نعى اليم ...... سودانيز اون لاين دوت كم تحتسب الزميل فتحي البحيري فى رحمه الله
وداعاً فتحي البحيري
|
يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين )
|
يبدء التسجيل يوم 14 ابريل و ينتهى يوم 28 من الشهر نفسه ، و يكون التسجيل بالمدارس السودانية بالغرافة ، الاراضى اولى ، ثانية ، ثالثة ، الفرصة لمن لم يسبق له الحصول على ارض سابقا ، سيكون للشباب و العزابة ايضا فرص للحصول على ارض ، شريطة ان ان يكون الشاب على غير كفالة و الده و يعمل .
ايضا فان شهادة البحث لمن سبق لهم الشراء ، يمكن استلامها من الخرطوم ، و ليت الوفد يصدرها من هنا للراغبين فى الدوحة . سوف يحدد وقت و صول الوفد لاحقا.
|
|
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: هجو الأقرع)
|
كتب الاخ هجو في افتتاحية البوست
و يكون التسجيل بالمدارس السودانية بالغرافة --------------------------------------------------
اخي هجو لك التحية
قد تكون هذه بشريات لاعضاء الجالية , ومنجزات لمجلس الجالية .
ولكنها من الناحية التانية تدميرات لمباني وساحات مدارس الجالية .
ولك في ذلك ما شاهدناه من تصرفات اعضاء اللجنة وكأنهم قد استأجروا
المدارس لغرض لجان الاراضي , ومن المتقدمين ... أورنيكي .. وملفي ... ودوري ...وعصايتي ...وعصايتك ..
وعلو أصوات ومهاترات وشتائم يسمعها ابناؤهم وعمال شركة النظافة والحراسة .
أسألوا ادارة المدرسة عن الفوضى التي خلفتها ( بشرياتكم ) السابقة والتي ما زالت آثارها متروكة بالصالة الرياضية .
وأسألوهم عن كميات التمباك وبقايا السجائر التي يكنسها عمال النظافة صبيحة ثاني كل يوم .
ماذا استفادت المدرسة ؟
استباحة لمبانيها ..... اتساخ لفصولها ...
تكسير لمعداتها وادراجها وكراسيها
والاسوأ ان سمع ورأى واستنشق ابناؤها قاذورات الجالية ومخلفاتها من ساقط الفعل والقول !!!
وتحويلها من ساحة تربية الى ( مبصقة ) تمباك .
تتحصل اللجنة مبالغ سميت ( إ دارية ) وهي مبالغ كبيرة في مجاميعها
ألم يفتح الله عليهم ( بالتبرع ) بجزء منها للمدارس ولو على الاقل لاصلاح ما افستدته لجنتهم ؟
------------------
يا مستقدمي اللجان ( لأي غرض ) ابعدوا بلجانكم عن مدارسنا دعوها .... فالذي فيها يكفيها .
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: Mohamed Elboshra)
|
الاخ كمبورة
أحسن ليك تصلح علاقتك مع ناس (الاراضي) والمؤتمر الوطني ديل عشان تحصل ليك قطعة أرض تلم فيها أولادك...لآن أراضيكم في (المسيكتاب) قسموها لوزراء في حكومتنا السنية في وقت يوجد شباب متزوجين وليس لهم مسكن شرعي ...وهناك عمنا صالح الدقوني وثلاث من اولاده متزوجين وساكنين معه في نفس البيت بينما وزراءنا "العادلون" لهم قطع في قريتنا التي لا يعرفونها اين تقع
ودالبشرى
الاخ محمدالبشرى لك الف والف تحية
اشهد انك صادق لان المسألة عند حيكومتنا الرشيدة قائمة على العلاقات والصحوبية
وشيلني واشيلك
وصاحبي وصاحبك ودي ياها قوانين حيكومتنا
لكن يا صاحب اننا لا نصاحب من باعوا البلد ومزقوها
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: كمبورة)
|
أخى العزيز هجو ,, أربأ بك أن تشارك فى إستدارج البسطاء من مغتربى الدوحه الذين بدمهم وعرقهم إستطاعوا أن يوفروا ملاليم ليضمنوا بها سكن لأبنائهم . وإذا بعصابة الإنقاذ التى أكلت الأخضر واليابس فى الداخل تريد أيضا أن تأكل بالباطل أموال أهل الخارج بإبتداعها لقصة هذه الأراضى التى حتى الآن لم يتم تخطيطها وترقيمها أو تخصيصها كأراضى سكنيه , وذلك لإستحالة توصيل أى خدمات لهذه المنطقه التى تبعد حوالى المائة كيلو متر عن ولاية الخرطوم . العالمون ببواطن الأمور فى الخرطوم أفادونا بأنه من المستحيل أن تستخرج شهادة بحث فى الوقت الحالى لأى قطعه من هذه المربعات التى تم بيعها أو سوف يتم بيعها الآن ,, وذلك لأن الأرض حتى الآن لم يتم مسحها ( وأسأل أى مهندس مساح عن هذا ) . الحكومه الآن وبعد توسنامى هذه الثورات التى عمت كل أرجاء المعموره باتت ترتجف وترتعد , وجراء ذلك أطلقت العديد من القرارات التى تصب فى مصلحة المواطن بدون ميزانيات أو أى دراسات ,, فهاهى اليوم تعلن عن تشغيل 8000 ألف خريج دون وضع أى ميزانيه لذلك وهاهو الرئيس يعلن أن الصحه والتعليم فى تدهور شديد ولا بد من إصلاح شأنهم دون أن يضع أى خطه أو ميزانيه لذلك ,, كله تخبط وخوف من هذا الشعب الذى يعلمون تماما إنه قريبا وقريبا جدا سوف يزلزل الأرض من تحت أقدامهم . فياصديقى هجو أرجو أن لا تكون مطيه لهؤلاء اللصوص الذين نهبوا كل السودان ولم يتبقى لهم إلا فلوس هؤلاء المساكين من الفئه المستضعفه من المغتربين فى دول الخليج لينهبوها ليجملوا بها وجههم القبيح .
هذا مع كل تقديرى ومحبتى ,,
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: كمبورة)
|
Quote: ماذا استفادت المدرسة ؟
استباحة لمبانيها ..... اتساخ لفصولها ...
تكسير لمعداتها وادراجها وكراسيها
والاسوأ ان سمع ورأى واستنشق ابناؤها قاذورات الجالية ومخلفاتها من ساقط الفعل والقول !!!
وتحويلها من ساحة تربية الى ( مبصقة ) تمباك .
تتحصل اللجنة مبالغ سميت ( إ دارية ) وهي مبالغ كبيرة في مجاميعها
ألم يفتح الله عليهم ( بالتبرع ) بجزء منها للمدارس ولو على الاقل لاصلاح ما افستدته لجنتهم ؟
|
الاخ الكريم استاذ كمبورة ، اشكرك على ما تطرقت اليه ، و عليه نقول بالصوت العالى ، على الجهات المختصة مع الجالية العمل على تنظيف المدرسة ، و اعادة اى تلف يحدث فى المدرسة . اشكرك اخى ابو خالد .
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: كمبورة)
|
Quote: كتب الاخ هجو في افتتاحية البوست
و يكون التسجيل بالمدارس السودانية بالغرافة --------------------------------------------------
اخي هجو لك التحية
قد تكون هذه بشريات لاعضاء الجالية , ومنجزات لمجلس الجالية .
ولكنها من الناحية التانية تدميرات لمباني وساحات مدارس الجالية .
ولك في ذلك ما شاهدناه من تصرفات اعضاء اللجنة وكأنهم قد استأجروا
المدارس لغرض لجان الاراضي , ومن المتقدمين ... أورنيكي .. وملفي ... ودوري ...وعصايتي ...وعصايتك ..
وعلو أصوات ومهاترات وشتائم يسمعها ابناؤهم وعمال شركة النظافة والحراسة .
أسألوا ادارة المدرسة عن الفوضى التي خلفتها ( بشرياتكم ) السابقة والتي ما زالت آثارها متروكة بالصالة الرياضية .
وأسألوهم عن كميات التمباك وبقايا السجائر التي يكنسها عمال النظافة صبيحة ثاني كل يوم .
ماذا استفادت المدرسة ؟
استباحة لمبانيها ..... اتساخ لفصولها ...
تكسير لمعداتها وادراجها وكراسيها
والاسوأ ان سمع ورأى واستنشق ابناؤها قاذورات الجالية ومخلفاتها من ساقط الفعل والقول !!!
وتحويلها من ساحة تربية الى ( مبصقة ) تمباك .
تتحصل اللجنة مبالغ سميت ( إ دارية ) وهي مبالغ كبيرة في مجاميعها
ألم يفتح الله عليهم ( بالتبرع ) بجزء منها للمدارس ولو على الاقل لاصلاح ما افستدته لجنتهم ؟
------------------
يا مستقدمي اللجان ( لأي غرض ) ابعدوا بلجانكم عن مدارسنا دعوها .... فالذي فيها يكفيها . |
كلام سليم مية في المية وكل ما ذكر أعلاه رايته بأم عيني
اضف الى ذلك صعوبة الحصول على المواقف لأخذ التلاميذ بعد اليوم الدراسي
أكرر مع الأخ كمبورة (أبعدوا لجانكم عن مدارس ابنائنا)
وشكر وتقدير كبير لكل مس ساهم في هذا العمل الكبير
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: هجو الأقرع)
|
Quote: العالمون ببواطن الأمور فى الخرطوم أفادونا بأنه من المستحيل أن تستخرج شهادة بحث فى الوقت الحالى لأى قطعه من هذه المربعات التى تم بيعها أو سوف يتم بيعها الآن ,, وذلك لأن الأرض حتى الآن لم يتم مسحها ( وأسأل أى مهندس مساح عن هذا ) .
|
الاخ الكريم كمال سالم ، اشكرك على اللغة المهذبة العالية فى مخاطبة اخوك (الاصغر ) وهو امر ليس بغريب عليك . يا اخى دعنى اقول لك من هم العالمون ببواطن الامور ؟ ، الذين قالوا يستحيل إستخراج شهادة بحث . اقول لك يا حبيبى ممكن اعطيك ارقام من قام باستلام شهادات البحث و احدهم معى فى دخان ، و المكان حلة كوكو مبانى القضائية و الرسوم تصل فى حدود 180 الف بالقديم . اخى ده موضوع منتهى .
اما استغفال الناس فهذه متروك لكل شخص ، يا ابو خالد انظر الان الى تمدد العاصمة ، ولسع كمان وسوف ياتى يوم و تكون هذه المناطق فى متناول الجميع . لى عودة كمان و كمان.
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: كمبورة)
|
Quote: شايفك اختزلت المسألة كلها في ( النظافة ) ....
ياخوي اتساخ المدرسة وتحويلها لمزبلة خلال ايام عمل اللجنة دا جزء من المشكلة .
تعال معانا فلفل الباقي .....
مبدأ وجود اللجنة واجراء اعمالها بالمدرسة .
تخصص السفارة - مشكورة - غرفة وصالة بالسفارة للجالية لأعمال هكذا لجان . كان من الاولى ان تكون لجان الاراضي بها حتى نفادي المدرسة تبعات أمنية وشرطية لا قبل لادارتها بها - كما كان يحدث أيام اللجنة الاولى - وهذا مقروء مع ان المدرسة اصلا هدية , منحة من اهل هذا البلد الطيب الامين !!!
ظللنا - وانتم - ننادي بابعاد المدارس ( ادارة ونهجا ) من التجاذبات السياسية فما بالك بلجنة يتجاذب فضل استقدامها اكثر من شخص داخل الكيان الواحد نفسه ؟ سيادتك ذكرت احدهم , وآخر ذكر نفسه في مناسبة قريبة , وثالث طفق في مسجد شيخ عبدالكريم بعد صلاة الجمعة يبشرنا بلجنة الاراضي هذه , وإنه يفعل ذلك تقربا الى الله زلفى ...!!! بعدين تعال اي واحد يلفح عمته ويهبر الخرطوم ويمشي يتفق مع لجنة اراضي او مع غيرو ببساطة كدي ؟ وين السفارة ؟ وين مجلس الجالية ؟ عشان يجي زعيط او معيط ويتجاوز كل هؤلاء ويتفق مع هذا او ذاك ؟؟ ام هو اختزال لمؤسسات الدولة في اشخاص ؟؟ ام ماذا ؟ فهمونا فقد احتار فيكم ابليس !!!
طالما تؤخذ رسوم ادارية بالتالي يمكن للجنة ومن استقدمها تأجير صالة تنجز فيها اعمالها وبسلاسة وحتى وان جات الشرطة تجي في الصالة مش في المدرسة الهدية التي من واجبنا الحفاظ عليها . وعلى مستنداتها من عبث العابثين والمتفلتين , والشواهد كثيرة وفي اماكن اكثر اهمية وخطورة .
الجالية , وسلوك بعض اعضائها اثناء اللجنة تناولناه فوق ... تعال شوف عصبية واستعلاء وافتراء بعض اعضاء اللجنة ( المحليين ) وخاصة ممن يدعون ان لهم فضل استقدامها !!! ياخي ديل تقول الواحد بديك قطعة ارض جزء من مزرعته !!!
بالمناسبة الناس البملو الارانيك ( بعض المعلمين + بعض المساعدين ) ما تنسوا المرة دي تتصلحوا معاهم في الاجر وكدا وتدوهم حقهم .
مرة ثانية اخي هجو .... ورجاء= يا ميتقدمي اللجان ( لأي غرض ) أبعدوا لجانكم عن مدارسنا . |
الاخ الفاضل كمبورة ، لست من انصار سوء الظن ، ولكنى اشتم هنا نوعا من الخصومة السياسية فى امر عام ، يعنى اعداد كبيرة من الجالية ، يعنى يا كمبورة لو جاليتك الفاتت جابت لينا ناس الاراضى كنت اقمت الدنيا انت وربعك ، لكن ما علينا ، كدى راجع كلامى الفوق لم اختزل الموضوع فى النظافة .
اها الشخص الذى تكلم فى مسجد شيخ عبدالكريم و الله حسيبه اعتقد انه اراد إعلام اكبر عدد من الناس ، اخونا عمر كمال الارباب ، فعلا ذهب للخرطوم لعمل خاص به و التقى ناس الاراضى بوصفه عضو جالية و احد من قام معهم بالعملية السابقة,
يا خوى كرم اهل قطر نحن عارفنو و لو طلبنا قاعة فى فندق لانجاز الامر و الله ما يقصروا ، وحقو تقلب الصحفة فى هذا الموضوع.
المدرسة السودانية تظل هى الانسب و الاوسع وذلك لكثرة الناس ، يبقى العمل على حماية ممتلكات المدرسة و المحافظة عليها ، بل و تحمل تكلفة اى ضرر .
الجهات الامنيه تاتى فقط للتنظيم ، و ليس فى الامر اى غضاضة ، بعدين المدارس اصلا فى اجازة
حقو تحدد من هم متقدمى اللجان عشان اقدر ارد على قدر الكلام ، يا كمبورة سياسية شنو الموضوع توزيع اراضى ، لكن فعلا الفى بطنو الحرقص براهو ........... و الله لو سلمت الجالية كل مقيم هنا سكنا فاخرا و بدون فلوس ، لما ارضاكم الامر .
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: هجو الأقرع)
|
Quote: بعدين تعال اي واحد يلفح عمته ويهبر الخرطوم ويمشي يتفق مع لجنة اراضي او مع غيرو ببساطة كدي ؟ وين السفارة ؟ وين مجلس الجالية ؟ عشان يجي ناس فلان او علان ويتجاوز كل هؤلاء ويتفق مع هذا او ذاك ؟؟ ام هو اختزال لمؤسسات الدولة في اشخاص ؟؟ ام ماذا ؟ فهمونا فقد احتار فيكم ابليس !!!
|
بنفس طريقة ردكم دعنى اقول ، الجالية حقتنا و الحكومة حقتنا ، اهه الزيت فى البيت ، هههههههههه ، سبحان الله بدل من ان تشكر من يذهب لخدمة الناس فى اجازته الخاصة ( حيركم) ، يعنى انت ايامك ديك كل مره لافح شالك وماشى المدرسة السودانية ، ما حيرت ابليس ّّّّّّّّّّّّّّّّّّّّّّّّّّّّّ.
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: هجو الأقرع)
|
فى تصريح لصحيفة الراية اليوم اكد السيد نجم الدين حسن مسئول الاعلام بالجالية ، ان الاولوية للذين سجلوا من قبل ، ولم يوفقوا فى الحصول من قبل شريطة ابراز ايصال الدفع السابق، مع ابراز صورة الجواز بالاقامة ، و قد منحت السيدة العاملة التى تعمل و على كفالة جهة العمل فرصة للحصول على قطعة ارض ضمن مناطق الوادى الاخضر ، وقد كونت لجنة من الاخوة السيد حافظ الشيخ رئيسا و السيد زين العابدين كمال الدين نائبا له و السيد عبدالهادى عباس مقرر و عضوية كل من هيثم حامد الفكى و ازهرى حجازى و على يعقوب نتمنى لهم التوفيق .
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: هجو الأقرع)
|
أخي هجو الأقــرع
نشكركم على المجهود المقدر التي تقومون به
قبل أيام شاهدت خرطه للمنطقة التي وزعت والحمدلله أرضي طلعت ناصية وهذا عكس الكلام الأنقال انو الجماعة مسكوا النواصي وباعوا الدافوري الفي النص
وربك كريم عشان كدا ياحبيب انت عملت العليك والعاوز يجي والماعاوز نحن قاعدين ما تكتر لينا النحل عليك الله ..
احدهم قال لي الأراضي دي قالوا جنب شندي .. طيب ما ألذ شئ شندي بلدنا وتاني واحد قال جنب البطانه وبرضو البطانه بطانه الخير
عليك الله ما تكتر لينا السماسـرة قرض على كدا خلينا انا والصفوه هارون دياب تاني بنشتري مش كفايه
وأنشاء الله في ميزان حسناتــكم
ومزيـدا من الإنجازات أراضي الدوحة أصبحت حديث الجاليات الأخرى
والى الأمام ................
أبومصطفى
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: خضر عطا المنان)
|
Quote: لا ادري ما علاقة الجالية السودانية في قطر بتجارة الاراضي في السودان ؟؟.
الا يكفيهم بيع الذمم في بلادنا المنكوبة ؟؟
ومن اعطى هؤلاء الحق في السمسرة في اراض هي في واقع الحال ملك للشعب السوداني وليس ملكا لهم ؟؟ |
الاخ الكريم خضر ، سلام و احترام ، بصراحة استغربت من ما اوردته هنا ، بالله عليك اين السمسرة فى تمليك الناس ارض فى بلادهم. معليش موضوع النظام ده براهو.
طيب يا شيخنا هذه الاراضى التى يملكها الشعب السودانى وزعت لمواطنين ظلوا يحلمون فى غربتهم بشبر فقط ، كنت اتوقع منك على الاقل بوصفك صحفى واعى ، ان تكون ناصحا للجنة بما يفيدها فى مسار التوزيع المقبل باذن الله .
يا خضر يا خوى كل من تسلم اوراق ارضه فى غاية السرور ، ما عارف ناس الجالية ديل يعملوا شنو عشان الناس ترضى عليهم ، دعنى اهمس فى اذنك و اقول ان سعر الدرجة الاولى التى وزعت هنا فى الدوحة وصل الان الى 22 مليون ، لاحظ (ورق ) بس بدون و صول الخدمات .
نصيحة لوجه الله اشترى لعيالك و اتركها للزمن.
وافر الاحترام و التقدير .
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: هجو الأقرع)
|
اخونا هجو لك التحية
عشان ترد علي يا هجو .... وما تشتت الكورة بكلام السياسة وما السياسة : اكرر ليك نقاطي بوضوح واختصار .
المدرسة ليست المكان المناسب لهكذا لجان , وتوجد بالسفارة غرفة وصالة لاعمال مجلس الجالية ,
واذا كانت لا تسع الناس فيمكن لمن استقدم اللجنة ايجار صالة .
وذلك نسبة لما اوردناه من اسباب بعاليه ولا داعي للتكرار .
اتفقوا ورونا منو الجاب الناس ديل ؟ على الاقل عشان نشكروا , ونعمل حسابنا منو , لانو زول يتجاوز السفارة ومجلس الجالية دا يكون ذو بأس شديد ويدو لاحقة . وعندنا كم مهمة خاصة بمدارسنا عشان ينجزها لينا . !!!!
الاعتداء والعبث بأوراق ومستندات المدرسة وارد في ظل فوضى شهدناها بالتجربة السابقة . بل هناك عبث واعتداء تم في اماكن اكثر اهمية وخطورة كما سبق وذكرنا .
الشرطة تم استدعائها من قبل احد ( المستقدمين ) في اللجنة الفاتت عشان تفك اشتباك بينه وبين احد الاخوة المقدمين لان الدور تجاوزه . تم الاستدعاء للشرطة مرتين للمدرسة .
واعرف اخي هجو لو كان عملتوا لجانكم دي واجتماعاتكم في حتة تانية ما كان سألناكم . لكن مدارسنا خط احمر . ابعدوا عن المدرسة , وابعدوا عنها اجتماعاتكم التنظيمية يا مستقدمي اللجان ( لأي غرض ) .....
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: كمال سالم)
|
ياعزيزى هجو أرجو أن تكون حقانى ,, أنت تعلم أن المدرسه تعانى كثيرا فى تقديم بعض الخدمات المهمه لطلبتها ,, فطالماأن هؤلاء القوم يجبون رسوم إداريه وطالما أن الجاليه لها نصيب فى هذا (البزنس ) , فمن المفروض أن يقوموا بدفع إيجار للمدرسه مقابل إستخدامهم لها خاصة وأن المشترى يقوم بدفع رسوم إداريه ,, وإلا فليفعلوا مثل ماتفعل الكثير من الشركات العقاريه التى تزور الدوحه من حين إلى آخر وتقوم بإستئجار أفخم الفنادق لعمل عرض عن مشاريعها, وقد رأيناهم أيضا يقدمون وجبات العشاء الفاخره للعملاء . قيل أن عائد البيع فى المره السابقه كان أكثر من 9 ملايين ريال . فلماذا هذا البخل من قبل وفد الأراضى ,, ولماذا يستكثرون على زبائنهم حتى الشاى أو القهوه ؟؟!! بالله عليكم أرحموا هذه البقره الحلوب وإحترموها مره فى حياتكم ,,
(عدل بواسطة كمال سالم on 04-13-2011, 11:09 PM)
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: كمبورة)
|
Quote: اخونا هجو لك التحية
اها دي يحلوها كيف ؟
ومن المتقدمين ... أورنيكي .. وملفي ... ودوري ...وعصايتي ...وعصايتك ..
وعلو أصوات ومهاترات وشتائم يسمعها ابناؤهم وعمال شركة النظافة والحراسة . |
يا ابوخالد تعرف دى اصلها ما عندها حل من الله خلق الدنيا نحن يا هو حالنا ، ما ذى شغلك القاعد تسويهو فى البوست ده ، مرة ابعدوا من مدرستنا ومرة الاراضى دى ذاته ما معورفه وين .
عليك الله ما تعاندوا ساكت تعال سجل حق الوليدات ما يضع حقهم فى انتظارك ، او ارسل المستندات لود عمك بقوم باللازم ( التسجيل فقط ) عشان ما يروح ظن اخونا فيصل بعيد خاصة و انك شخصية عامة و معروفة .
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: هجو الأقرع)
|
كتب الاخ هجو في رد على احدى مداخلاتي الاتي
يا ابوخالد تعرف دى اصلها ما عندها حل من الله خلق الدنيا نحن يا هو حالنا ، ما ذى شغلك القاعد تسويهو فى البوست ده ، مرة ابعدوا من مدرستنا ومرة الاراضى دى ذاته ما معورفه وين .
عليك الله ما تعاندوا ساكت تعال سجل حق الوليدات ما يضع حقهم فى انتظارك ، او ارسل المستندات لود عمك بقوم باللازم ( التسجيل فقط ) عشان ما يروح ظن اخونا فيصل بعيد خاصة و انك شخصية عامة و معروفة . ----------------------------------------------------------------------------------------------------------------------------------------------------------------------------------------------------------------------------
الاخ هجو تحية وسلام
منو القال ليك ما عندها حل ( نحنا قلنا اولادنا ذنبهم شنو ؟ ) يسمعوا ويشاهدوا ومعاهم كمان عمال النظافة ما لا نريد لهم ان يسمعوه ويشاهدوه
لم اتحدث اطلاقا عن انو الاراضي دي ما معروفة وين !!!!!!!!!
لانه باختصار لا تهمني اطلاقا ومن حيث المبدأ اريدها ان تكون خارج مدارسنا لما ذكرناه من سلبيات عاليه
قلنا انها مؤسسة تربوية مش ( مبصقة تمباك )
وذكرنا كذلك معدات ووثائق المدرسة كيف يتم تأمينها من المتفلتين !!!!
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: كمبورة)
|
Quote: كونك احد اعلاميي الجالية بهذا المنبر
|
بالنسبة للامر الاول هذا شرف لا ادعيه
Quote: أخى العزيز هجو ,, أربأ بك أن تشارك فى إستدارج البسطاء من مغتربى الدوحه الذين بدمهم وعرقهم إستطاعوا أن يوفروا ملاليم ليضمنوا بها سكن لأبنائهم . |
عليك يا يا خوى يا ابو خالد بلاش الكلام الكبار ده ، استدراج شنو لقد اشترى فى الوادى الاخضر مختلف الناس ومن كل المستويات و الان التسجيل يسير بنفس الوتيرة ، حقى انتو تخلو اللخبطة و التحريض الفاضى .
شوف كيف استدرج الناس دى كيف يعنى بالله ؟ وانا اول من تقدم للشراء فى المرحلة الاولى ، و الان ابنى محمد من ضمن المسجلين للمرة الثانية ، بالله عليك مش احسن من الجماعة ال 2 الكانوا معارضين للموضوع ، وبعد ارتفاع سعر الارضى اشتروها ب 22 مليون وهنا كمان فى الدوحة ، طيب من الاول ما كان احسن بنصف القيمة.
يا زول و لا يهمك انت تسال ونحن نجاوب ، و تشكر على رفع البوست ، حتى تعم الفائدة و يشاهده اكبر عدد من ناس الدوحة .
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: هجو الأقرع)
|
الاخ هجو
سلام من الله مبارك
هذا البوست قرأته كله
وكنت من قبل قد قابلت احد اعضاء اللجنة بالصدفة ولا أعرفه
قدمه لي أحدهم بأنه عضو في لجنة الأراضي. بدأت معه بعض الاسئلة للحصول علي بعض المعلومات عن هذه الاراضي
كان أول رد لاول سؤال هو : عليك أن تشتري الآن وسوف تحدد القطعة الخاصة بك فيما بعد. متي ؟ الله أعلم.
بمعني آخر انني سوف أشتري وأدفع فلوس لقطعة أرض لا أعرف موقعها ولا أعرف مساحتها ولا أعرف عرض شارعها ولا أعرف ان كانت ناصية أم لا ولا أعرف موقع هذه الأراضي المسماة ب " بالوادي الأخضر " ولا أعرف ولا اعرف ........
أفادني بأنه لا توجد خرطة لهذه الأراضي ياخي أقلاها أن تكون هناك خرطة فعلا استغربت باختصار : ألا تتفق معي بان هذه أغرب طريقة لبيع أراضي !!! علي الاقل حتي لا يدخل الشك الي قلبك؟؟؟
ثانيا: أليس للسفارة دخل في الموضوع ؟ علي الأقل حتي تكون هناك جدية وعلي الأقل لادخال بعض الطمأنينة لمن يرغب الشراء ؟ اعتقد انه كان يتعين علي الاقل وجود مندوب رسمي من السفارة في هذا الموضوع.
ثالثا : استغرب أن تكون هناك رسوم ادارية لمقابلة نفقات أعضاء اللجنة!!! من حدد قيمة هذه الرسوم ؟؟؟؟ حسب علمي - اول مرة أسمع بأن المشتري يتحمل مثل هذه النفقات !! كم عدد أعضاء اللجنة وكم هي التكلفة الفعليةوهل من المعقول أن تؤخذ رسوم ادارية من جميع المشترين واين يذهب الفائض والذي اتوقعه ان يكون كبيرا جدا ؟؟
اخ هجو
أنت تطلب من اللجنة احضار شهادات البحث
كيف يكون ذلك وانت اصلا لا تعرف القطعة التي قمت بشرائها حسب ما أكده عضو اللجنةكما ذكرت اعلاه.
الأسئلة - عزيزي هجو - كثيرة وكثيرة جداخاصة مع السوابق التي يعرفها الجميع .... وأراضي سندس أقرب مثال!!
وأترك موضوع المدرسة لبقية الاخوة .
ودمتم
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: هجو الأقرع)
|
Quote: جونا و قالولنا "الوادى الأخضر " و الذى بجوار مدينة الصحفيين يعلم الله ناس السودان قالوا الواطة طلعت بين "أم ريَّا " و " التريــَّا" تسكن فوقا ما تعرف تجيب ملاحك من بورتسودان وللا من الخرتوم.
بعدين القصص الغريبة حقت الإستثمار القايمين فيهاناس الحكومة ديل خبارا يابا كلها مركَّزة فى الأمارات .
|
اخي هجو
انت الوادي الاخضر دي قدر شنو ؟
انا شايف ناس الاراضي لافين ويبدو حيزوروا اي بلد فيها ان شاء الله مغترب واحد
ايه رايك ؟؟
والله انا عارف نيتك بيضة وعايز تساعد الناس
لكن الوادي الاخضر لمنو ولا منو ؟؟
تحياتي الخالصة.
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: حسن طه محمد)
|
Quote: اخي هجو
انت الوادي الاخضر دي قدر شنو ؟
انا شايف ناس الاراضي لافين ويبدو حيزوروا اي بلد فيها ان شاء الله مغترب واحد
ايه رايك ؟؟
والله انا عارف نيتك بيضة وعايز تساعد الناس
لكن الوادي الاخضر لمنو ولا منو ؟؟
|
استاذى الفاضل حسن سلام من الله ورحمة ، و الله يا شيخنا صعب الاجابة على هذا السؤال ، بس يصلوا باذن الله ونقدر نجاوب ، المهم انت سجلت و يلا لسع ؟، من واقع تجربة الارض عمرها ما بتضر ما زال البعض يتحسر على اراضى كافورى يوم عرضت ب 36 الف ريال ، و برضو الازهرى عرضت ب 7 الف ريال على ايام الوزير بانقا
على المستوى الشخصى ما زلت اتحسر و ربنا يخلف على تلاجات خضار عرضت لنا هنا فى السوق المحلى ب26 الف ريال، و قلنا السوق المحلى.
وازيدك من الشعر بيت عندما رحل السوق العربى الاكشاك الى السوق المحلى رفض اخى السوق الشعبى ورجع البلد ، و لم يذهب حتى لسحب القرعة .
| |
|
|
|
|
|
|
Re: يا ناس الدوحة جماعة الاراضي للمرة الثانية وفرص حتى للشباب و العزاب ( خاص بسودانيز اون لاين (Re: هجو الأقرع)
|
هجو أخوي
ألحق ... بهناك في بوست عن الوادي الاخضر للاستاذ عبد الدين سلامة
ومعاهم السيد مستشار رئيس الجمهورية واللجنة
وقالو ليهم أصلو فكرة الوادي الاخضر دي نبعت من مغتربي الامارات
طيب وين ناس قطر من الأفكار ؟؟
هل افهم أن الاولوية لناس الامارات دون غيرهم
اولا السيد المستشار معاهم وثانيا أنهم اصحاب الفكرة
المشترك الوحيد هو ان البيع يتم ايضا دون تحديد القطعة المشتراة ( انت وحظك).
علي العموم واحد من ناس الامارات اشتري قطعة بتسعة الاف درهم
وحاليا عارضها بالفين فقط
وقال يا ريت لو كنت اشتريت رقشة !!
الحق صديقي العزيز فيصل حضرة
لقطة... مش؟
دمتم عزيزي ابا محمد
| |
|
|
|
|
|
|
|