كتب الكاتب الفاتح جبرا المتوفرة بمعرض الدوحة
|
Re: لو البشير خلي الحكومه هسه دي...منو البحكم السودان؟؟ (Re: عليش)
|
الخزف صبح سمه من لاقضيه له.. امشي بالحيط... البلد خربانه بي كباره.. ماتقولي لي احزاب.. القصه عايزه نهضه... والتغيير لايتم الا بالنضال... تعالووا نقول كلمه حق... الي كل الاحزاب... ماذا انتم فاعلون؟؟ المواطن السوداني يحتاج وجيع.. يحتاج من يرفعه من فقره... يحتاج ان يصبح بدون تفكير في حق الفطور والمواصلات... اين الاحزاب ؟؟ ماذا فعلوا؟؟ لقد كفرت بكل حزب لايمثل المواطن الكادح.... فهل ثمة امل؟؟
| |
|
|
|
|
|
|
Re: لو البشير خلي الحكومه هسه دي...منو البحكم السودان؟؟ (Re: عليش)
|
يا عليش أنا جاوبتك على سؤالك
البديل الترابي!!! مش مفروض تحترم إجابتي?
لو إنتا ما عارف البديل ظاهرت ليه?
سؤلك لى إنو أنا ما ظاهرت ليه, قلت ليك عندي أسبابي و مفروض تحترمها....
و أنا في نفس الوقت أحترم خياراتك
لكن الشي الما بركب في راسي, زول يظاهر ضد هذا النظام و بعدها يسأل يقول البديل منو? لو بتفتكر مافي بديل مظاهر ليه?
ما بتفتكر إنو أسئلتي مشروعة?
مع تحياتي
| |
|
|
|
|
|
|
Re: لو البشير خلي الحكومه هسه دي...منو البحكم السودان؟؟ (Re: Kostawi)
|
سلام ... ياعليش
قدر ماحاولت أفهم رسالتك من البوست غلبنى ؟ خصوصاً بعد مداخلة كوستاوى !
ظاهر العنوان محبط و يقول ( الجن القديم و لا الجن الجديد)
باطنه .... تختم كلامك الثورة ... الثورة !
منو القال إنو مافى بديل ؟
ليذهب البشير و من أعوانه لمزبلة التاريخ ، و القصاص من كل القتلة و المجرمين
و عاش نضال شعبنا الأبى .
_________________________
و ثورة حتى النصر .
| |
|
|
|
|
|
|
Re: لو البشير خلي الحكومه هسه دي...منو البحكم السودان؟؟ (Re: عليش)
|
كوستا.. انااعترض علي الظلم...اذن انا موجود.. انا ساظل ارفع شعاري مناضلا ومطالبا بالحق والحريه لكل مواطن سوداني...باعتبار انا سوداني... انا اتظاهر ليس رد فعلا من الثوره في تونس ولا مصر... ولكن... انا اقف امام السفاره السودانيه مطالبا الحكومه بالتنحي لاجل العدل... تظاهرنا مطالبين بالعدل والحريه... اذا سالت عن البديل؟ فماهي الا اسئله جالت بخاطري وذلك لانني لم اري من الساسه بواشنطن يهتفون.. لم اري وجيعا يهمه امر السودان... لذلك سالت... انا اتظاهر من اجل تغير النظام... فانا مواطن سوداني يحق لي ان اقول كلمه...كلمه فقط ... هل اعتراضي ذنبا؟؟
| |
|
|
|
|
|
|
Re: لو البشير خلي الحكومه هسه دي...منو البحكم السودان؟؟ (Re: عليش)
|
تحكمنا انت يحكمنا كوستاوى يحكمنا عبد الرحمن عزاز يحكمنا سالم احمد سالم يحكمنا محمد المشرف يحكمنا كبر يحكمنا محمد المرتضى يحكمنا احمد هبانى تحكمنا خالتى دومة تحكمنا نجلاء سيد احمد تحكمنا داليا حافظ تحكمنا ايزبيلا يحمكنا فيصل عثمان الحسن يحكمنا كمال عباس يحمكنا اى شريف انت وغيرك يراه والقائمة طويلة
الحكم دا داير ليهوزول متعلم ومثقف وقلبو نظيف فقط ليس إلا
واخيرا يمكن يحكمنا ود الباوقة لو لو سؤالك نجيض
| |
|
|
|
|
|
|
Re: لو البشير خلي الحكومه هسه دي...منو البحكم السودان؟؟ (Re: عليش)
|
كوستا... لك الحق في اختيار بديلك.... واحترم رايك... برضو يجب عليك احترام تشككي في من هو خير من يحترم تظاهري هذا... ان لا اوافق حكومه البشير... علما انو نفس الحكومه هذه شردتنا من ديارنا... واغلغت جامعتنا لسبب اننا لن نرفع ايدينا مهللين لهم.. قفلوا كل الطرق في وجهنا... سحبوا مننا ديارنا عنوة... فكيف علي ان اصافحهم وأؤيدهم؟؟ ... clear??
| |
|
|
|
|
|
|
Re: لو البشير خلي الحكومه هسه دي...منو البحكم السودان؟؟ (Re: عليش)
|
إبني عليش
أرجو منك أن تسحب هذا البوست لغاية لقائنا في ندوة هادي
و بعدها عندك كامل الحرية في المواصلة
و كلام عزاز واضح كالشمس
السودان قبل الإنفصال فيه 40 مليون زول و زولة تجي تقول لينا البديل منو?
ليه البديل ما تكون إنتا عضنينك فيهم جرب?
أسحب و بعدين later واصل
و لك كامل الحرية
| |
|
|
|
|
|
|
Re: لو البشير خلي الحكومه هسه دي...منو البحكم السودان؟؟ (Re: عليش)
|
شوف يا عليش حاول تقرا صاح قبل تقويل الناس بما لا يقولون
أنا قلت لك
أرجوك و أنتا جاوبتني ب
Quote: هل من حقك ان تامرني بسحب الموضوع؟؟ |
ياخ أقرأ أقرأ
أمرتك?
ياخ أنا عمري ما أمرت زول/ة في حياتي عشان يعمل حاجة
أنا منو أنا?
عشان يكون عندي بندق للأوامر....داير تطلعني هتلري يا عليش آخر زمني
يا زول واصل في بوستك
و good luck
| |
|
|
|
|
|
|
Re: لو البشير خلي الحكومه هسه دي...منو البحكم السودان؟؟ (Re: الخير محمد عوض)
|
قرشي محمد عابدون عرفته الجنوب كان لازم يمشي ليه؟؟؟لانه هنالك من يكتب مثلك ويتوهم انه ضد الظلم؟؟؟شوف قائمتك دي وتأمل فيها؟؟؟
Quote: تحكمنا انت يحكمنا كوستاوى يحكمنا عبد الرحمن عزاز يحكمنا سالم احمد سالم يحكمنا محمد المشرف يحكمنا كبر يحكمنا محمد المرتضى يحكمنا احمد هبانى تحكمنا خالتى دومة تحكمنا نجلاء سيد احمد تحكمنا داليا حافظ تحكمنا ايزبيلا يحمكنا فيصل عثمان الحسن يحكمنا كمال عباس يحمكنا اى شريف انت وغيرك يراه والقائمة طويلة
|
!!!!
كل مختلف معك صادرت حتى كفأته بلا خجل؟؟!! يا لبؤسك!
| |
|
|
|
|
|
|
Re: لو البشير خلي الحكومه هسه دي...منو البحكم السودان؟؟ (Re: Tragie Mustafa)
|
Quote: كل مختلف معك صادرت حتى كفأته بلا خجل؟؟!! يا لبؤسك! |
أستاذة تراجى الحنينة انا ما مختلف مع أى شخص او جهة او حزب غير الكيزان القائمة عشوائية وكانت من الذاكرة وانا مابعرف ليهم اى جهة غير كتاباتهم فى المنبر وكتبت فى اخر سطر فيما معناه انو اى شخص عفيف نظيف متعلم ومثقف يمكن أن يحكم.وقنا القائمة طويلة ..الناس فى المنبر دا قصتم بقت زى قصة المراة الشايلة جناها فى خصرها ومزعورة وبتفتش ليه فى حتات تانية واخيرا القائمة دى يعنى لو انا كتبتها خلاص الشعب السودانى حيجيزها.دا كلام ؟
عاينى للموضوع بدون عصبية وعاينى برضو انى حاولت اكسر بيهو سؤال (منو البحكم السودان) المدور هنا فى المنبر من وقت لآخر
وشكرا إنك حشرتينا مع زمرة البؤساء (وش باسم)
وتحياتى لك ولعليش
| |
|
|
|
|
|
|
Re: لو البشير خلي الحكومه هسه دي...منو البحكم السودان؟؟ (Re: Kostawi)
|
Quote: ماتقولوا لي الصادق المهدي...ز منو؟ |
الأخ عليش,,,تحياتى السيد الصادق المهدى هو آخر رئيس شرعى منتخب بواسطة إنتخابات حره ونزيه وليست إنتخابات مخجوجه. وبعدين إنشاء ربنا يزيل عننا حميعا هذا الكابوس المزعج, بعد داك بنتفق منو البقبا الرئيس, وحواء السودانيه والده.
الأخ عليش علينا أن نوحد جهودنا على الأقل نحن هنا فى واشنطن بدل من أن نلقى مثل تلك العبارات الملغومه. عمزما لك كل الود,
| |
|
|
|
|
|
|
Re: لو البشير خلي الحكومه هسه دي...منو البحكم السودان؟؟ (Re: Kostawi)
|
دا شنو دا ؟ آخر زمن تسأل كمان يحكمنا مين؟ يحكمنا دستورا متين يجمع بلادنا من الشتات .. يحكمنا هذا الشعب بالصدق المبين .. لا للعساكر لا للبيقهر حالنا بالسوط التخين .. بوستك دا فيهو فذلكة ياعليش كان ممكن تقول رايك بطريقة مختلفة عن ما يطرحه النظام تتفق معي بأنه يستقل هذا الشعار الذي في عنوانك " منو البيحكم السودان" على أساس هنالك أزمة بديل... وهذا ما رآه كوستاوي وكل الشباب الفوق ديل إستمر في المظاهرة وأدعوا لها ما في زول بيخذلك وأنا مع كوستاوي في رجائه بسحب البوست . لك التحية
| |
|
|
|
|
|
|
Re: لو البشير خلي الحكومه هسه دي...منو البحكم السودان؟؟ (Re: عليش)
|
عليش كلامك بالحيل كويس كلامك دا داير فى بالى ليهو مدة اعمل حسابك العالم العاملين فيها ثوريين ديل حايقولوا ليك كووووووووظ لا فى واحد فيهم ظاهر قبل كدا ولا مارس سياسة. فى اساسيات للاطاحة بنظام منظم لمدة 30 سنة 1- قبول الشارع لهذا التغير 2- التنظيم الجيد 3- ازاحة العاملين فيها وطنين و ثوريتهم ذايدة ومحسوبين معارضين وهم اكبر ضررا من المعارضين ليهم وامثالهم كُثر 4- الاعلام القوى المتاح 5- البديل منووووووووووووووو
قولوا الثورة دي نجحت وسافر البشير الى شندى مثلا البلد مليانة سلاح الشرق ,الغرب, الجنوب , القماير , دار السلام يعنى دم مبلغ فيهو انتو كدى لملموا اطرافكم كمعارضين للنظام وخلوا كلمتكم واحدة وبطلوا مناحرة بعضكم بعضا على المواقع الاسفيرية والله ولى التوفيق
| |
|
|
|
|
|
|
Re: لو البشير خلي الحكومه هسه دي...منو البحكم السودان؟؟ (Re: عليش)
|
الاخ عبدالله.. لماذا تريدني ان اسحب هذا البوست؟ ماهم السبب؟ هل لاني اتساءل؟ هل لاني وقفت يوما اهتف ضد الظلم؟ صححني ان اخطأت التعبير... ولكن فرض الامر لابوازي الديمقراطيه... انا من حقي ان اكتب هنا في هذا المنبر... لي باسوورد... وكوني انادي بحق مشروع....لايعني ان تفرض علي اوامر... انتم اختلط عليكم الامر... وانا سوف اكتب رأيي اينما هانت الفرصه.. شكرا علي الحضور والجمعه نلتقي امام البيت الابيض..
| |
|
|
|
|
|
|
Re: لو البشير خلي الحكومه هسه دي...منو البحكم السودان؟؟ (Re: عبدالحافظ سعد الطيب)
|
من يحكمنا أو كيف نحكم ? وهو ماهو البديل ... البديل هو الكيفية .... هو إمتلاك الشعب لإرادته وحقه في لإختيار... تثور الجماهير من أجل ممارسة حقها في الاختيار والمفاضلة - تثور وتعي أن الديموقراطية هي المداخلة للإصلاح وإن علاج سلبيات الممارسة الديموقراطية هو المزيد من الديموقراطية والمزيد من تراكم التجارب والخبرات وأن الديموقراطية هي الوسط الذي يكتسب عبره الوعي ويتم فيه التنوير والتوعية Quote: : فليترك الخيار والإختيار للشعب - ولتملك الجماهير قراراها وتنتخب من تشاء - فقد مضي زمن الصفوية والوصاية علي الشعب والتفكير نيابة عنه!! نحتاج وقبل المفاضلة والإختيار وكما قال الشايقي النجيض في أعلاه نحتاج لأسلوب حكم:- - دولة مؤسسات - نظام محاسبة وشفافية وفصل بين السلطات ورقابة وصحافة حرة - دولة مواطنة وحقوق إنسان وحريات عامة- دولة القانون والعدالة والمساواة ورفع الظلم والتهميش .. - ومن ناحية ثانية ليس هناك أسوأ من البشير وطقمته - لا فيمن حكم سابقا ولافي القيادات الموجودة في الساحة فهم وعلي وعلاتهم أفضل منه بملايين السنوات الضوئية ! ليس بعد القاع قاع حتي نخشي مزيدا من السقوط !! - ليس هناك أسوأ من حاكم فرط في السيادة والتراب للأجنبي وهو مالم يحدث في كل عهودنا الوطنية!! وليس هناك من مزق النسيج الاجتماعي وأشعل الفتن العرقية والجهوية بمثل مافعل هولاء.. وليس هناك من فرط ولازال يفرط في وحد ة البلد وتماسكها مثله- ولامن عذب وشرد وقتل وربط البلد بالتطرف والإرهاب مثله - وليس هناك من أضاع هيبة الرئاسة والحكم مثله ....... .... هل نحكي عن الجوع والفقر والإذلال ومصادرة مكتسابات الناس في مجانية العلاج والتعليم ? أم ترانا بحجة للحديث عن الفساد والاستبداد وإهدار موارد البلد وثروتها !!............. ثالثا وكما قال الاخ عمر ,, حينما ينفجر الشعب يهب بحثا عن الخلاص أولا ..عندما تبلغ الازمة العامة مداها- أزمة الحاكم والمحكوم يكون للثورات منطقها الخاص والياتها الداخلية وشعاراتها العفوية ومطالبها الثورية وحينها قد تفرز الثورة قيادتها من داخلها كما حدث في ثورات عديدة وقد تطيح رياح الثورة بكل ماهو متكلس وغير مواكب وتفرض قيادات جديدة........... فلنترك الحكم والخيار للشعب فهو مبدع وخلاق وقادر علي تجاوز محنته وتقديم إجابات ودروس للعالم........فقط علينا أن نعي أن بقاء هذه العصابة يعني مزيدا من التفتت في وحدة البلد ومزيدا من الإنهيار الاجتماعي |
.........
| |
|
|
|
|
|
|
Re: لو البشير خلي الحكومه هسه دي...منو البحكم السودان؟؟ (Re: كمال عباس)
|
تحياتي لجميع المتداخليين
سؤال عليش - منو البديل سؤال مشروع لكل مواطن عانى الإضطهاد و التشرد و الظلم في بلده
ده بالضبط زي اي انسان إتعرض لحادث و اتأذى من الحادث ده.. بكون بفكر يا ربي ححصل لي حادث زي ده تاني و لا لأ
زمان في التمانينات ايام الديمقراطية بتاعت الصادق المهدي الناس كانت بتهتف لا سكر لا عيش دايريين حكومة الجيش -يعني كانوا بطالبوا ببديل
و كانت النتيجة حكومة جيش مستبدة ظالمة قاعدة لي يوم الليلة .. ده ما معناهو انه نربع ايدينا لحدي ما نلقى بديل و انما التفكير واجب
بجيكم برواقة ده بوست دسم جداً
| |
|
|
|
|
|
|
Re: لو البشير خلي الحكومه هسه دي...منو البحكم السودان؟؟ (Re: سناء عبد السيد)
|
سؤال من البديل - سؤال حساس او البعض بتعامل معاهو بحساسية وديل ناس حزب النعامة البنظروا للأمور نظرة سطحية و غير مدروسة و هم ناس محبطيين من الحاصل - ما مهم عندهم البجي منولكن بس المهم النظام ده يمشي
و آخريين بطرحوهوا تخوف من انه القادم ربما يكون اسوء و ده ما معناهو انهم بناصروا النظام و انما خوف تكرار التجربة المريرة
و واحدين تالتين بطرحوهوا و هم ناس النظام نفسه بمعنى اها عندكم منو احسن مننا و برضو من حقهم يسألوا ما هم شايفين انه مافي زول احسن منهم
قبل ما نتعمق في الموضوع مفروض كلنا نتحلى بالصبر عشان نصل لي حل و نبطل النظرة الضيقة و تبادل الإتهامات و إلا فابشر بطول بقاء في السلطة يا ود البشير
| |
|
|
|
|
|
|
Re: لو البشير خلي الحكومه هسه دي...منو البحكم السودان؟؟ (Re: عليش)
|
Quote: منو البديل سؤال مشروع لكل مواطن عانى الإضطهاد و التشرد و الظلم في بلده
|
سناء عبدالسيد,, الزول لما يسأل عن حقوقو...ويتشكك في ضعف وعدم مصداقية المعارضه والاحزاب...يتهموا بمولاه للنظام... انا تشككت فيما سيحدث بعد ثورة الشباب..لاني متفائل تماماً..بأن الثورة ستنجب حلما جديداً برغم سوداوية الزمن المُغرَقْ في الوجع..وبرغم رمادية الأشياء.. اني سأضُم صوتي لجيل الغضب,, سأهتف.. والعايز يهتف..يطلع معانا بدل تكسير المقاديف.. شكرا سناء
| |
|
|
|
|
|
|
|