|
Re: بورداب الإمارات يحتفون بزوار الإمارات من البورداب ... (Re: ناصر احمد الامين)
|
شكراً ليك كتير حبيبنا ناصر ..
بالجد كانت أمسية تأريخية ..
وكنَّا نمني أنفسنا بجمع أكبر من بورداب الإمارات ..
لكن الجايات أكتر بإذن الله ..
شكراً لجميع الإخوة المحتفى بهم ..
هبه الماحي أنور عبدالرحمن (البعيو) صلاح عبدالله علاء الدين صالح
شكراً لكل الحضور من بورداب الإمارات ..
والشكر موصول للأخ أمجد البصيري الذي منعته وعكة مفاجئة عن الحضور ..
وقد إتصل بي مشكوراً في نفس الأمسية للإعتذار لكم جميعاً..
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: ناصر احمد الامين)
|
الاخوان ...والاصدقاء بورداب الامارات ....عبد الله كسلا والمجموعه الحبيبة .. شكرا لكم وانتم تواصلون العطاء ...
الاخوة الضيوف ..حزنت جدا ان فرصة من فرص العمر للالتقاء بكم قد حرمني منها الزمن .... ولكن اللقياء نصيب ....واكان حيين بنتلاقى ....
عفاف كيفك وانت تجملين الامسيات بعطر المحبة ....
وين بت عوض الكريم وعشوشة ...؟؟ البعيو :اتمنى ان تكونوا والمدام كما اتمناه لكم وجد زعلت لعدم مقابلتكم ...
حمودة يا صديقي ...مهضلم كدا مالك ...ما يكون من تعم (مهنة المتاعب )بعد الكورس طبعا كل المجموعة ...افتقدكم ...واشتاقكم ...
القرضابي ....محبتي
ودمتم كما العهد
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: خالد درق)
|
شكرا" نبيلا" لكل من ساهم في إنجاح هذا اليوم الجميل سواء بالترتيب و التنسيق أو حتي مجرد الحضور ، شكرأ عبدالله كسلا فقد كنت بالجد رجل الساعة ، لم أراك جالسا" إلا بعد جلس الجميع ، و ماشفتك أكلت إلا بعد ما أكل الجميع .. ربنا يديك العافية و انا سعيدة جدا" بمعرفتك و صداقتك .
شكرا" طارق الكوتش علي التوصيلة رايح جاي رغم إنك قديت لي أضاني بالهلال الهلال الهلال
شكرا" عفاف الصادق علي الاستقبال الحار و الترحيب بالعبارات الحميمة و كأننا أخوات
شكرا" مرة تانية للجميع و ربنا يحفظ ليكم مودتكم مع بعض
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: خالد درق)
|
Quote: ئكان لوجود اللواء معاش عمر علي حسن (الرئيس الأسبق لنادي الهلال العظيم) و(عضو البورض) ..
أبلغ الأثر في نفوسنا .. فقد سعدنا جداً بوجوده بيننا ..
ألف شكر لك يا ريس على تكرمك بالحضور والمشاركة معنا في الإحتفاء بضيوفنا من البورداب .. |
الشكر لكم جميعا فقد اخجلتم تواضعنا بالكرم الزائد والحفاوة والود الاصيل . لابد من القول بان هذا تقليد يرسخ الصداقة والاخاء بين اعضاء المنبر ويتيح تقاربا لا تصنعة الكلمة المكتوبة .
لكم انا سعيد بوجودي بينكم والتعرف علي كثيرين منكم كنت اري اسماءهم ولا ادرك روعة شخصياتهم .
عمر علي حسن
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: Amira Elsheikh)
|
أعزّائي بورداب الإمارات.. شُكـراً ضاع الكلام ماتت حروف اللُقيا قبال اهمِسا معزّتي ومودّتي لكم لا تحدّها حدود وأنا سعيد بالتعرف إليكم عن قُرب وأكثر سعادة برؤيتي لكم وأنتم على هذه الحال من الحُب والترابُط وأغلى الصلات أمنياتي لكم أن تكونوا هكذا دوماً: زي فرحاً يشيل مني الشقا ويزداد وزي كلمات بتتأوّه.. تتوه لمن يجي الميعاد وزي عيداً غِشاني وفات عاد عمّ البلد أعياد وزي فرح البعيد العاد وزي وطناً وكِت اشتاقلو برحل ليهو من غير زاد
لكم الحُب كل الحُب ولا شيء غير الحُب
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: Amira Elsheikh)
|
ياااااه .. الصفوة أميرة بت الشيخ شخصياً .. يادي الهنا ..
ما حأقدر أوصف ليك مقدار سعادتي يا أميرة لمرورك بالبوست ..
ولا حأقدر أوفيك حقك من الشكر والتقدير والإمتنان لكلامتك الجميلة في حق بورداب الإمارات ..
لكن ده ما شئ غريب عليك وإنتي نوارة وصفوة بورداب الدوحة الحلوين ..
حقيقة وجود اللواء معاش عمر علي حسن بينا .. كان شئ أكثر من رائع .. وكان نجم فعلاً ..
شكراً ليك يا أميرة مرة أخرى .. وشكراً لممثلكم الأكثر من رائع .. صلاح عبد الله ..
والشكر عبركما لكل بورداب الدوحة الحلوين ..
تسلمي يا أميرة .. وإنتي فعلاً .. وبحق .. وحقيقة .. أمييييييرة ..
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: عبدالرحمن الحلاوي)
|
تحياتي للجميع وترحيب (متأخر) بضيوف الأمارات علاء الدين صالح ، البعيو ،عمادة عبدالله ،هبة الماحي والعرسان غيبة عن سودانيزاونلاين لم تمكننا من متابعة البوست (وإن كنت اشك في امكانية حضوري) يا مفترين ... عزومة المراكبية دي اصلها كيفن؟؟؟ يوم السبت و بالليل بعد العشاء وانت شغال الأحد وساكن الرويس والله الا أكون (عوض عبدالله الطرابلسي ، وعندي طيارة خاصة) ... والجايات أكثر من الرايحات وإن شاء الله دائماً ملمومين في الخير .... تحية خاصة اضافية (لبلدياتنا) هبة الماحي زولة غياثي ..... ....
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: عوض عبدالله طه)
|
Quote: يا مفترين ... عزومة المراكبية دي اصلها كيفن؟؟؟ يوم السبت و بالليل بعد العشاء وانت شغال الأحد وساكن الرويس والله الا أكون (عوض عبدالله الطرابلسي ، وعندي طيارة خاصة)
|
أخونا وحبيبنا عوض عبد الله ..
الله يعلم ما عزومة مراكبية .. لكن ظروفنا أبت وزمانا حكم ..
عادة مناسباتنا بتكون يوم الخميس أو الجمعة بالمساء .. لكن ظروف الضيوف إضطرتنا ليوم السبت ..
وبالفعل .. بعض الضيوف سافروا في مساء السبت نفسو .. والبعض في صباح الأحد ..
نعتذر بشدة لبورداب الإمارات الأخرى .. والجايات أكتر بإذن الله .. ______________ على جمبة كده: الضيف صلاح عبد الله .. مش عماد
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: خالد درق)
|
غايتو فى الصورة دي عصام .. فتح موضوع ... ورطنى وقعد يعاين من بعيد ..
وخاصة اساذنا القدير سعادة / عمر على حسن ... كان متابع الموضوع بشغف ..
يا صلاح إن شاءالله اكون اقنعتك ..... ( قال هامش قال )
------------------------------------------------ سعيدين جدا جدا بمقابلة الرجل القامة الانيق سعادة / عمر على حسن .. لك كل الودوالتقدير .... وكل معانى الاحترام ... ونشكرك جدا لوجودك معانا .. ونتمنى ان لا تغيب من وسطنا لنباهى بك فى كل المحافل ...
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: عفاف الصادق بابكر)
|
عفاف الصادق لصلاح: يا زول إت درويش ولّ شنو؟ (دا طبعا بعد نقاش في بوست .. أب شنب بكون ما نقش فيهو حاجة) صلاح عبد الله متمتماً: سجمنا .. أتاري نحن قاعدين في البورض دا سااااي! عمنا عمر متابعا: أب شنب دقس .. يحلو الحلاّ بلّة عصام: يا ربي بت الصادق دي قاعدة تقرا البورض دا كلو متين؟
_ والله يا أب شنب (سجمي) دي لافقة كيف ما ختّة اليد بتاعتكـ دي!!
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: محمد عبد الماجد الصايم)
|
عفاف الصادق لصلاح: يا زول إت درويش ولّ شنو؟ (دا طبعا بعد نقاش في بوست .. أب شنب بكون ما نقش فيهو حاجة) صلاح عبد الله متمتماً: سجمنا .. أتاري نحن قاعدين في البورض دا سااااي! عمنا عمر متابعا: أب شنب دقس .. يحلو الحلاّ بلّة عصام: يا ربي بت الصادق دي قاعدة تقرا البورض دا كلو متين؟
غايتو يا ود الصايم لقيتك بعاتى ...
تعرف قربتتتتته للموضوع ...
والله يا أب شنب (سجمي) دي لافقة كيف ما ختّة اليد بتاعتكـ دي!! ههههههههه غايتو دي ما سبقك عليها زول ..
معليش ما قادره اعمل اقتباس ..
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: عبد الله كسلا)
|
سعدنا بلقاء المحتفى بهم الكرام أنور عبد الرحمن الشيخ والسيدة الفضلى حرمه (نسأل الله لها الشفاء والعافية) علاء الدين صالح صلاح عبد الله هبة الماحي وكنا نتمنى حضور الأخ أمجد البصيري ولكن حالت ظروفه دون ذلك وازدانت الجلسة وازدادت روعة بوجود الريّس سعادة اللواء (م) عمر علي حسن فرحنا بلقاء الحضور من البورداب وافتقدنا بالجد الذين لم يتمكنوا من الحضور.. وإن شاء الله ملمومين دائماً على المودة والمحبة والخير والنعيم والحمد لله من قبل ومن بعد على فضله وكرمه..
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: محمد عبد الماجد الصايم)
|
( والله يا أب شنب (سجمي) دي لافقة كيف مع ختّة اليد بتاعتكـ دي!!) تصدق يا ود الصايم ، ناس الامارات ديل طلعوا ناس حلوين بالجد.. التحية والاحترام ليهم كلهم فرداً فرداً ، وخاصة الناس الظهروا في الصوور ديل وعلى رأسهم الزول الجميل الدينمو عبدالله كسلا.. صاحبتك عفاف طلعت خطيرة ، كتلتني بالضحك .. أصبحت خبيرة في موضوع الهامش والمركز ، وممثليهم ..وكده..
عفاف ، تصدقي أنا ح أفكر جاد في استغلالك وابتزازك ..
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: Haytham Abdulaziz)
|
شكرا شباب عل اليوم الجميل و نرحب بالضيوف
عندي اقتراح ما عارف هل دا المكان المناسب ليه أو لأ الدنيا شتا و الجو جميل نستفيد منه قبل الصيف ونعمل يوم عائلي في احد يام الجمعة لقادمة في الممزر بدبي أو المنتزه الوطني بالشارقة مشاوي وكشاتين وكورة و الاولاد يلعبو وكدا على غرار يوم سابق قبل سنتين تقريبا قضيناه في المنتزه الوطني نسمع رايكم يا شباب
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: محمد البشرى الخضر)
|
Quote: عندي اقتراح ما عارف هل دا المكان المناسب ليه أو لأ الدنيا شتا و الجو جميل نستفيد منه قبل الصيف ونعمل يوم عائلي في احد يام الجمعة لقادمة في الممزر بدبي أو المنتزه الوطني بالشارقة مشاوي وكشاتين وكورة و الاولاد يلعبو وكدا على غرار يوم سابق قبل سنتين تقريبا قضيناه في المنتزه الوطني نسمع رايكم يا شباب |
الاخ / محمد البشرى .. تحياتى وجمعة مباركة
اقتراح جميل جدا واثنى ..
نسمع باقى الشباب ..
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: محمد البشرى الخضر)
|
Quote: عندي اقتراح ما عارف هل دا المكان المناسب ليه أو لأ الدنيا شتا و الجو جميل نستفيد منه قبل الصيف ونعمل يوم عائلي في احد يام الجمعة لقادمة في الممزر بدبي أو المنتزه الوطني بالشارقة مشاوي وكشاتين وكورة و الاولاد يلعبو وكدا على غرار يوم سابق قبل سنتين تقريبا قضيناه في المنتزه الوطني نسمع رايكم يا شباب |
معاك يا محمد قلباً وقالباً ..
خلونا نفكر فيها يوم الجمعة القادمة 11/02/2011 أو بالكتير .. الجمعة 18/02/2011 ..
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: خالد درق)
|
والله يا ناس الامارات ...نسيتونا في شهرين .... فعلا يا عفاف كنا على الهامش ...واللا مركزية ...رد ساكت كدا ما تردوه لينا لازم الواحد يرجع بخطة كبييييييييييييييييرة ....وجديدة ....
يا جماعه ود البشرى دا مسكين كدا مالو في الصورة (وربما تراءى لي ...) وحمودة برضو ....
....داليا نورتي المكان .... يا عفاف ...انشغلتي بالسياسة على اقرار ندوة ابكر هامش ومركز لمن نسيتي تردي التحية .. والله وش زعلااااان
محبتي
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: عبدالعزيز حسين عبدالرحيم)
|
Quote: يا جماعه ود البشرى دا مسكين كدا مالو في الصورة |
هههههههههههه ما مسكين ولا حاجة يا نعمات لكن النزول محكوم والورق ما مساعد
يا عب عزيز من اسي برمج نفسك ليوم الجمعة الجاية إن شاء الله في الممزر دبي تفقنا على يوم الجمعة مخصوص عشان ناس ابوظبي - الكلام ليكم يا الزول و القرير - ما تجي تعمل لينا مظاهرات بعدين و ما عافي ليكم وعاش الشهيد محمد عبد الرحمن
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: محمد البشرى الخضر)
|
يا ود البشرى
يا أخي هسع نحن عاوزين نعمل ليك حفلة وداع احسن من حقتهم دي وبنرتب بتنسيق الكمندان ناصر الامين
Quote: يا عب عزيز من اسي برمج نفسك ليوم الجمعة الجاية إن شاء الله في الممزر دبي تفقنا على يوم الجمعة مخصوص عشان ناس ابوظبي - الكلام ليكم يا الزول و القرير - ما تجي تعمل لينا مظاهرات بعدين و ما عافي ليكم وعاش الشهيد محمد عبد الرحمن |
يازول نحنا زاتنا دايرين حق تقرير المصير نجي نعمل اتفاقية الممزر دبي ونعمل دستور يكفل لينا الأنفصال من بورداب الامارات ونعمل فترة انتقالية وتصويت فقط لبورداب أبوظبي في الوحدة مع بورداب الامارات والانفصال وتكوين جسم بوردابي مستقل وطبعا حا اعمل ليكم فيها باقان عدييييييييل وانت خش في دور عرمان
---------
خلاص حانجي بس ما تكلموا فيصل نوبي السمين عامل كرشه الكبيرة دي
| |
|
|
|
|
|
|
|