|
Re: اين اختفت الملايين من عضوية الحزب الوطني المصري؟السؤل لعضوية المؤتمر الوطني السوداني؟! (Re: السيد المسلمي)
|
Quote: تراجي ... سلامات ناس المؤتمر اللاوطني ديل معروفييين بالشتات وكت الحارة
تتذكري لما جاهم دكتور خليل للزيارة ؟؟؟ ما جاهم بالليل عشان يتخلعوا ..لا لا جاهم نهاااار و عياناً بيان الجماعة شتتوا .. بشكيرهم مرقا في السعودية قال شنو قال عمرة ابو عفين اختفى الثعلب البسام طه اختفى ..الجاز اختفى .. الطفل "المعجزة " نكتوه اليوم التاني و جابوه يتكلم في التلفزيون اشعث اغبر التقول كان مدفون يا اختي ديل ماناس حارة ... اصلهم مجربيين على الاختفاء و الجري إن لزم الامر .. اسألي منهم ابوريالة آل ايه آل جبناهم لغاية شارع العارضة عشان عاملين ليهم كمين.. من الفاشر و الجنينة لغااااااية ام درمان العارضة عشان كمين ؟؟!!! ههههه غايتو ... |
عندما يبدأ الطوفان وتهدر الألوف والملايين البقيف يبقى ما نصيح,,
الشعب السودانى أقلع عن عادته القديمة القبيحة عادة النسيان وعادة عفا الله عما سلف وباركوها يا أخوانا,,, المرارات توالدت والظلم تمدد حتى أصبح ظلمات ,,قتل و تعذيب وسحل وإختفاء ثم الظهور فى مقالب الزبالة أو ساحات مهجورة,, لابد من يوم يصحو فيه هؤلاء الغافلين الذين يعتقدون أنها دائمة لهم,,
الظلم لابد له من نهاية ومن يدافعون عن نظام هم أدرى بما يفعل عليهم أن يفكروا قليلا ولو سرا كيف يستقيم أمر ما ينادون به وما يقومون بفعله والأمثلة أكثر من شعر الراس والشواهد لا ينكرها الأعمى نفسه,,,
الحرية لشرفاء الأمة المعتقلين وسجناء الرأى والكلمة..
|
|
|
|
|
|