
|
|
|
|
| |
عبدالله ود البوش
saif massad ali
aydaroos
الامين موسى البشاري
شكرى سليمان ماطوس
معاوية المدير
فيس بوك
تويتر
انستقرام
يوتيوب
بنتيريست