|
|
 د .أنس العاقب - محمود عبد العزيز أفضل فنان تنجبه الساحة .. وعصام محمد نور أصبح مغني صغير
|
عن النيلين
Quote: كشف الموسيقار الفنان د. انس العاقب أن الفنان الشاب محمود عبد العزيز أفضل فنان تنجبه الحركة الغنائية السودانية فى العقدين الآخرين . وأوضح انس فى حديثه لفنون أن محمود يملك صوت تطريبي قوي نادر لم ولن يتكرر قريباً فى الشباب الحاليين وتنبأ له بمستقبل فني منذ رئاسة لجنة الأصوات فى التلفزيون بجانب الموسيقار الراحل برعي محمد دفع الله و عبد الله برعي بإجازة صوته معلقاً بأن صوته اكبر منه . وقال إن الساحة الفنية أفرزت بعد محمود أصوات جميلة جديدة ولكن ليس بملكاته العالية التي وضعته فى خانة المجدد الغنائي الراسخ بعكس الشباب المايل الي تقييد نفسه بالاجترار من القديم ..
وأكد د . انس وجود فنانين شباب ثبتوا أقدامهم فنيا من جيل محمود لكنهم لم يجدوا فرصة أمثال وليد زاكي الدين – عصام محمد نور – نادر خضر إلا إنهم تسببوا بصورة مباشرة فى القضاء علي أنفسهم فنيا، مضيفاً أن نادر خضر فنان كسلان وعصام كان من المفترض أصلا أن يؤسس لمدرسته الفنية الخاصة وبدلاً من ذلك قتل موهبته الكبيرة بالمشاركة فى برنامج (أغاني أغاني) بقناة النيل الأزرق الفضائية ليصبح من ضمن المغنيين الصغار الواعدين بالأصوات الجديدة فى الرنامج من خريجي( نجوم الغد ) ووليد زاكي الدين انشغل بأمور أخري بعيدة تماماً عن مشروعه الغنائي....
فنون |
|
|
 
|
|
|
|
|
|
|
 Re: د .أنس العاقب - محمود عبد العزيز أفضل فنان تنجبه الساحة .. وعصام محمد نور أصبح مغني صغير (Re: إبراهيم عبد الحليم)
|
Quote: وعصام كان من المفترض أصلا أن يؤسس لمدرسته الفنية الخاصة وبدلاً من ذلك قتل موهبته الكبيرة
بالمشاركة فى برنامج (أغاني أغاني) بقناة النيل الأزرق الفضائية ليصبح من ضمن المغنيين الصغار الواعدين بالأصوات الجديدة فى الرنامج من خريجي( نجوم الغد ) |
الأستاذ إبراهيم عبد الحليم سلام وتحية
الفنان عصام محمد نور فنان كبير له بصمة واضحة وصوت واداء متميز
استمعت للكثير من الفنانيين الكبار مثال محمد وردي والراحل المقيم عثمان حسين
وغيرهم من ادباء ونقاد
وكان رأيهم واضح وصريح وتحدثوا عن عصام وتجربته الثرة واشادوا به وبموهبته وصوته وتفرده
وكلنا نعرف استاذ وردي لا يجامل على الإطلاق ,,
عصام من اكثر الفنانيين السودانيين محافظ على ادائه ومحافظ على إنتاجه المتجدد
كثير من الفنانيين في الساحة الآن غنى للراحل الأسطورة الكاشف ,, لكن عصام ابدع وتميز في كل اغنيات الكاشف,,
اختلف معك اخي إباهيم في عنوان البوست ’’ بعد أن قرأت المداخلة من دكتور انس العاقب لم افهم نقده لتجربة عصام مثلما تناولتها انت
لا ادافع عن طرييقة نقده , لكن اعتقد ان دكتور انس من خلال نقده اكد ان لعصام موهبة كبيرة حسبما ذكر في المداخلة اعلاه
ويفترض ان تكون له مدرستة الخاصة .. ايضا اشار ان تجربة عصام الفنية اكبر من ان يكون وسط الواعدين من نجوم الغد ’’’
ايضا اختلف مع دكتور انس , بأن برنامج اغاني واغاني لا يقتصر على الواعدين
بدليل إنه قدم فنانين كبار في الساحة الفنية وكانوا ضيوفا على البرنامج
التحية لك استاذ إبراهيم وللدكتور انس العاقب
ولفنانا المبدع جدا عصام محمد نور
وفقه الله في مسيرته الفنية ورحلته هذه اليام في الولايات المتحده الأمريكية , وفي كل حياته
ورد الله غربتك يا ابو مجتبى
عذرا التعديل لخطأ مطبعي
(عدل بواسطة اسماء الجنيد on 03-16-2011, 09:17 PM)
| |
|
|
|
|
|
|
|
|
|
Re: د .أنس العاقب - محمود عبد العزيز أفضل فنان تنجبه الساحة .. وعصام محمد نور أصبح مغني صغير (Re: إبراهيم عبد الحليم)
|
| Quote: أفضل فنان تنجبه الساحة .. |
الساحة ياتا؟؟
د. إبراهيم..
كيفك يا حبيب.. أرجو أن تكون بخير..ومنتظرين مشاريعك وجديدك..
محمود عبد العزيز فنان جميل.. ما في كلام..
وعصام محمد نور فنان جميل ... ما في أي كلام برضو..
ونجوم الغد..برنامج جميل.. مافي كلام..تحية لأستاذ بابكر صديق والطاقم..
وأغاني وأغاني..برضو برنامج جميل .. ما في أي كلام.. تحية للعملاق السر قدور والطاقم..
ليس جميلاً :
- أن يتحامل أنس العاقب على "خريجي" نجوم الغد..إن صحَّ ما نُسِبَ إليه..
- أن تتم المقارنة بهذه الطريقة "الجزافية".. المربكة..
- أن نحاصر يا إبراهيم أخوي د. أنس العاقب بما يرد من تصريحات منسوبة إليه
من صحافة "فنية"..هي أبعد ما تكون عن الفن والفنانين..
هذا وتقبلوا تحياتنا واحترامنا..
محمود العربي..
| |
|
|
|
|
|
|
|
|
Re: د .أنس العاقب - محمود عبد العزيز أفضل فنان تنجبه الساحة .. وعصام محمد نور أصبح مغني صغير (Re: إبراهيم عبد الحليم)
|
Quote: كشف الموسيقار الفنان د. انس العاقب أن الفنان الشاب محمود عبد العزيز أفضل فنان تنجبه الحركة الغنائية السودانية فى العقدين الآخرين . وأوضح انس فى حديثه لفنون أن محمود يملك صوت تطريبي قوي نادر لم ولن يتكرر قريباً فى الشباب الحاليين وتنبأ له بمستقبل فني منذ رئاسة لجنة الأصوات فى التلفزيون بجانب الموسيقار الراحل برعي محمد دفع الله و عبد الله برعي بإجازة صوته معلقاً بأن صوته اكبر منه . وقال إن الساحة الفنية أفرزت بعد محمود أصوات جميلة جديدة ولكن ليس بملكاته العالية التي وضعته فى خانة المجدد الغنائي الراسخ بعكس الشباب المايل الي تقييد نفسه بالاجترار من القديم ..
وأكد د . انس وجود فنانين شباب ثبتوا أقدامهم فنيا من جيل محمود لكنهم لم يجدوا فرصة أمثال وليد زاكي الدين – عصام محمد نور – نادر خضر إلا إنهم تسببوا بصورة مباشرة فى القضاء علي أنفسهم فنيا، مضيفاً أن نادر خضر فنان كسلان وعصام كان من المفترض أصلا أن يؤسس لمدرسته الفنية الخاصة وبدلاً من ذلك قتل موهبته الكبيرة بالمشاركة فى برنامج (أغاني أغاني) بقناة النيل الأزرق الفضائية ليصبح من ضمن المغنيين الصغار الواعدين بالأصوات الجديدة فى الرنامج من خريجي( نجوم الغد ) ووليد زاكي الدين انشغل بأمور أخري بعيدة تماماً عن مشروعه الغنائي....
فنون |
الاخ / ابراهيم
تحية وتقدير
الاستاذ / انس العاقب فى هذه الجزية من اللقاء لم يجحف او يقلل من شان اى فنان بل اعطى كل حقه وزيادة
وحسب هذا المقال فانه قال الفنان / محمود عبد العزيز صاحب صوت ومجدد وجعل لنفسه لونية خاصة ومدرسة متفردة
اما عن الفنان عصام محمد نور ايضا صاحب صوت وقاعدة كبيرة فقد اعاب عليه مواصلته حتى الان فى اجترار غناء الغير فله من الامكانيات ليكون صاحب لونية ومدرسة خاصة
وهذا ينطبق على الفنان نادر خضر ايضا
وعن برنامج نجوم الغد فهو برنامج خاص بالواعدين من الاصوات الجديدة ومعنى الصغار هنا يعنى بها صغار السن والتجربة الفنية
ولك التحية عزيزى ابراهيم
الى وصول الاستاذ / انس
| |
|
|
|
|
|
|
|
|
|
Re: د .أنس العاقب - محمود عبد العزيز أفضل فنان تنجبه الساحة .. وعصام محمد نور أصبح مغني صغير (Re: Yasier Elsayed)
|
الاستاذة المرهفة اسماء الجنيد
بزيارتك والله بيتنا نور
عاينى
العنوان كان:
د .أنس العاقب ء محمود عبد العزيز أفضل فنان تنجبه الساحة فى العقدين الآخرين .. وعصام محمد نور أصبح مغني صغير
ماكينة بكرى ابوبكر عملتو:
د .أنس العاقب ء محمود عبد العزيز أفضل فنان تنجبه الساحة .. وعصام محمد نور أصبح مغني صغير
لمن قريت العنوان ذات نفسىبعد ذلك افتكرت المقال نزلتوا بجريدة الدار بتاعت احمد البلال هههه
شكرى لمداخلتك القيمة ولس بمنى النفس بزيارة خصوصا بعد ما بقيتوا جيراننا بهولندا القريبة مننا
| |
|
|
|
|
|
|
|
|
 Re: د .أنس العاقب - محمود عبد العزيز أفضل فنان تنجبه الساحة .. وعصام محمد نور أصبح مغني صغير (Re: إبراهيم عبد الحليم)
|
Quote:
الاستاذة المرهفة اسماء الجنيد
بزيارتك والله بيتنا نور
عاينى
العنوان كان:
د .أنس العاقب ء محمود عبد العزيز أفضل فنان تنجبه الساحة فى العقدين الآخرين .. وعصام محمد نور أصبح مغني صغير
ماكينة بكرى ابوبكر عملتو:
د .أنس العاقب ء محمود عبد العزيز أفضل فنان تنجبه الساحة .. وعصام محمد نور أصبح مغني صغير
لمن قريت العنوان ذات نفسىبعد ذلك افتكرت المقال نزلتوا بجريدة الدار بتاعت احمد البلال هههه
شكرى لمداخلتك القيمة ولس بمنى النفس بزيارة خصوصا بعد ما بقيتوا جيراننا بهولندا القريبة مننا |
مرحب حبابك اخي استاذ إبراهيم
سلم والله وحبابك الف تشرف كتير كتير
غايتو حوش بكري ده عنده حاجات بعرفا براه
مرات يمسح ليك الصاح ومرات يشكك في روحك دي
لووووووووولز
لكن بركة البقت على دي
شكرا ليك انت والله ولروحك العالية وحبابك في مكان يا خوي
لكن حبيت اصحح ليك اختك سوما في إيرلندا مش هولندا
مالك علي هولندا مع خدر الملحد الكورتو فكت زمااان على قول الكيزان لووولز
تحياتي يا فنان يا جميل ولك كل الإحترام والتقدير
| |
|
|
|
|
|
|
|
|
 Re: د .أنس العاقب - محمود عبد العزيز أفضل فنان تنجبه الساحة .. وعصام محمد نور أصبح مغني صغير (Re: اسماء الجنيد)
|
حوتة
يااااخ الشوق اكوام واطنان والوان
طبعا كل فنان له طعم ومذاق خاص
محمود عبدالعزيز فنان له صوت قوى واستطاع ان يصقله تكنيكيا لتكون له ابعاد ومدى كبير وعميق.
كذلك محمود كغيره نبع من مرجعية فنية هى مدرسة الهادى حامد ود الجبل ثم انطلق الان ليكون مدرسته الخاصة.
محمود يمثل لقطاع كبير من شباب الجيل الحديث انموذج فمعه كبروا وبه تاثروا خصوصا مع فترة الانقاذ الاولى التى شرد معها معظم الفنانين للخارج كان محمود للشباب ةبالذات شباب الجامعات انذاك السلوى والمخرج به تشكلت حياتهم وهم الذين اطلقوا عليه لقب الحوت هؤلاء الشباب سيرموك بمئة حجر لو حاولت ترمى محمود بحجر واحد. كذلك لا زلت اتذكر شريط محمود مع د. الفاتح حسين بعنوان سكت الرباب من اللهفة تجمهر الكثيرون بمطار الخرطوم لشراء الشريط قبل ان يذهب الشريط للاسواق- صورة توضح مدى الحب لمحمود
كذلك عصام محمد نور صوته اصلا جميل وناعم وبيغنى فى طبقات مريحة وبارتياح مع ابتسامة مشرقة. عصام كذلك استفاد من معهد الموسيقى فى تكنيك الصوت وهو كذلك خريج صوت
عصام يقول مرجعيته الكاشف وانا اقول مرجعية عصام كما مرجعية عمر جعفر وابوبكر سيد احمد هى مدنى فلقد احتل فن آل مدنى فى فترة السبعينيات و الثمانينات امدرمان و دكوها دكا من محمدالامين و ابوعركى الى عبدالعزيز المبارك وكذلك آل المليجى
كيتن على امدرمان فانا من برى
| |
|
|
|
|
|
|
|
|
|
Re: د .أنس العاقب - محمود عبد العزيز أفضل فنان تنجبه الساحة .. وعصام محمد نور أصبح مغني صغير (Re: ناذر محمد الخليفة)
|
العزيز ياسر السيد
شكرى على المشاركة القيمة
Quote: الاخ / ابراهيم
تحية وتقدير
الاستاذ / انس العاقب فى هذه الجزية من اللقاء لم يجحف او يقلل من شان اى فنان بل اعطى كل حقه وزيادة
وحسب هذا المقال فانه قال الفنان / محمود عبد العزيز صاحب صوت ومجدد وجعل لنفسه لونية خاصة ومدرسة متفردة
اما عن الفنان عصام محمد نور ايضا صاحب صوت وقاعدة كبيرة فقد اعاب عليه مواصلته حتى الان فى اجترار غناء الغير فله من الامكانيات ليكون صاحب لونية ومدرسة خاصة
وهذا ينطبق على الفنان نادر خضر ايضا
وعن برنامج نجوم الغد فهو برنامج خاص بالواعدين من الاصوات الجديدة ومعنى الصغار هنا يعنى بها صغار السن والتجربة الفنية
ولك التحية عزيزى ابراهيم
الى وصول الاستاذ / انس |
قد تكون هذه قناعات الاستاذ انس العاقب ولكن الزمن تغير وتغير جدا فهل ياترى عصام محمد نور فايت عليهو مثل هذه المبادئ وهل هو بطريقته الحالية بيصل اكثر لاذن المستمع عبر مشاركته فى اغانى واغانى
فى مداخلة لى كتبتها السنة الفاتت ببوست اغانى واغانى هنا بسودانيز وطالبت الاخ الفنان عصام ان يترك برنامج اغانى و اغانى ويهتم فقط لاعماله الخاصة تصور قامت على الدنيا و لم تقعد كيف لى ان اطالب بذلك. الا يدل ذلك على ان الدنيا تغيرت
بخصوص نجوم الغد فعندى نظرية شخصية معينة ساشرحها بعد حضور د. أنس
| |
|
|
|
|
|
|
|
|
|
Re: د .أنس العاقب - محمود عبد العزيز أفضل فنان تنجبه الساحة .. وعصام محمد نور أصبح مغني صغير (Re: إبراهيم عبد الحليم)
|
وما آفة الأخبار إلا رواتها
لآ أنا ولا صحيفة فنون أوردنا المانشيت الذى تصدر بريدك يا عزيزى إبراهيم عبد الحليم
كلامى عن محمود عبد العزيز تؤكده مسيرته الفنيه برغم ما فيها من عثرات وما شابها من مزالق
ولأنه كان وسيظل الأكثر إنتاجا والأوسع جماهيرية وأما عصام محمد نور فأنا أكثر قربا منه إلى محمود بحكم تخرجه فى
المؤسسة التى كنت أدرس فيها وشاركت فى لجان البكالوريوس التى منحته الشهادة
وفوق ذلك عصام نفسه يذكر كيف أننى والمخرج شكرالله خلف الله قد قدمناه فى مطلع التسعينات من مدنى
فى برنامج ( قناة المنوعات) الأسبوعى وكان ذلك بمثابة إنطلاق نجوميته ثم إستضافه برنامج (بيت القصيد) الذى كان يعده
يقدمه الشاعران عبد العظيم أكول وختار دفع الله ) وكان الفنان وليد زاكى الدين قد لمع نجمه أيضا فى برنامج ( بيت القصيد )
وبدأ يخطو بثبات ثم تخرج على يدى فى تخصص ( التأليف الموسيقى) أما نادر خضر فقد كان نجما كاسحا جماهيريا بأسلوب
عرف به هو.....ولكنه وقد بدا يلتفت لمستقبل مسيرته برعاية من الثالث المكون من الشاعر الفاتح حمدتو
والفنان المرهف عازف الأورغ المجيد الراحل محمد الأزهرى والملحن الماحى سليمان وبدا أنه قد إنطلق
ولكنه آثر التوقف ولا أدرى لذلك سببا ..... أنا قلت اكثر من مره أن هؤلاء الأربعه ( محمود/ عصام/ وليد/ نادر )كان يمكن أن
يشكلوا تيارا جديدا مجددا ولكن عصام فى تقديرى مع أنه صاحب صوت واداء رائعين إلا أنه شتت موهبته فى إجادة التغنى
للآخرين باللألبومات ثم بتوتر الإجترار فى برنامج ( أغانى وأغانى ) الذى تجاوزه عصام منذ نسخته الثالثه وأحسب أن هذا البرنامج
جمد عصام محمد نور ونادر خضر فى قالب واحد مكرور وساواهما مع مستجدى الغناء من الموهوبين خاصة وللأسف
فإن إعلامنا صار يعقد مقارنات مع إشارات تفضيل فى مستوى الأداء وأنا من حرصى أولا على ضرورة إنسياب طبيعى تاريخى لحركة الأجيال الفنيه
قلت ما قلت وكلهم فى حكم أبنائى وطلابى وأيضا رفقة درب ولك ولهم التحيه مع أكيد شكرى وتقديرى لكل المداخلين
| |
|
|
|
|
|
|
|
|
|
Re: د .أنس العاقب - محمود عبد العزيز أفضل فنان تنجبه الساحة .. وعصام محمد نور أصبح مغني صغير (Re: إبراهيم عبد الحليم)
|
أستاذنا الدكتور أنس العاقب
لك التحية والتجلة ...
لا يختلف اثنان على أسطورية صوت محمود ولا ملكته في الأداء وتفرده إعتمادا على مدرسة الهادي حامد وأحمد ربشة ....
بس أسمح لي بالإختلاف معك في ما أوردته بشأن الفنان المرهف عصام وأن تجربته مع أغاني وأغاني كانت خصماً عليه ...
لا أعتقد أنها كانت خصماً عليه ولن تكون ... فحسب طبيعة البرنامج كان عصام موفقاً جداً في أدائه ...
وفي تقليده للكاشف بالمستوى الذي سمعناه ,,,مكسب كبير لعصام وتجربته ...
إلا أن المهم هو إنتاجه الخاص ..
فمن من الفنانين من جيله وحتى من الجيل الذي سبقه مباشرة من هو أكثر إنتاجاً خاصا من عصام ...؟
وفي هذه السانحة نشكر لكم أساتذة معهد الموسيقى الذين خرجتم ملحناً بهذا المستوى ..
مع انه لو لم يكن عصام نفسه ممتلئاً حد الثمالة موهبة وخيالا موسيقياً عميقاً لما إستطاعت كل معاهد الدنيا أن تستخرج منه حرفين موسيقيين ( على بعضهم ) ..
ودونكم سجلات المعهد من الخريجين ..
وحتى من الأساتذة ( مع إحترامي لكم جميعاً ) ويييييييييييين إنتاجهم من الألحان ...
الزول ده معروف من زماااااان إنو زول لحاااااان بالحيل ...
وقد ثبتت أغاني عصام أرجلها في أرض خارطة الغناء السوداني بإستحقاق وجدارة ...
كل الإحترام استاذنا د.أنس
| |
|
|
|
|
|
|
|
|
|
Re: د .أنس العاقب - محمود عبد العزيز أفضل فنان تنجبه الساحة .. وعصام محمد نور أصبح مغني صغير (Re: طارق ميرغني)
|
اخونا إبراهيم :
| Quote: ياخ ناس محمود دييل ومعاه جمال فرفور اخرجوا مئات الشرائط للفنانين الغير والاغانى المسموعة قبل ان يخرجوا حقهم |
أول شي خلينا نتفق أو حتى ما نتفق محمود ده صدقني ما بيقولوا ليهو ناس محمود ديل ..محمود ده أقل حاجة مفروض يقولا عنه وهو خجلاااان كده إنو يقول عليهو سلطان الطرب محمود ..لكن يا زول ما بيناتنا وما بجبرك على الكلام ده فكل زول بي ذوقو ..لكن الما حا أمشيها ليك الكلام المغلوط الجيت قلتو عن محمود فيما يخص مئات الشرائط للفنانين الغير ..
تجي نحسب ؟؟ لأنو انت شكلك لفحت الجملة دي ساي بدون تحقق وبدون سمع لي محمود وعممت ما تسمعه في الاعلام عن الفنانين الصغار على محمود ..
عارف أول شريط كاسيت طلعو محمود إسمو شنو ؟
خلي بالك..
عارف فيهو كم اغنية حقت محمود ؟
كل الأغاني ما عدا أغنية كل ما سألت عليك صدوني حراسك ..
عارف الشريط التاني اسمو شنو ؟
سكت الرباب..
عارف فيهو كم أغنية حقت محمود؟
كل الأغاني ما عدا اغنية انا فاكرك معاي ..
عارف الشريط التالت إسمو شنو ؟
إسمو يا عمر ..
وده الشريط الوحيد اللي غنا فيهو محمود بعض الاغاني المسموعة مع إنو ضم أعظم اغاني محمود الخاصة ..
عارف الشريط الرابع إسمو شنو ؟
سيب عنادك ..
عارف فيهو كم أغنية حقت محمود؟
أكتر من خمسة أغاني لي محمود ..
محمود سجل اغاني الغير الكاملة فقط وفقط في شريط روائع الحقيبة وده حق مشروع وزيو وزي زيدان والخالدي لما وثقو لي عثمان الشفيع وزيو وزي الكابلي لما وثق ابوداؤوود والتاج مكي وغيرهم..
محمود يا عزيزي الفاضل سجل في شرايط الكاسيت البتقول حقت الغير دي أكتر من سبعين عمل خاص ..
محمود يا عزيزي الفاضل بيبدا حفلتو لحدي ما ينهيها ما بيغني أغنية حقت زول وكلها أغنيات بيرددها معاهو جمهوره ومحبيه ..
محمود يا عزيزي الفاضل حقق المقولة سمح الغنا في خشم ما سيدو ..وأي زول بيتمنى محمود يغني غناهو عشان محمود ما بيعولق الغنا ..
خوفي إنك تكون بديت تسمع محمود بتاع أسة وبنيت فكرك على كده للدرجة اللي خلتك تقول (ناس محمود ديل) وتختو مع فرفور في جملة واحدة مع العلم إنو لما محمود بيغني وليهو عشرومية سنة جا في حفلة في المكتبة القبطية وقال لي جمهوره الليلة حا أقدم ليكم فنان شاب وواعد إسمو جمال فرفور ومن الحفلة ديك وفرفور تاني ما فك الدرب (يعني محمود واسطة فرفور بحكم القرابة)
بعدين انا قصة إشاعة محمود استلم مدرسة الهادي الجبل واحمد ربشة دي ما واقعة لي كلو كلو ..
وقدر ما سمعت الهادي الجبل وطريقة إستايلو وسمعت محمود ما لقيت اي ربط ..
نعم محمود تغنى كثيراً للهادي الجبل بحكم إعجابه بأغاني الهادي الجبل لكن لا في طريقة الاداء ولا في الصوت ولا في أي حاجة ممكن تربطهم بي بعض..
محمود إمتداد لي فناني الزمن الجميل اللي إنقطع بي وفاة الراحل الخالدي كأخر فنان حقيقي استلم الراية من جيل الخمسينات لي جيل السيتينات لي جيل السبعينات ..
محمود رغم كل الأزمات إلا إنو محمود خلاااص وضع بصمته وله من التاريخ الغنائي ما يشفع له أدى رسالته الفنية رغم كل الظروف ..
ترك بصمة الصوت القوي رغم المرض الحالي..
مع كل الاحترام لباقي الفنانين الذين ذكرهم انس العاقب لكن صدقني ماف زول ح يتذكر عصام ولا نادر ولا وليد زاكي الدين وديل كلهم فنانين مرحلة لكن محمود مختلف وسيظل يذكر مع عظماء الفن السوداني للأجيال اللاحقة ..وده الفرق بين محمود وين أي فنان حايم الأيام دي ..
محمود اللي غنا لو يزور طيفك خيالي يبقا وعد اللقيا قرب ما بيقولوا ليهو (ناس محمود ديل)
محمود اللي غنا في نعيمك إنت هاني يا البقيت سلطان زماني سيبك عنادك ما كفاني ما بيقولوا ليهو (ناس محمود ديل)
محمود اللي غنا ما بنشقى عشان عيونو لا الفرح كان يوم بي إيدو ويا عيون حزنانا صبرك مافي زول فايتو نصيبو ما بيقولوا ليهو (ناس محمود ديل)
محمود اللي غنا عمري بعدو بي الساعات عشان خاطر مواعيدك ما بيقولوا ليهو (ناس محمود ديل)
محمود اللي غنا سألين عليك قالوا الرباب يا ناس قسى ..خلانا لي نار القسى وا خوفي من طول الطريق أمشيهو كيف بين المغارب والمسا.. ما بيقولوا ليهو (ناس محمود ديل)
محمود اللي غنا برتاح ليك يا غيمة ظليلة غيمة حب في الزمن القاسي..ما بيقولوا ليهو (ناس محمود ديل)
محمود اللي غنا يا مدهشة ويا ريلة يا ريم يا رشا وأه من سهاما ورشرشا ..يا تمام قمر العشا ..ما بيقولوا ليهو (ناس محمود ديل)
محمود اللي غنا خلي بالك لي إيديا وقت تسالمك ..لما يا زولتي البريدك أمسح من الزمن العداوة وأقول برييييدك ..ما بيقولوا ليهو (ناس محمود ديل)
محمود اللي غنا من الظروف ما تشيلي هم ..بكرة الزمن ليك ببتسم ..يا الطالة من صبح العشم ..إتصبري وما تشيلي هم ما بيقولوا ليهو (ناس محمود ديل)
محمود اللي غنا فاض بي لهيب الشوق ما عارف أحوالا ..السمحة ست الناس يا ريتني في بالا ما بيقولوا ليهو (ناس محمود ديل)
محمود اللي غنا بريدك يا صباح عمري ويا طلة قمر في سماي ..بتمناك بتين القاك ..والقا هناي ..وأغني غناي ..وماني براي..بريييدك ما بيقولوا ليهو (ناس محمود ديل)
محمود اللي غنا طروني ليك ..ما بيقولوا ليهو (ناس محمود ديل)
صدقني ده كللللو كوم وصوت محمود ده كوم تاني ..فلو غنا لي محمود دجاجي يلقط الحب بصوته لما قلت عنه (ناس محمود ديل)..
تحياتي ليك ولي ضيوفك ..
| |
|
|
|
|
|
|
|
|
|
Re: د .أنس العاقب - محمود عبد العزيز أفضل فنان تنجبه الساحة .. وعصام محمد نور أصبح مغني صغير (Re: إبراهيم عبد الحليم)
|
Quote: لا والله ....@!!
دي جدبدة علينا دي ...
ليييييييه لكن الشمار كتلنا ...
لكن بغض النظر للأسباب فده تصرف غريب ومتخلف من زيدان
لا حولاااااااااااااااا |
استاذنا الموسيقار عثمان دغيس
هذا المشكلة بين الفنانيين زيدان إبراهيم وشكرلله عزالدين معروفة ومنشورة بالجرائد و الانترنت فزيدان اشتكى ان شكرالله غنى له بدون اذنه وفى حفلة تكريم زيدان الاخيرة حضر شكرالله لمباركته ولكن زيدان رفض و الخ لدرجة ان شكرالله بكى
لم اقصد من كلامى النيل من كل من زيدان او شكرلله بل بالعكس انا احترم الجميع ارجع لمداخلتى للاخ نزار وتعريفى للفنان هو كل فنان له جمهور ومعجبين وبرضو غير معجبين هذه سنة الحياة والذى ألمنى فى القصة انو الانسان بيتمنى لقبيلة واهل الفن العفو والعافية وليس الفرقة والمشاكل
تقبل تحياتى واحترامى
| |
|
|
|
|
|
|
|
|
|
Re: د .أنس العاقب - محمود عبد العزيز أفضل فنان تنجبه الساحة .. وعصام محمد نور أصبح مغني صغير (Re: إبراهيم عبد الحليم)
|
الاخ عمر الفاروق
يااخ اليوم السعيد اللينا جابك
خلى بالك معاى يا ابو محمد
اولا انا من اسرة حصاد بتاعت الانتاج الفنى وعندى كمية كبيرة بتاعت شرائط كان بينها سبعة شرائط لمحمود عبدالعزيز.معظم الشرائط شالوها الان الناس منى.
و تانيا ان معجب جدا بالفنان محمود بالذات شريط سكت الرباب بشغلوا طوالى وشريط العود بتاع الحجل بالرجل بتعرفوا اكيد عاجبنى شديد. عندى دلوقت كا ام بى ثرى mp3
البوست ده فتحتوا لنقاش ما الذى يقود لنجاح الفنان فى مسيرتوا هل يتمسك باغانيهوا الخاصة ويقرض عليها مثل تجربة الفنان محمد الامين الذى احتاج لسنوات طويلة حوالى ٢٥ سنة لكى يصل ام الفنان يكون مرن ويستغل الفرص المتاحة ليهو مثل برنامج اغانى واغانى ليعمل ليهوا قاعدة جماهيرية ثم شوية شوية يدخل الخاص بتاعو زى الفنان عصام محمد نور
بعدين عشان كلمة ديل ما تزعلك وهى كلمة ان قصدت منها المداعبة فقط وصدقنى انا بحترم كل فنان صغيرا ام كبيرا واوقره واوقر فنه هاك اقتباس لبعض ما قلت فى الفنان محمود عبد العزيز فى هذا البوست
Quote: حقيقة وهذا راى شخصى طبعا انو محمود عبدالعزيز احتل مكانة محبوبة جدا جدا ومن قطاعات مختلفة ولديه اداء صوتى مبالغة
كذلك عصام محمد نور فله لونية حلوة ومستلطفة وكذلك له حضور قوى بالساحة وجمهور ملتف حوله
لذلك انا منتظر من استاذنا انس العاقب ان يسهب هنا بابداء رايه كاملا لانو مقال جريدة فنون كان جد قصير والزول لن يستطيع فهم الافكار جيدا |
Quote: طبعا كل فنان له طعم ومذاق خاص
محمود عبدالعزيز فنان له صوت قوى واستطاع ان يصقله تكنيكيا لتكون له ابعاد ومدى كبير وعميق.
كذلك محمود كغيره نبع من مرجعية فنية هى مدرسة الهادى حامد ود الجبل ثم انطلق الان ليكون مدرسته الخاصة.
محمود يمثل لقطاع كبير من شباب الجيل الحديث انموذج فمعه كبروا وبه تاثروا خصوصا مع فترة الانقاذ الاولى التى شرد معها معظم الفنانين للخارج كان محمود للشباب ةبالذات شباب الجامعات انذاك السلوى والمخرج به تشكلت حياتهم وهم الذين اطلقوا عليه لقب الحوت هؤلاء الشباب سيرموك بمئة حجر لو حاولت ترمى محمود بحجر واحد. كذلك لا زلت اتذكر شريط محمود مع د. الفاتح حسين بعنوان سكت الرباب من اللهفة تجمهر الكثيرون بمطار الخرطوم لشراء الشريط قبل ان يذهب الشريط للاسواقء صورة توضح مدى الحب لمحمود |
شكرى على اثراء البوست
| |
|
|
|
|
|
|
| |
إبراهيم عبد الحليم
انس التوم احمد
اسماء الجنيد
Mahmoud Mustafa Mahmoud
Yasier Elsayed
ناذر محمد الخليفة
nazar hussien
انس العاقب
ياسر السر
عمر الفاروق
فيس بوك
تويتر
انستقرام
يوتيوب
بنتيريست