|
Re: يا جماعة اللعب فكاّ في السودان ولا هاشم صديق ده قايم قنع؟ (Re: elnawrani margan)
|
Quote: دحين يا وليد هو ديل ما لهم و مال الدين وكت قولهم كلام الله و فعالهم ما فعال صالحين كتير فيهم عديل حقار و بالقرآن كمان تجار و كضابين أكان بنزين عدم .. أو جاز وتعبوُ الناس و ضاقو خلاص صفوف واقفين يقولولك إرادة الله وكان عدم الرخيص و الغالى في التموين يقولولك ده . غضب الله و كان الموية صبحت طين يقولولك ده من امريكا والعملا حمونا الشب ولاد الكـــــــــــلب عشان الشعب يحرن تب يقبّل من صراط الدين دحين يا وليد هو ديل ما لهم و مال الدين أكان كنزو الدهب و المال بلايينهم تسوى جبال وعرباتهم تخطف العين و بناياتم قصور في قصور وحاة الله و كتاب الله أكان ادونا طوب فد سور كان سوينا الف أويضة لي مسكين |
دا جزء من القصيدة (صالح عام )
| |
|
|
|
|
|
|
Re: يا جماعة اللعب فكاّ في السودان ولا هاشم صديق ده قايم قنع؟ (Re: عبدالكريم أحمد الامين)
|
والله اتحداكم,,,ما بحصل شىء,,
لا لهاشم ولا لغيروا زول بسجنوه مافى,,,
بس اى مظاهرة او خروج فى الشارع,,,بجوك كلام الامن,,,
عشان ينقلع هولاء ويقطعوا اشاكلهم الدشنة دى من عندنا
لازم يطلع الشارع مرة واحدة,,
وتبداء هذه الشرارات من القرى البوادى والريف
المدن محروسة بعسكر,,اما الريف والقرى ,العساكر اولاد حلة ما بسوى التكتح,,,
دحين ولعوها من خارج العاصمة,,ودى الفكرة التى فطن لها حزب الامة
لو الشعب ساعده بجكة,,لا ترجو انقلاب عسكرى,,الجماعة ديل ما خلوا ضابط يملاء العين الضباط قصار وعفينين تحياتى
| |
|
|
|
|
|
|
Re: يا جماعة اللعب فكاّ في السودان ولا هاشم صديق ده قايم قنع؟ (Re: امير عوض الجمري)
|
هديمك يا وليدمقدود و صابحنا الفقر و الجوع صبح باب التكل مسدود كمل حتي الملح في البيت وشن همّ الملح في البيت وكت ملح الدموع موجود؟! دحين يا وليد هو ديل موُ قالوا ناس إنجاز ؟!! وشن سّولنا مما جونا غير حرقو الفضل بالجاز ؟ كّل شيتا صعب في السوق من الكبريتة للطايوق و كان جانا البخت تموين رطيل سكر و صابونتين نجيب من وين ؟ و اخوك مرفود و عدمان الشهر ملين ؟ أمس زازيت اكوس الدين مشيت لسمية بت مامون لقيت جابولها تلفزيون سمح بالحيل تشوف الصورة بى كم لون وكت في نشرة ألأخبار ظهر مك البلد يضحك جضومو كبار مزرر الكرش بزرار لا مهموم لا مغموم لا زعلان و شيهو يراري بالألوان.. وقّد في حشايا تباق نار طريت رفد الوليد و الجوع و سال دمع الغبينة الحار اريتك يا ملك فد يوم يخلى الجوع عينيك ما تنوم أريتك يا ملك فد يوم تحس بي غصة المظلوم دحين يا وليد هو ديل ما لهم و مال الدين وكت قولهم كلام الله و فعالهم ما فعال صالحين كتير فيهم عديل حقار و بالقرآن كمان تجار و كضابين أكان بنزين عدم .. أو جاز وتعبوُ الناس و ضاقو خلاص صفوف واقفين يقولولك إرادة الله وكان عدم الرخيص و الغالى في التموين يقولولك ده . غضب الله و كان الموية صبحت طين يقولولك ده من امريكا والعملا حمونا الشب ولاد الكـــــــــــلب
عشان الشعب يحرن تب يقبّل من صراط الدين دحين يا وليد هو ديل ما لهم و مال الدين أكان كنزو الدهب و المال بلايينهم تسوى جبال وعرباتهم تخطف العين و بناياتم قصور في قصور وحاة الله و كتاب الله أكان ادونا طوب فد سور كان سوينا الف أويضة لي مسكين
| |
|
|
|
|
|
|
Re: يا جماعة اللعب فكاّ في السودان ولا هاشم صديق ده قايم قنع؟ (Re: Abdlaziz Eisa)
|
Quote: صالح عام
هديمك يا وليدمقدود و صابحنا الفقر و الجوع صبح باب التكل مسدود كمل حتي الملح في البيت وشن همّ الملح في البيت وكت ملح الدموع موجود؟! دحين يا وليد هو ديل موُ قالوا ناس إنجاز ؟!! وشن سّولنا مما جونا غير حرقو الفضل بالجاز ؟ كّل شيتا صعب في السوق من الكبريتة للطايوق و كان جانا البخت تموين رطيل سكر و صابونتين نجيب من وين ؟ و اخوك مرفود و عدمان الشهر ملين ؟ أمس زازيت اكوس الدين مشيت لسمية بت مامون لقيت جابولها تلفزيون سمح بالحيل تشوف الصورة بى كم لون وكت في نشرة ألأخبار ظهر مك البلد يضحك جضومو كبار مزرر الكرش بزرار لا مهموم لا مغموم لا زعلان و شيهو يراري بالألوان.. وقّد في حشايا تباق نار طريت رفد الوليد و الجوع و سال دمع الغبينة الحار اريتك يا ملك فد يوم يخلى الجوع عينيك ما تنوم أريتك يا ملك فد يوم تحس بي غصة المظلوم دحين يا وليد هو ديل ما لهم و مال الدين وكت قولهم كلام الله و فعالهم ما فعال صالحين كتير فيهم عديل حقار و بالقرآن كمان تجار و كضابين أكان بنزين عدم .. أو جاز وتعبوُ الناس و ضاقو خلاص صفوف واقفين يقولولك إرادة الله وكان عدم الرخيص و الغالى في التموين يقولولك ده . غضب الله و كان الموية صبحت طين يقولولك ده من امريكا والعملا حمونا الشب ولاد الكـــــــــــلب
عشان الشعب يحرن تب يقبّل من صراط الدين دحين يا وليد هو ديل ما لهم و مال الدين أكان كنزو الدهب و المال بلايينهم تسوى جبال وعرباتهم تخطف العين و بناياتم قصور في قصور وحاة الله و كتاب الله أكان ادونا طوب فد سور كان سوينا الف أويضة لي مسكين فترنا من الخطب يا وليد و من طيش العقيد و عميد و من قل القرش في الايد و من تعب الوقوف في الصف ومن غبن الرصع بالكف و من حفر الدروب و اللف و من خت الحلم في الرف كل يوماَ نقيحنا يزيد دحين يا وليد هو كم دغشاَ عشان نلقاهو دافرنا و تعبنا شديد؟ و كم حولا صيامنا صبر عشان يشرق هلال العيد ؟! اح ح يا وليد لا حتى الخبيز إنضاق و لا هدما كسانا جديد و شوف المغسة يا وليد سموُ شقانا صالح عام و كل دمعاَ نزل من عين و كل جوعاَ سكت بالدين و كل زيناَ محاهو الشين ختو وقعيتو في الإسلام حرامهم يا وليدي حلال وا نحنا حلالنا كلو حرام يقلبو الدين نصّل سكين و ناسين الحساب قدام اخر زمن يا وليد نشوف كل البشاتن لون يفوت هولاكو دوب نرتاح ينط في الكرسي نابليون اريتك يا أمير حالي جعيص في الكرسي في الخرتوم و ساويلك الف والي نبايعك للظلم و الجوع نبايعك وكل ضيم مشروع نبايعك و جيتنا جيش و دروع نبايعك و الحكم مقلوع نبايعك و القسم مخدوع نبايعك من سجن عالى أخر زمن يا وليد حصيف العين يلاقى و يشوف زمان ظلم السلف بالسيف و حسه السيف كلاشينكوف غير زمن الهوان و الجوع كمان طالع زمان الخوف ديل ما برتو لى إنسان كم ولداَ وقع نشفان وكم زهراَ كِتل و اتحت في رمضان لا شهراَ حرام إتصان لا كفنا ستر صبيان لا شاهد قبر معروف لا اماَ برد نارها سكت و إرتاح نزيف الجوف دحين يا وليد أ كان حسع ده ديش مصعب و أكان بيرق علي الكرار منو الكفار ؟!!! منو القاصدينو بالتكبير و بالتهليل و ضرب النار؟ اخاف نحنا و أكان نحنا أخير نضحك كتير سبب الضحك بخته شوف المغسة يا وليدي ديل ما حسه ناس حُقار؟ ده ذى دق الطبول للموت وذي وقد البلد بالنار * * إلا نشوف أ كان ساهرين معاك يا جوع و أ كان ضيقنا إتحفر في ضلوع و أكان صابرين علي الفجار وحاة الله و كتاب الله وكت نغلي و نكوس التار لا سوراَ بقيف في وش و لا لهب الغبن بترش و لا صفاَ يميل بالقش كل ظالماَ يقع و يندش و سيل دمع البلد ينقش لا بحبس حلقنا الخوف و لا بترجع اكان لعلع كلاشينكوف هديمك يا وليد مقدود و صابحنا الفقر و الجوع صبح جلد البطن مشدود شن بتسو و أخيك من شهر مرفود قالو صالح عام عشان قال العوج في العود * * نان ما يقول أريت يقول عديل يا زول هديك البغلة في الابريق ما هامينا -صالح عام- وديش مصعب و لا الحجاج و لا بكتل قلبنا الجوع و موت منقذنا ولا الضاج خلي الضيق يزيد يا وليد بكرة الضيق يخلى الناس تبقى عُصّار علي الحقار و تبقي حريق * * قريب يا وليد صيامنا يتم و يهل و يشرق هلال العيد نحس طعم الخبيز و يتبدل هدمنا جديد |
| |
|
|
|
|
|
|
Re: يا جماعة اللعب فكاّ في السودان ولا هاشم صديق ده قايم قنع؟ (Re: ALGARADABI)
|
عبداللطيف بكري: دائماً أقول إن هامش الحريات الذي وفرته هذه الحكومة لم يتوفر حتى في أيام الإنتفاضة،، وإلا لما دخل كوستاوي وبشاشا السودان وعادوا سالمين!! مايكتب في الجرايد أقسى من هذا،، لكن : لا كملة حق تقال لصالح الأعداء!!! ولا كلمة شكراً تقال للوزير سموأل وهو يرقص مع فناني بلادي وهو من وصفوهو بالإرهابي،، يساريين ماعندك ذوق بس!!
أتفق معك يا دكتور في هذه الملحوظة تماماً، وأنا أقول: لو كانت معارضتنا جادّة، ومسؤولة؛ لأمكنها أن تحدث تغييراً سلمياً ديمقراطياً، أعني في الظروف الراهنة، لو تحركت بجدية، واستفادت مما قد أصبح واقعاً، وهو: أن الحكومة قد فقدت كل مبررات وجودها! وأنا طبعاً لا آمل في هذه الأحزاب والقيادات التي نفرفها من خيرٍ يُرتجى، وفي رواية أخرى: الجن التعرفوا أحسن! لكنني أتمنى أن يتحرك العقلاء في بلدي، وهم كثيرون، وينتمون لأحزاب وتيارات مختلفة، تقليدية ويسارية وإسلامية! لكنهم بعيدون عن مراكز صنع القرار، أو مبعدون! فهلا؟ هلا؟ هلا؟
| |
|
|
|
|
|
|
|