|
Re: برافو طه سليمان .. (Re: الملك)
|
Quote: برافو طه مكعب ....
الاخ عمر ...لم اكن على متابعة للفنان طه ...ربما من ايام الاصايل ...وال البيت ...
قررت في ذلك اليوم ان اذهب الى المسرح ارضاء لبنت اختي التي تعشقه حد الموت ...ورافقتها تفاجات فعلا حد الدهشة للجمهور المحتشد خارج ساحة المسرح ...كل الاماكن مليئة حتى الشارع استنكرت هذا الجمهور ورددت في خاطري (تردي الفن السوداني وصل لهذا ..طه بتاع عوض دكام ...وايه وايه كدا )..تبصرت في وجوه الحضور الذي بدا متضايقا من عدم امكانية الدخول ...جلست انا بحوش المسرحيين ... واستغليت معارفي لجلوس بنت اختي بالداخل ...وانا جالسة جوار ست الشاي اذ بالود طه زاتو في كامل زينته يسلم هاشا باشا على مجموعه شعرت انه طيب ومتواضعا ...سلم بطريقة جميله على كل المجموعات التي كانت تحتضنه فردا فردا ...شعرت بمحبة الناس وان هذا الفتى تربع على عرش قلوبهم كانو في فئة عمرية اقل من الخمسة والثلاثين ... سلمت عليه لان شاعرا مقدرا كنت اجالسه عرفني به ...قلت له لا اعرف عنك الكثير فطلب مني ان ادخل لاسمع الجديد والجميل ..وحدثني انه يريد ان يسمع الكثير من الناس السمحين وانه بصدد تجويد اعماله وله الكثير من الجديد والتعاون مع الكثيرين ... يا عمر الفاروق زولك دا صراحه من خلال هذا الجمهور اثبت بمالايدعى مجال للشك انه حجزا مقعدا وثيرا في قلوب الاجيال القادمة والحاضرة ....الجمهور الكبير دا وجد ضالته فيه ...وليس لنا غير القول وفقك الله يا طه فقد اتى اليك والدك بعرش سليمان ...فحشدك الريح والجن والنمل .....وربما لم نرى الكثير
اهم ما يميز طه ...التواضع
كسره :صوت لوم لناس ام در وين دعوة البت شروق ...واللا تكون بحراوية (من بحري )...ننتظر على احر من الجمر |
الأستاذة نعمات...
أول حاجة أحييك جدا على كلامك ..
كلامك كللللو زي الورد .. وكلام صحيح تماما...
أنا بس داير أحكي منظر مر بي قبل كده..
راكب معاي واحد صاحبي في العربية.. وصاحبي ممن لا يستمعون لغير وردي (لدرجة إنو مسمي بناتو همسة شوق .. ونور العين) المهم, ونحن ماشين وأنا مشغل طه وهو ما قال ولا كلمة... بس بيسمع.. لمن جات أغنية طه الجميلة جدا البقول فيها:
كل مرة أقولها ليك.. يا قلبي توب من الوفا... ما واضحة بالعربي الفصيح.. ما حقك الهنا والصفا... أحححي علي قلبي الجريح...
وهي من كلمات الشاعر الجميل محمد حسن القاسم (محمد ديكور)..
ثم تلتها أغنية نعم.. طيب واللي بتقول:
نعم.. طيب.. خلاص... حاضر.. بحاول في داخلي أشوف.. إذا لقيت ليك مكان شاغر...
وهي من ألحان الأستاذ الماحي سليمان...
فقام صاحبي ده سألني.. ودار بيننا الحوار التالي:
هو: ده منو البغني ده؟ أنا: ده طه سليمان.
هو: ياخ الود ده مااااا رهيب ياخ... أنا: إنت أول مرة تسمعوا؟؟
هو: آى والله أول مرة... وأول مرة أشوف لي فنان شاب بالإمكانيات دي..
ثم أردف: وكمان الزول ده بطلع بصوتو أعلى أوكتاف وهو مرتاح.. يا سلاااام ياخ..
وواصلنا السمع...
بعد ما نزل قال لي: علييييييييييك الله جيب لي أي غنية غناها الود ده.. عشان بعد ده أنا آلهة فني بقوا إتنين :-) ولو لمت بيهو الظروف .. قول ليهو في واحد قال ليك: إنت صاح...
-- إنتهى --
تعقيبا على كلامك يا نعمات.. طه سليمان من الناس البحمد عليهم حكاية تواضعهم دي... أنا شفتو في كم مرة بقيف وبسلم على الكبير والصغير .. وبكل بشاشة.. ودي (من نظرتي البسيطة) من مكونات الفنان الناجح...
أما كلام أخوي ناجي ده..
فطه سليمان.. هو أول من تجرأ... ودفع قروش كتييييييييرة من جيبو.. عشان يسافر ويعمل فيديو كليب بمواصفات عالمية... ويدفع قروش تااااااني من جيبو.. عشان يتعرض الكليب ده في القنوات العربية الكبيرة أمثال قناة مزيكا...
وتااااااااااني إتجرأ.. ودفع... وعمل فيديو كليب تااااااني وبرضو بنفس المواصفات.. وأحسن كمان.. وبرضو إتعرض في القنوات العربية العندها نسبة كبيرة من المشاهدة...
فحقة يا أخوانا ما نهضم الراجل حقو..
حمد الريح (وهو من كبار كبار الفنانين)... كان حضورا في المؤتمر الصحفي الإتعمل بعد تصوير الفيديو كليب التاني.. وكان من أوائل المشجعين لطه..\
كمال ترباس (وهو أيضا فنان كبير جدا) صرح مرة في الصحف قائلا: لن أتعامل مع د. كوباني.. مالم يتعامل مع طه سليمان..
والدلائل كثيرة...
في النهاية .. يا عمر الفاروق...
أهديك أغنية بكيتك سنة... بالعود (مع الأستاذ عوض احمودي) من برنامج بالعود:
|
|
|
|
|
|
|
العنوان |
الكاتب |
Date |
برافو طه سليمان .. | عمر الفاروق | 02-22-11, 07:33 AM |
Re: برافو طه سليمان .. | هايل زين | 02-22-11, 08:02 AM |
Re: برافو طه سليمان .. | فيصل نوبي | 02-22-11, 08:28 AM |
Re: برافو طه سليمان .. | عمر الفاروق | 02-22-11, 08:58 AM |
Re: برافو طه سليمان .. | عمر الفاروق | 02-22-11, 09:00 AM |
Re: برافو طه سليمان .. | هايل زين | 02-22-11, 11:19 AM |
Re: برافو طه سليمان .. | هايل زين | 03-30-11, 08:10 AM |
Re: برافو طه سليمان .. | ابو جهينة | 02-22-11, 09:00 AM |
Re: برافو طه سليمان .. | هايل زين | 02-22-11, 11:28 AM |
Re: برافو طه سليمان .. | أيمن دياب | 02-22-11, 09:01 AM |
Re: برافو طه سليمان .. | مريم بنت الحسين | 02-22-11, 09:05 AM |
Re: برافو طه سليمان .. | Kabar | 02-22-11, 09:10 AM |
Re: برافو طه سليمان .. | عمر الفاروق | 02-22-11, 09:13 AM |
Re: برافو طه سليمان .. | عمر الفاروق | 02-22-11, 09:18 AM |
Re: برافو طه سليمان .. | عمر الفاروق | 02-22-11, 09:21 AM |
Re: برافو طه سليمان .. | عمر الفاروق | 02-22-11, 09:24 AM |
Re: برافو طه سليمان .. | يوسف محمد يوسف | 02-22-11, 12:06 PM |
Re: برافو طه سليمان .. | عمر الفاروق | 02-22-11, 12:34 PM |
Re: برافو طه سليمان .. | هايل زين | 02-22-11, 12:46 PM |
Re: برافو طه سليمان .. | مدثر قرجاج | 02-22-11, 01:03 PM |
Re: برافو طه سليمان .. | نعمات حمود | 02-22-11, 01:40 PM |
Re: برافو طه سليمان .. | يوسف محمد يوسف | 02-22-11, 11:36 PM |
Re: برافو طه سليمان .. | Yassir Tayfour | 02-23-11, 01:16 AM |
Re: برافو طه سليمان .. | القلب النابض | 02-23-11, 03:10 AM |
Re: برافو طه سليمان .. | سارة علي | 02-23-11, 05:11 AM |
Re: برافو طه سليمان .. | سارة علي | 02-23-11, 06:14 AM |
Re: برافو طه سليمان .. | عمر الفاروق | 02-23-11, 09:19 AM |
Re: برافو طه سليمان .. | عمر الفاروق | 02-23-11, 09:25 AM |
Re: برافو طه سليمان .. | عمر الفاروق | 02-23-11, 09:33 AM |
Re: برافو طه سليمان .. | عمر الفاروق | 02-23-11, 09:39 AM |
Re: برافو طه سليمان .. | عمر الفاروق | 02-23-11, 09:50 AM |
Re: برافو طه سليمان .. | عمر الفاروق | 02-23-11, 09:54 AM |
Re: برافو طه سليمان .. | ندى عثمان حسن | 02-23-11, 10:00 AM |
Re: برافو طه سليمان .. | عمر الفاروق | 02-23-11, 10:06 AM |
Re: برافو طه سليمان .. | الملك | 02-23-11, 10:23 AM |
Re: برافو طه سليمان .. | هايل زين | 02-23-11, 11:29 AM |
Re: برافو طه سليمان .. | مدثر قرجاج | 02-23-11, 10:56 AM |
Re: برافو طه سليمان .. | أسامة البلال | 02-23-11, 11:15 AM |
Re: برافو طه سليمان .. | عمر الفاروق | 02-23-11, 11:27 AM |
Re: برافو طه سليمان .. | عمر الفاروق | 02-23-11, 11:32 AM |
Re: برافو طه سليمان .. | وليد محمد المبارك | 02-23-11, 12:31 PM |
Re: برافو طه سليمان .. | هايل زين | 02-23-11, 12:51 PM |
Re: برافو طه سليمان .. | وليد محمد المبارك | 02-23-11, 12:56 PM |
Re: برافو طه سليمان .. | هايل زين | 02-23-11, 01:18 PM |
Re: برافو طه سليمان .. | عمر الفاروق | 02-23-11, 03:22 PM |
Re: برافو طه سليمان .. | عمر الفاروق | 02-23-11, 03:23 PM |
Re: برافو طه سليمان .. | عمر الفاروق | 02-23-11, 03:26 PM |
Re: برافو طه سليمان .. | هايل زين | 02-24-11, 10:01 AM |
Re: برافو طه سليمان .. | هايل زين | 02-24-11, 09:44 AM |
Re: برافو طه سليمان .. | نعمات حمود | 02-24-11, 11:22 AM |
Re: برافو طه سليمان .. | عمر الفاروق | 02-24-11, 01:05 PM |
Re: برافو طه سليمان .. | هايل زين | 02-24-11, 01:31 PM |
Re: برافو طه سليمان .. | هايل زين | 02-28-11, 07:58 AM |
Re: برافو طه سليمان .. | هايل زين | 02-24-11, 01:17 PM |
Re: برافو طه سليمان .. | Hussein Mallasi | 02-24-11, 02:19 PM |
Re: برافو طه سليمان .. | عمر الفاروق | 02-28-11, 10:08 AM |
Re: برافو طه سليمان .. | هايل زين | 02-28-11, 01:00 PM |
Re: برافو طه سليمان .. | طارق جبريل | 02-28-11, 03:24 PM |
|
|
|