|
|
 مريخ عادي..
|
شاهدت الشوط الأول كامل ولقطات من الشوط التاني لمباراة المريخ وإنتركلوب الأنغولي وبعيداً عن مهزلة التحكيم في الشوط الأول (خصوصا رجل الخط) كان الفريق الأنغولي هو الأفضل من حيث التنظيم والإنتشار والتمرير والإستلام..إستفاد المريخ من هيجة بداية الشوط والدفعة الجماهيرية ودي ثقافة سودانية معروفة ولكنها كانت هيجة وفورة بدون أي تركيز وإن كان المريخ حصل على هدف مبكر وركنيات كتييرة جداً بس ده ما مؤشر لي إنو المريخ كان كويس !!! الفريق الأنغولي كان الأخطر في الوصول لي مرمى المريخ وكان الحضري هو نجم الشوط الأول تماااماً مما يعني إنو المريخ عندو مشاكل في خط الدفاع والوسط ..كل ده والفريق الأنغولي لاعب منقوص بعد طرد المدافع والتسللات الوهمية البيحتسبوها الحكام ..حقيقي كان المريخ في الشوط ده سئ جداً وفريق عادي ما قدم أي شي يشفع ليهو ..حولت القناة وانا على يقين إنو جمهور المريخ على الفريق اللي كان غير مقنع بالمرة ..في الشوط التاني وللامانة ما تابعت المباراة لكن كنت بشقر عليها كل فترة عشان اشوف النتيجة ..ولحدي الدقيقة كم وعشرين الكورة في ال 1-صفر لحدي ما في اخر الدقايق لقيت الكورة بقت 2-صفر والغريبة لمن رجعت للكورة كان في الشاشة مكتوب الدقيقة كم 51 ولا 52 ما عارف لحدي ما شكيت إنو دي يادوب بداية الشوط التاني !!!
أها أقوم اجي أتفاجأ ليك بي المنبر مقلوووب بعد نهاية الكورة والمريخاب فرحانين بي صورة هيستيرية لي نتيجة غير مريحة واداء غير مقنع في شوط كامل(ما شوفت التاني ومهما حصل فهو لا يشفع للهيستريا دي) وصدقوني نتيجة المريخ ملغومة ومخيفة ومالم يتمكن المريخ من تسجيل هدف هناك فإتذكروا كلامي ده المريخ طاااير طاااير لأنو الفريق الأنغولي بتاع الشوط الأول داك بيقدر يجيب 3 أقوان وبكل بساطة وحتى في وجود الحضري..
فرحة المريخاب أحس إنها فرحة مصطنعة ومضللة في نفس الوقت وهي كيدية للهلالاب أكتر من إنها حقيقية..مكنكشين في العجب من أجل العودة وكالعادة في بالهم هيثم مصطفى ..نعم العجب جاب قون جميييل لكن صدقوني تلميع العجب بي الصورة دي تلميع برضو مصطنع عشان يعود للأضواء بعد إختفاء القيادة المريخية من الساحة ولينا فترة ما سمعنا بي لاعب قائد في المريخ ودي حاجة مجهجة إعلام وجمهور المريخ جداً جداً..
خليكم زي ناس الهلال يا مريخاب وبطلوا تغشو روحكم بي النتائج فمريخ السنة دي لحدي أسة ما مقنع فلا في الدوري قدم الاداء ولا في البداية الإفريقية كان مقنع..نعم حقق النتائج في المحلي لكنها نتائج صعبة وباداء غير مقنع (2-1 هلال بورتسودان) و (1-صفر) الهلال) و (3-صصفر) أهلي شندي) وكانت نتائج متأخرة وفوز صعب وباداء غير مقنع خصوصا في هلال مريخ..
الغريبة الهلال الفايز 3-صفر و 4-1 إعلام الهلال شني عليه هجوم عنيف ويقولوا ليك نتائجه المتعثرة في الدوري الممتاز وده كلو بي سبب خسارة وحيدة !!
فوقو يا ناس المريخ التخدير ما كويس والبنج لما يفك الس######ة ح تدوور والنعمة ح تبقا نغمة وساكواها ح يبقا شكواها والبدري حا يبقا متأخر وباسكال ح يبقا كوبول
تخريمة :
الكورة إنتهت ولا لسة شغالة ؟
|
|
  
|
|
|
|
|
|
|
|
Re: مريخ عادي.. (Re: عمر الفاروق)
|
| Quote: أها أقوم اجي أتفاجأ ليك بي المنبر مقلوووب بعد نهاية الكورة والمريخاب فرحانين بي صورة هيستيرية لي نتيجة غير مريحة واداء غير مقنع في شوط كامل(ما شوفت التاني ومهما حصل فهو لا يشفع للهيستريا دي) وصدقوني نتيجة المريخ ملغومة ومخيفة ومالم يتمكن المريخ من تسجيل هدف هناك فإتذكروا كلامي ده المريخ طاااير طاااير لأنو الفريق الأنغولي بتاع الشوط الأول داك بيقدر يجيب 3 أقوان وبكل بساطة وحتى في وجود الحضري.. |
تشارط ياعمر .........بي 1000 ريال
| |
|
|
|
|
|
|
|
|
|
Re: مريخ عادي.. (Re: عمر الفاروق)
|
يا الفصيح ........سلام
ماتأجل كلامك ده لحدى الساعة 10 مساء الليله ..
مسكين عنده متلازمةالعجب ..
وجاه سكرى سكواها..
الله يشفيك،،،
| |
|
|
|
|
|
|
|
|
|
Re: مريخ عادي.. (Re: صديق الموج)
|
في المريخ هناك لاعبين جدد وطاقم تدريبي جديد
وعارفين كويس الفريق لسه في مرحلة اعداد
بس
نشوفكم اليوم ... وبكرة تجي بدري تفتح بوست عن الهلال الاقل من العادي ياساكواها
تحياتي
| |
|
|
|
|
|
|
|
|
|
Re: مريخ عادي.. (Re: ناصر احمد الامين)
|
هلا يا أبوعمير
شاهدت الشوط الثاني للمباراة وقد كان فيه المريخ نار منقد مولعة
عكس كلامك تماما ولو كان المريخ يلعب بهذا المستوي في كل مبارياته
داخل وخارج أرضه لما وجد أية صعوبة في الفوز بكأس أفريقيا وسوبرها
وبعدين كأس العالم ذاتو .
إذا كنت تتحدث عن مباراة أمس فقط فالحقيقة أبعد بفراسخ مما قلته
يا لايوق لأن المريخ الذي شاهدته في شوط اللعب الثاني امس لم أشاهده
منذ أيام ناس كيمو وجيمي وسانتو وعيسي صباح الخير والدحيش، وإذا
إستمر بهذه الطريقة فلا قبل للهلال او أي فريق آخر به .
لكن إذا كنت تقصد أنها مجرد فورة عابرة يعود بعدها المريخ لعشوائيته الفنية
فربما اتفق معك إلى حد ما لأنني لست متفائلا أبدا من الإصلاحات الفنية
والإدارية التى أدخلها مجلس الإدارة على الفريق هذا الموسم فهي
نسخة بالكربون من مما كان يفعله خلال المواسم السابقة بل وزاد
عليها سوء ان أوكل مهمة قيادة الفريق لطاقم تدريب مصري على رأسه
ممرن مطرود من فريقه الذي لعب له وتربي فيه، فيما اعهد للقيادة
حارس عجوز لا يمهه إلا كنز الفلوس ولا يتورع في سبيل ذلك حتى في
بيع أقرب أقربيه كما فعل للأهلي الذي باعه في رمشة عين من أجل شوية
دولارات سويسرية خسر مقابلها أضعاف .
| |
|
|
|
|
|
|
|
|
|
Re: مريخ عادي.. (Re: طلحة عبدالله)
|
يا جنابو :
الرهان على شنو عشان أحدد!!
على إنو المريخ ما حيجيب قون ولا ح يتأهل؟؟
انا بقول ليك المريخ لو ما سجل فحيخسر لأنو شباكه بمقدورها تقبل هدفين فأكثر..
| |
|
|
|
|
|
|
|
|
|
Re: مريخ عادي.. (Re: عمر الفاروق)
|
يا أرصد سيبك من حنك لاعبين جدد دي!! المريخ عندو لاعبين إتنين بس جدد في التشكيل والباقين كلللهم قدام ..بس أوعك تحسب لي الحارس جديد على التشكيلة !!
انتو غير ساكواها وباسكال ما عندكم جديد في التشكيلة والهلال زييكم غير فيليكس وعبده جابر ما عندو جديد ..
قصة الإعداد والبناء ده امسك فيهو قوي.. حا تبنو السنة كلللها وبعدين تعرشو على كده ..
| |
|
|
|
|
|
|
|
|
|
Re: مريخ عادي.. (Re: عمر الفاروق)
|
يا طلحة يبقا ما أختلفنا ..وما فينا زول عكس كلام التاني مش؟
انت حضرت الشوط التاني وقلت نار منقد وانا حضرت الشوط الأول وقلت منقد بدون نار..
الشوط التاني انا شوفت فيهو لقطتين ..واحدة والعجب بيجيب في القون ووحدة الكورة في السما فوق..عشان كده قلت ليكم انا بتكلم في المجمل عن الشوط الأول إضافة للنتيجة الغير مطمنة ..
| |
|
|
|
|
|
|
|
|
|
Re: مريخ عادي.. (Re: طلحة عبدالله)
|
عمر اخوي
مسكاقمي
قدم الفريقان مباراة جميلة ورائعة وممتعة
نعم فريق انتركلوب فريق منظم ويقدم اداء سريع وممتع
تحكم وتمرير متقن للكورة وايضاً شاركه المريخ في تقديم الاروع
فريقين عملاقين قدما اجمل العروض
اخاف على المريخ في انجولا من هذا الفريق
الله يستر
اعتقد ان المباراة تعتبر من اجمل ما لعب في السنوات الاخيرة
عمر الفاروق اخوي
انت اختفيت ليه من بعد مسمار سكواها
| |
|
|
|
|
|
|
|
|
|
Re: مريخ عادي.. (Re: حمزاوي)
|
للأمانة و(التاريخ) فقد حضرت الجزء الأول من الشوط الثاني فقط..
وكانت للمريخ هجمة كل دقيقة.. وتراجع كبير للفريق الضيف..
ياعمر خلينا نعترف مرة واحدة بس:
المريخ الشفتو في العشرين دقيقة من الشوط الثاني مرعب بالجد..
كلام في أضانك:
(خليهم يصدقوا عشان يطيروا من التمهيدي)!!
| |
|
|
|
|
|
|
|
|
|
Re: مريخ عادي.. (Re: حمزاوي)
|
يا أبو عمير إختلافي معاك أنك قلت (مريخ عادي) إنطلاقا من مباراة
أمس لان الحقيقة الواضحة جدا أنو المريخ لم يك عاديا أبدا في هذه
المباراة وتحديدا الشوط الثاين الذي عادت له فيه روحه القتالية
التى إفتقدها منذ الثماينينات أيام كان معروفا بشراسته وبأسه
والويل كل الويل لمن يتجرأ ويتقدم عليه بهدف .
مريخ الشوط الثاني أمس تأكيد قوي على ما ظللت أقوله بان مجلس
الإدارة ومن شايعه يتحملون مسؤولية تراجع مستوي الفريق بتغييب
الروح القتالية التى إشتهر بها حتى أصبح المريخ جسر عبور وملطشة
لصغار الفرق داخليا وخارجيا بسبب السياسات الإدارية الفاشلة التى
قامت على مبدأ المجاملة وإنتهجت الفوضي والفشخرة والبوبار وتغليب
المصالح الذاتية على مصلحة الكيان .
أتمني والله ان يستمر مريخ الشوط الثاني في مبارياته المتبقية ولا
أتوقع ذلك فلست متفائلا أبدا مالم يستقيم العود .
| |
|
|
|
|
|
|
|
|
|
Re: مريخ عادي.. (Re: طلحة عبدالله)
|
العجب جاب قون جميل ورائع
انا من رائى يخلو العجب يلعب راس حربة صريح
ههها ههها
بس من وين نلقى العمر تانى وحيوية الشباب
لابد من تكريم العجب الان ؟؟؟؟؟
عمر الفاروق,,,لو الهلال جاب 4 اهداف المريخ ح بطير
بس ما يسافر معاه فى طائرة واحدة
| |
|
|
|
|
|
|
|
|
|
Re: مريخ عادي.. (Re: سامى عبد الوهاب مكى)
|
يا طلحة تعبير مريخ الشوط التاني ده ممكن ينفع لو بتتكلم عن مباراة في دوري مجموعات لكن في مباراة ذهاب وإياب ما بتخارج ..انا قست اداء المريخ عموماً بي نتيجة النهاية وحتى لو الهلال فاز 2- صفر فهي نتيجة مفخخة وقطعاً قطعاً الاداء ده ما حتشوفو قريب ولا ح يتكرر لانو نحن الحاجات دي عندنا قضاء وقدر..
تخريمة :
يا سامي " اااي ود لاااايك تو .."
| |
|
|
|
|
|
|
|
|
|
Re: مريخ عادي.. (Re: عمر الفاروق)
|
عشان كدا عندي شك انو مجلس جمال الوالي دا طابور خامس لصالح الهلال
ديلك إنجازاتم تحويل ملعب الهلال لمقبرة
وديل بعد جاء الوالي بقت إنجازاتم تحويل إستاد المريخ لمفخرة
وأضحك يا سمك .
| |
|
|
|
|
|
|
|
|
 Re: مريخ عادي.. (Re: طلحة عبدالله)
|
الصباح جاي داخل المكتب لمحت لي بت و أمها لابسين شورتات حمراء
نص النهار كده جاتني مرقة و رجعت تاني
برضو داخل المكتب لقيت نفس البت و أمها لابسين حاجة كده زي قميص النوم حمراء
حالهم كحال طلحة
التاريخ يعيد نفسه من الثمانينات و القاسم المشتركـ الأحمر ده
| |
|
|
|
|
|
|
|
|
|
Re: مريخ عادي.. (Re: عمر الفاروق)
|
باعمر ياخي والله يطرشناماسمعنا بزول يحلل كورة كاملة من خلال مشاهدته لشوط واحد
طيب ليه عملوها شوطين ياخي
صدقني لو شاهدت قون العجب بس ماكنت كتبت ماكتبته .
تحياتي
| |
|
|
|
|
|
|
| |
عمر الفاروق
omer osman
صديق الموج
ارصد محمد جلال
ناصر احمد الامين
طلحة عبدالله
abuguta
فيصل نوبي
معاوية محمد الحسن
فيس بوك
تويتر
انستقرام
يوتيوب
بنتيريست