خـيـول الـرِيّـح ... أشـوآق لـلـبـلـد ...

Quote: شحدتك الله يا الشديت خيول الريّح وناوي سفر اكان شقيت صحاري كبيرة وآسعة وسآع صدور ناساً مجافية الشر ودخل غابات من الباباي وبهرك لونهم الأسمر اعرِف إنو ديل أهلي ناس سمحين ناس زينين اعزّ بشر نفوسهم ليّنة زي النيل وصافية صفاهو ما بتعكر وكان في لحظة يوم عِكرت اخير يا زول تمِش تِنجر هناك بتلقى حلوة جميلة نبع الطِيّبة من واديها يتفجّر اغريها السلآم، وقول ليها ليك يا العآزة شوقنا بحر يمين لا كلّ، لا ملّ ولا في لحظة صابو فتر الشوق لضِليل رآكوبة في عِز الهجير والحر لتربال عفيف ونضيف عرق الخِدمة من اطرافو يتقطّر رمى تيرابو وإتوكّل زول مبروك ضُراعوا اخدر شوقاً لليالينا للعب الشليل والتر لقعداتنا فوق القيف لتمرآت وكِسرة كر للفح السموم الحآر لميهِيّة من الجر للدخري البكرم الضيف الفي أهلوا ما قصّر ومافقدوهو يوم في حآرة لا من حآضرة إتأخّر يا رآكب خيول الريّح قول لأهلنا قطر الرجعة إتأخّر إلا وحاتكم آلزينين ما ناسيين ومشتاقين والشوق يوّت ملآزمنا فوق ارواحنا إتحكّر دموع العين ملآزمة الخد دوآم لبلدنا نتذكّر وقدُر حاولنا نتصبر لقينا نفسنا ما بنقدر . ود الـمـديـر...

Quote: الله الله الله عليـــــــــــــك يا ود عمي المدير يسلم قلمك وفكرك يابا بجيك صادة برواقة نضميك سمح بالحيل بشد الحيل والله صحي