تقرير (4) تعذيب واعتقال الصحفي أبوذر علي الأمين من 5 الى 11 يونيو2010م ( ما لا يصدقه العقل)

Quote: أوقفتنا الشرطة سائلين: ماشين وين؟؟؟. أستغربنا للسؤال، فمن الواضح أننا نريد الدخول للسجن؟؟؟. ردينا: عندنا زيارة!!!!. رد أحد رجال الشرطة، الليلة مافي زيارة للسجن!!!!. وقلنا له: كيف ما في زيارة، إنت تعلم أن الزيارة يوم الجمعة!!!!. قال أعلم، ولكن عندنا بعض الإجراءات في السجن؟؟؟؟. قلنا له: بترجي وإستجداء، أن يسمح لنا بإدخال بعض اللوازم لواحد نزيل بالسجن!!. رفض أن يقوم بإدخال ما نحمله لأبوذر!!!. قلنا له: يعني لو ممكن، عندنا زول هنا وعايزين نعرف الحاصل عليهوا شنو؟؟ ولو ما عايزنا ندخل، نحنا حنقيف هنا، أدخل ليهوا إنت الحاجات دي، وورينا لو محتاج لأي حاجة!!!!. أجاب: ما ممكن لأن عندنا ترتيبات أمنية داخل السجن!!!. فشلنا في إقناعه، ولم نستطع أن نفهم، يعني شنو ترتيبات أمنية؟؟؟ وإن يكن، فما علاقتها بالزيارة؟؟؟ وانقطع الأمل الوحيد، فقد كنا نُمني أنفسنا، بمقابلة أبوذر اليوم!!!! ورجعنا من حيث أتينا!!!!.