|
Re: لو الاماني بابيدي كنت اهديك عيوني واسقيك من وريدي .......... (Re: كمال سالم)
|
Quote: أول مره تفتح ليك بوست مريح والله . لو كان التمنى بينفع كل حبيب والله كنت إتمنيت ليك أن تزول هذه الغشاوه التى التى بعينيك , ولو الأمانى بإيدى كنت أهديت ليك عيونى عشان تشوف بيها الأمور صاح . التحيه ليك ولشريكة عمرك وربنا يخليكم لبعض ,, آمين ,, |
شكرا اخي كمال ...
وهذه هي الحياة لا تدوم على حال واحد
مع ذلك نرجو منكم عدم الاستكانة
يعني خليكم عين نائمة وعين مفتحة
الكترابة في طريقها اليكم ...
| |
|
|
|
|
|
|
Re: لو الاماني بابيدي كنت اهديك عيوني واسقيك من وريدي .......... (Re: اسماء الجنيد)
|
Quote: سلام يا ود الباوقة وسلام مربع لست بيتك وام وليداتك ربنا يهنيكم ويجعل البركة فيكم ويسعدكم طول العمر ان شاء الله |
اللهم امين يا رب ....
Quote: والله ما اكضب عليك قلت ود الباوقة ده لو كان داير يهدي عيونو ويسقي من وريدو للبشير يكون بالغ عديل |
هههههههههههه
برودة مؤقتة
Quote: وست بيتك تستاهل كل الاهداء والله تحياتي ليها |
شكرا اختنا الكريمة اسماء
بارك الله فيك
تحياتنا لاسرتك الكريمة
| |
|
|
|
|
|
|
Re: لو الاماني بابيدي كنت اهديك عيوني واسقيك من وريدي .......... (Re: mohamed kabbar)
|
على الرغم من عدم تداخلى فى بوستاتك من قبل كسائر كتابات المدافعين عن النظام
إلاّ اننى اليوم قد وجدت الفرصة سانحة فى هذا البوست الظريف لأعبر لك عن
تقديرى لروحك العالية ونفسك الهادئ فى الحوار الذى نفتقده كثيراً فى هذا المنبر.
كما إكتشفنا أنك من الصنف "اللى بمشوه فى العجين ما يخربو" فهنيئاً لم الأولاد بك!!
من أول نظرة للعنوان إفتكرنا أن المقصود الأسد النتر داك!! لكن الحمد لله طلع الأسد النتر
عندكم فى البيت !!! أدام الله عليكم نعمة المحبة والعافية......
| |
|
|
|
|
|
|
Re: لو الاماني بابيدي كنت اهديك عيوني واسقيك من وريدي .......... (Re: محمد أحمد الريح)
|
Quote: على الرغم من عدم تداخلى فى بوستاتك من قبل كسائر كتابات المدافعين عن النظام
إلاّ اننى اليوم قد وجدت الفرصة سانحة فى هذا البوست الظريف لأعبر لك عن
تقديرى لروحك العالية ونفسك الهادئ فى الحوار الذى نفتقده كثيراً فى هذا المنبر. |
اخي الكريم محمد احمد اريح
اتشرف كثيرا بمرورك الجميل وتداخلك في هذا البوست
ويظل الاحترام والتقدير قائم بيننا رغم اختلافنا السياسي
Quote: من أول نظرة للعنوان إفتكرنا أن المقصود الأسد النتر داك |
الاسد النتر نفديه بالمهج والارواح
اما اسد البيت فسقياه من الوريد والماء الزلال وبالعدم ماء الورد
كما إكتشفنا أنك من الصنف "اللى بمشوه فى العجين ما يخربو .................................................................
الحمد لله على ما اراد الله ...
شكرا اخي محمد. وسعيد جدا بطلتك البهية
بارك الله فيك
| |
|
|
|
|
|
|
Re: لو الاماني بابيدي كنت اهديك عيوني واسقيك من وريدي .......... (Re: محمد عبد الماجد الصايم)
|
أخي العزيز / ود الباوقة تحياتي ،
ربنا يهنيك ويسعدك مع أم العيال ويجعل كل ايامكم افراحاً وسعادة .
و .. تعجبني هذه الاندياحة الرقيقة .. بعيداً عن ساس يسوس ، وما يعقبها من ملاسنات حادة ومناكفات من المعسكر الآخر ؟!
و .. دفعتني هديتك المعبرة لأم وسن (البعيدة وقريبة) إلى استذكار كلمات من شعر الراحل المقيم عبدالرحيم البرعي :
لقد جرى حبكم مجرى دمي .. فدمي بعد التفرق في أطلالكم طلل ..
والذي أحسبه يشبه قول الآخر :
يا ظاعنين بقلبي اينما ظعنوا .. ونازلين بقلبي أينما نزلوا ..
و .. شكراً لهذا التطريب و دعوتنا للاستماع لهذه الأغنية الخالدة من زيدان .
و .. الظاهر سوف أحذو حذوك ، حيث ( كلنا في بعدهن عنا- مؤقتا- شرق) ؟!!
مودتي ،
( ليمو )
| |
|
|
|
|
|
|
Re: لو الاماني بابيدي كنت اهديك عيوني واسقيك من وريدي .......... (Re: اميرة السيد)
|
Quote: اولا يا ود الباوقة( وصحي انت من الباوقة) اقول ليك ربنا يخليكم لبعض ويديم المحبة والعشرة والسعادة بيناتكم |
نعم من الباوقة
Quote: هل جاء وقت من الأوقات منذ زواجك وحتى الآن ندمت فيه على أنك تزوجت؟ |
لا ابدا ابدا ....
Quote: هل وصلت مشكلة ما بينك وبين رفيقة حياتك إلى مرحلة فكرت فيها بالفراق؟ |
بالعكس كل يوم يمض اتمنى ان ياتي يوم بعده ليتواصل الاندياح
Quote: هل تؤمن بأن مشاكل الزواج ضرورة لا بد منها لكسر الروتين؟ |
قصدك المكاواة هههههههههه
Quote: وسؤال أخير ( بس ما تقول دي سياسة) : هل زوجتك تشاركك آراءك السياسية أم بتدخل معاك في مناقشات ؟ |
كما لدينا مطبخ لاعداد الوجبات
لدينا مطبخ سياسي
اميرة انت شغالة في التي دي كي ....
شوكرن
| |
|
|
|
|
|
|
|