|
|
 إستني أقولك يا ملوال
|
إستني ..
أقولك يا ملوال..
أنا زيك
ونفس الحال ..
حزنان ..
للدم الكم سال ..
حيران ..
في الحال البطال
مُستاء ..
من سوء الأحوال..
الحرب
الفتنه
التفريق ..
النار
الحزن
التمزيق ..
والوجع
الماشي
جنوب
وشمال.
لو نحن عجزنا نتوحد
ليه نقفل باب الآمال؟
الوطن الفينا و كم وحّد
قد عدّل فينا ما مال
نبيه سواعد وما بتجحد
ترباله و طلبه و عُمال
ما تصدق قول الحاكمين
اللسه بيحلموا بالتمكين
الفرقه السيف الفي الخاصر
والهم اللابد في باكر
لو نحن نباهه وبنذاكر
الدرس الّروح بكفينا
ورانا حقيقة ما فينا
ورانا الزول القاصدنا
ليه أول ندي مجال ؟
إستني ..
أقولك يا ملوال..
أنا زيك
ونفس الحال ..
حزنان ..
للدم الكم سال ..
حيران ..
في الحال البطال
مُستاء ..
من سوء الأحوال..
الحرب
الفتنه
التفريق ..
النار
الحزن
التمزيق ..
والوجع
الماشي
جنوب
وشمال.
|
|
  
|
|
|
|
فاروق أبوحوه
خالد عبد الحليم سعيد
JOK BIONG
فيس بوك
تويتر
انستقرام
يوتيوب
بنتيريست