|
|
 حسى البورد ده يدخلوه بياتو ناحيه
|
السلام عليكم اخوتى واخواتى الاعزاء
بجد أفتقدتكم كثيرا
وأشكر كل من كتب/كتبت لى طالبين منى البقاء سواء فى بوستى ام فى بوست منفرد وسأرد عليكم بالتفصيل أنشاء الله
بس خلو الأمور تهدأ قليلا
حسى قدر ما حاولت أدخل الاقى طوبه ولا حجر طائر, البورد بقى ولا جنه الاطفال, ضرب بالكراسى والاسلحه الخفيفه والثقيله والبعض ذكرنى بأنا واخوانى واختى, لماكنا صغار كنا بنتشاكل كل شويه, وده حقى وده ما حقى, لكنى بزكر ايضا اننا لما كبرنا عقلنا وخلينا الشكل وبقت علاقتنا حميمه جدا والحمد الله, لكن يبدو ان البعض ما عايز ينسى مشاكل الطفوله ولاذال متأثرا بها, غايتو نصيحتى ليكم ماتخلو اولادكم واخوتكم الصغار يقروأالبورد البتكتبو فيهو ده لأنو لو حصل حيكونو مصدومين فيكم شديد, حيقولو اذا ديل قدوتنا بعملو كده طيب نحن نعمل شنو؟
أنا بصراحه ممكن اشوف الحاجات ده عاديه لو حصلت من اخوى ولا اختى الأصغر منى بس لو جات من اخوانى الكبار ولا ابوى بكون مفجوعه فيهم شديد
حسى لما الأمور تهدأ شويه ويتم تسليم السلاح ادونى خبر, عشان ما يجينى سهم طائش ويسبب لى عاهه مستديمه
اها فتكم بعافيه, وحلفتكم بالله لو الخال ود قاسم جا
بيجاى وفتش عن اخطائى الأملائيه واللغويه مافى زول يسألو, انا ما بزعل منو لأنو هو برضو فى مقام أبى, وعارفه انو غرضو انو اتعلم العربى كويس, يلا
أشوف وشكم بعافيه وعليكم الله ما تزعلو من كلامى ده, والعفو والعافيه
وفى أمان الله
لا اله الا الله
|
|
 
|
|
|
|
|
|
|
 Re: حسى البورد ده يدخلوه بياتو ناحيه (Re: bint_alahfad)
|
ادخليهو مكان ما اتفق يا بت الاحفاد ياخي .....
كلها زوابع حتشعلل شوية و تنطفئ
و انا عندي ليك اقتراح لحل مشكلة الغلطات الاملائية دي:
انتي بعد ما تكتبي الدايراهو كلو؛ ارجعي؛
و غيري جميع حروف الزاي لذاء؛ و جميع حروف الذاء لزاي؛
و بالطريقة دي؛ باقي الغلطات حتكون خفيفة و عادية و غير لافتة للنظر ....
| |
|
|
|
|
|
|
|
|
 Re: حسى البورد ده يدخلوه بياتو ناحيه (Re: lana mahdi)
|
السلام عليكم ورحمه الله
الأخ الكريم أحمد الشايقي
الله يسلمك وشكرا كثيرا للترحيب, وللسؤال المتواصل وبارك الله فيك
الاخ الكريم ملاسى
شكرا للمرور من هنا, وسأعمل بنصائحك بأذن الله, بس لو ما نفعت, انت الحتكون السبب وبارك الله فيك
الحبيبه لنا
انتى كمان وحشتينى ياغاليه, اهو داخلاهو بالباب الخلفى, والحمد الله الجو مطمن لحدى دلوقتى, شكرا لمرورك , تحياتى
وفى امان الله
لا اله الا الله
| |
|
|
|
|
|
|
| |
bint_alahfad
أحمد الشايقي
Hussein Mallasi
lana mahdi
Raja
بلدى يا حبوب
فيس بوك
تويتر
انستقرام
يوتيوب
بنتيريست