|
Re: ياناس الدوحه...فكينا ليكم لاعب ختري...يوجد صور ... (Re: عليش)
|
الاخ والصديق متولي الطيب مالك من الشخصيات المحبوبه والخدومه علي كل المستويات الاجتماعيه في منطقه واشنطون وهو من ابناء السودان الحريصين علي خلق جو اجتماعي اسري اينما كان..فله منا اجمل التحايا والامنيات بحياه قطريه سعيده مليئه بالعطاء والسعاده... الفيديو جاي وراء
| |
|
|
|
|
|
|
Re: ياناس الدوحه...فكينا ليكم لاعب ختري...يوجد صور ... (Re: محمد خليل ساني)
|
الحياة مزيج من كؤوس نشرب منها عند كل منحني
فتارة جرعة من ألم عند فراق الاهل والاحبة
وتارة رشفة من أمل عندما نفكر بستقبلنا ومستقبل من نحب
وتارات اخر لحظات من الفرح بلقاء الاهل والاصدقاء
اليوم نفارق اخ عزيز وصديق صدوق هو الاخ متولي مالك
بلاشك هو فقد للكل في كل المناسبات الثقافية والاجتماعية والرياضية
بل هو زينة شباب منظقة واشنطون
فراق بطعم العلقم اخي متولي ولكن تلك هي الحياة لقاء واقتراق
وسنلتقي قريبا ان شاء الله في ساحات انضر
الاخوة في الدوحة متولي امانة في اعناقكم واعرف حيدا انكم اهل لها
| |
|
|
|
|
|
|
Re: ياناس الدوحه...فكينا ليكم لاعب ختري...يوجد صور ... (Re: عبدالله ابوشوارب)
|
مرحبا بعودة صديقنا وعزيزنا وغالينا موتي كما نسميه للدوحة متولى اخو الاخوان منذ ان فارق الدوحة فى اواخر التسعينات فارقنا معه الضحكة من القلب متولى حبيب الكل فهو صديق لابناء بحري ولابناء امدرمان ولخريجي الهند ولاهله الرباطاب الكل فى انتظاره وسعيدين بعودته الميمونة لنعود لتمرين الجمعة الذى تركناه منذ مغادرته نرجو الافادة يامتولي بموعد الوصول الجديد لا نوفي اخر اتصال معك كان المفروض ان تحضر قبل اسبوع
ياعليش ماتكملوا جميلكم وتلزوا لينا صلاح صاموتي كمان
| |
|
|
|
|
|
|
Re: ياناس الدوحه...فكينا ليكم لاعب ختري...يوجد صور ... (Re: Saifelyazal Elmaki)
|
الشكر اجزله لاخي الاصغر عليش (كفش) علي البوست واعود للدوحة رغم مرارة فراق اصدقاء كانو نعم الاهل ويعز علي فراقهم ولكن هي الحياة تفرق لتجمع وتجمع لتفرق وسنواتي في امريكا بكل مافيها من محاسن ومساؤي والمعز محجوب وسيدا البرنس اسف المريخاب مايزعلو هي فترة ثرة استفاد الواحد كثيرا منها سوف تعينه في مقبل الايام القادمة. الشكر الكثير لكل المتداخلين صديقي الصفوة هارون دياب - اخي وصديقي محمد خليل ساني - صديقي ورفيقي في الدوحة معاوية محمد الحسن وجايب معاي الكدارة كلم الشباب لتمرين الجمعة البعد الجاية -الاخ سيف اليزل المكي لك كل التحايا والود. تخريمة سوف اصل الدوحة الساعة التاسعة والنصف مساء الخميس 10/2/2011م بطيران الخليج الرحلة القادمة من البحرين .
| |
|
|
|
|
|
|
Re: ياناس الدوحه...فكينا ليكم لاعب ختري...يوجد صور ... (Re: Mutwali Malik)
|
Quote: الشكر اجزله لاخي الاصغر عليش (كفش) علي البوست واعود للدوحة رغم مرارة فراق اصدقاء كانو نعم الاهل ويعز علي فراقهم ولكن هي الحياة تفرق لتجمع وتجمع لتفرق وسنواتي في امريكا بكل مافيها من محاسن ومساؤي والمعز محجوب وسيدا البرنس اسف المريخاب مايزعلو هي فترة ثرة استفاد الواحد كثيرا منها سوف تعينه في مقبل الايام القادمة. الشكر الكثير لكل المتداخلين صديقي الصفوة هارون دياب - اخي وصديقي محمد خليل ساني - صديقي ورفيقي في الدوحة معاوية محمد الحسن وجايب معاي الكدارة كلم الشباب لتمرين الجمعة البعد الجاية -الاخ سيف اليزل المكي لك كل التحايا والود. تخريمة سوف اصل الدوحة الساعة التاسعة والنصف مساء الخميس 10/2/2011م بطيران الخليج الرحلة القادمة من البحرين . |
فى إنتظارك يا جميل وتلقانا من بدري فى المطار ومعانا إن شاء الله رهط من الشباب
| |
|
|
|
|
|
|
Re: ياناس الدوحه...فكينا ليكم لاعب ختري...يوجد صور ... (Re: Saifelyazal Elmaki)
|
Quote: أنا فك تسجيلي قبل شهر 10/ 2012 لكن محمد خليل ساني ما اظن اللاعب ده يطلق سراحه بسهولة تحياتي ليك ولمحمد خليل |
سيف اليزل يا فنان ليك وحشة يا جميل
خلاص حددت وقتك وزمن تسجيلك نحن قلنا إنت قريب مننا نجيك بهناك إنت عايز تطير لهناك للبلد البعيده ديك
غايتو المحاولات جاريه لإطلاق سراحنا لفريق بلاد العم سام بس هنا زي ما قلت القبضة شديييييييده ،، البلد دي ما بتتفات بس لكن مرة مره كده راح نمشي لهناك للبلد الحلوة ديك
تسلم على كل حاجه حلوة يا أبو أحمد وبيننا لقاء إن شاء الله
| |
|
|
|
|
|
|
Re: ياناس الدوحه...فكينا ليكم لاعب ختري...يوجد صور ... (Re: عبدالله ابوشوارب)
|
Quote: وليس لنا الا الذكريات علي امل ان نلتقي قريبا ان شاء الله |
فعلا ليكم الذكريات والدموع حتى اللقيا ياخ والله أكيد إنت راح تفقد الزول ده عارفو راح يفرق معاك شديد وايامنا فى سلمون آيلاند تشهد بالحاجه دي وإن شاء الله نشوفك قريب هنا
طمنا على أخبار العائلة الكريمة واللقاء إن شاء الله عبر الإسكايب يا جميل
| |
|
|
|
|
|
|
Re: ياناس الدوحه...فكينا ليكم لاعب ختري...يوجد صور ... (Re: معاوية محمد الحسن)
|
Quote: نرجو الافادة يامتولي بموعد الوصول الجديد لا نوفي اخر اتصال معك كان المفروض ان تحضر قبل اسبوع
|
معاوية يا جميل مساك سعيد
مواعيد الوصول الساعه 9:30 مساء الخميس بطيران الخليج طبعا المواعيد دي آخر معلومة من الحبيب متولى قبل يومين
Quote: ياعليش ماتكملوا جميلكم وتلزوا لينا صلاح صاموتي كمان |
ههههههههههههههههه
الزول ده ما أظن قريب يجي يعني أديهو كده سنتين وبعدين راح تشوفو فى الدوحة قول يارب بس ،، وتسلم على الكلام الزين
| |
|
|
|
|
|
|
Re: ياناس الدوحه...فكينا ليكم لاعب ختري...يوجد صور ... (Re: عبدالله ابوشوارب)
|
Quote: العزيز الغالي محمد خليل ساني
ووووووووووينك يا راجل ، الشوق امطار سلمون ايلاند
والله ايام يا زمان
ياخي خلينا نلاقيك في الاسكايب
طبعا مافي داعي اوصيك علي ويللي
|
أبو شوارب يا جميل
تسلم على الكلام الحلو والله الشوق ليك شديد وأيام أمريكا وسلمون آيلاند لا تنسى
وصدقني بيننا لقاء قريب هناك إن شاء الله بس ياريتك كنت جيت مع ويلي نحن منتظرين وصول الحبيب ده مساء الخميس وإن شاء الله فى عيوننا
| |
|
|
|
|
|
|
Re: ياناس الدوحه...فكينا ليكم لاعب ختري...يوجد صور ... (Re: عبدالله ابوشوارب)
|
Quote: الحياة مزيج من كؤوس نشرب منها عند كل منحني
فتارة جرعة من ألم عند فراق الاهل والاحبة
وتارة رشفة من أمل عندما نفكر بستقبلنا ومستقبل من نحب
وتارات اخر لحظات من الفرح بلقاء الاهل والاصدقاء
اليوم نفارق اخ عزيز وصديق صدوق هو الاخ متولي مالك
بلاشك هو فقد للكل في كل المناسبات الثقافية والاجتماعية والرياضية
بل هو زينة شباب منظقة واشنطون
فراق بطعم العلقم اخي متولي ولكن تلك هي الحياة لقاء واقتراق
وسنلتقي قريبا ان شاء الله في ساحات انضر
الاخوة في الدوحة متولي امانة في اعناقكم واعرف حيدا انكم اهل لها |
| |
|
|
|
|
|
|
Re: ياناس الدوحه...فكينا ليكم لاعب ختري...يوجد صور ... (Re: عبدالكريم الامين احمد)
|
تصحبك الســلامة يا صديقي الجميل متولي! ومعليش يا سيدي إتلاقينا آخر مرة وكانت سريعة عسى أن نلتقيك قريبا مع عظام وكوارع الدوحة
*** كيكي يا عظيم عظماء الدوحة... الزول الجميل ده معرفة ليها 40 سنة.. من زمن سك قطر الفحم في السكة حديد ولعب الكمبلة وأم حفر وخلوة الشيخ وحقن السميح - الله يرحمه أها وصيتك بيهو.. وإياكم تجمعوهو بزول عندكم ما عارف إسمه مكة ولا كفار ما عارف... غايتو هو من الجماعة الطردو الرسول (ص)! وكتر ليهو من سمعة ودياب واللورد وساتي إلخ، إلخ...
وبالتوفيق يا متولي... وأكيد عاصمتنا بقت فاضية من بعدك!
| |
|
|
|
|
|
|
Re: ياناس الدوحه...فكينا ليكم لاعب ختري...يوجد صور ... (Re: عبدالكريم الامين احمد)
|
في لحظات مفعمة بالمشاعـر النبيلة
غادر الاخ العزيز متولي مالك متوجها الي الدوحة
رافقته السلامة
Quote: ومعقول الفردة في طريقه للاراضي الدوحوية ونحن اخر من يعلم |
الاخ عبدالكريم
تحية واحترام
انت اخر من يعلم ان الفردة في طريقه للاراضي الدوحوية وهو الذي طالما
حدثني عنك ؟وعن احتمال حضورك هنا؟ وكيف سيكون اللقاء ؟
وكيف انه لن يدعك تسكن في اي مكان الا معه ؟
ذلكم هو متولي اهل الدوحة فيالسعدكم به
ارجو ان تطمئنونا علي سلامة وصوله باذن الله
| |
|
|
|
|
|
|
Re: ياناس الدوحه...فكينا ليكم لاعب ختري...يوجد صور ... (Re: عبدالله ابوشوارب)
|
هلا يا محمد يس وحبابك يا عبدالله... ونعم لقد رمتنا واشنطون وعموم فيافي وبراري امريكا بانسان وصديق موغل في النبل والاريحية والسمات السودانية الاصيلة وهي فرحة ما بعدها فرحة كون الفردة متولي مالك سيكون بيننا في هذه الدوحة والتي حتما ستزداد نكتها السودانية نكهة اضافية بقدومه..
Quote: سوف اصل الدوحة الساعة التاسعة والنصف مساء الخميس 10/2/2011م بطيران الخليج الرحلة القادمة من البحرين |
وطالما عرفنا المواعيد فاذن انها المكاوشة الكبري في صالة القدوم الجديدة في مطار الدوحة ويا عبدالله حسابي مع الزول ده حيكون كااش وسريع سريع
| |
|
|
|
|
|
|
Re: ياناس الدوحه...فكينا ليكم لاعب ختري...يوجد صور ... (Re: Saifelyazal Elmaki)
|
الحبيب محمد خليل ساني تحياتي واشواقي تمنيت كثيراً ان نلتقي ولكن لعبة توم اند جيري ارهقت اجفاننا
Quote: خلاص حددت وقتك وزمن تسجيلك نحن قلنا إنت قريب مننا نجيك بهناك إنت عايز تطير لهناك للبلد البعيده ديك غايتو المحاولات جاريه لإطلاق سراحنا لفريق بلاد العم سام بس هنا زي ما قلت القبضة شديييييييده ،، البلد دي ما بتتفات بس لكن مرة مره كده راح نمشي لهناك للبلد الحلوة ديك تسلم على كل حاجه حلوة يا أبو أحمد وبيننا لقاء إن شاء الله |
والله يا محمد ما حددت وقت فك التسجيل لكن يبدو لي قد حان قلع الخيام ارض الربع الخالي دي حنينة شديد ياخ ما قادرين نفارقا تحياتي للأسرة الكريمة
| |
|
|
|
|
|
|
Re: ياناس الدوحه...فكينا ليكم لاعب ختري...يوجد صور ... (Re: Saifelyazal Elmaki)
|
Quote: وكيف انه لن يدعك تسكن في اي مكان الا معه ؟
ذلكم هو متولي اهل الدوحة فيالسعدكم به |
نعم ياعبدالله ذلكم هو متولي فى كل زمان ومكان لقد سكنا معاً في شقة واحدة فى الدوحة عدة سنوات وكانت غرفته لا تخلو غالباً من ضيف جاء للدوحة فى زيارة او للبحث عن عمل ويقضي معه عدة ايام كان يقوم بالواجب وبالزيادة مع كل من يعرفه او لايعرفه على حساب راحته من توصيل بسيارته وتكفل بالنفقات . لذلك احبه أهل الدوحة جميعا طيلة فترة غيبته كان كل من يقابلنا يسالنا عنه وعن اخباره ولذلك لاتدرون كم فرحتنا وفرحة الجميع بعودته فهو اخو الاخوان ومن أنبل الاصدقاء الذين عرفتهم فى حياتي طيلة فترة صداقتنا لم اشاهده يغضب أحد أو يغضب من أحد لايعرف غير الضحك والونسة البرئية والصداقة الحقة يحمل قلبه البري حبا كبيرا للناس لذلك أحبه الناس أمتدت صداقتي معه للأهل فى السودان فكنت لاازور السودان الا وزرت أهله فى الثورة وكان هو كذلك يزور أهلي فى بحري كلما زار السودان . وحقاً ياسعادتنا بعودة موتي
| |
|
|
|
|
|
|
Re: ياناس الدوحه...فكينا ليكم لاعب ختري...يوجد صور ... (Re: معاوية محمد الحسن)
|
الاخ عبدالكريم
التحايا من الثنايا
Quote: ونعم لقد رمتنا واشنطون وعموم فيافي وبراري امريكا بانسان وصديق موغل في النبل والاريحية والسمات السودانية الاصيلة وهي فرحة ما بعدها فرحة كون الفردة متولي مالك سيكون بيننا في هذه الدوحة والتي حتما ستزداد نكتها السودانية نكهة اضافية بقدومه.. |
سلم فاك اخي كيكي لم تقل الا الحق فمتولي ينشر البهجة اينما حل
بل هو كالغيث اينما وقع نفع
سيظل مكانه هنا شاغرا حتي اشعار اخر
ارجو التواصل اخي كيكي فهنا من يتلمس خطي الاخ متولي عسي ولعل ،،،
| |
|
|
|
|
|
|
Re: ياناس الدوحه...فكينا ليكم لاعب ختري...يوجد صور ... (Re: عبدالله ابوشوارب)
|
Quote: نعم ياعبدالله ذلكم هو متولي فى كل زمان ومكان لقد سكنا معاً في شقة واحدة فى الدوحة عدة سنوات وكانت غرفته لا تخلو غالباً من ضيف جاء للدوحة فى زيارة او للبحث عن عمل ويقضي معه عدة ايام |
الاخ معاوية
والله طالما حدثني موتي عنك وعن سكنكم معا وعن تمارين الجمعة
وكم حدثني عن كل اهل الدوحة حتي لكأني اكاد انا اعرفهم جميعا
بقدر حزني علي افتراقنا كم انا سعيد لسفره
لعلمي ان قلبه معلق بالدوحة وبأهل الدوحة
تحياتي اخي معاوية ولا وصية
| |
|
|
|
|
|
|
Re: ياناس الدوحه...فكينا ليكم لاعب ختري...يوجد صور ... (Re: khaleel)
|
من مطار الدوحة
اتصل قبل قليل الاخ الجميل محمد خليل ساني
ليخبرني بوصول الاخ متولي لمطار الدوحة
كما العهد بأهل الدوحة كان الاستقبال اكثر من رائع
فكل من حضر المطار اخذ شنطة ليحظي باستضافة متولي
وكان الفائز الاكبر محمد خليل ساني الذي تمكن من اختطاف متولي
وذهب به الي حفل سحر الكمنجة
شكرا اخوتي الاعزاء وما قمتم به ليس بغريب عليكم
الصور ياخلي
| |
|
|
|
|
|
|
|