|
|
 Re: لماذا لم تنضم لحزب الأمة القومي؟؟ سؤال للمنظمين وغير المنظمين......... (Re: Tabaldina)
|
و الله و بالواضح الخلانا نمشي لغيركم و نحن اولاد الانصار
انكم ما عندكم طرح يمس مشاكل البلد و نحنا تعلمنا و عرفنا
ما عندكم ديمقراطية في مؤسساتكمن علشان كده ما ممكن تطبقوا ليكم ديمقراطية
حتي في مؤسستكم الحزبية ما عندكم أمان وين ابونفيسةوين عديل وين ماديو و حتي وين د. ابراهيم الامين
لو عايزين الناس تجي لي ديار اجداداها زي ما المهعدي خلا خليفته الخليفة عبد الله انتو خلوا امامة الناس عند الرجل المؤهل في الزمان المحدد.
حننسا التاريخ و ننظر للمستقبل
بس ما ممكن ننسي المستقبل علشان اشخاص
لحزب الامة تاريخة و ليه ضرورة تاريخة اوجبت تاسسيه
ممكن حزب الامة يلم اضافة لي اولاد الانصار الفرتقوا من اليسار و اليمين مجموعة افكار تطور البلد و تعزز الديمقراطية لكن البتسوا فيه ده ما ممكن يكون سبب للانمتماء اليكم
يا اخي اول حاجة مارسوا الديمقراطية في حزبكم
نحنا ناس مرقنا و اتمردنا علي اهلنا و تاريخهم و حتي استشهادهم في القلابات و كرري و توشكي ما ممكن نجي بعد التعليم و الفهم و التجربة و النضال نمشي بالاشارة
خلو الحكاية معقولة و مفهومة
شكرا للطرح و الاستكشاف
| |
 
|
|
|
|
|
|
|
 Re: لماذا لم تنضم لحزب الأمة القومي؟؟ سؤال للمنظمين وغير المنظمين......... (Re: Tabaldina)
|
معليش يا جماعة نفط ترتيب التداخل لنرد على المحتج تبلدينا
Quote: ووقف حمار الشيخ فى العقبة ..!!
البلد دى ما فيها انصار ولا حزب امة ساى
ليخرجوا ما فى جرابهم ويعقبوا على هؤلاء
المشاركين حتى من افترع ذلك التساؤل ؟؟
---------
ان كنتم غير قادرين على التعقيب على طرحكم
فكيف تقنعون الشارع بمبادئكم ومواقفكم للانضمام لهذا الكيان المتهالك
كيان الرجل الواحد والبيت الواحد ..
او كيف تقنعون المنطمين وغير المنظمين خارجه ..
ناهيك عن المنشقين ؟؟ |
الحبيب جداً المنشق جداً تبلدينا
ياخي مالك روحك محرقاك؟ صبرن يبل الآببري ماف؟؟
يعني داير تقول ما قادرين نرد على المتداخلين؟؟ لاوالله يا حبيب
بس إنتا كمنشق حالي وأمة سابق نفسسسسسسسسك تكون أسباب مرقتك صحيحة عشان كدي مزازي في البوست دة وروحك محرقاك(:(:(:(:
وأنا مراهنة يوم حترجع لعشك وتجي تنكش معانا الحاجات من جوة
(:(:::::::::::::::::::::::::::::::::::(:(:(:
| |
|
|
|
|
|
|
|
|
Re: لماذا لم تنضم لحزب الأمة القومي؟؟ سؤال للمنظمين وغير المنظمين......... (Re: lana mahdi)
|
يا لنا يا قريبتي
هو نحنا السواها فينا شنو غير حزب الامه دا ..!
كان مسك في الديمقراطية دي كويس من يوم ما إعتلوا الكرسي دا ما كان حالنا
واخرها الديمقراطيه التالته الركبت فينا السُمبكـ دا ..
انا ما عندي حزب سياسي لأنو السياسه مُنفعه ومصلحة ما وطنية وشرف خدمة المجتمع ..
لمن كُنا في الثانوي والبلد في عـز الجوع والضنكـ والمرض 1988 والسيول محاصرانا من كل جانب
كان الصادق حقكم دا بيجي بالنيسان الباترول ماشي الجيلي جنينة السيد عبد الرحمن يقراء في الجريده ماشي يقيل هناكـ ..
حتى .... الا أكون أنا زول ما سوي لو ................
رأي مختصر وبسيط ..
| |
|
|
|
|
|
|
|
|
 Re: لماذا لم تنضم لحزب الأمة القومي؟؟ سؤال للمنظمين وغير المنظمين......... (Re: lana mahdi)
|
..
.
| Quote: وأنا مراهنة يوم حترجع لعشك وتجي تنكش معانا الحاجات من جوة |
لا كمان ما تبالغى ..
الاخت الحبيبة لنا
عارفه اناابقى مؤتمر وطنى وكمان فى جهاز الامن بتاع الحكومة
ولا اصبح تابع تحت امره الامام الصادق المهدى او احد ابنائه شوفى الطمام دا قدر شنو !!
انا شخصيا ما معترض على المبادئ معترض على القيادة وعلى السيطرة
والدكتاتورية والشللية فى الحزب وتذبذب الاراء والمصلحة الشخصية والمنافع الاسرية
والاذلال لاجل منصب ومصلحة او كرسى فى السلطة والحكم..
وهذا ما يفعله امامكم وانتم تنظرون ..!!
ولمن يجى يوم ويكون الامام والقرار لدى العامه او منطلق من القاعدة
ويكون قائد الركب غرابي ولا من اهل العوض او حتى من لبب آتى بانتخاب او
منطلق قاعدة احتمال تكسبين رهانك هذا ..
وروحى المحرقانى فى عدم قدرتكم على اقناع الناس والتساؤلات قد تبرد
شوووية بس ..
بعدين منو القال ليك انا ابحث عن قناعات لاقنع نفسي باننى مقتنع مما اقتنعت به :)؟؟؟
محتاجة لدليل مادى كالبيان او اثبات شخصى كصلاح جلال مثلا :)
--------
وبالله ما يشغلك رفعى ومتابعتى للبوست
على الرد على الاخرين .. وما تفطيهم انا ما مهم
المهم اقناع الغير ..
فقد هرمنا .. تحت امره السيد الواحد :)
| |
|
|
|
|
|
|
|
|
|
Re: لماذا لم تنضم لحزب الأمة القومي؟؟ سؤال للمنظمين وغير المنظمين......... (Re: Tabaldina)
|
ويظل حزب الامة هو حزب الامة
ويظل السيد الصادق المهدي
هو الرجل السياسي الحصيف
عفيف اليد واللسان...في زمن
قل فيه ان تخرج السياسة بهكذا
نوعية من السياسيين اذا اصبح
السائد بان السياسي رديف للانتهازي المصلجي....!!!!
لكن....
الي متي سيظل هذا الحزب العريق
يرزح تحت عباءة الامام....؟
الي متي سيظل الحزب يراوح مكانه
باجندة قديمة بالية اكل عليها الدهر
والاحزاب الاخري خاصة العقائدية تنزل
الي الشارع يوميا لتستقطب المزيد من
الشباب ببرامج وفعاليات وافكار تتجدد
اتفقنا معها ام اختلفنا.
متي نري شباب الحزب الذي وقف وساند وايد
الحزب من بواكير حياته وربما قبل الجامعة
يجلسون علي الصفوف الخلفية ...لاحس ولاخبر
بينما كل خيوط الحزب في يد الامام وحده....؟
متي سنري قائدا جديدا لهذا الحزب العريق بعد
اكثر من نصف قرن من التشبث بالسلطة...؟واعتقد
بان هذه هي قمة الدكتاتورية من رجل يعتقد بانه
الحامي الاول للديمقراطية في حزب ديمقراطي ....؟
اين محاولات الحزب لاعادة لم شمله بعد الانقسامات
التي حدثت فيه طوال سنوات حكم الانقاذ....؟
هل ....
خالد عويس - محمد فول - عبد المجيد الكونت
مريم الصادق - والاميرة لنا مهدي - عمر فضل المولي
والكثيرين من شباب الحزب علي قناعة بان هذا الزمن
هو زمن الامام السبعيني الذي قاد الحزب منذ بواكير
شبابه وعنفوان فتوته ونضوجه العقلي والفكري عندما
كانت الدراسة ( باللمبة ) والان العالم اصغر من اصغر
قرية في الجزيرة ابا.....؟
الامام الذي قاد جدي ثم ابي ثم قادني بكل الحب ...هل
هو نفس الشخص الذي سيقود ابني ابن العاشرة....؟
ساعود اذا كان في العمر بقية
| |
|
|
|
|
|
|
| |
lana mahdi
Hisham Ibrahim
haroon diyab
فيس بوك
تويتر
انستقرام
يوتيوب
بنتيريست