لبيك يابلدي وبلدي أمي وأبوي وتاج رأسي وساسي المتين وحتكم يابنات ماح نموت الا عشان قبر فوق ضفاف النيل وكمان عشانكن لا تنزالوا ولا تنهنوا ونضمن لاولادنا المدارس والعلاج ولله يا السمحة ما طعانين في حكم لكين أتبهدلنا وجوعنا وحالنا أنكشف وبقي الممات أخير من حياة المذلة دي ما دجالين أخر الزمن وسرقوا حواء ست الشاي وجلدوا ربات الخدور ونهبوا خيرات البلد ما فسدوا زي فرعون وأستكبروا متل هامن وسوا عصر الحريم وكل المحن قسم البلد قالو ما ملول زنجي ما عربي وكمان نصراني ما مسلم وجعونا كتير بالمظالم والسجن والله لو ما رحمة الاسلام وسماحة محمد رسول الله كنت كفرت بالاسلام و أموت كافر من عمايل الكيزان وأنتحر وأضمن درك النار السحيق أفضل من عذاب الدبابين وضلال أخوات نسيبه ستات العجايب والفجور المستتر عشنا الجوع والعطالة والفقر وما مشيت أنا عماد وخالد وشهد ووائم لصالح العام قالوا حمر عديل وعملا وكمان كلاب أمركان يالله يا ياوهب الحياة وأنت عالم بالحصل بعبيدك في سهل السودان أنصرنا من الظالم ويريينا فيهم يوم ديل يتموا أطفال وقفلوا بيوت خل البلد أرامل وشحادين ديل ظلموناونكلوا بيننا وخلوا طعم الدنيا حنضل وشردوا الفنان الواعي والعالم الفصيح لا هم من عوائل كريمة جوا ولابعرفوا الاصول همج وجعانين متمسحين بالدين ودجالين بكرة يا وطني العظيم بنفك قيودك تبقي حر من وصاية الشواذ وقبيلة الظلاميين ما ح تبكي تاني يأمي وح تلبسي أحلي الملابس يا سلافه ونفرح في أحتفالانتا ونرقص لصباح ونرتدا المساجد نعبد الله ونعمرا انتم عارفين ح يقولوا علينا مخربيين لكين لبيك يا وطن بالعقل ما بالخراب ونسالك ياربي الكريم النصر المبين او باطن الارض الرحيم.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة