|
|
|
 Re: بالمسنجر تجليات المفتاح في اروقة السجادة .... (Re: كوليل)
|
كتب المفتاح
القلب النابض أعرف تماما تماما إنى أعرفك فأعى ما أعى غير أن هنالك ما هو ظاهر خفى يتثاءب لطيفا كالإرتياح لا تمسك كتفه...وكالمستحيل لذوى الآفاق الضحله يحققه من يؤمن بلا مستحيل تحت الشمس...فات على أجاثا كريستى أن تكتب بشخصية القلب النابض...وجاء من فاق أجاثا كريستى ليجهل أرسين لوبين...يا أيها القلب النابض أنا قابض على كتف الحقيقه والسبابه على التتك...دخلت لعالم صوفى يشرب ماء الوضؤ فيتجلى وتنجلى له الأشياء فيختلى بلا جلبه ليعاود جلوته...القلب النابض ظل نابضا وقابضا كتف المستحيل حتى لا يتثاءب الحلم فتضيع عنك الأضغاث على يقظة لا حضور فيها...وللنابض قلبا الود والسلام
منصور
| |
 
|
|
|
|
|
|
|
 Re: بالمسنجر تجليات المفتاح في اروقة السجادة .... (Re: القلب النابض)
|
كتب الي
ولك من الود الممتد جزعه وتدا فى الأرض وتعانق جباله قاب قوسين أو أدنى...يا القلب النابض عليك الشيخ الطيب إنت منو سر مابكلم بيه زول فيك من الجنون المريح ولوما أخاف الكذب درست معى فى الخلوه وكنت قدامى بى لوح واحد لكن شرفنا البقره سويا أليس كذلك...أى بوست قرأت وعايزك تقرأ ياسر عرمان الذى أعرف بعين مفتحه وكلمنى ماذا ترى فى هنالـك نحن أهل خطوه وزى ما قلت دراويش جبتنا جاى تلبس وجاى تلبس وما عندك عوجه كتابا محرق.........
منصور بفطر وبجيك
| |
|
|
|
|
|
|
|
|
|
Re: بالمسنجر تجليات المفتاح في اروقة السجادة .... (Re: القلب النابض)
|
يا قلب
ممكن اكورك ليكي هنا ؟
واااااااااااااااااااااااااااااااااي منك
عسسسسسسسسسسسسسسسسسسسسسسسسسسسسسسسسسل بس
يا كوليل
اها دي حارقاني شديد
اجيب لي زوله تزغرد و اجيكم صاد سمح !
تهريجه:
يا قلب
والله شحتفتيني لمن ريقي نشف و هسي انا صايم
ما عارف اكمل البوست و لا اكمل اليوم 
| |
|
|
|
|
|
|
|
|
|
Re: بالمسنجر تجليات المفتاح في اروقة السجادة .... (Re: القلب النابض)
|
يا قلب
احب نبضك
فهو صادق
وصدقه يتخلل المشاعر
صوتي من بعيد في البير داير امرق منها
و بوستك ده و القبلو حبل الخروج منها
اشكرك علي وقتك و علي حروفك الجميله
اها بي عربي جوبا كده اتكسرت فيكي من الاخر كده
تهريجه:
عارفه التخريمه دي كان كتبتيها خرميجه هسي بنقراها تفاحه من تفاحات الجنه
اها نمشي ننوم قبل ما نطلع منها سمح !
فالح يا قلب
بعدين بالراحه علينا
تاني غايتو من الليله انا بالواضح كده قاصي ليكي سمح !
| |
|
|
|
|
|
|
|
|
|
Re: بالمسنجر تجليات المفتاح في اروقة السجادة .... (Re: كوليل)
|
فيصل نوبي وكوليل
اول الليل عندنا ...آخر الليل عندكم ..... حكمة الله.....وسر اسرارو....ناس ليلهم بادي وناس فجرهم طالع ....افلا يتفكرون......
فطرنا قبل ثلاث ساعات .....
وشربنا الشاي والقهوة..... إلا بنها ما قليناه.. جاهز.... دايرين نرجع نقلي البن طاااازج في الراكوبة الكبيرة .....ونرسل للرجال قهوتهم في الشارع ....
والقراصة وصلت دليفري .... بي ملاح سبروق
| |
|
|
|
|
|
|
|
|
|
Re: بالمسنجر تجليات المفتاح في اروقة السجادة .... (Re: القلب النابض)
|
قاعدين يا خال
يكون السيرفر طشا ؟
انت يا خال حارس ليك زول ولا داير تشوف الناقص منو ؟
يا قلب
الاوراد خلصت و لا اله الا الله و سبحان الله والحمد لله و الله اكبر
و انتي واقفه صاااااااااااامته
مدي يدك و اريني ماذا كتبتي علي لوحك
اري دوايتك و قد قارب حبرها علي الجفاف
تهريجه:
كوليل يا زول انت وين عضاك كلب و لا شنو ؟
| |
|
|
|
|
|
|
|
|
|
Re: بالمسنجر تجليات المفتاح في اروقة السجادة .... (Re: القلب النابض)
|
| Quote: الم اقل لك شتت قلمي .... منصور في البوست التاني ... والجمع سريع تلاتات |
يا قلب
عارفك نايمه هسي .... لكن لما تقومي تقريها
منصور شنقنا و رده ليهو رد فووووووووووووق تقول داير يكسر رقبتنا زياده علي ما هي مكسوره ..
اها شتيت القلم ده ما مني ده من منصور و فتح ليكي بوست و انتي فتحتي بوست
بس انتي ذكيه و قلمك خفيف ... يبقي لازم تبارزي و كان غلبك
انا بمسك لك اللوح لغايه ما تخلصي سمح !
تهريجه:
الجمع تلاتات دي بتودي الاخره انتي قلب ضلامي يا قلب ؟
| |
|
|
|
|
|
|
|
|
|
Re: بالمسنجر تجليات المفتاح في اروقة السجادة .... (Re: القلب النابض)
|
الله حى ..
حين تعالى صوت النوبة يشقّ سكون المنبر شالنا الشوق للذكر فجئنا نركض .. الكل كان يمور فى مسيد شيخنا النصرى أمين .. توسط الحلقة درويش يشعّ نورا .. قال شيخنا النصرى مشيرا للدرويش .. هذا شيخى المنصور .. هتف الجميع .. قيّوم .. الخضر بيننا و لا ندرى .. و ها هو الخضر يعلّمنا ما لا نعلم .. يعلّمنا سرّ القلب النابض .. لنكتسف أننا فى عالم روح الكلم الطيّب
صبرا لأحضر جبّتى و أزهد معكم ليال رمضان
| |
|
|
|
|
|
|
|
|
|
Re: بالمسنجر تجليات المفتاح في اروقة السجادة .... (Re: فيصل نوبي)
|
علي الحلاوي
جيداَ جيت .... شرفنا الليلة ... وناس الطار نفروه شديد ... والزاكرين دموعهم
سايلة... ايديهم طايلة ... ارواحهم فوق.... سابين الزايلة ماسكين في الدايمة ...
سواح في الارض ... عارفين الحق....لاحقين الحد.....انوارهم ضاربة ... كهارب ساربة...
سايقين الليل انين وحنين.... ومتواصلين ....ماهم شاكين ... القنعانين .... شايلين
الدين بكان ما يكون .....ساربين ساربين...طريقهم وين ...
خرمجة : نوبي حفظت وحفظت اخوك كوليل عمك منصور مبسوط بالحيل .. احفظ يا زول
| |
|
|
|
|
|
|
|
|
|
Re: بالمسنجر تجليات المفتاح في اروقة السجادة .... (Re: munswor almophtah)
|
استاذنا
ما داير اقول شيخنا يقومو يقولو لي كاني و ماني
ديل ما كلهم ما ناس خلاوي
براد الشاي حق القلب النابض ده انكشح في لوحي و كتب ما لم تكتبه دوايتي في خلوات الخوالي ... اندم علي كل لحظه قبلها ... انظر الي لوحي و احفظ من الوهله الاولي ... بماذا تنصحني ... عساني اواصل ؟؟؟؟
تهريجه :
يا حي يا قيو يا مالك الروح
اتني خيرهم و خير ما كتبو
ووقني شرهم و شر ما كتبو
اميييييييييييييييييييين
مافي زول يدعي لي بدعي لي روحي براي سمح !
| |
|
|
|
|
|
|
|
|
|
Re: بالمسنجر تجليات المفتاح في اروقة السجادة .... (Re: munswor almophtah)
|
| Quote: نوبى برادك قطع شك ليس كمهر عنتر كرار فرار وكجلمود الصخر إذا ما خر من على ولكن براد الصينى يانوبى ما (بتكسر) أمسك اللوح بقوه........... |
استاذي منصور
برادي يلمع و هو صيني بالحيل علا ما بنكسر الصيني شايو بارد و مويتو حاره
اها اريتو مهر عنتر
استاذني
زدني و دعني احفظ قبل ان اكتب
تهريجه:
ان كنت كرار فرار و جلمود فهذا لاني تلميذك و القلب رائع يستحق التمسك بقوه
يا حي يا الله يا كريم يا قدوس
| |
|
|
|
|
|
|
|
|
|
Re: بالمسنجر تجليات المفتاح في اروقة السجادة .... (Re: munswor almophtah)
|
يا كوستاويييييييييييييييي
دايما تفاجئني
كالمطر في بريطانيا... طبعا نحن بنحب المطر علشان جايين من الصحراء... ويتغاظ من بت
النشرة الجوية لما تغتذر وياجماعة الاسبوع دا ممطر وسوووري شديد ليكم ... ماعافة نحن
كنا بنطلع الشارع ونغني يا مطيرة صبي لينا في عينينا .. شفت ليك جنس ناس ..
وابقى لي جوة ....
وخيرك وافر ..... برواز واسطوانة..... ولوحة.....ودخلت خلوة .....
مرررررراحب
| |
|
|
|
|
|
|
|
|
|
Re: بالمسنجر تجليات المفتاح في اروقة السجادة .... (Re: munswor almophtah)
|
وليد 500
| Quote: اتقابلنا فى اسبانيا فى ماربيا بالتحديد |
عام ونيف
كأنه بالامس ... شرحت كثيرا اعجابك بأسبانيا .... وجمال معمارها الاسلامي القديم .... وبعض قهاوي عتيقة ......صرخت بوجهي هذه الارض لنا ....
صرخت بوجهك .....أضعناها .....ونبكي على الاطلال .....وتضيع التي تحت اقدامنا
ونتهاوى .... احسست بالدمع يكاد يقفز من مقلتيك .... فقلت اعتزارا......كلنا مسؤولين ...
الكتاب الشعراء .....الادباء ....لانهم بكو ....ولم يحفروا الصخر والخندق
العسكر لأنهم جبنوا وسكنو على قمم بلادهم واذاقوا اهليهم سؤ العذاب .....وصادروا
الحرية .....
الشعوب لأنها سمحت لهم بمصادرة الحرية ... وهاجر بعضها بحثاً عن حرية يحاصرها الخوف....
والناس اجمعين .......
حدثتني كيف .. تغيرت اسماء المدن .....بعامل الزمن .... وفي ذلك الزمان .... كانت جراحات كثيرة تنزف ... بغداد... دارفور ......صومال ..... الموصل .....بورتسودان...الفاشر ....غزة........وبعض جنوبي ......
صرخت بوجهي .... جسد منخور هذي الامة.... صرخت بوجهك ... صارت أمم .... لا تبكي ... صارت امم.... ذابت في الكل ....جزيئات صغيرة ....ذابت في الكل .... اصبحنا كالملح نذوب حيث يراد بنا ..... نكبتنا اكبر من ان نبكيها.......
فلنصمت صبرا .... صرخت بوجهي صرت معتزلة؟ ......حاشا لله ... اوقد شمعة ... اسرج تقابة في مدريد وفي كسلا .....ارسل كسوة للكعبة .....واطعم .... اعلم وانجب للتاريخ كذا ولدا .... ولتبقى التقابة مشتعلة خمسمئة عام اخري ونصلي الفجر في مسجد مدريد الكبير.......
| |
|
|
|
|
|
|
|
|
|
Re: بالمسنجر تجليات المفتاح في اروقة السجادة .... (Re: القلب النابض)
|
امسك لوحي
اقف قرابه النار
عساها تكفر ذنوبي
ادعو الله
تتساقط دموعي
احر من الجمر
اتمني ان ينسلخ جلدي
و اسقط كل سيئه ارتكبتها
اطلب العفو من كل من عرفتهم
مع كل دمعه
يرتاح صدري
ادعو الله ان يغفر لي
احتضن اللوح بعمق
اتمني ان تكون روحي و جسدي
كلوح من الواحك يا شيخي
تنمحي معها اخطائي
و سيئاتي
كما ينمحي حبر الدوايه
مع دموعي الصادقه
اقراء الحمد
و احمد الله علي ما انا فيه
تمنيت ان اولد من جديد
و ينقشع جسدي
لانه ليس جدير بالروح التي بداخله
اعود لاستغفر ربي
و ترتسم علي وجنتي فرحه
فرحتي بالخلوه
و الروح الجديده المتجدده
التي حاولت ان انظفها
تتعاي اصوات القراء
ولكني لا اسمع منها
سوي اللهم اغفر لي و لهم
يا غفور يا رحيم
| |
|
|
|
|
|
|
|
|
|
Re: بالمسنجر تجليات المفتاح في اروقة السجادة .... (Re: القلب النابض)
|
القلب النابض
التبروقـة تسمى في الشمال أيضا (التقروقـة), والاسم يعود للغات النوبيـة القديمـة, وهي ما كان من السعف خاصـة أما إن كان فرش الصلاة أو البيت من الصوف أو الشعر فهو الشملـة, وإن كان من جلد الحيوان فهو الفروة,
ولكل منازل ودرجـات في قلوب الذاكرين,
وحيا الله القــوم.
| |
|
|
|
|
|
|
|
القلب النابض
فيصل نوبي
أحمد الشايقي
waleed500
Waly Eldin Elfakey
munswor almophtah
محمد عكاشة
Kostawi
فيس بوك
تويتر
انستقرام
يوتيوب
بنتيريست