|
بليلة حصحاص!
|
كان نمنا، الحمد لله والله أكبر والله الحمد. وبذا نكون وفرنا حق العشاء، وباكر لما نصحى، الحصاص برجانا في قِدرتو، لا بيحرق ولا بيحرد! بنشدو تاني! وكان نمنا، إلخ! ___ وقديماً قيل: الحاري ولا المتعشي!
|
|
|
|
|
|
|
|
Re: بليلة حصحاص! (Re: Yassir Tayfour)
|
تحياتي أخي ياسر طيفور أشهد الله بوستك ريحني لدرجة ما تتوقعها - كلام كبار من ناس كبار - وفيه من الحكم والنعم ما هو جدير بالإعادة ومعكم أقول -------------------------------- كان نمنا، الحمد لله والله أكبر والله الحمد. وبذا نكون وفرنا حق العشاء، وباكر لما نصحى، الحصاص برجانا في قِدرتو، لا بيحرق ولا بيحرد! بنشدو تاني! وكان نمنا، إلخ! ___ وقديماً قيل: الحاري ولا المتعشي! -------------------------------------- دمت بألف خير ، ونوم العافية الشفيع إبراهيم
| |
|
|
|
|
|
|
Re: بليلة حصحاص! (Re: Alshafea Ibrahim)
|
الشفيع إبراهيم يا أخانا في الإنتظار! أنا يا عزيزي الشفيع خفضت سقف توقعاتي عن حال الوطن لحده الأدنى، فإن وجدت شيئاً فرحت به، وإن لم أجد شيئاً فلن أحزّن على شيءٍ لم أتوقعه إبتداءً..
| |
|
|
|
|
|
|
Re: بليلة حصحاص! (Re: Yassir Tayfour)
|
Quote: أنا يا عزيزي الشفيع خفضت سقف توقعاتي عن حال الوطن لحده الأدنى، فإن وجدت شيئاً فرحت به، وإن لم أجد شيئاً فلن أحزّن على شيءٍ لم أتوقعه إبتداءً.. |
يا يا سر تحياتي كان انت كان خدر ما تستعجلوا....المهدي جوكي سياسة...الميرغني سمسار كبير..نقد انطوائي عايز يسمع البرضيه بس اليوم الوضع كان سالك لتغيير الا انو الكبار متخاذلين جدا ما بعرفوا يقروا شارع الثورة..يا ياسر الثورة بتجي بظروف موضوعية..ودي لحظتها لسة...لكن بتجي..منو الكان بصدق الحصل في تونس هي لحظة طالما توفرت ظروف موضوعية سيكون الجميع في الشارع..حينها ح تقعد القيادات دي كنب كما ارتضوها لنفسهم... لا تيأس يا ياسر لو كنا قافلين علي خلاصنا في نوع ديل كنا انتحرنا زمان.. مهما كبر جبروت النظام ح يقلبها بتاع ورنيش..وبتقلبها ست شاي وبقلبها زول مظلوم وموجوع..ديل ما بقلبوها ...خلي الظلم يتراكم وخلي الأحزان تكبر..
| |
|
|
|
|
|
|
Re: بليلة حصحاص! (Re: دينا خالد)
|
Quote: هي لحظة طالما توفرت ظروف موضوعية سيكون الجميع في الشارع..حينها ح تقعد القيادات دي كنب كما ارتضوها لنفسهم... لا تيأس يا ياسر لو كنا قافلين علي خلاصنا في نوع ديل كنا انتحرنا زمان.. مهما كبر جبروت النظام ح يقلبها بتاع ورنيش..وبتقلبها ست شاي وبقلبها زول مظلوم وموجوع..ديل ما بقلبوها ...خلي الظلم يتراكم وخلي الأحزان تكبر |
ينصر دينك يا بوبا دا الكلام القاعد اقولو للشباب المعاي الموضوع عايز يستوي بس
| |
|
|
|
|
|
|
Re: بليلة حصحاص! (Re: دينا خالد)
|
دينتنا وصل اليأس حده ومداه، يا بئسهم من قادة ينامون وشعبهم لا ينام، جوعاً ومرضاً، وحينما يخرج الشعب او يهم بالخروج، تجدينهم -القادة- يجتمعون مع النظام ويضحكون ويتاجرون.. ___ وهم أول من يصحى غد الثورة فيسرقونها..
| |
|
|
|
|
|
|
Re: بليلة حصحاص! (Re: معاوية عبيد الصائم)
|
يا معاوية سلامات!
Quote: يشهد الله ياياسر تجى انتفاضة دافرة دفر الجن والكيزان حاسين بكده شيل الصبر |
أكيد أكيد.. نتصبّر مع مجوب شريف: وقلب الشعب أرحب من رحاب الضوء ونبض الشعب كله حلم بداه بتم تطلع من شقوق الأرض آلاف المدن قامات ويطلع حتى من قلب الحجر والصى شجر متشابك الهامات وجيلاً جاى حلو الشهد صبايا وفتيه يمرحوا فى صباح الغد عيونهم برقهم لماح سؤالهم رد خفاف ولطاف وثابين أوان الجد دفاعاً عن حياض السلم والافصاح سلم لى عليهم جملة حتى اللسه قبل الخلق والتكوين صناع الحياة اليوماتى ملح الارض نبض الشعر والموسيقى والتلوين هدامين قلاع الخوف كانت هذه الدراجة يوماً ما كلاشنكوف مابين منارات السمع والشوق نقاشين فى جدار الصمت .... ..
| |
|
|
|
|
|
|
Re: بليلة حصحاص! (Re: GamarBoBa)
|
قمرنا
القول قولك يا صديق، وأعجب يا قمر لهؤلاء القادة الذين يجرون شعبهم للوراء ويتصدون لأحلامهم وتطلعاتهم، ولا يتقدمون. القائد الذي لا يتقدم الصفوف عليه بالجلوس ببيته.. ___ غداً حينما يطل فجر الخلاص سوف يأتي قادة الخزلان يجرجرون ثيابهم يسرقون الثورة ويقعدون بها
| |
|
|
|
|
|
|
Re: بليلة حصحاص! (Re: Yassir Tayfour)
|
والله يا ياسر الحال ما بيسر والبليلة ما اكناها بلعناها بلع الواحد بدأ يشعر انو البليلة بياكلوها ويقشو في خاطرنا نحن ديل الواحد تاني الا يبلع ليهو حبوب وقاية من الاحباط حتين يسمع للديناصورات ديل.
غايتو
| |
|
|
|
|
|
|
Re: بليلة حصحاص! (Re: الخير محمد عوض)
|
Quote: أنا يا عزيزي الشفيع خفضت سقف توقعاتي عن حال الوطن لحده الأدنى، فإن وجدت شيئاً فرحت به، وإن لم أجد شيئاً فلن أحزّن على شيءٍ لم أتوقعه إبتداءً.. |
نعم القول قولك يا ياسر
والله في الحلق غصه مما يحصل وبالعين دمعه من ماااال الحال
| |
|
|
|
|
|
|
Re: بليلة حصحاص! (Re: Yassir Tayfour)
|
ياسرنا !! يبدو اننا على اعتاب بليلة حمص !! دفق الحصحاص وعبى قدرك تفاءلوا الخير تجدوه .. وكان قالوا ليك ياسمين قول اميييين ...
ـــــــــــــــ املا .. دعنا نطعمهم العشاء الاخير !
| |
|
|
|
|
|
|
|