بينما أحد السادة منخرط في عملية(تهرولون) .. الآخر مشغول مفاوضات لتعيين إبنه نائبا أول للرئيس

Quote: سلامات ياخى عثمان رغيم والله السطر الاخير ده يوجع القلب يا عثمان يا اخوى الشارع السودانى ده من المفعترض ان تكون الاحزاب فى قيادته وتستشف خياراته وتعمل من اجلها و تساعدو بالتنظيم والقيادة الواعيه من اجل الوصول لمراده يعنى هسه الحزب الاتحاى (كما الامه) فى حالة يتفاوضون !!!!!! دى كيف دى الناس بتغلى والفساد استشرى و الاسعار فى السما والناس ضاجه دايرة قيادة تمد الايد تقوم القيادة تقول ليهم والله كدى نتفاوض لكن انتو كان مرقتو ما بنخذلكم!!!!! والا القيادة الحق بتقول لاااااا للباطل ولا لحكومه انقلابيه لا نفاوض و لانهادن حتى يأتى الله بأمره مع من تتفاوضون بالله عليكم؟؟؟!!!! والحال هو الحال يا جماعة البعرفو الحزب بتكون عندو قرايتو للواقع السياسى و بتصرف على اساسو اسمح لى يا عثمان يا اخوى والله ده موقف حزبى مائع كموقف كل الاحزاب لا استثناء الوقت والله ما وقت مفاوضات فلتعلم جميع القيادات السياسيه (ولا اقول الاحزاب) لانو الاحزاب معناه الكل والكل تشمل جماهير الحزب وهى شريحة من الشعب البغلى ده الرافض لاستمرار هذا النظام فلتعلم القيادات ان مشروع تتفاوضون فى هذا الوقت الحرج والنظام محاصر ما هو الا خيانة لخيار الشعب