|
Re: ""عشان الحاجات تبقي كويسة "" شعار الدولة القادمة (Re: النصرى أمين)
|
عشان الحاجات تبقي كويسة عشان صفية,,,, تبقى ريسة
نعامل الظالم بقسوة حتى لو قتل من الارواح كديسة ثوروا ياسكان البوادى تحركوا ياعمال الدريسة ارفعوا العلم القديم واطوا سنين القبح التعيسة الظالم دقنوا طويلة اسلامى.... يحل الفطيسة حرام علينا جلوس المقاهى حلال عليه شراب المريسة ساكن البروج العوالى ناسى عذاب الرميسة
عشان الحاجات تبقي كويسة عشان صفية,,,, تبقى ريسة ثوروا ياسكان البوادى تحركوا ياعمال الدريسة
| |
|
|
|
|
|
|
Re: ""عشان الحاجات تبقي كويسة "" شعار الدولة القادمة (Re: abuguta)
|
Quote: عشان الحاجات تبقي كويسة عشان صفية,,,, تبقى ريسة
نعامل الظالم بقسوة حتى لو قتل من الارواح كديسة ثوروا ياسكان البوادى تحركوا ياعمال الدريسة ارفعوا العلم القديم واطوا سنين القبح التعيسة الظالم دقنوا طويلة اسلامى.... يحل الفطيسة حرام علينا جلوس المقاهى حلال عليه شراب المريسة ساكن البروج العوالى ناسى عذاب الرميسة
عشان الحاجات تبقي كويسة عشان صفية,,,, تبقى ريسة ثوروا ياسكان البوادى تحركوا ياعمال الدريسة |
| |
|
|
|
|
|
|
Re: ""عشان الحاجات تبقي كويسة "" شعار الدولة القادمة (Re: Amani Al Ajab)
|
فنانة من حركة " قرفنا" زهرة من زهرات بلدنا علمتنا و درستنا... و منها الآن قد عرفنا كيفن الأخضر بناضل كيفن الأزرق بقاتل و كيفن الأحمر بشيل البندقية يا صفية.... يا سنية...... يا البتول المجدلية ليكي تعظيما سلام ليكي إجلالا تحية إنتي حررتينا يا بت الوطن إنتي طهرتينا من رجس الوثن إنتي وريتينا كيف إنو الشرف لا يمتهن يا حرة في القيد والرسن يا أقوي من كل المحن يا أصفى من صافي اللبن يا الفي الشروق نلقاكي حية وفي القلوب طاهرة ونقية وفي العيون خضرا و بهية ووالله بطلة و ماك ضحية و الحثالة الأرهبوك حبة سواقط تربوية فعلهم فعل الكلاب و جملة أنواع الذئاب ....و كل مساخيط البرية يا صفية.... يا بنيتن حلوة زي سكر نبات يا فارسة يا ست البنات باكر نسير أنا و انتي و الناس و القضية ندك حصون كل الطغاة يا صفية.....
زينب الصادق المهدي
| |
|
|
|
|
|
|
Re: ""عشان الحاجات تبقي كويسة "" شعار الدولة القادمة (Re: مصدق مصطفى حسين)
|
من رائى الناس تكون قدر المسؤلية وقدر الحدث يعن شنو عشان الحاجات تبقى كويسة شعارك دة بيعنى شنو ؟ لغة مثقفاتية يعنى ؟ ولو كان موجهة للاخت صفية اعرف انو اصلوا الحاجات مابتبقى كويسة ولا حتكون زى ما كانت حياة اتغيرت تماما وبعدين يعنى خطابك موجهه لمنو وياتو شريحة لديها القدرة انها تتفاعل معاهو ؟ ده شكل من اشكال تمييع القضايا وتفريغها من محتواها كان دى المعارضة على الشعب الراجيكم السلام خمو وصرو بطلوا الزبالة البتعملوا فيها
| |
|
|
|
|
|
|
Re: ""عشان الحاجات تبقي كويسة "" شعار الدولة القادمة (Re: Hafiz Bashir)
|
يا متوكل بحر
Quote: شعارك دة بيعنى شنو ؟ لغة مثقفاتية يعنى ؟ |
ياخ ده كلام بسيط جدا وعفوى وبلغة سودانية محلية..
مافيهو اى تعقيد
وما صعب فهمه (واذا اردت مساعدة فى فهمه لا تتردد ان تسأل)
الكلام (اوالشعار) طلع من صفية بصورة عفوية صادقة ... ونحن المثقفاتية (حسب فهمك ) بنتحسس الطريق منها
والامل ....
مافى حاجة تخليك تغضب الغضب ده كلو
| |
|
|
|
|
|
|
Re: ""عشان الحاجات تبقي كويسة "" شعار الدولة القادمة (Re: dabeep)
|
اولا انا متاسف للحده
برضو انا رائى انا الكلام دة كشعار ماممكن اكون موجه لبسطاء الجماهير باى حال من الاحوال حتى لو قالتو صفية ولا النبى الخضر بعدين بكرر انو الحاجات مابتبقى كويسة نهائى باى حال من الاحوال الاخت دى شكل حياتها اتغير شاءت ام ابت استعمال مثل هذة اللغة وانت طال فى الشارع بتقعدك فى السهلة بتفصلك من جماهيرك ببساطة بتقعدك امفكو يعنى ميطى الشعار البسيط المفهوم لغة ورمزا دى بسهل ترديدو وبخلينى منو وفيهو دة الكلام دحين انا قاصدو وعشان الحاجات ابقى كويسة دى لغة مثقفاتية ساى واستخداموا كشعار تمييع للقضية وشكرا عزيزى النصرى واسف ثانية للحدة واخطاء اللغة بس بحاول اخليها بسيطة زى حق اهلنا عشان الحاجات تبقى كويسة
اخوك متوكل بحر
| |
|
|
|
|
|
|
Re: ""عشان الحاجات تبقي كويسة "" شعار الدولة القادمة (Re: Amira Osman)
|
شكرآ لك أخي على سرالختم ..
السلام يعني أن نحس بالطمأنينة بإيقاف الحروب والتناحر .. الحرية تعني صيانة الحق في التعبير و الفعل الإيجابي الذي يقود إلى تطور المجتمعات .. وإن إختلفنا هذا لا يعني أن المختلف مخطئ بل مختلف .. العدالة تعني صيانة الحقوق وإعطاء كل ذي حق حقه ... التنمية لا تحدث إلا في ظل توفر معادل موضوعي يعي بحتمية تطور الإنسان عبر نفسه من خلال فهمه لبئته وتقدمه نحو مقاييس التحضر من سبق و تطور وإبداع .. فالتنمية بشقيها البشري و المادي لن تتحقق إلا بتوفر ظروف موضوعية تحقق نتائج إيجابية لمسيرة الإنسان نحو نفسه.. التكامل القومي المسنود بالوعي هو معيار المواطنة الحقة وليس القبلية و العصبية لجنس أو لعنصر ... معادلة المواطنة والإعتقاد والإنتماء لوطن يوفر الحرية و العدالة و التنمية للجميع .. وبعدها ستكون الحاجات وتبقى كويسة .. شكرآ صفية فلقد تعلمنا منك الكثير .. الشجاعة و التضحية وإحترام المهنة و الوعي والثبات وفوق كل ذلك رباطة جأش وصمود ثم عبارتك البسيطة العميقة والتي عجز سياسيو السودان الحالي من الأتيان بمثلها ... فعلآ عشان الحاجات تبقى كويسة .. يا لك من بطلة نقية وقوية ..
| |
|
|
|
|
|
|
Re: ""عشان الحاجات تبقي كويسة "" شعار الدولة القادمة (Re: Hadeer Alzain)
|
اعلنت قوى المعارضة من قلب الخرطوم الأتي: غداً الاثنين 7 مارس إقامة ندوة بدار الحركة الشعبية بالمقرن لكشف ملابسات تزوير إنتخابات جنوب كردفان.. تظاهرة سلمية بعد غد الثلاثاء 8 مارس بميدان المدرسة الاهلية لمناصرة المرأة في يومها العالمي.. تظاهرة اخرى يوم الاربعاء 9 مارس بميدان ابوجنزير تأييداً للثورات الشعبية في تونس ومصر. انسخ أنشر موبايل فيس بوك إيميل ..
| |
|
|
|
|
|
|
|