|
|
 الملتقى الأول لفرص استثمار السودانيين العاملين بالخليج يبدأ في 22 أبريل الجاري
|
القاهرة 5-4-2011( أفريقيا اليوم/سونا)
بدأ جهاز تنظيم شئون السودانيين العاملين بالخارج ترتيبات انعقاد الملتقى الأول لفرص الإستثمار للعاملين السودانيين بالخليج
والذي ينظمه الجهاز فى الفترة من 22 – 23 من أبريل الجاري، برعاية الدكتور "مصطفى عثمان إسماعيل" مستشار الرئيس السوداني، تحت شعار ( إستثمارات العاملين بالخارج – إستقرار ونماء فى وطن العطاء )
وذلك بالتعاون مع مفوضية تشجيع الإستثمار بولاية الخرطوم ومشاركة مجلس العمل السودانى بدولة الإمارات العربية المتحدة وسفارة السودان بأبو ظبى ، كما يشارك فى الملتقى ايضاً وزارة الإستثمار ومفوضيات الإستثمار بالولايات والبنوك والشركات وعدد من الجهات ذات الصلة
وقالت"زينب محمد عثمان" مدير إدارة الإستثمار بجهاز المغتربين السودانيين إن الملتقى يهدف إلى بحث الآفاق والجوانب الإيجابية للإستثمار فى السودان وتفعيلها والفرص الإستثمارية الخاصة للسودانيين العاملين بالخارج
بالاضافة إلى معالجة جوانب القصور والمعوقات التى تعترض إنسياب إستثمارات السودانيين العاملين بالخارج ودراسة مجموعة من المشاريع فى المجالات المختلفة وذات الجدوى الإقتصادية العالية التى تلاءم وتتناسب، والإمكانيات المادية والتقنية للعاملين بالخارج وعرضها فى شكل مشروعات جاهزة
فضلاً عن طرح مشروعات صغيرة ومتوسطة وجمع العاملين بالخارج فى شكل شراكات اقتصادية ، وأضافت مدير الإستثمار بجهاز المغتربين أن الملتقى يهدف أيضاً إلى الإستفادة من تجارب الدول الأخرى كتجربة الهند وماليزيا فى المشروعات الصغيرة
وكشفت عن مبررات إستهداف الملتقى للعاملين بالخليج مبينة أن المبادرة جاءت من مجلس العمل السودانى بدولة الامارات العربية المتحدة ، حيث تمثل الإمارات مركزاً تجارياً وسوقاً مفتوحة لكل دول الخليج
مشيرة إلي أن السودانيين بمنطقة الخليج يمكنهم أيضا الوصول إلى السودان بسهولة للمشاركة ، وأن الملتقى يأتى متزامناً مع إنعقاد المعرض التجارى الإسلامى الأول الذى ينعقد بالشارقة فى الفترة من الرابع والعشرين وحتى التاسع والعشرين من أبريل الجاري بالشارقة والذى يشارك فيه السودان مما يعتبر فرصة لتعزيز مشاركات ومبادرات السودان الإقتصادية فى منطقة الخليج
|
|
  
|
|
|
|
|
|
|
 Re: الملتقى الأول لفرص استثمار السودانيين العاملين بالخليج يبدأ في 22 أبريل الجاري (Re: Saifelyazal Elmaki)
|
| Quote: ( إستثمارات العاملين بالخارج – إستقرار ونماء فى وطن العطاء ) |
خلاص فلسو ؟ وقبلو على المغتربين ...
هو المستثمرين الما عارفين حاجه عن البلد فارقوها ..
يجوا المغتربين العارفين كل حاجه عن البلد يستثمروا ؟
الريال والدرهم والدينار ديل بيطلعوا من فكـ الأسد ، يجوا المغتربين يستثمروا ؟
هم الضرائب والخدمات بيدفعوها يدهم ملوية وكراعهم فوق راسهم ..
ولو ما مجبورين والله حق الدمغه ما عاوزين يدفعوا ..
الملتقى الوهم دا وغيروا ، قبل ما تصرفوا من عرق الشعب والمغترب ..
امشوا فتشوا ليه فشل الإستثمار في السودان ، بعدين تعالوا لي افعال زي دي ....
الفساد المستشري في البلد و حقي وينوا و بالنُص دي حركات خّـلت المستثمرين الاجانب يهربوا من البلد بي جلدهم ..
اولى بالملتقى دا ناس الحكومة من كبيرها الى صغيرها ومن السفارات الى المطارات الى المصالح
الحكومية في التنبيه بما فعلوه من اخطاء لا تُغتفر في حق المستثمر والمواطن والوطن ....
كل زول عندو ختم وتوقيع ومـسـؤول عن وفي الإستثمار لو ما خاف من الله والقانون ما ترجو نتيجه ...
عـزوف المستثمرين الأجانب وتركهم أغراضهم السبب فيهو المسؤولين عن الإستثمار ووزارة الداخلية
وديوان الضرائب والزكاة والمحليات وووو والقانون الذي لا يحمي المستثمرين من فساد المسؤولين ..
فلوس الملتقى دا اولى بيها اُسـر في الغُربة تواجه مصائب ما خطرت على قلب بشر سوي ...
كفى إستهبال وإستعباط بي عــقول المغتربين تحت رايه الوطن الوطن الوطن ....
هسع مشروع سندس الزراعي دا بعدو معقول واحد مغترب نصيح كدا يمشي يودي قروشو
التعبان فيها دي وروحو مرقت وعمرو راح فيها يشيلها يوديها للإستثمار في السودان مع الحكومة والا براهـو .....
ما هي الافعال الما كويسه لو فاكرين ما بتهم والا ما عندها أثر تكونوا واهمين .....
والأسواق الحُرة الما عارفين أسهمهم وأرباحهم مشت وين ... دا مثال تاني
اقروا الكلام دا للناس الجايين الملتقى دا والا رسلو ليهم رسائل ....
يمكن طايوقهم دا يشتغل شويه ..
.........#### ... ومُلتقاكم ذاتو ...
| |
|
|
|
|
|
|
| |
صلاح غريبة
Hisham Ibrahim
فيس بوك
تويتر
انستقرام
يوتيوب
بنتيريست