|
التحيه لشرطة المرور .. أخيراً تم توطين ثقافة ربط حزام الأمان
|
سابقاً كان من الـ(غريب) بل ومن الـ(مضحك) أن ترى سائقاً يقود وهو يربط حزام الامان الان وبفضل الله ومجهودات إدارة شرطة المرور الجباره تم توطين هذه الثقافه المهمه لدى كل السائقين وأصبح الغير طبيعي هو مشاهدة سائق ليس مرتدياً حزام الامان وهذا المر سيساعد بلا شك في التقليل من وفياة حوادث المرور .
كثيرين قد لايدركون مدى أهمية هذا الحزام في المواقف الخطره وحجم الضرر اذي يمكن ان يقيك منه حزام الامان لذا وجب تقدير مهام شرطة المرور الجباره في توطين هذه الثقافة لدى السائقين
|
|
|
|
|
|
|
|
Re: التحيه لشرطة المرور .. أخيراً تم توطين ثقافة ربط حزام الأمان (Re: Gaafar Ismail)
|
استاذ جعفر تحياتي حقيقي الراكب ايضاً معرض لخطر كبير وهو أمر مهم جداً ان يربط الحزام طبعاً السائق هو الشخص الاكثر تعرضاً للخطر لأنو ممكن يضرب راسو بالدريكسيون لكن من الصعب أن تطبق عقوبات على الركاب لأنو بالتاكيد مقاعد الحافلات مافيها أحزمه ووممكن الراكب يكون متشبث بي الكنبه القدامه او اي حاجه تانيه ممكن تكون دي خطوه تانيه بعد كم سنه من التوعيه المروريه
مؤونة عام من الود
| |
|
|
|
|
|
|
Re: التحيه لشرطة المرور .. أخيراً تم توطين ثقافة ربط حزام الأمان (Re: محمد فرح)
|
محمد فرح: لك الود
استفزتني عبارة توطين ليست متخصص باللغة،لكن ماعنيته، دخلت في أزمة عند اختيارك لعنوان البوست، لماذا لم تقل مثلا: توعية السائقين بأهمية ربط الحزام، او ماشابه. وهي نفس الازمة التي ادخلتنا فيها احد الوزارات، ابان ازمة العمل الطوعي ونادت بتوطين العمل الطوعي، لا اعرف كيف. لك الحرية في اختيار عناوينك، لكن لاتتكيء علينا وعلي اللغة.
مودتي لك.
| |
|
|
|
|
|
|
Re: التحيه لشرطة المرور .. أخيراً تم توطين ثقافة ربط حزام الأمان (Re: محمد فرح)
|
أخي الكريم محمد فرح ممما لا شك فيه أنّ التوعية المرورية وردع القانون يشكلان عنصران أساسيان في تحجيم الخسائر في الأرواح والجراح الخطيرة
كنت في الفترات السابقة اربط حزام الأمان بطريقة لا شعورية في أثناء إجازاتي بالسودان ولكن هذه العفوية والتعامل اللاشعوري يجعل منك صيداً ثميناً لضباط وعساكر شرطة المرور وتجد نفسك تدفع من الغرامات وجبايات العبور في الطرق السريعة خاصّة طريق الخرطوم بحري الجيلي كما حدث لي لذلك تجدني أقوم بحل الحزام بعد وعيي بربطه حتى اقود سياراتي بدون تعطيل من شرطي مرور كل همه بضع جنيهات تأخرك في مجادلات عقيمة وتبريرات سقيمة عن أداء عمل في غاية الأهمية أو إدراك موعد مهم
لذلك تجدني سعيد جداً بهذا التحوّل والذي بدأ كقانون لسائقي المركبات العامّة ولكن كما تفضّل الأخوة كثير من سائقي الأمجاد والهايس يتعاملون مع الأمر للتظاهر بربط حزام الأمان من نفس منطلقي أنا بعدم ربط الحزام وهو تفادي دفع الغرامات لذلك تجدهم غير مقتنعين بهذا الإجراء ويعملون جهدهم للتحايل عليه وإظهار تنفيذهم لهذا القرار وهم في حقيقة الأمر يربطون حزام أمان مثبّت في الناحية العليا "بدبارة" أو سلك معدني ويتدلى للأسفل دون أن يكون مثبّت في أي شيء يعني عبارة عن تمثيل لس إلا
بالنسبة للأطفال كما في الصورة المرفقة فهناك فئات عمرية لطول ووزن الراكب يلعب دوراً في كيفية تثبيت حزام الأمان فالأطفال دون المتر ونصف (في بعض الدول دون المتر وثلاثين سنتمتر) لا يجوز لهم ربط الحزام مباشرة بل ملزمون بالجلوس على مقعد يرفع من وضعية جلوسهم حتى لا يمر الحزام على الرقبة عوضاً عن الكتف كما في حالة الجالس على مقعد مساعد وفي حالة من هم فوق المتر ونصف
وهناك قواعد كثيرة وضعتها شركات السيارات والجهات المختصة في كثير من دول العالم
المهم الطفل الذي في الصورة في خطر أكبر من كونه غير مثبت بحزام الأمان لأنّ أقل توقف مفاجئ قد يعود على الطفل بالضرر البليغ
تحياتي وتقديري
كمال
| |
|
|
|
|
|
|
Re: التحيه لشرطة المرور .. أخيراً تم توطين ثقافة ربط حزام الأمان (Re: jini)
|
Quote: المهم الطفل الذي في الصورة في خطر أكبر من كونه غير مثبت بحزام الأمان لأنّ أقل توقف مفاجئ قد يعود على الطفل بالضرر البليغ
|
سلامى للجميع كلام أخونا المفضال كيكى مهم للغاية.إذا كان الغرض فعلا السلامة وليس جبايات جديدة لتغذية خزائن المحليات. الضفل فى الصورة معرض للشلل والموت خنقا (كسر عظمة الحنجرة) أو كسر فقرات الرقبة .وهذا لا يحتاج سوى توقف مفاجئ من سرعة 50 كلم/ساعة. ترحيل الأطفال فى المقاعد الأمامية خطأ.بحزام أو بدونه.كذلك فى صندوق البكاسى وحتى البالغين أيضا. يبدو أن القرارات تتخذ بدون دراسة جوهريه مرتبطة بالموضوع .فقط مظهر عام دون تمحيص فى أسبابها ,إن لم يكن العائد المادى سببا رئيسا. من المفارقات ,فى العام 2003 كنت أقف منتظرا أحد الأصدقاء الذى تأخر عن موعده فى تقاطع شارع الجمهوريه المؤدى للسوق العربى قبالة بنك الخرطوم.وكنت أسترق السمع لحوار بين طابط (عقيد) من المرور وآخر مدنى ويبدو أنه مهندس ,وكان يريد تسليم إشارة مرور جديدة ,من النوع الحديث ,أى الذى يثبت بمسامير قلووز على قاعدة خرسانية.مهتها أن تنكسر فى حالة صدم العمود ليطاح به فوق سقف السيارة والوقوع خلفها حتى لا يتسبب فى وقوع مأسآة وإصابات لمن هم داخل السيارة.لغاية هنا تمام. المشكلة فى القاعدة الخرسانيه ,هرم مربع, وترتفع أكثر من 70 سم تقريبا من مستوى سطح الشارع !! بمعنى أنها قطعا ستسبب وقوع كارثة.تدخلت فى الحديث وأبدى الضابط إهتماما كبيرا وأستمع لمنطقى حتى النهاية ,وأتفق معه وأوقف عملية التسليم وأمر بتعديل العمود ودفن الكتلة الخرسانت حتى مستوى الشارع. وله الشكر الجزيل .أما اخونا (المهندس) فكان شابفنى عشره عشره. الخلاصة إنو قبل إتخاذ أى قرار حيوى, لابد من دراسة نواحى أخرى غير الكسب المادى. تحياتى
................
يجب على الحكومة فك الحزام الرابطنو لينا 21 سنة.
| |
|
|
|
|
|
|
Re: التحيه لشرطة المرور .. أخيراً تم توطين ثقافة ربط حزام الأمان (Re: محمد مكى محمد)
|
الأخ العزيز محمد فرح
Quote: حقيقي الراكب ايضاً معرض لخطر كبير وهو أمر مهم جداً ان يربط الحزام طبعاً السائق هو الشخص الاكثر تعرضاً للخطر لأنو ممكن يضرب راسو بالدريكسيون لكن من الصعب أن تطبق عقوبات على الركاب لأنو بالتاكيد مقاعد الحافلات مافيها أحزمه ووممكن الراكب يكون متشبث بي الكنبه القدامه او اي حاجه تانيه ممكن تكون دي خطوه تانيه بعد كم سنه من التوعيه المروريه
مؤونة عام من الود |
أفهم أنه يستحيل استخدام ربط حزام الأمان بالنسبة لركاب الباصات ولكن درجة الخطورة للسائق والركاب واحدة في السيارات الصغيرة (الصوالين) .. لذا هنا في اليابان مثلا يلزم القانون ربط الحزام للراكب جنب السائق وإذا لم يربط الحزام يتحمل سائق السيارة العقوبة اللازمة والقانون يعطي الحق للسائق بإنزال الراكب جنبه من السيارة إذا رفض ربط الحزام . تحياتي ومودتي
| |
|
|
|
|
|
|
Re: التحيه لشرطة المرور .. أخيراً تم توطين ثقافة ربط حزام الأمان (Re: Gaafar Ismail)
|
محمد فرح حمد الله بالسلامة...بالنيو لووك بتاعك الزول ما لاقاك آخر عهدي بيك دقستك ديك وبكري ختاك في فوق في الرف المهم ما علينا...عساك طيب
Quote: التحيه لشرطة المرور .. أخيراً تم توطين ثقافة ربط حزام الأمان
|
تعرف يا محمد ناس المرور ديل تحديدا آخر ناس ممكن بفكروا في سلامة المواطن...ديل عليهم إنجاز الربط الشهري بتاعهم الخميس قبل الفات طالع من نص السوق العربي الشارع قدامي مقفول فترة طويلة وانا لافي شمال...يعني بتاع العربية القدامي لو مشي متر بس انا ممكن ألف..قمت نزلت اقول لسيد العربية عليك الله بس اتقدم حبة كدة وأثبت البعده...هنا بتاع المرور كان مقبل عكس..لما جيت ركبت وقعدت مسكت الحزام عايز اربطه لاحظ جاني طاير..الشكلة دورت...حلفت ليه هو قام حلف..طيب أسأل بتاع العربية القدام انو انا نزلت وركبت المهم اركن..ركنت رخصتك..فضل..الاستمارة فضل...وعربية الايصالات عارفه مافي يعني الموضوع حيكون فيه رئاسة وعوارة...المهم لانو بالجد ما كنت شايل قروش ضربت لزول قلت ليه ماسكني بتاع مرور كدي تعال لي...عمك لاوز..ده منو..ده صحبي..تاني ما تسوق بدون ما تربط حزام..حاضر...خليته ومشيت..
_ بيحكي ضابط انو وزارة الداخلية خشت اجتماع مع شركة بتورد سيارات وجاي الخواجة من برة ينجز التفاوض مع الوزارة والوكيل ..الوزير قاعد واللواءات مرصوصين...قاموا بناقشوا الخواجة عن تخفيض السعر بإزالة بعض اللملحقات..مسجل 300 دولار ما تعرف طفاية سيجاير ما ضرورية...المهم نزلوا زي الف خمسمية دولار والحكاية ماشة كويس وفرت ليهم زي مليون دولار...عمك لواء مقهي قاعد في بعيد قال ليهم شيلو حزام الأمان مافي ليه داعي...الخواجة نط سأل الوكيل ياخينا انت جبتني وزارة الداخلية ولا حتة تانية....لامن الوزير قرب يقول للواء امش جيب شاي هسي شوف عربات الدورية الحايمة دي شفت ليك زول رابط ...شفت ليك زول لابس رسمي رابط حزام؟؟اليلتزموا بيه هم أول
| |
|
|
|
|
|
|
Re: التحيه لشرطة المرور .. أخيراً تم توطين ثقافة ربط حزام الأمان (Re: GamarBoBa)
|
أخي محمد فرح وضيوفه مساءلة توطين عديل عندي فيها رأي أولا الطرق مافيها أدنى مستلزمات السلامة خليك من نقاط الإسعاف على الطريق نحن نتحدث عن طريق عرضه لا يتعدي الخمسة أمتار فيهو كم متر مدفونة وكم متر مكسورة ... طبعا لا توجد إرشادات مرورية أفقية أو رأسية على طول الطريق تنبه المستخدمين للمناطق الخطرة من منعطفات ومطبات وتجمعات سكانية ألخ . والمؤسف حقا تواجد دوريات المرور في كل محلية أو محافظة أو ولاية لزوم المعلوم الذي لا يخفاكم .. ثانيا: العربات العندنا غير مجهزة بأدنى مستلزمات السلامة مثلا عدد قليل فقط شيوخ اللا وطني من يملكون عربات مزودة بنظام (الكيس الهوائي) أها وين ناس الجزيرة أصحاب البكاسي واللواري الإنجليزية المصنوعة في الخمسينات ... والله لمن شفت لوري أولا (حاج أحمد) عليهو طفاية وخيطوا ليهم حزام أمان ضحكت لمن دموعي سالت .. يا محمد فرح نحن العندو عربية فيها مكيف بفك سير المكيف طوالي ... يا محمد أخوي الشغلانة أكبر من (توطين) أو تمكين .. ما يرتكبه نظام اللا وطني وشرطته قدس الله سرها شيء فظيع وكريه وجرم لا يقبله الله ورسوله .. أتقوا الله فيناكفاية توطين . الشفيع
| |
|
|
|
|
|
|
|