|
بورداب الإمارات يحتفون بزوار الإمارات من البورداب ...
|
تزدان مدن دولة الإمارات اليوم بكوكبةٍ من بورداب سودانيزاونلاين ..
وكما إعتدنا دائماً نحن بورداب الإمارات ..
فإننا نحرص على الإحتفاء والاحتفال بمقدم كل بوردابي يحل رحاله بيننا
سواءاً في زيارة .. أو عمل .. أو خلافه ..
واليوم يوجد بيننا عدد من البورداب ..
منهم الأخ أنور (البعيو) وحرمه وهم في طريقهم من الهند إلى السودان بعد رحلةٍ للعلاج ..
والأخ العزيز علاء الدين صالح من بورداب السعودية وهو في زيارة للإمارات ..
والأخت الفاضلة البوردابية هبة الماحي زوجة زميلنا سفيان نابري وهي أيضاً في زيارة .. ونتوقع وصول المزيد خلال اليومين القادمين .. فألف مرحب بكل بوردابي زائر للإمارات ..
ونسبة لإنشغال البورداب مساء الخميس بمناسبة زواج الزملاء نهال كرار ودكين ..
ومساء الجمعة بالجمعية العمومية لرابطة نادي الهلال بالنادي السوداني بدبي ..
فقد تقرَّر الإحتفاء بالزملاء الضيوف من البورداب في مساء السبت القادم الموافق 29/1/2011
بمطعم دانيال الشارقة .. والدعوة موجَّهة لكل بورداب الإمارات الراغبين في مشاركتنا في الإحتفاء بالزملاء الكرام ..
|
|
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: osama idris)
|
عبدالله
تحياتي وتشرفنا بالزوار
Quote: ومساء الجمعة بالجمعية العمومية لرابطة نادي الهلال بالنادي السوداني بدبي ..
فقد تقرَّر الإحتفاء بالزملاء الضيوف من البورداب في مساء السبت القادم الموافق 29/1/2011
|
المواعيد شوفوا لينا طريقة مساء الجمعة عشان نكون معاكم لانو يوم الاحد دوام والضباب ما بساعد في الرجوع في نفس الليله
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: عبدالعزيز حسين عبدالرحيم)
|
مرحبتين حبابك حبيبنا عبد العزيز حسين ..
والله يا ريت لو في طريقة لتغيير الموعد .. كنَّا عملناها يا عبد العزيز ..
اجتماع رابطة نادي الهلال يوم الجمعة ..
وإنت عارف الاجتماع ده حياخد عدد كبير من البورداب ..
وإنت برضو عارف .. نحن ما بنعمل دعوة يوم السبت إلاَّ مضطرين .. زي المرة دي ..
وخايفين كان قلنا نأجل المواعيد للأسبوع الجاي .. ممكن الضيوف يسافروا ..
وجودك أنت وكل بورداب أبو ظبي يهمنا ويسعدنا ويشرفنا جداً ..
الزعيم عثمان رغيم.. معروف حمدين .. ناصر الأمين .. تيسير عووضة ..
إمتثال .. مولانا عادل سمير .. آدم موسى .. يحي عبد الكريم ..
جنابو الطيب عثمان .. وكل البورداب الآخرين .. يا ريت تشرفونا ..
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: عبد الله كسلا)
|
والله يا عبدالله ما عارف اقول شنو
لكن الحاصل أغلب البورداب خارج أبوظبي ونحنا برضه نطمع في حضور البورداب البعدين زي الطيب عثمان يوسف وأخونا عوض في الرويس واللمات الفاتت كلها بي ظروف
وهسع أبورغيم بقى بدوي وضارب الخلا زاته ما مخبور مكانه ودا أساسي ومهم
لكن في التاريخ دا ما بضمن ليك زول يحضر من أبوظبي إلا البتتيسر أموره
والايام دي بنزل ضباب في أبوظبي وبتحصل حوادث كتيرة أو تأخير
وبرضه يوم السبت الدخول لي دبي المساء بكون صعب
وحسب علمي ناصر موجود في دبي في كورس أنا حا اكون متواجد في دبي يوم الخميس وحا أبيت لي يوم الجمعة ووممكن ننتظر اللمه دي وبتبقى لينا صعبة نمشي ونرجع يوم السبت
ياريت تراجعوا الاخوان وتغييرو التواريخ
أو ممكن اقترح ليكم نعمل اللمه دي في أبوظبي وحسب رايكم
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: عفاف الصادق بابكر)
|
Quote: افووووووووووووو يا أساسي ... ابشر بالخير عليك امان الله نحجز ليهو اسبوع فى مطعم دانيال .. |
الأخت الفاضلة عفاف تسلمي يا بِت الكرم والقبايل والأصول تسريبات الفوتوليكس بتاعت أساسي في التوقيت دة تحديداً أثناء زيارتي لدُبَي (وبعد أسبوعين كاملين من حفلة زملاء البورد بجدة) قُصِد بها إغتيال شخصيتي الإعتبارية
سلامي لصديقتي دُرّة
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: ناصر احمد الامين)
|
ناصر الحبيب ..
Quote: و للأسف يوم السبت دا معناتو (ما تجونا) يا ناس ابوظبي |
بالعكس يا ناصر .. نحن نتمنى وجود كل بورداب الإمارات ..
وبورداب أبو ظبي ديل بالذات .. فيهم زعيمنا أبو رغيم ..
والله العظيم وجودكم بالجد يسعدنا ويشرفنا .. بس نحن مضطرين المرة دي ..
خايفين كان أجلنا الموعد للأسبوع الجاي .. الضيوف يسافروا ..
ويومي الخميس والجمعة مزحومين زي ما شرحت أنا في مداخلة فوق ..
يا ريت تحاولوا يا ناصر .. وممكن تتأخروا شوية على الدوام يوم الأحد ..
بس عشان تكونوا معانا .. نتباهى بوجودكم وتغزرونا .. ياكم عزَّنا وأهلنا في الغربة ..
| |
|
|
|
|
|
|
بورداب الامارات يحتفلون بزوار الامارات من البورداب (Re: عبد الله كسلا)
|
بورداب الامارات يا ناس يا ذوق عبدالله كسلا إن شاءالله يوم شكرك ما يجئ والله ما قصرت معاي ، مجرد إتصالك للسلام و التحية و متابعة أخباري كان له أثر طيب في نفسي ، شكرا" و تسلم كتير يا أخوي
Quote: مرحب بالضيوف الكرام ..
وربنا يسهل نكون معاكم ..
ولو ما معاكم برضو من بعيد نكون معاكم ..
شكرا عبدالله يا صاحب الجود والكرم ... |
معقولة بس يا عفاف ؟ و إنتي اول زول رحب بي في إماراتكم دي ! و الحالة انا جاياك عديل في الشارقة من يوم الخميس ! راجعي قرارك ولابد من وجودك و إلا بنطلع مظاهرات يوم السبت لحدي محل شغلك و نقلعك من هناك قلع التحية ليكم جميعا" و عليكم الله يا بورداب ابوظبي بطلًوا حركات المغتربين دي و تعالوا نتعارف أصلا" برنامج زي دا ما بكون كل يوم ولا كل اسبوع .. هسة انا حأكون جاية للبرنامج دا من مدينة غياثي في المنطقة الغربية ( في أخر الدنيا) و برضو تقولوا ضباب و بكرة شغل و مش عارف إيه ! النبي ما تتأخروا علينا
| |
|
|
|
|
|
|
Re: بورداب الامارات يحتفلون بزوار الامارات من البورداب (Re: heba Elmahi)
|
Quote: معقولة بس يا عفاف ؟ و إنتي اول زول رحب بي في إماراتكم دي ! و الحالة انا جاياك عديل في الشارقة من يوم الخميس ! راجعي
|
مرحب بيك يا هبوية فى اي لحظة واي وقت ..
تعرفى الظروف مرات بتكون اقوي وفى اللحظات الاخيرة تحصل مستجدات ..
مع انه اكتر واحدة بكون متحمسة للقاءات الحلوه دي ..
مساء الخميس والجمعه عندي امور مهمة جدا وبكون خارج الدولة ...
بحاول بقدر الامكان تكون المهمة 24 ساعة وارجع صباح السبت باذن الله تعالى .. ده لو ربنا قدر .. واكون معاكم ..
فى كل الاحوال لازم تكونى في بيتى لو كنت موجودة ولا لا ..
| |
|
|
|
|
|
|
Re: بورداب الامارات يحتفلون بزوار الامارات من البورداب (Re: Nader Abu Kadouk)
|
الأخ عبد الله كسلا وضيوفه الكرام تحياتي وعبركم بنرحب بالزملاء الكرام ومنورين والله يا عبد الله يوم السبت صعب جداً كما اشار الإخوان ناصر وعبد العزيز ولكن بنحاول إن شاء الله نكون معاكم ربك يسهل مرحب بيكم جميعا والإمارات مزينة بوجودكم مرحب بيك هبة الماحي وهبة يا كسلا زولة علي النعمة بعشرة رجال ولا عزاء لبورداب واشنطون
| |
|
|
|
|
|
|
Re: بورداب الامارات يحتفلون بزوار الامارات من البورداب (Re: heba Elmahi)
|
مرحب بيك مرة تانية يا هبة في البوست بعد الترحيب بيك في الإمارات ..
يا ستي نحن ما عملنا حاجة ..
زي ما إنتي نفسك تتعرفي على الناس.. تأكدي هم نفسهم يتعرفوا عليك برضو ..
والاتصال بيك والسؤال عنك ده أبسط واجب ممكن الواحد يعملو تجاهك ..
وبالله ما تتحسسي .. إعتبري بيت عفاف زي بيتك ..
عفاف دي ست الجود والكرم .. وبيتها مفتوح وديمة مليان ضيوف ..
أتمنى إنه بورداب أبو ظبي يقدروا يجو برضو .. يا ريت والله ..
تسلمي يا ستي .. ونتقابل يوم السبت إن شاء الله ..
| |
|
|
|
|
|
|
Re: بورداب الامارات يحتفلون بزوار الامارات من البورداب (Re: Nader Abu Kadouk)
|
Quote: مرحب بيك هبة الماحي وهبة يا كسلا زولة علي النعمة بعشرة رجال ولا عزاء لبورداب واشنطون |
تشكر يا سيف ياخي علي الاطراء ، لكن عليك الله بورداب واشنطون ديل ما تهيجهم علينا ... خليها مستورة ضروري نشوفك و زي ما قلنا بطًلوا حركات المغتربين دي و انا أصلا" طالباك مشوار ولا نسيت ؟
Quote: غايتو انا ما عندي عربية
لو ابو أحمد ودانا بنكون معاكم
ولا عزاء لناس امريكا .
|
يا واثق هسة انا عشمانة الاقيك انت و الاولاد لازم تحاول ، بعدين أبو احمد دا انا ماشة ليهو مسافة زي الخرطوم مدني هناك في فريجينيا لازم يجئ و يجيبك معاهو
Quote: بورداب ابوظبى عليكم الله تعالوا |
| |
|
|
|
|
|
|
Re: بورداب الامارات يحتفلون بزوار الامارات من البورداب (Re: عبد الله كسلا)
|
Quote: وبالله ما تتحسسي .. إعتبري بيت عفاف زي بيتك ..
عفاف دي ست الجود والكرم .. وبيتها مفتوح وديمة مليان ضيوف ..
|
يا هبويه بيتى بيتك فى وجودي وعدم وجودي .. يلا تعالى منتظراك على احر من الجمر ..
وكل احبابنا فى الدوحة مرحب بيكم وبيتى بيتكم .. وفى انتظاركم ..
تسلم يا عبدالله .. يديك العافية والكرم والجود مستمد منك .
حضووووووووووووور إن شاء الله .. ربنا يبعد العوارض ..
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: عبد الله كسلا)
|
كسلا الوريف إزيك ياخ و مشتاقين......
ألف مرحب بـــ:
Quote: الأخ أنور (البعيو) وحرمه.....
والأخ العزيز علاء الدين صالح .....
والأخت الفاضلة البوردابية هبة الماحي ..... و يا ريت لو صديقي سفيان معها....
فألف مرحب بكل بوردابي زائر للإمارات.... او سيزورها في الأيام القادمة..... تشــــرفونــــا و الله...... أدخلوها بســلام آمنين...... |
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: Haytham Abdulaziz)
|
Quote: Quote: مرحب بيك هبة الماحي وهبة يا كسلا زولة علي النعمة بعشرة رجال ولا عزاء لبورداب واشنطون
تشكر يا سيف ياخي علي الاطراء ، لكن عليك الله بورداب واشنطون ديل ما تهيجهم علينا ... خليها مستورة ضروري نشوفك و زي ما قلنا بطًلوا حركات المغتربين دي و انا أصلا" طالباك مشوار ولا نسيت ؟
Quote: غايتو انا ما عندي عربية
لو ابو أحمد ودانا بنكون معاكم
ولا عزاء لناس امريكا .
يا واثق هسة انا عشمانة الاقيك انت و الاولاد لازم تحاول ، بعدين أبو احمد دا انا ماشة ليهو مسافة زي الخرطوم مدني هناك في فريجينيا لازم يجئ و يجيبك معاهو
Quote: بورداب ابوظبى عليكم الله تعالوا
|
هسع بورداب واشنطن سألوكم؟ براكم بتجيبوا سيرة البحر.
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: Dania Elmaki)
|
يا أبوساندرا
Quote: ينفعكم لو جبتو خالد معاكم والذي منو بجيي |
أنت قايل الخرخرة فوق شنو ؟
ما ياها خالد ومنو ومناوي زاتهم ديل ما بلفقوا مع يوم السبت وشغلنا شغل يهود عديل نسوي شنو؟
بعدين أنا ممنوع من سواقة عربية في الإمارات بأمر قضائي
كلو من طارق الكوتش العاوزنا نكجن الهلال زاته
شوفوا هنا ما تغيروا لينا المواعيد حا اقلب مريخابي طوالي واجي ارشكم لمن تعرفوا حاجة
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: خالد درق)
|
الأخ الفاضل عبد الله كسلا والأخوات الكريمات والأخوة الأعزّاء بورداب الإمارات حقيقةً تتضاءل الكلمات أمامكم خجلاً لأنّه لا توجد بينها كلمة تستطيع أن تصِف روعة تآخيكُم وتوادُدكُم لم تدهشني كمية تلك المحنّة في سلام التلاقي فبورداب الإمارات سيماهُم في قلوبهم من أثر المعزَّة البينهُم وأحلى الصلات ياخ إنتو ناس بالجد حلوين خالص وجميلين شديد وربّنا يخلّيكُم لبعض ولأُسركُم الحبيبة ويجمعكم في ساعات الخير دايماً كلمات الشُكر بقدر قطرات دُبَي فاونتن لن توفيكُم حقّكُم
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: علاء الدين صالح)
|
سُعِدتُ أيّما سعادة وتشرّفت في بداية زيارتي لمدينة دُبَي الأسبوع الماضي وبرفقة بعض البورداب، بزيارة منزل الريّس اللواء معاش عمر علي حسن مساعد مدير عام الشرطة الأسبق والقنصل العام في أثيوبيا ورئيس نادي الهلال السوداني في فترات سابقة شخص حينما تستمع إليه يهبط لك صوت وردي من وحي الذاكرة: في حضرة جلالك يطيب الجلوس.. مهذّب أمامك يكون الكلام ما أجملها من أمسية وما أحلاها من لمّة في حضرة ذلك الرجل الوطن التحية للريّس وأسرته الكريمة ولأبنائه أكرم ودكتور أمير
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: عبدالرحمن الحلاوي)
|
الأصدقاء الأحباب بورداب الأمارت والله أخجلتمونا بلطفكم وكرمكم ومتشوقين جداً لإمسية السبت للإستمتاع بصحبتكم وأرجوأن يكون فريق الصلع كامل العدد
وعفاف الصادق يعنى كيف ماتجى نحن نتطلع بشوق لحضورك وكمان تسدى خانة اختنا نعمات وبت عوض الكريم وعائشه يكونوا معاك وعصام على ماشايفه هنا وود البشير وود البشرى والعمده القردابى وقريبي حموده ادام الله المحبة
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: Mohammed Ibrahim Othman)
|
عبد الله كسلا والحلاوى نحن نيابة عن بورداب الرياض بعتنا ليكم خصيصاالباشمهندس عبد المنعم عمر وهو بوردابى عتيق ورئيس رابطة ابناء الحلاوين بالرياض ورئيس الرابطه الرياضيه الصالحيه بالرياض عشان يمثلنا وهو الان فى دبى بس مالاقى ليكم راس خيت بالله اكتبو ليه تلفوناتكم هنا وهو معاه تلفون السعوديه 0966504138125 ونازل فى فتدق فى دبى.. ده الرقم مع المفتاح اتصرفو ودقوه بمعرفتكم مع انو دكين الوغد ما بستاهل لكن ده بعتناها عشان خاطر نهال لووووول.. ماتتوصو بمندوبنا الله يلمكم فى السمح.. نسيت اقول ليكم عيب عبد المنعم الوحيد انو هلالابى كبير ،،،
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: صديق الموج)
|
Quote: عبد الله كسلا والحلاوى نحن نيابة عن بورداب الرياض بعتنا ليكم خصيصاالباشمهندس عبد المنعم عمر وهو بوردابى عتيق ورئيس رابطة ابناء الحلاوين بالرياض ورئيس الرابطه الرياضيه الصالحيه بالرياض عشان يمثلنا وهو الان فى دبى بس مالاقى ليكم راس خيت بالله اكتبو ليه تلفوناتكم هنا وهو معاه تلفون السعوديه 0966504138125 ونازل فى فتدق فى دبى.. ده الرقم مع المفتاح اتصرفو ودقوه بمعرفتكم مع انو دكين الوغد ما بستاهل لكن ده بعتناها عشان خاطر نهال لووووول.. ماتتوصو بمندوبنا الله يلمكم فى السمح.. نسيت اقول ليكم عيب عبد المنعم الوحيد انو هلالابى كبير ،،، |
صديق الموج ود الصلوعاب سلام واصل وتحية لتلك القرية التي تربطني بها صلة نسب ...أبشر زولك دا في معيتنا إن شاء الله ههههههه تحياتي
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: أحمد ابراهيم عثمان)
|
* *
يا موج يا فقري سلام عريض ،،،، شكراً للأحباب في الأمارات علي إتصالاتهم بي ودي المحرية فقد أخجلوني! وقد رتب معي الأخ خالد حضوري ... وذلك بعد مجموعة مكالمات و إهتمام من الزعيم عبدالله كسلا ورسالة وصلتني من أخونا وولدنا عبدالرحمن حلاوي فلهم التحية و التقدير .... مع إتفاقي مع صديق الموج أن وغد الرياض دكين ما بستاهل دهـ كلو!! لكن ياموج دكين وغد في الرياض وعريس في الأمارات .... فسر!!
لكم ودي ،،،،،،،،،،،،
| |
|
|
|
|
|
|
Re: بورداب الإمارات يحتفون بزوار الإمارات من البورداب ... (Re: خالد درق)
|
بعد صلاة العشاء ، نرجو الحرص على المواعيد حتى نستمتع باطول وقت ممكن مع ضيوف الامارات ,,,,,,,,,,
| |
|
|
|
|
|
|
|