عبد الرحمن الأبنودي (حراجي القط) والشعر المروي
الجوهرة المصونة والدرة المكنونة زوجتنا فاطنة أحمد عبد الغفار يوصل ويسلم ليها في منزلنا الكاين في جبلاية الدار أما بعد لذا كنت هاودت كسوفي ع التأخير والله ما كنت حاخط بيدي حرف سامحيني يا فاطنة ف طولة الغيبة عليكم وأنا خجلان ..خجلان وأقولك يا زوجتنا أنا خجلان منكم من هنا للصبح شهرين دلوقت من يوم ما عنيكي يا فاطنة بلت شباك القطر لسوعتي بدمعك ضهر يدي لحضتها قلت لك قبل ما عوصل عتلاقي جوابي جي نهنهتي وقلتي لي بعتاب النبي عارفاك كداب .. نساي وعتنسي أول ما عتنزل في اسوان ما عرفت ساعتها يا مرتي أضحك ولا أبكي ما عرفت سعتها إذا كنت باعوز القطر يقف ولا يولي حسيت بعنيكي الحيرانة يافاطنة بتقوللي وتسكت وتقوللي حسيت واليد بتخطفها يد الجدعان بالقلب ف جوفي ما عارف إن كان بردان دفيان والبت عزيزة والواد عيد قنديل في الجوف ..زي ما بتضوي بتقيد والقطر إتحرك وقليبي بيتنقل من يد لإيد والقطر بيصرخ ويدودو إتدلدلت بوسطي من الشباك خدي بالك م الولد راعي عزيزة وعيد والقطر صرخ ورمح لكأنه داس علي بصة نار ولقطت الحس قريب .. قد ما كنتي بعيد قلبي معاك يا حراجي هناك ف اسوان ورميت نفسي وسط الجدعان وبكيت وبلدنا اللي كنا بنمشيها ف نص نهار كان القطر ف لحضة.. فاتها بمشوار سامحيني يا فطنة ع التأخير ولو الورقة يابت الخال تكفي لأعبي لك بحر النيل والله بكفي..كلام وختاما ليس ختام بابعت لك ليكي ولناس الجبلاية ولبتي عزيزة والواد عيد ألف سلام ملحوظة أكتب ع المظروف اسوان زوجي الغالي/ لوسطي حراجي القط العامل في السد العالي أزعم أن مظفر النواب هو من بدأ هذا الضرب من الرواية الشعرية, وقديما كان الشعر يروي وما تميز يكتب ويعلق في جدار الكعبة وعندنا في السودان كان ود بادي يروي شعره وقبله كان معلمه إسماعيل حسن أو إسماعين كما كان يحب أن يناديه الأخرون ثم أخيرا مبدعنا حميد, وأزعم أيضا أن الأبنودي هو سيد الساحة هنا ليس فقط لصعوبة اللهجة في قصائده ولكن أيضا لحلاوتها مروية أكثر منها مقروئة فهل هذا النوع من الرواية الشعرية إيذانا بإنتها عصر الدواويين الشعرية بشكلها الكلاسيكي ؟ إستمعو وأحكموا

[رد على الموضوع] صفحة 1 „‰ 1: << 1 >>

احدث عناوين سودانيز اون لاين الان

اراء حرة و مقالات	Latest Posts in English Forum
Articles and Views	اخر المواضيع فى المنبر العام
News and Press Releases	اخبار و بيانات

الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة

About Us
Contact Us
About Sudanese Online

اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين

News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums

If you're looking to submit News,Video,a Press Release or or Article please feel free to send it to [email protected]