|
Re: الفنان الجميل طه سليمان,عايزك براك فى كلمتين حدد إنت متين ووين. (Re: ismeil abbas)
|
والله ياعمر لقيتك زول مليان إحساس.
Quote: برافو طه سليمان ..
قدم طه سليمان أمس (من خلال قناة النيل الأزرق ) وأول أمس من خلال المسرح القومي واحدة من أجمل الوصلات الغنائية في ليالي أمدر .. في إعتقادي كان الحضور الجماهيري هو الأعلى على الإطلاق للدرجة اتي لم يتمكن حتى الإعلاميون من الحصول على مقاعد فكانوا جلوساً على الأرض.. ومن هم خارج المسرح كانوا أكثر من من هم داخله .. كان طه سليمان أنيقاً في حضوره وكانت فرقته أكثر أناقة .. بدأ طه وعلى غير المعتاد بفقرة إستعراضية هي واحدة من سمات هذه الليالي بعد (وينش) حسين الصادق و(هودج) احمد الصادق ..إلا ان تقليعة طه كانت موفقة وفي إطار العرض الفني وهو يقدم رقصة جماعية مع مجموعة من الشباب والشابات في اغنية كانت موفقة الإختيار ( إزييكم..كيفنكم ..انا لي زمان ما شوفتكم ) المدهش حقاً كان هو التفاعل الجماهيري مع اغنيات طه سليمان وهنا ألفت الإنتباه غلى أن التفاعل لم يكن في ترديد أغنيات هابطة وخفيفة كما تعودنا ولكن كانت في أغنيات جميلة وتقيلة اللحن .. تفاعل الجماهير وصل للحد الذي تغنى فيه كلللل من على المسرح كبار وصغار شباب وشابات نساء ورجال وهم يرددون مع طه هذه الغنيات .. طه قدم وجه مغاير تماماً لما ظل يتناوله الإعلام عن هذا الفنان وللحقيقة طه أحرج الفنانين الكبار من المشاركين في هذه الليالي وسحب البساط من الجميع (بأستثناء محمود عبد العزيز طبعاً ).. طه الأن يسير في الإتجاه الصحيح واثبت أن ما للحفلات للحفلات وما للمهرجانات للمهرجانات وما للمسارح للمسارح .. شكراً طه لهذا الحضور الأنيق وشكراً للجمهور الذي ردد مع طه هذه الإغنيات الجميلة ..
تخريمة : أغنية "سائلين عليك" حنييينة ياخ ..
|
عمر الفاروق تحياتى...
| |
|
|
|
|
|
|
Re: الفنان الجميل طه سليمان,عايزك براك فى كلمتين حدد إنت متين ووين. (Re: ismeil abbas)
|
دايرك براك في كلمتين ... إختاري إنتي ... متين ووين... نقعد نحدد موقفك... يا ريدة جد جد.. ولا بين..
*****
لو صحيح غلطان في حقك... او بسييييط جاتك ملامة... ما القلوب ما اظن تعادي... بتبقى في تحنانها ياما... والبريد من قلبو صادق... بتبرى وين ما يفوت غمامة... مالي في بحورط صبحت... زي غريق كايس السلامة...
*****
قاسي جدا يموت غرامنا... الفينا عاش سنوات طويلة... فيها إيه لو قلتي ليا... إنو ما باليد حيلة... لو خلاص فترت عواطفك... أقري شوق عيني تعالي... بتلقي شوق دنياي جاكي... داير تحني شوي لحالي...
*****
من حفل دار الأوبرا المصرية بمصاحبته فرقته الموسيقية وفرقة الدكتور الفاتح حسين
| |
|
|
|
|
|
|
Re: الفنان الجميل طه سليمان,عايزك براك فى كلمتين حدد إنت متين ووين. (Re: ismeil abbas)
|
اسماعيل عباس ... سلامات والله هذا البوست ذكرنا صديقنا المرحوم سلآّم سليمان الذي وفاته المنية في الشهر الماضي اللهم تقبله قبولا حسنا اللهم اعفو عنه واغفر له انه كان جميل ويملك قلب كبير وحنجرة جميل تفوق شقيقة طه سليمان الذي نذكره عندما كان صغير وندعوه هو وفرقته لاداء وصلات المدائح النبويه ياسلام يا اسماعيل هذا البوست الجميل قلب علينا الاوجاع بفقد انسان عزيز وجميل بالنسبة لينا
بوست موفق ياصاحب
| |
|
|
|
|
|
|
|