|
|
 إستمارة عضوية للمشاركة في الإنتفاضة القادمة............عاجل جداً
|
لقد فُصِلت العير و نادى المُنادي.....هي مرحلة جديدة من تاريخنا و تاريخ الثورة
إقترب الواحد و العشرين من مارس
و ها نحن نخوض في أعمق مرحلة من الثورة، المرحلة التي تجمعنا بكم
نريد من كل وطني فيكم، غيور...شريف و يود المشاركة أن يبعث بطلب لضمه إلى صفوف عضويتنا
...لا يهم، أياً كانت بلدك...و أياً كانت ولايتك
ما يهمنا هو أن تكون سودانياً و سوداني فقط
هذا هو شرطنا الوحيد للإنضمام إلى صفوفنا
الرجاء من الجميع مراسلة هذا الإيميل
[email protected]
و سوف تصله إستمارة عضوية، عليه تعبئتها و إرسالها مرة أخرى
حينها فقط يمكننا أن ننظم صفوفنا و نجهز للواحد و العشرين بأذرع مفتوحة و كشف أمنيات خالٍ إلا من الصفحات البيضاء
بإنتظاركم
يمكنكم ان تشاركونا بمقترحاتكم التي ستجد آذانا مصغية
|
|
 
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: شباب من أجل التغيير)
|
دا شنو دا يا شباب
الانتفاضة البيسجلو ليها دي شنو ؟؟؟
و استمارة عضوية و تتملي ليه ؟
فائدة المعلومات الفيها دي ممكن تكون شنو
و ممكن تساهم كيف في صناعة التغيير او صناعة اي حاجة
يا شباب ركزو مع العمل القاعدي الفي الشارع
و ما في قيادة او حاجة زي دي
ركزو مع الناس البسيطين الما عندهم ايميل
انو ديل يووعو بحقوقهم و بمطالبهم
و يطلعو الشارع عشان يطالبو بيها
ركزو و خلونا من الحاجات الما بتجيب فايدة و لا بتغيير حاجة في الارض
| |
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: Amjed)
|
Quote: دا شنو دا يا شباب
الانتفاضة البيسجلو ليها دي شنو ؟؟؟
و استمارة عضوية و تتملي ليه ؟
فائدة المعلومات الفيها دي ممكن تكون شنو
و ممكن تساهم كيف في صناعة التغيير او صناعة اي حاجة
يا شباب ركزو مع العمل القاعدي الفي الشارع
و ما في قيادة او حاجة زي دي
ركزو مع الناس البسيطين الما عندهم ايميل
انو ديل يووعو بحقوقهم و بمطالبهم
و يطلعو الشارع عشان يطالبو بيها
ركزو و خلونا من الحاجات الما بتجيب فايدة و لا بتغيير حاجة في الارض |
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: الطيب رحمه قريمان)
|
Quote: يا شباب ركزو مع العمل القاعدي الفي الشارع
و ما في قيادة او حاجة زي دي
ركزو مع الناس البسيطين الما عندهم ايميل
انو ديل يووعو بحقوقهم و بمطالبهم
و يطلعو الشارع عشان يطالبو بيها
|
ادعم كلام امجد الفوق دا, يا جماعة نحن محتاجيين للناس البسطاء في الاحياء واماكن تجمعاتم,محتاجيين نوزع عليهم قصاصات بسيطة او مخاطبات سريعة ومتزامنة وبمجموعات 4-5 تنتشر في كل مدن العاصمة و بقدر الإمكان الناس تتفادي الإعتقال.
الناس العندهم إيميلات اغلبم فرزو عيشتهم وديل بخدمو التحرك كل من موقعه.لذا المرونة مطلوبة والمبادرة والإبداع في إبتكار ما يناسب وتفادي سلبيات التحركات الاخيرة صمام امان لنجاح اي تحرك.
ولكم دعمي غير المحدود.
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: Amjed)
|
يا أستاذ أمجد
لدينا ما يقارب الخمسة عشر ألف عضو في صفحتنا على الفيس بوك
هذه هي الطريقة الوحيدة للتواصل معهم
و مع الذين يقرأون ما نكتب هنا حالياً
بالنسبة لناس(الشارع) فنحن متواصلين معهم
لكن يهمنا أي شخص في مجموعتنا أو عبر مواقع الإنترنت يريد الخروج في الواحد و العشرين من مارس
حتى لا يحدث ما حدث اليوم لقوى الإجماع أو يوم الثلاثين من يناير من ضعف التنسيق
و هو عمل طوعي، من يقوم به بالضرورة شخص جريء جداً
هناك عملية تسلسلية طويلة تبدأ بملء الإستمارات و تنتهي بالمشاركة في الواحد و العشرين بتنسيق مع الآخرين و معرفة الخطة البديلة و الخطة الأصلية و ضمان وسيلة إتصال آمنة مع الجميع في أي وقت حتى لو تم فصل الإنترنت في السودان
تحياتنا
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: شباب من أجل التغيير)
|
عاين يا استاذ شباب
ما تلكشيرني .. بالعربي كدا ما تديني محاضرات
في 15 الف عضو و انتا ما محتاج بيانتهم الشخصية عشان تنسق معاهم
و القصة ما جراءة او عدم جراءة
حسي ممكن يكون في زول جرئ جداً جداً
و يرسل ليك بياناتو دي
و يقوم يعتقولهو تاني يوم
حنكون استفدنا شنو من الجراءة دي
بالنسبة لناس الشارع انا عارفكم متواصلين معاهم و دي حاجة كويسة جداً
ودي الحاجة المفروض يتم التركيز على دعمها و استمراريتها يا استاذ شباب
حتى وسيلة الاتصال دي للتنسيق فهي غير امنة و غير فعالة
ايميل واحد يتعرض للاختراق بيكشف كل الخطة دي
غير انو الايميل الانتو ناشرينو دا اذا بس تم اختراقو بيكشف قاعدة البيانات دي و يعرض كل الناس الرسلو للخطر
يوم 21 في دعوة لمواجهة مع النظام
التحضير و التنسيق ليها ما بيتم بالطريقة دي
ولا بمطالبة الناس بملء استمارة للمشاركة في الانتفاضة
الما بيملاها ما ينتفض يعني ولا شنو
ركزو على توحيد الصفوف و تجميع الناس و استمالة الشارع
دا الاجدى يا شباب
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: Amjed)
|
شكراً عميقاً أستاذ الطيب
أستاذ:أمجد
العفو ياخي، لا عاش من يديك محاضرات و تقبل إعتذارنا لو وصلت ليك بالطريقة دي
دعنا نسرد لك كيف تتم هذه العملية، هناك فريق عمل متكامل فقط لهذه المسألة، يقومون بمسح الإيميلات أولاً بأول و تخزين البيانات في ملفات بعيدة خارج جهاز الكمبيوتر الذي تتم فيه هذه العملية
فبالتالي بيانات الأشخاص في أمان، و هذا الفريق يتناوب للرد على الإيميلات و تخزين المعلومات، كل بحسب تخصصه
أؤكد لك أنّ هناك من يعملون على مستوى الشارع، و هناك من يعملون على مستوى الإنترنت
المواقع السودانية و قروبات الفيس بوك و التويتر
لضم أي شخص يريد الخروج للشارع كي يشارك في الإنتفاضة القادمة
قريباً جداً سنكتب بوست توثيقي عن جميع ما فعلناه على مستوى الشارع السوداني
و ستشاهدون بأعينكم عمل الفريق الميداني....
طول بالك علينا و أدينا رضاك
ونحو وطن يسعنا و يسعك و يمتد حتى يسع الجميع
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: شباب من أجل التغيير)
|
يا شباب
الموضوع مش الثقة او التخوين
الموضوع الغرض
هذا الجهد الكبير الذي تبذولنه و انا متأكد من غرضكم النبيل من خلفه
لا فائدة حقيقية و مباشرة له فمثلا
بوسع جهاز الامن الان تدبيج الف و مية ايميل يرسلو اليكم من جهاز كومبيتر واحد ببيانات وهمية
و انتم ستتعاملون معها كعضوية حقيقية و تبنون خططكم على اساس بياناتها الجغرافية و غيرها
اليس هذا باحتمال وارد
و اليس من الوارد ان يتم استدراج التحرك الي خدمة اهداف معينة من خلال هذا الاغراق
و اليس من الوارد ايضا ضرب كل المعلومات المرسلة من خلال هذه العضوية الوهمية
كدي فكرو فيها تاني دي
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: Mutafa Gasim)
|
Quote: ادعم كلام امجد الفوق دا, يا جماعة نحن محتاجيين للناس البسطاء في الاحياء واماكن تجمعاتم,محتاجيين
نوزع عليهم قصاصات بسيطة او مخاطبات سريعة ومتزامنة وبمجموعات 4-5 تنتشر في كل مدن العاصمة و بقدر الإمكان
الناس تتفادي الإعتقال.الناس العندهم إيميلات اغلبم فرزو عيشتهم وديل بخدمو التحرك كل من موقعه.
لذا المرونة مطلوبة والمبادرة والإبداع في إبتكار ما يناسب وتفادي سلبيات التحركات الاخيرة صمام امان لنجاح اي تحرك.
ولكم دعمي غير المحدود. |
وبعدين بالله ما تكتبوا ليهم فصلت العير وما أدراك...
وأكتبوا بالدارجي حيثما أمكن.
أنا برسل ليكم ايميلي في الخاص. كلامكم عن أي معلومات
تانية ما مقنع وما تقيفوا في الحتة دي كتير
وماذا عن الدعم المالي؟
إنتو ما عليكم ديون ولا شنو؟
ورونا متى وأين نرسل لكم شوية البنقدر عليه!
وعليكم بالموبايلات أغرقو الموبايلات برسائلكم حليكم من الانترنت.
أطلبو من الواحد انو يمرر التكست مسيج بتاعتكم لمعارفه هو.
ولكم دعمي غير المحدود.
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: mustafa mudathir)
|
Quote: يا أستاذ أمجد
العمل سيتم ببرنامج
microsoft office access
وهو من سيقوم بحساب العضوية
لن نخسر وقتنا في الحساب
و لدينا طرق للتعامل مع جهاز الأمن
نحن فريق عمل كبير، لكل واحد منّا دور، و دور عظيم أيضاً
و لو خرجنا بشخص واحد فقط حقيقي يود أن يشارك بصدق
نكون قد أنجزنا
تحياتنا
و شكراً على النصيحة، نعدك بأن نفكر مرة أخرى |
ياشاب انا ما اتكلمتا ليك عن الوقت
اتكلمتا ليك عن الغرض و المثل الضربتو ليك دا مثل و ما تفتكر الامن ما بيحاول يستغل في الثغرات البيلقاها
بالعكس
بيحاول و بذكاء برضو فما تخوضوا معارك في غير معترك
لا توجد فائدة حقيقية ستعود من هذا العمل سواء ان تم عن طريق الاكسيسس او غيرو او حتى لو تم يدويا
ثم ياخ في طرق تانية بتتطلع بيها بمية الف زول داير يشارك و بصورة حقيقية و قاعد على الارض في السودان
دي ما طريقة التشبيك يا شباب
التشبيك بيتم على الارض بين ناس قاعدين و فاعلين و معروفينو بعداك ممكن يتم موضوع الداتا بيس و الداتا اينتري لو بقا في حوجة اصلا ليهو
و انا اعرفكم و اثق بكم و لكن قد خانكم التقدير في هذه الرمية
و يا الشاب البيناقش هنا بحساب المجموعة دعك عنك الدفاع بصورة ميكانيكية صماء عن هذا القرار و محاولة التبرير له
من الواضح انو اغلب الناس الجوو لقو وروكم رايهم الرافض للفكرة
اخضعوا لروية الجماهير دي و اتخلو عنها
تاني حاجة the data its self has very dangerous and misleading power when not used wisely
and collecting unnecessary data is unwise step .
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: سهام أدم جمعة)
|
Quote: نحن فريق عمل كبير، لكل واحد منّا دور، و دور عظيم أيضاً
|
من أنتم؟
وكيف تكونتم؟
ومن شارك في تأسيسكم؟
ومتى وأين كان التأسيس ؟
وما هي الأهداف والبرامج؟
ومن الذي يخطط لكم؟
وما هي الأدور التي تحدثتم عنها؟
ومن هم الذين وزعوا الأدوار؟
ومن هم الذين سينفذون هذه الأدوار العظيمة؟
ومن أين أتيتم؟
وكيف جئتم ؟
ولماذا ؟
و
و
..
..
مثل هذه الاسئلة قد لا تتبادر للأخ أمجد ورفقائه بحكم معرفته بكم ..
ولكن أي مواطن غلبان تنتظرون خروجه لابد أن تثور أسئلة عديدة في ذهنه
أسئلة من شاكلة أين وكيف وماذا ولماذا، يريد عنها إجابات موضوعية قبل الاستجابة
حتى يضمن نتائج الافصاح عن بيانات صحيحة عن نفسه ..
وإلا فما هي ضمانات أن لاتقع هذه المعلومات في أيدي الاجهزة الامنية
بل ما هي ضمانات أن لا يكون هناك اتصال مباشر أو غير مباشر بين هذه الكيانات والأجهزة الأمنية؟
..
ثم هل الافضل للثورة أن نقوم باستقصاء بيانات الجمهور
أم ببث الحماسة والتوعية فيه ثم المبادرة بالثورة أمامه ؟
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: عمر التاج)
|
شباب إزيكم
تحياتي الحارة مقدماً
للأمانة وأنا أقرأ العنوان تبادر الي ذهني إستيلاء الهكر علي حسابكم في المنبر
وهالني بعد قراءتي للبوست والردود ما قرأت .!
الإنتفاض كفعل ثوري لا يحتاج في تقديري لإستمارات عضوية مثل هذه الإستمارات غير
جديرة بإنجاذ أي فعل ثوري حقيقي علي أرض الواقع ، الشاهد أن جميع الثورات
والإنتفاضات التي حدثت لا علي مستوي الوطن وحسب بل علي مستوي العالم كانت وقودها
الفعلي الجماهير(جماهير الله والرسول) لا جماهير إفتراضيين ، العمل الثوري فعل جاد يحتاج
فيما يحتاج للكثير من الصبر والعمل وليست من أولوياتها حصر الأعضاء المتوقع مشاركتهم
في إحداث التغيير ، دعوات كهذه من شأنها تنفير الناس عن خطابكم .
إحترامي لكم
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: عمر التاج)
|
Quote: يهمنا هو أن تكون سودانياً و سوداني فقط
هذا هو شرطنا الوحيد للإنضمام إلى صفوفنا
الرجاء من الجميع مراسلة هذا الإيميل
[email protected]
و سوف تصله إستمارة عضوية، عليه تعبئتها و إرسالها مرة أخرى
حينها فقط يمكننا أن ننظم صفوفنا و نجهز للواحد و العشرين بأذرع مفتوحة و كشف أمنيات خالٍ إلا من الصفحات البيضاء |
الاخوة شباب من اجل التغيير لكم التحية من اجل سعيكم لتغيير واسقاط نظام الانقاذ ونقف مع مجهوداتكم المقدرة ولو كانت الدعوة فقط ولكن هنالك كثير من الاسئلة التي تطرح حول استمارة العضوية والكل يعلم ان الثورة او الانتفاضة لا يتم التسجيل لها او طرحها في استمارات انما هي تراضي ثوري للشعب من اجل التغيير ولا تحتاح لهذا الطرح الذي يثير كثير من الشكوك عند من لا يعرفونكم , الثورة ماضية بلا تعهدات اواستمارات الا ان كنتم تنظيم سياسي ففي هذة الحالة يكون التسجيل واجب .
ليس تشكيكا ويمكن ان تكون الاستمارة عملاً يضر بكل المجهودات التي تقومون بها ويقوم بها غيركم من اجل التغيير لانكم تواجهون جهاز امن دولة حزبي يخطط بدرجة اعلي مما تخططون لانه تسخر له كل امكانيات الدولة وانتم تتحدونه علنا لذا يجب ان توحدوا جهودكم نحو الشعب بالداخل وتنسقوا مع كل المعارضين بالخارج من اجل صناعة التغيير بدون استمارات واطلبوا الافكار والرؤي مممن هم بالخارج والداخل لتفيدكم واستفيدوا من تجربة الثورة المصرية وانتفاضتي ابريل واكتوبر .
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: يوسف السماني يوسف)
|
Quote:
واستفيدوا من تجربة الثورة المصرية وانتفاضتي ابريل واكتوبر |
هل تعلم يا أستاذ أننا قد إستفدنا من شباب الفيس بوك في مصر في هذا المُقترح تحديداً.....
نحن على تواصل معهم و لقد إقترحوا لنا فكرة الإستمارات
لقد قاموا بتجربتها و نجحت نجاحاً باهراً هناك
لأنه ليس هناك طريقة أخرى للتواصل مع الشباب المتواجدين على الإنترنت غير هذه الطريقة
نحن نعلم تماماً قبل أن نشرع في تنفيذها كمّ الإنتقادات التي ستُوجه لنا
لكننا سنجرب كل شيء و أي شيء
و نعمل بحرص حتى لا نخسر الكثير
شكراً للجميع على التواجد و الإقتراحات التي ستجد آذاناً مصغية بكل تأكيد
لكم التحية جميعاً
| |
|
|
|
|
|
|
|
|
 Re: إستمارة عضوية للمشاركة في الإنتفاضة القادمة............عاجل جداً (Re: سهام أدم جمعة)
|
..
.
Quote: دا شنو دا يا شباب
الانتفاضة البيسجلو ليها دي شنو ؟؟؟
و استمارة عضوية و تتملي ليه ؟
فائدة المعلومات الفيها دي ممكن تكون شنو
و ممكن تساهم كيف في صناعة التغيير او صناعة اي حاجة
يا شباب ركزو مع العمل القاعدي الفي الشارع
و ما في قيادة او حاجة زي دي
ركزو مع الناس البسيطين الما عندهم ايميل
انو ديل يووعو بحقوقهم و بمطالبهم
و يطلعو الشارع عشان يطالبو بيها
ركزو و خلونا من الحاجات الما بتجيب فايدة و لا بتغيير حاجة في الارض |
شكراً يا امجد ..
بالجد دا شغل بتاع جرمنديه وناس مبتدئين
او يعيشون فى عالم خيالى لا يمت للواقع او العمل الميدانى
وتنسيق التظاهرات ..
هؤلاء كأنهم لم يسمعوا بالخلايا السرية او القروبات المغلقة
او الثقة الإستقطابية .. يعنى عشرات الوسائل للدعوة
بل استمارة العضوية يمنح الإحساس بعدم الثقة فى جدوى ملء استمارة ..
بعدين عضوية شنو ؟؟ عضوية خروج لإنتفاضة ..
--------
والله بينكم وبين استراتيجية شباب المؤتمر الوطنى
الاف الاميال لتعلمون كيف هم ينظمون صفوفهم ويتحضرون
للكاونتر اتاك ..
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: أحمد ابن عوف)
|
طـــق خاااااص
الساده / شباب من اجل التغيير
تحية الود والاحترام ..
- إبتداء كل التقدير للدوافع النبيلة تجاة قضايا جماهير شعبنا ..
مؤكد انه وحتي تصلو لهذا الامر موضوع النقاش في البوست قد جري حوار داخلي
فيما بينكم وتوصلتم لهذه الخطوة وفقا لتقديرات ترون بانها هي الاجدي لتحقيق
غايات واهداف تصبون اليها ويصبو اليها كل شرفاء بلادي ..
طيب مع كل الاحترام لذلك .. لكنها خطوة غير موفقة .. علي الاقل من حيث الاستفادة
والغرض .. ثانيا من حيث الالية .. إذ ان قولك بان هناك اتيام او مجموعات لمتابعه
الايميلات لا يحقق اي نوع من الضمانات لك اولا بالقدرة علي التاكد من صحة البيانات
الواردو من اي ايميل .. وطالما انك لا تستطيع ذلك فان اي اجراء يتم بناءة
علي معلومات غير مؤكده مصيرة معلوم ..
* نصيحة لي الله ساكت ..الايميل الاتختا هنا ده بيكون لحق امات طه .
* قاعده بيانات في ميكروسوفت آكسس !!! الاحسن نخت بياناتنا في ظرف ونوديها طوالي
موقف شندي !!
طبعا انا ضد التخوين واسئلة ديل منو .. طالما انا ممكن اشوف ديل بيسوو في شنو
بقدر افرز .. واتمني انو مثل هذا الكلام او حتي النقد الاتوجه ليكم هنا للخطوة دي
ما يقلل من عزيمتكم تجاة تحقيق الغايات ..
العمل وسط الجماهير زي ما قال ليكم د.امجد هو المحك .. وديل الاغلبية العمرهم ما
عملو sign in وبطريقة الايميلات دي بتكونو انتو عملتو sign out منهم ..
* ذكرت بان لديكم 15الف عضوية ولا مسجلين .. اها ديل بس لو قبلتو بيهم للشارع
ممكن يحركو الكمين مليون الباقين .. لكن اؤكد ليك انو احصائيات ال sign in
دي لا تعطي قراءة حقيقية .
دمتم ..
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: خضر حسين خليل)
|
معليش على لهجتي الممكن تكون تهكمية شوية
لكن عفواً سيد شباب ، هل انت " متعهد إنتفاضة " مثلاً ؟؟؟
عامل للناس إستمارات ، و ما داير توضح فكرتك
و البقول ليك ما عندي طريقة أملا إستمارتك دي بتقول ليهو ما مشكلة بدخلك في لجنة شعبية
دة شنو ؟؟؟؟؟؟؟؟؟!!!!!!!!!!!
عذراً ، لكن بالجد
كدة انتو قاعدين تششكو الناس في جدوى الانتفاضة التي يُعتمد فيها على الشباب
إذا كان هذا الشباب بفكر بطريقتكم دي
نصيحة : اسحبو البوست دة طوالي
ولّا قولوا كلام مقنع ما بستخف بعقول الناس
و يبدو كدة انو ما عندكم أكتر من القلتوهو
و الذي اقل ما يوصف به انه " مضحك " .
عذراً مرة اخرى على اللهجة .
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: Hussein Mallasi)
|
شكرا وتحية شباب من أجل التغيير وكل المتداخلين الكرام
في تقديري
1) احتمال اختراق الايميل وبالتالي معرفة كل من ارسلوا اليه ومعلوماتهم الخ تم الرد عليه بان الايميل يتم تفريغه ومسح ما به اولا بأول، في تقديري أن هذا لا بأس به ولكنه ليس كافيا ، وربما كان أكثر خطورة إذا لم يصاحبه تغيير مستمر في كلمة المرور التي يجب أن تكون باستمرارمحصورة في أضيق نطاق ممكن
2)احتمال تعرض قاعدة البيانات للكشف بواسطة جهاز الأمن يظل قائماجدا في كل الأحوال .. ولا يجدي معه إلا الاستعداد لكل وأسوأ الاضرار التي يمكن أن تنجم عنه من اعتقالات لللمدرجين وخلافه ...ربما كان مناسباان تكون هناك طريقة ما يشعر بها كل من أرسل إلى هذا الإيميل أنه صار بمأمن بانتمائه إلى المجموعة وأنه ستتم حمايته والزود عنه بشكل أو بآخر ، لحظة حدث له أي شيء .
3)احتمال ارسال رسائل كثيرة جدا باسماء مختلفة من كمبيوتر واحد يمكن (في تقديري) أن يحلها الشباب بشكل تقني بمعرفة الآيبي وكشف اي محاولة للتلاعب به ما أمكن
4) احتمال ارسال منتمين حقيقين ومختلفين وكثيرين للأجهزة الأمنية لرسائل وارد أيضا ... وهذا الاحتمال يرد في أي طريقة للدعوة المفتوحة للتظاهر او للتسجيل للتظاهر ... وهو ليس عيبا تُرمى به هذه الطريقة لذاتها إذن. من المهم إعداد سيناريوهات للتعامل مع مختلف ما يمكن أن يثيروه من محاولات حرف أو تثبيط أو شق إلخ والتصدي لهم بأقصى سلم وحزم ممكنين
5) لتقليل الأضرار التي يمكن أن تنجم عن وجود مندسين لأقصى حد ممكن .... الخطط والسيناريوهات المعدة لتنفيذ التظاهرة وللتعامل مع مختلف الاحتمالات أثنائها ...يجب أن تكون واضحة ومحددة ولا يوجد فيها مساحات "تقديرية".... هذا يتطلب دراسة متعمقةمبنيةعلى الواقع للحدث والمكان والملابسات والتوقيت وإلخ
ختاما ، جميل أنه وجد أخيرا من يفكر بشكل غير ارتدادي ولا متكلس فيما يتعلق بهذا الأمر ، ولا نامت أعين الطغمة الانقاذية البلهاء المندحرة وشيكا بإذن الله أولا وأخيرا وبفضل وفعل هذه الآفاق المفتوحة والأذهان الحية
لكم الود جميعا
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: Hussein Mallasi)
|
الناس في المنبر ده بقت تخاف ومعاها مليون حق
لأنه ممكن أي شخص يمثل معارضة ويخدع الناس بأخذ معلوماتهم
غير أمجد ما سمعت زول قال بعرفكم وما عارف بعرف كم منكم
لكن طالما بكري أداكم باص وورد شوية الناس ممكن تطمئن
ما ممكن تسأل ناس عن معلوماتها للمشاركة في مظاهرة
ده بخوف الناس منكم أكثر خصوصآ بوست (ضنب الكوكو) لسه سخن
المهم أعتقد أن تفسير الكثيرين لطلبكم الغريب ده
إنكم عايزين تكونوا حزب أو جماعة ضغط في المستقبل
ويكون لديكم الكثير من الإتصالات مع من يراسلكم الآن
وكمان تزيدوا أعدادكم بهؤلاء الناس وتصبحوا مجموعة كبيرة
يعمل لها حساب وتقدير وربما تشارك في برنامج إنتخابي!!
أي حاجة ممكن ولغاية حسع ما وريتوا الناس دي إنتو منو
وإنتوا كم واحد البستعملوا في الباصوورد ومقركم وين؟؟
بعدين إسمك منو؟ يا ريت لو كان الإسم:شاب من أجل التغيير!
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: سلمى تاور)
|
أسمع الكلام يا ولدي الله يهديك.
الإستمارات دي ما فكرة كويسة.
ركزوا زي ما قال ليك مصطفى مدثر على
رسائل التكست وعلى العمل المباشر في
الأحياء والجامعات.الإعلان عن التقديم بالإستمارات
ده ما بتقدر تميز فيه بين الوطني وبين امنجي يريد
أن يخترق ،غير أنه هناك خطورة على المشتركين إذا تسربت
المعلومات الفي الإستمارة.
بعدين أنا داير أحيي طولة بالك بس برضو لازم تجاوب على إستفسارات الناس
وتقنعهم بالفكرة مش كدي؟؟
تمنياتي لكم بالتوفيق..
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: الطيب رحمه قريمان)
|
Quote: .
لقد فُصِلت العير و نادى المُنادي.....هي مرحلة جديدة من تاريخنا و تاريخ الثورة
إقترب الواحد و العشرين من مارس
و ها نحن نخوض في أعمق مرحلة من الثورة، المرحلة التي تجمعنا بكم
نريد من كل وطني فيكم، غيور...شريف و يود المشاركة أن يبعث بطلب لضمه إلى صفوف عضويتنا
...لا يهم، أياً كانت بلدك...و أياً كانت ولايتك
ما يهمنا هو أن تكون سودانياً و سوداني فقط
هذا هو شرطنا الوحيد للإنضمام إلى صفوفنا
الرجاء من الجميع مراسلة هذا الإيميل
[email protected]
و سوف تصله إستمارة عضوية، عليه تعبئتها و إرسالها مرة أخرى
حينها فقط يمكننا أن ننظم صفوفنا و نجهز للواحد و العشرين بأذرع مفتوحة و كشف أمنيات خالٍ إلا من الصفحات البيضاء
بإنتظاركم |
اقطع دراعي لو ما كانت هذه المجموعة مختلقها النظام
عمرنا كلو شوفنا ثورات وثورات ومظاهرات ما شوفنا زول بسجل اسمو
الا في طلائع مايو واتحاد شباب السودان
لكن مجموعة مناهضة للنظاموعايزة الناس الحيقومو المظاهرات يسجلو اسمهم
دي لا بقت لا حصلت.
من قبل اتت آمونة السمحة وصفت بيتهم الطلع بيت تحت الانشاء
وهنا العميان شايل المكسر خاصة المناضلين( كيس نايلو الهوا شايلو)
هاك يا وصف بامارة الطيرة الراكة في العامود الجنب بيتنا
وطلع اسم وهمي وذلك اليوم تحيرت من ذكاء الامن السوداني
وثعلبية الكيزان وعضارة ودقوسة المعارضة
والان بهذا البوست تأكد لي تماما الذكاء الخارق والنجاضة الفايتة
قاعدين في حتتهم تجيهم المعلومات..
ودا سبب بقاء الكيزان
كل مرة يدقسوا فيكم..
فلا تدقس عزيزي القارئ هذه مجموعة خلقها النظام
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: د.نجاة محمود)
|
ياشباب لى قدام
وشنو كان اخترقها النظام مايخترقها
هو زاتو الزول الداير يدسا ده ما بنفع فى مجموعه زى دى
حقو الزول يكتب كل بيانته كامله هنا بمافيها العنوان
حقو فى السودان ومحل مقيم والناس تستوثق من الزول
بموجب بيانته وتتاكد من كل شى ويكون فى كل منطقه اكثر
من عريف من الموثوق بهم ويزكو الزول...
السودانيين ديل اسهل جنس ممكن تعرفهم،،،
اها انا ماداير استمارة ومعاكم سجل ساكت
خلونا من اراء المحبطين ديل لا دايرنهم لاحاجه
يختونا بس
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: صديق الموج)
|
| Quote: لدينا ما يقارب الخمسة عشر ألف عضو في صفحتنا على الفيس بوك |
ده كلام زى الورد
وكلام أمجد مهم وهو هكر قبل ظهور البروستريكا طرق الأختراق كتيره
شباب أى واحد بمتلك تجربة مختلفة من الأخرى وسوف تصب فى ماعون الثورة ولاتنزعجوا من حدة النقاش
والأحتفاظ بالسرية لماذا حتى لا تضرب الحلقات العشرية التى سوف يكونها كل واحد من الخمسة الفوق يعنى كل واحد بفترض يكون عندو حلقة من عشرة أفراد
أصلوا مافى أى فشل التجربة كفيلة بإبتكار أدوات جديدة والحس التأمينى الزايد بعطل خلو المكاشفى ده زاتو يرسل ليكم طلب دايرنوا يرفع معلواتوا لجهاز الأمن
ويقوليهم شباب التغير وناس قرفنا والجيل الثالث من الثورة وثوار مشروع الجزيرة والمفصولين الناس ديل جادين مارقين يوم 21 مارس من شارع النص والشنقيطى وشارع الوادى
وشارع الصحافة زلط والصحافة بالنص
وناس الجريف وناس الأمتداد وناس الكلاكلات وغرب الحارت الثورة والمايقوما والحاج يوسف وناس مايو وناس الوزير دقس وراس الشيطان وناس مدنى والحصيصا والكاملين
والقضارف كل الشوارع ست
الثورة ده أنطلقت انطلقت بس يامطاليق أرجلو
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: Elbagir Osman)
|
التحية للشباب ومعا من أجل التغيير.
أعتقد لو عمل الشباب عمل على طريقة نظام "درب التبانة" والتنظيم والتنسيق
عبر المجموعات يكون أفضل لأنو في وضع الظروف الحالية لو الإنسان
الطالع لأي طريق لو في طريقة يمسح دربو وراهو يكون أفضل، زمان لما
نكون ماشين حتة وماعيزين زول يعرف إتجاهنا أي واحد فينا بيقطع غصن
شجرة ويجره وراه ..أها الفكرة دي ذاتها إنضربت وبقى العايز يعرفنا
بيباري درب الغصن لحدي مايصل، فكرة الإستمارة فكرة تنظيمية
جيدة لكنها لاتنفع في ظروفنا الحالية. كل مجموعة تثق في بعضها بالتأكيد
هنالك شخصان على الأقل من مجموعتين مختلفات تتوفر بيناتهم الثقة وحتى
يتم التنسيق الكافي وفي الوقت المناسب مافي إستعجال صابرين الوكت دا كلو
وماعيزين نهدر الطاقات بالإحباط المتكرر والتخذيل أي عمل لا يتحرك من
داخل الأحياء سيكون محدود، وإذا استطعنا تخفيف الرصد والمتابعة من قبل
الأجهزة الأمنية يكون أفضل.
| |
|
|
|
|
|
|
|
|
|
Re: إستمارة عضوية للمشاركة في الإنتفاضة القادمة............عاجل جداً (Re: Manal Awad Khugali)
|
فصلت العير
وما تفصل ياخى كان فاصلة حتى لو فصلت سودانيز اون لاين كلها !!
عموما حنبرة ليس من العير
وما زال يتفرج بمزاج على جيرانه الاعراب
حنبرة يستمع و يقرا ويشاهد وثائقية حاضرة ما زالت احداثها تترى ومن حقه ان يكمل مشاهدة هذه الوثائقية ومن ثم ... الباقى ساهل
حنبرة بالفطرة لا يقف فى طابور الاعراب ومزاجه ليس عربى حتى وان زن له الاعلام العربى كسافوتة
حنبرة زمنه فى الطريق ..ليس طريق تونس ومصر واليمن وعمان
حنبرة الامه خاصة واماله متميزة لكنها بين فكى شيطان ..
شيطان هو الامام والقائد والجلاد والسارق .. يصلى ويقرا القرآن
حنبرة زمانو جاييى فلو لا تستعجلون..
| |
|
|
|
|
|
|
| |
شباب من أجل التغيير
معاوية عبيد الصائم
Amjed
الطيب رحمه قريمان
حسبو عكاشة
سلمى تاور
mustafa mudathir
عمر صديق
عمر التاج
خضر حسين خليل
يوسف السماني يوسف
أحمد ابن عوف
خالد ماسا
بشير أحمد
حبيب نورة
بدر الدين احمد موسى
Hussein Mallasi
فتحي البحيري
ASHRAF MUSTAFA
أسامة عبد الجليل
صديق الموج
عبدالحافظ سعد الطيب
Elbagir Osman
Manal Awad Khugali
خضر عبدالغفور
Hani Arabi Mohamed
فيس بوك
تويتر
انستقرام
يوتيوب
بنتيريست