|
مدونة المستشار عماد الدين بشير ادم
|
بناء على رغبة الزميل الرائع كبير مستشاري ديوان العام في السودان سابقاً والمستشار حالياً في بلاد الغربة نقوم بنشر قصيدته عن سنجة
-------مـدونـة المستشار عماد الدين بشير أدم-------------------------------------------------------------------------
يا سنجة يا رايعة يا عايشة في الأعماق أصلو البغيب عنك لي برهة أو لحظة حتماً بجيك مشتاق
علي ضفتين نيلك المنظر الخلاب وارف ظلال دوحك و غنا الطيور منساب و الأدباء بيك هاموا و اتسامروا الأحباب و القال رأي مثالك أو قارب أحوالك بنقول له يا مخدوع وبين البشر كذاب
يا سنجة يا حلوة يا راكزة بالقرآن يا موحدة السودان علي خوة الأخوان فيك من قبايله رجال زي الأسود شجعان أولادك الفرسان للحارة مدخورين في حضرتك زينين
الماضي بيك يحكي عن روعة البنيان وحضارة الإنسان يوم نقبوا الآثار وريتي كل الناس عن روعة الأسرار قبال تلات آلاف إنسانك إنت الكان عمر في أرضك دار و أبو البتول القاد لأهلك الثوار ضد الفرنجة زمان ما خاف ولا اتزلزل و شعاره كان دايماَ لا ذل ولا استعمار و الإنجليز يا ناس جو مدججين بالنار لكنهم خايفين يوم أعدموا الثوار رصوا الحديد فوقهم و أبو البتول في الحال نشل الحديد غادي و القيد مع الأغلال ديل أهلي و أجدادي يوم الرجالة رجال
إنت الأدب ستو يا مالكة أنفاسه فيك من نجيلة شعور فيك روحه وإحساسه يا والدة أحمد خير يا أم سكينة الخير يا أم عماد الدين أم الشريف إنت مين زي ولادك ديل في الفاتو و الجايين
|
|
|
|
|
|