|
|
|
 Re: السيرة مرقت عصر .. من الكاتدرائية للقصر .. (Re: عصام دهب)
|
خلتني متوهطاً بين المعازيم في نص كاتدرائية وستمنستر ..
و تشاء الصدف أن أكون وسط بعض الشمشرجية الخواجات ..
في مثل هذه المناسبات حتى و إن بلغ الأمر حد الكمال أو ما يقاربه لن تتحير في أن تجد من لا يعجبه العجب ..
ـ أسمع يا ( عمك ) إنت الجماعة ديا ما عزموا ناس ( توني بلير ) مالم !!
+ و الله دة ما المحيرني .. المحيرني حاج ( الفايد ) دة حتاهو معاهم قرض و ما خلا ليهم صفحة ينوموا عليها .. لكن صحي الكـلـب بريد خناقو ..
_ بعدين هسة الناس ديل تعبانين كدة ما لقوا غير الباطل ( ألتون جون ) دة عشان يجي يـ .... هنا ؟؟
+ تعرف دي بتكون حركات ( كاميليا ) عشان عايزة تذكرة العريس بميتة أمو ..
| |
  
|
|
|
|
|
|
|
|
Re: السيرة مرقت عصر .. من الكاتدرائية للقصر .. (Re: عصام دهب)
|
و في جانب آخر من ( الصيوان ) أشوف ليك ( هاري أ أخو العريس واقف ( يكحل ) ساكت في البنات ..
فجأة كدة يكبس ليك عليهو واحد مضهب من أولاد حلة ( باكنغهام ) نظام أصحاب العريس و كدة ..
- يا هاري ياخي الجماعة ديل قالوا عايزين التلج ..
+ ياخي عليك الله أنا في شنو هسة أمشي كلم عمك ( شارلز ) دة عشان مفتاح ( المخزن ) معاهو ..
و عمك شارلز أب جلابية بيضا مكوية عامل رايح من أي حاجة ..
| |
|
|
|
|
|
|
|
|
 Re: السيرة مرقت عصر .. من الكاتدرائية للقصر .. (Re: عصام دهب)
|
اوووووووووو ود عم العريس عصام
شايفك تعرض سااااى فى حوش الكاتدرائية
اها انشاء الله انسترتوا مع اهل العروس
ما يكون زى الجمعية العمومية بتاعت
غداء ناس (رابغ) وعمدتهم المواطن
ود الجعلى...
بينى وبينك عادل استغل القصة وعمل
الجمعية العمومية للمنطقة
| |
|
|
|
|
|
|
|
|
|
Re: السيرة مرقت عصر .. من الكاتدرائية للقصر .. (Re: عصام دهب)
|
في الحوش ( الوراني ) لقصر باكنغهام و تحت الشرقانية وقف ( بول كورتني ) يرتدي العراقي الخفيف و يحمل الكمشة في يد و سيجارة البنسون ( أب صلعة ) في اليد التانية و هو يمصمص في شفايفو تأففاً ..
يا جماعة هييي الرجال محلهم هناك في صيوان ( العقد ) أنا ما داير أي راجل بي جاي .. الرسول يا ( فيونا ) قلبي لي الضلع دة .. حييي أنا .. أنا جني و جن الخرمجة .. وسسسسسخ ..
| |
|
|
|
|
|
|
| |
عصام دهب
فيس بوك
تويتر
انستقرام
يوتيوب
بنتيريست