|
|
 لو حصل ليك كدا بتعمل شنو ؟!! يوجد ( بوليس كيس) !!
|
لو إيميلك إتهكر !!
وبعدها بفترة بسيطة إتسرق لابتوبك بكل مافيهو من مواد لا تعوض !!
بلغت البوليس !!
عملت إيميل جديد !!
وتاني ؟!
اللابتوب عزيز علي والفيهو مابقدر أعوضو .. ( وجه حزيييييين)
تفتكروا في علاقة بين تهكير الإيميل وسرقة اللابتوب ؟( وجه محتار) !!
|
|
  
|
|
|
|
|
|
|
|
Re: لو حصل ليك كدا بتعمل شنو ؟!! يوجد ( بوليس كيس) !! (Re: نادية عثمان)
|
من واقع خبرتى ياناديه , لا هذا ولا ذاك ,,
تمشى سوق الحراميه فى السوق الشعبى أم درمان ,,
من حركة الباعه سوف تعرفى شيخ الحراميه ,, تتفقى
معاهو وتديهو وصف اللابتوب وفى نص ساعه بيكون لاب توبك
معاك ,,
السوق الشعبى فى أم درمان هو المركز القومى لكل حرامية
السودان , أى مسروق بيعرض هناك ,,
والحكمه البوليس يقوم بتنظيم السوق وحفظ الأمن فيه !!
إتوكلى على الله ومن بدرى أمشى هناك ,,
بـس أعملى حساب شنطتك وموبايلك .
| |
|
|
|
|
|
|
|
|
|
Re: لو حصل ليك كدا بتعمل شنو ؟!! يوجد ( بوليس كيس) !! (Re: نادية عثمان)
|
الاخت نادية السلام عليكم
وربنا إعوض عليك وإخلف عليك باحسن وابرك
قصة سرقة اللابتوب بتاعك زكرتني قصة اختي تقريبا قبل اسبوع او عشرة يوم موبايلها إتسرق
وحاولت تتصل عليو وطبعا لقتو مغلق بعد شوية إتصلت عليها اختي وما كانت عارفة انو الموبايل إتسرق رد عليها الحرامي
وإتكلم معاها بطريقة غير مهذبة ومعاكسات وكلام فارغ هددتوا وقفلت الخط لحدي هنا عادي (ومن ديك تاني ما فتحو)
بعد كم يوم بنات اهلنا في العايلة بدوا إتكلموا عن واحد شيخ إتصل على كم واحدة منهم (قال اسمو شيخ عبد القادر )
وإقول ليها انا شفتك في رؤية وانت عاملين ليك عمل وكلام فارغ من النوع ده وبقول ليهم رسلوا لي بس حق البخور وانا بفكوا ليكم
الكويس إنهم ما صدقوهو لكن كانوا مستغربين الزول ده عرف ارقامهم واساميهم من وين وكان الرد لما عرفوا انو اختي جوالها إتسرق يعني إستخدم الارقام عشان
إنصب عليهم وبعد كده عرفوا إنهم شبكة كبيرة متخصصة في سرقة الجوالات للنصب على اصحاب الارقام المسجلة في الجوالات
يعني السرقة في السودان بقت راقية جوالت ولابتوبات حليل سرقة الملايات من السراير والهدوم من الحبل
عشان كده يا خيتي إستعوضي الله والجاتك في لابتوبك سامحتك
| |
|
|
|
|
|
|
|
|
|
Re: لو حصل ليك كدا بتعمل شنو ؟!! يوجد ( بوليس كيس) !! (Re: ساميه حامد)
|
بالجد حننتيني يا نادية وحاسي بالحسرة لأنو أنا حصلت معاي نفس المشكلة وضاع اللاب التوب بما حمل لكن مع إختلاف في الطريقة فأنا سرقني فيروس خلي الكمبيوتر في لحظات لعبة أطفال وضاع مجهود كبير لكن إستفدت من الدرس جدا وبقيت كل فترة أعمل (باك أب) تخزين لمحتويات اللابتوب في هارددسك خارجي.
قبل ما أقرأ رد كمال سالم كنت عاوز أقول ليك الحل الوحيد تشوفي ليك بوليس مباحث تفتيحه يوصلك لشيوخ سوق الحرامية في الحتة الإتسرق فيها الجهاز وتمشي تفتدي لابتوبك وتمسحي شنب العسكري ودي رجعت حاجات كتيرة. لكن حكاية شهر دي كتيرة الحرامية ماممكن يصبروا عليهو المدة دي كلها.
حل تاني أعملي إعلانات في الصحف ومكافأة كبيرة لمن يرجع اللابتوب حتي لو كان إشتراهو
غايتو ربنا يعوضك وأستفيدي من الدرس
| |
|
|
|
|
|
|
|
|
|
Re: لو حصل ليك كدا بتعمل شنو ؟!! يوجد ( بوليس كيس) !! (Re: أسامة البلال)
|
أسامة البلال
تسلم من كل شر يارب
| Quote: حل تاني أعملي إعلانات في الصحف ومكافأة كبيرة لمن يرجع اللابتوب حتي لو كان إشتراهو |
ده البفكر فيهو رغم غنو السرقة ليها فترة لكن عشمي في ربنا كريم والله
وإحتمال الزول الشالو يقرأ البوست ده وضميرو يصحي مافي شيئ بعيد عن ربنا غايتو !!
دعواتك بس !
تسلم
| |
|
|
|
|
|
|
|
|
|
Re: لو حصل ليك كدا بتعمل شنو ؟!! يوجد ( بوليس كيس) !! (Re: محمد على طه الملك)
|
أستاذ محمد علي طه الملك
سلامات
| Quote: حار التعازي في فقدك الجلل والدك رحمه الله واحسن اليه.. |
موش في مقولة( المصائب لا تأتي فرداى) ؟!!
أها أنا أبوي حبيبي مات وإيميلي إتهكر ولابتوبي إتسرق كلهم في نفس التوقيت شفت المصيبة ؟!!
الحمد لله الذي لا يحمد على مكروه سواه غايتو !!
تسلم ومانعزيك في شين يارب ..
| |
|
|
|
|
|
|
|
|
|
Re: لو حصل ليك كدا بتعمل شنو ؟!! يوجد ( بوليس كيس) !! (Re: baha eassa)
|
يابهااااااااااااء
سلامات وكيف نادين الحلوة
| Quote: يكون اتباع ستين مرة .. انسي الموضوع دة |
يابهاء ياخ كان ربنا كاتب ليهو يرجع لي برجع ولو بعد مائة سنة !!
| Quote: وفكري في طريقة اخري للديوان .. |
طريقة أخرى أسوي شنو يعني ؟!
جربت تتسرق منك مشاعرك يابهاء ؟!
شعري مشاعري وإتسرقت في ألم أكتر من كدا ؟!
| |
|
|
|
|
|
|
|
|
|
Re: لو حصل ليك كدا بتعمل شنو ؟!! يوجد ( بوليس كيس) !! (Re: ساميه حامد)
|
الأخت سامية
تسلمي يارب
| Quote: يعني السرقة في السودان بقت راقية جوالت ولابتوبات حليل سرقة الملايات من السراير والهدوم من الحبل |
الواجعني أكتر من اللابتوب موادي الجوة الجهاز والله !!
وبالمناسبة حتى الملايات والهدوم برضو بتسرقوا لكن ديل مابوجعوا الزول قدر سرقة شعره ومشاعره !!
الله في وقادر يعوضني خير ياحبيبة
تسلمي كتير وخلي بالك من لابتوبك وموبايلك شديد !
| |
|
|
|
|
|
|
|
|
|
Re: لو حصل ليك كدا بتعمل شنو ؟!! يوجد ( بوليس كيس) !! (Re: نادية عثمان)
|
يا أخت نادية
بالنسبة للميل الاتهكر ممكن ترجعيه في طرق كتيرة ترجعي بيها الميل وخصوصا لو الميل عامله من سنين بسيطة
لكن للأب توب احتسبه وتلقايهو يوم تفرحي انو انسرق ويندم السارقه
خلينا نحاول هسع نرجع معاك ميلك الانسرق
ميلك على اي حساب ... يعني
hotmail.com
gmail.com
yahoo.com
ولا وين ونشوف بمساعدة الاخوان الخبراء
| |
|
|
|
|
|
|
|
|
|
Re: لو حصل ليك كدا بتعمل شنو ؟!! يوجد ( بوليس كيس) !! (Re: المر)
|
أختنا نادية
الله يآجرك في مصيبتك ويخلف ليك بأحسن منها.
أعرف مرارة أن يفقد الواحد منّا مادة أو يتمسح ليه "بوست" بالغلط قبل إرساله... فما بالك بفقدان ديوان شعر بكامله؟
عموماً...
نتمنى على السيد المحترم الحرامي إن كان يقرأ هذا البوست الآن، أن يعيد لك لاب توبك سالماً بكل ما فيه.
....................
ابتسمي... يكفي التجهم في أي حتة!
| |
|
|
|
|
|
|
|
|
|
Re: لو حصل ليك كدا بتعمل شنو ؟!! يوجد ( بوليس كيس) !! (Re: yasir Abdelgadir)
|
العزيزة نادية
سلامات والجاتك في لابتوبك سامحتك .. الايميل ساهل الا اللابتوب بحرق بالحيل الله يهدي الحرامي ويحن عليك ..
Quote: والله شكيتهم لرب العالمين شديد !
لكن عشمي في الله كبير يهدي الحرامي يرجع لي لابتوبي موش ممكن ؟! |
ما داير اقول ليك دا عشم ابليس في الونسة مع سيدنا يوسف يوم القيامة ...
لكن بقترح عليك تقومي تشتري لابتوب جديد من ابو تقسيط وتناشدي الحرامي انو يرجع ليك القديم ويشيل الجديد واتفقوا على الطريقة
وممكن تعملي المناشدة عبر هارموني او هنا فييي سودانيزاونلاين دي اكيد الحرامي بيكون الايام دي متجدع وبدخل هنا ...
حبينا نخفف عليك شوية لانك صنعتي الفرح فيناكتير وديونك علينا كتيرة ..
| |
|
|
|
|
|
|
|
|
|
Re: لو حصل ليك كدا بتعمل شنو ؟!! يوجد ( بوليس كيس) !! (Re: المر)
|
الأخت الاستاذه نادية ربنا يعوضك بس أمسكي في يا جامع يا رقيب ،، وكمان برضوا كلام اختك ده جربيهو قالو سيد الرايحة فتح خشم البقرة ،، وربنا يجمع ليك ،، لكن حاولي أمشي لي شيخ من الشيوخ الواصلين يعني مثلاً أهلنا البادراب في ام ضواً بان لأنهم ناس صالحين وقد يجعل الله لكي مخرج من الورطة دي ،، طبعاً ده على وزن السرقة دي ... شعورنا معك ..
تحياتي : ياسر العيلفون
| |
|
|
|
|
|
|
| |
كمال سالم
Al-Shaygi
willeim andrea
اشرف السر
يسرى معتصم
ساميه حامد
أسامة البلال
baha eassa
محمد على طه الملك
محجوب البيلي
امير عوض الجمري
ياسر السر
فيس بوك
تويتر
انستقرام
يوتيوب
بنتيريست