منذ متي اضحت الكوزنة مسبة والشيوعية مفخرة ??!!

Quote: أحكي ليك قصة حدثت لى شخصياً يا مسلمي. في مرة فى أحد منابر الجبهة الديمقراطية بجامعة الخرطوم -السنتر- دخل لنا طالب من الحركة الاسلامية و ذكر انه من جامعة القضارف، اٍنتقد الشيوعيين و قال ديل يدعون للانحلال و بالتحديد كده قال الشيوعيين بطالبوا بتعدد الازواج للمراة زى ما قالت فاطمة احمد ابراهيم بتاعتهم و واصل فى كلامه. بعد ما اٍنتهي من مداخلته خرج و وقف حول حقلة المنبر مع الطلاب المحتشدين. وقفت انا للرد على مداخلته و وجهت له سؤال: قلت ليهو ياخى انتا قلت فاطمة احمد ابراهيم بتنادى بتعدد الاوزاج للمراة اسوة بالرجل. لو سمحت ممكن تورينا نحن و الطلاب ديل اين قال فاطمة الكلام دا؟ يعنى قالتوا فى ندوة ولا فى جريدة لا كتاب ولا وين. ثم اضفت قالت ليهو انا عارف انتا جبت الكلام دا من وين لكن خليك منى بس قول للطلبة ديل وين فاطمة قالت هذا الكلام يعنى المصدر ببساطة. بعدها انا قلت ليهم الراجل ما عندو مصدر لكن انا عارفوا جاب الكلام دا من الجلسات الايمانية بتاعت الكيزان. بسوقوهم هناك يضرب البلح و الطحنية و يسمع هذه الخزعبلات و يصدق، و دى ما المصيبة المصيبة انك يأتى بمثل هذه الجهالات كمواد للنقاش فى المنابر، كانت فرصة عظيمة غايتو للاجهاز على الرجل