|
Re: الابن معاويه حسين وكل خبراء الكومبيوتر والويرلس مساعده رجاءا (Re: doma)
|
كدي يا دومة بالرواقة كدا وضحي الموضوع
عشان كلمة ويرليس دي زيها وزي عندي كيبل
بتقصدي شنو بكلمة ويرليس؟
هل بتقصدي الموديم؟ ولو موديم هل بتقصدي الجهاز الكبير العندو أريال أو أتنين أو تلاتة أم بتقصدي موديم اليو أس بي؟ أم تقصدي انقطاع الأتنصال بالموديم؟
والحصل شنو الخلى المشكلة تحدث؟
ومن متين؟
وإنتي عملتي شنو عشان تكحليها وقمتي عميتيها؟
لووووووووول
في انتظارك
| |
|
|
|
|
|
|
Re: الابن معاويه حسين وكل خبراء الكومبيوتر والويرلس مساعده رجاءا (Re: Frankly)
|
Quote: وإنتي عملتي شنو عشان تكحليها وقمتي عميتيها؟
لووووووووول
في انتظارك |
لووووووووووووول شفت يا كمال الشوبير كعب بالحيل ويرلسي انا شغال في امن وامان لكين في زول قال لي افتحي لي البوست و قال ماشي ينوم وبصحي تاني وبس ياها النومه لا هو لا زوجتوا ما لامه فيهم اها علمي علمكم عن وير لسو دا وانا اسه ميعاد نومي جاء وما عارفه البصحيه شنو عشان نسالوا . اها لازم نتظر لما يجيء يورينا مشكلتو شنو . انا برفع البوست وعليك الله تاني مر علينا ما تنسى .
| |
|
|
|
|
|
|
Re: الابن معاويه حسين وكل خبراء الكومبيوتر والويرلس مساعده رجاءا (Re: فاروق عثمان)
|
Quote: شكرا يا دوما ولا عدمناك يا ملكه الشباب المرو كلكم مشكورين المشكله بسيطه انو انا ما قادر اتصل بالويرلس يعني موصل كيبل من المودم لي اللابتوب وعايز الغي الموضوع ده
|
سريع سريع قبل ما دوما تجي
الجهاز بتاعك معرف على أنو يدخل للإنترنت بواسطة الشبكة المحلية LAN فنعمل التالي عشان نلغي التعريف ده ونخلي الجهاز يدخل بالوايرلس
تمشي الكونترول بانل Control Panel وتختار Internet Options Connections Lan Settings
وتعمل (Select) على البوكس بتاع ال Automatically Detect Setting
وتعمل (Unsellect) على البوكس Use Proxy Server
وتضغط Apply
| |
|
|
|
|
|
|
Re: الابن معاويه حسين وكل خبراء الكومبيوتر والويرلس مساعده رجاءا (Re: فاروق عثمان)
|
مافي زول يساعد الحبوبة دي
الزولة دي شايلة حلتها و حايمة في الحلة
بس تعرف للملمة القروش!!!
الويرلس دا عايز ليه أخصائي? هسع لو فتحتي باب بيتك و لفحتي ليك أي ولد إبتدائي مش كان علمك....
زولة حايمة في كل بلدان التكنلوجيا و still ما بتعرف للويرلس شن فايدة الإغتراب any way
شابكانا كل يوم " طلب مساعد, طلب مساعد" نحن شغالين عندك?
| |
|
|
|
|
|
|
Re: الابن معاويه حسين وكل خبراء الكومبيوتر والويرلس مساعده رجاءا (Re: Kostawi)
|
Quote: مافي زول يساعد الحبوبة دي
الزولة دي شايلة حلتها و حايمة في الحلة
بس تعرف للملمة القروش!!!
الويرلس دا عايز ليه أخصائي? هسع لو فتحتي باب بيتك و لفحتي ليك أي ولد إبتدائي مش كان علمك....
زولة حايمة في كل بلدان التكنلوجيا و still ما بتعرف للويرلس شن فايدة الإغتراب any way
شابكانا كل يوم " طلب مساعد, طلب مساعد" نحن شغالين عندك? |
مسسسسسسخره والله انا يا يابا بت الخرتوم محل الرئس بنوم والطياره بتقوم بالله شوف الاسكراب دا انا بطرف عيني ما بعاين ليك ناديت الوليدات السمحين مالي ومال الخرد المن زمن كيلوالضان بي قرشين ورطل السكر بي مليم والجاز من الكنتين . قال شغالين عندك قال !! من سعاده حظك يا يابا عشان تشتغل عندي ؟؟!!
اسع لف سريع اتناول الورد والرد وواين وبلش الفصاحه دي عامل وشك متل drei Tage Regen
| |
|
|
|
|
|
|
Re: الابن معاويه حسين وكل خبراء الكومبيوتر والويرلس مساعده رجاءا (Re: ABUHUSSEIN)
|
Quote: الكلمات المتقاطة ما بتاخد معاي دقيقتين بس لكن زي البوست دا بقضي لي وقت كتير
ختي جنب الجهاز مفراكة بظبط معاك |
خلاص تعال الناخد لي خشم خشمين معاك واقوم احمرالسمك والله محنني الايام دي عليك الله صحي جبصوا ليك كوووووووووووووول الساق ؟؟ والله بالغوا مع ساميه اسع لو جبصوا الاصبع بس كان بتلزك علي دكان الحلاق تتونس مع ا الزبائن ولا تمش تلعب الضومنه عشان ترتاح منك ومن طلباتك يا ساميه الشاي يا ساميه الفطور يا ساميه البانكيك بالقشطه والله ايامك يا ابو حسين خدمه خمسه نجوم
| |
|
|
|
|
|
|
Re: الابن معاويه حسين وكل خبراء الكومبيوتر والويرلس مساعده رجاءا (Re: ABUHUSSEIN)
|
Quote: غايتو الكلام دا ببعث فيني روح الشباب و الإطمئنان بي إني لسه صغير |
روح شباب شنو الببعثها فيك ؟؟؟!!! الزول الخشمو بليله وحيلتو قليله دا بيكون في خريف العمر ملك الموت ماسك دفترو عارف النوع البيكون نضام من الرجال داك يا ولد اطفي النور يا بت وطي صوت التلفزيون يا ولد اجري جيب لي الحقه تلقاها تحت المخده فوق العنقريب التحت النيمه يا ولد جيب السبحه يا بت تعالي جيبي التبروقه قول لامك تعمل الشاي وجيب معاك مويه وحبوب الضغط
والحيله قليله معنقل متلك كدي فوق نص السرير
| |
|
|
|
|
|
|
Re: الابن معاويه حسين وكل خبراء الكومبيوتر والويرلس مساعده رجاءا (Re: نوفل عبد الرحيم حسن)
|
Quote: هو زول بروح من بيتهم ,,, بقدر يوصف لينا الويرلس راح وين ؟ لوووووول لكن |
عاد يا نوفل يا ولدي الما بودرني من بيتنا شنو؟!!! كان ناس الانقاذ باعو السهلات كوووووووووولها وشخبتوا البلد شوارع ظلط وعملوا حلل جديده والسودان كووووولو بقي في الخرتوم الما بودرني شنو ؟
تصدق الوير لس دا بتاع اخوكم فاروق عثمان دا ك ومواعيدو بطاله بشتغل ورديات اها ما بعرف ح تساعدوه كيف !! وغير كدا في التكنلوجيا دي ما بفهم اي شئ باقي طبيب بشري هو . ما في طريقه الا زول فيكم يتكرم يعمل معه مواعيد في المسنجر الداخلي ويعمل معه رموت اسيستنس يدخل جهاز فاروق يشوف الحاصل شنو . الحل المكلف يشتري ليه wireless Router جديد ويجيب ليه ولد هندي يظبطوا ليهو.
| |
|
|
|
|
|
|
Re: الابن معاويه حسين وكل خبراء الكومبيوتر والويرلس مساعده رجاءا (Re: doma)
|
سلام مجددا كما ذكرت انت انو الويرلس كان شغال ووقف المطلوب فى الحاله دى حاول كما ذكرت لك سابقا ان تفصل الجهاز بتاع الويرلس من الكهرباء اذا ما لاقى المفتاح لمدة عشرة ثوانى افصل الموديم والويرلس معا ممكن كمان واعيد تشغيلهم ثانيا وانتظر لمدة دقيقتين ولو ما اشتغل اعمل اعادة تشغيل للابتوب وشوف النتيجة بالتوفيق
| |
|
|
|
|
|
|
Re: الابن معاويه حسين وكل خبراء الكومبيوتر والويرلس مساعده رجاءا (Re: متوكل بحر)
|
Quote: الزول الخشمو بليله وحيلتو قليله دا بيكون في خريف العمر ملك الموت ماسك دفترو عارف النوع البيكون نضام من الرجال داك يا ولد اطفي النور يا بت وطي صوت التلفزيون يا ولد اجري جيب لي الحقه تلقاها تحت المخده فوق العنقريب التحت النيمه
يا ولد جيب السبحه يا بت تعالي جيبي التبروقه قول لامك تعمل الشاي وجيب معاك مويه وحبوب الضغط
والحيله قليله معنقل متلك كدي فوق نص السرير |
الله إسامحك..... ما إنتهيتي مني لكن... دي الضربة القاضية زااااتها
.
| |
|
|
|
|
|
|
Re: الابن معاويه حسين وكل خبراء الكومبيوتر والويرلس مساعده رجاءا (Re: ABUHUSSEIN)
|
ماما دوما سلام .. إن شاء الله مشكلتك إتحلت ..
فاروق سلام .. بالنسبة لمشكلتك تأكد إنو الويرلس معرف .. أمشي لـ ( My Computer ) وإضغط الكلك الأيمن للماوس بتجيك كلمة ( Properties ) أضغط عليها .. تفتح ليك نافذة أمشي لـ ( Hardware ) بتجيك كلمة ( Device Manager ) تلقى كمبيوتر صغير أضغط عليه وتأكد إنو الويرلس موجود .. إذا ما موجود أعيد تعريفه مره ثانية من الدرايفر بتاعت الجهاز ..
| |
|
|
|
|
|
|
|