إهداء عبر الأسافير إلى لأم د. سارة...

Quote: لك كل الحب والإجلال يا ملكة...

Quote: سارة .. هاكْ منِّي الوصية أبقي مية أبقي مية على البلد وابقي مية على الغلابا المـُتْعَبيـن طبِّبيهُنْ .. المساكين الضُّعاف البيحلمو بي رغيفة جوعى .. والغيرُن ، بطونُنْ فيها كُلْ مايسري يمري الفتارى المُرهَقين البحوموا على المكاتب من صباحات الله بدري لاجوا كايسين الوظيفة لما تتسدَّ المكاتب في وشيهُنْ ثم يلقوا الدنيا ذاتا بابا مقفول في وشيهُنْ ** طبِّبيهُن البِهنقِلوا بالشوارع البلمُّولْنا القمايم من وس خ نا ينضِّفونا لما يرجعوا لي جحور الطين يساهروا ويصحوا طول الليل يكحوا وبكرة في شارع الدكاترة طول نهاراتُنْ يزحُّوا والشمس تلفح وشيهُنْ مابي كرعينُن تشيلُنْ من كُـتُـر ساساق مشيهُنْ طبِّبيهُنْ .. الصِّغيرين اليتامى البُطان الياما ياما في الوجود ما ضاقوا فرحة ضُمَّة لا طعم ابتسامة الكراريسُن حِيطنا الصويبعاتُن قُلاما اللِّي ما دخلوا المدارس ولعبوا في حيشانا قيـرة في الهبوب قاعدين يَضَـرُّوا والحصاد يوم القيامة الحـُنان المابيضُرُّوا الهدايا الماب يخرْتُوا بلا سبب صفق الشديرة لا بيحموا القمري قيلتو لا بينتِّفوا ريش حمامة لا النِّبَل في ايدُن أذيَّة "فيدن" لا حصل ناشوبا طيرة اللطاف المابِيَخَتُوا العُفاف الما بيخُتُّوا مرة بالُنْ للبيدِّي لا بيبحلقوا في جيوبو لا بيمدُّوا عليها أيدي طبِّبيهُنْ البحوموا ورا البهايم في صقاع بيوضة يرعوا يومي ، في صيفا وخريفا العراريقُن غُتاهُن والصِّديريات فنايل في شتاهُنْ العكاكيزُن يهِشــِّن وتاني ما فيهِنْ مآرب غير وكت حالُن يوتِّر حيلُن الهالْكَا اللُّواجة في الوُقاف ينتكلوا فوقِن أو يميطوا الشوك بشيشي لما يرجعوا للمضارب في المغارب ديل يجوك بي طيبة يجروا لما تتكَسِر اللواري وتعَدَم الناس الزوادة بالوجوه السمحة السمحة كُلُّ واحد بي ضبيحتو وفوقا كم ضحكة وزيادة طبِّبيهُنْ البهيموا ورا خطاهُنْ في المصحَّة البوقِّلوا في الرهابات منحى منحى والطَّشاش موية عيونُنْ الذهول في اللاشي صرخة والفراغ متلاشي ، نخَّ زيُّو وابْهَتْ منِّو لونُن البتمتموا في سكاتُن وفي هدوهُن وفي سكونُن نضمي زي صمت المقابر لما صوت الريح يولول تتنفِخ بي بردو ترجف تتركِض حِيَط العنابر يمشوا والواحد مجنزر كمّل الصبر المصوبر ناحية ناحية وزاوية زاوية لا حدود الدنيا "كوبر" لا "التجاني الماحي" بيتُـن لا حكيم الحـُكما "بعشر" في رواحُن وفي مجيهُن العِصير يوم الزيارة شبُّو فوق سورالمصحة يرجوا في الأحباب تجيهُن إلا يا خيبة رجاهُن الزمن عدّى ونساهُن انسرق طوطو دفاترو شال هويَّاتُن معاهو "نمرة" فوق راس كُلِّ صفحة صفحة .. ماها ملاني عافي ونمرة .. أرقاما الطلاسم لا حياة .. ولا فيهــا صحــة ** طبِّبيهُن البِدوِّرو بي ضراعُن في الدغيش مَكَن المصانع بين هديرو وقرقرابُن إلفة شنَّفت المسامع الضميـرُن صاحي واعي جنَّهُن وجن يوم يغيبوا حتى لو كان لي غيابُن داعي موت أو ألفِ داعي ** سارة هاكْ مني الوصية ثم من ؟ يا سارة .. أمك ثم من ؟ يا سارة .. أمك ثم من ؟ يا سارة .. أمك يا الهديَّة .. ويا الرضيَّة أبقى مية عليها أمك ياما كم سهرت معاكي كم شِقَت في الدنيا تعبت شان تجمِّك شايلي فوق همّينا .. همـِّك من زمان مدَّاك رضاها يلاَّ شيلي الهم معاهـا وشيلي أخوانِك معاها مسِّكيهُن في حبال الله القوية فوق دريبات الله يمشوا لا يكضِّبوا.. لا يغشُّوا ماالزمن دا لعين وقاسي والزمان الجايي أقسى والزمان البعدوألعن بي خلاف الدوغري ـ أبداً ما بتجي العيشة الشريفة وما بتجي اللقمة الهنية الوصية .. ابقي يا سارة "البلاسم" قدوة .. للجيل في بلادي ما الوطن أدَّاك رسالة ختَّ بين ايديك أمانة مابي تَحَمَل إستهانة قـوِّي في العمل المبادئ بالعقيدة الما بتفرط بالتفاني بي عُلُوَّ الهمة والرغبة الأكيدة بي جسارة الوثبة والعزم الشبابي بالمفاهيم الجديدة "مستحيل" في الدنيا ما في بالإرادة الشمعة توقد كالكهارب والصخور تكسر جلاميدا الأيادي وبالإرادة .. الحديد يتفلَّ بي ضربة حديدة ** سارة يا بتي الكبيرة يا المهيرة الماب تماثلك إلا حبوبتك مهيرة إنت ياها يا الشموخك من شموخا وكبرياك من كبرياها يا النجاحاتك تزيِّن جيد بنات وطني المعافي بيها يقدل في المواكب ماشي قِدَّامي وقيافة منِّي ليك أحلى التهاني وأمنيات قلبي السعيدة ولو تطاوعني المعاني وامتلك ناصية بياني ليكي طول عمري المفضِّل كل ثانية اكتب قصيدة

Quote: تستاهل والله يا دكتورة الرجال ديل ما بمرقوا النصيحة بالساهل كدا

Quote: والي الشايقي وهو يحصد بعضا من تعبه تخرج ابنتنا ساره والف تحيه لام ساره التي ساهرت وتعبت ونجحت الف مبروك مرة اخري وعقبال الدكتوراه

Quote: يا الحبيب ودعتك الله

Quote: القطر ال ....... اهلك

Quote: افو افو يا سنجك - بقيت تلخبط بيني انا زول الاخرة وود ابو حريرة زول الدنيا؟

Quote: كان ما مصدقني اسال العنبه الراميه فوق بيتنا

Quote: الشايقى الشهير بحسن

Quote: ام الدكتورة امسكي في الكلام الفوق دا قوي

Quote: الاخ الشايقي ياخ الف مبروك تخرج دكتورة سارة .. حقو تستسمح الراجل العبقري الاسمو السر عثمان الطيب صحاب هذا الاحساس النادر والحس الفريد وتعيد اهداء هذه المعلقة لدكتورة سارة .. بالجد ما لقيت لي قصيدة معبّرة عن صفاء نفس بني ادم كهذه القصيدة.. وشكرا لمامان لاشراكنا في هذا النص النابض بالقيم الانسانية الجميلة ..

Quote: أخي العزيز / حسن .. ونحن معكم في إنتظار محمد وأحمد وفطومة الفي نص الطريق... نبارك لكم وقلوبنا مفعمة بالسرور... وأنت وأم سارة تقطفان مع الأبنة العزيزة حصاد جهدها وأجتهادها... وألف مبروك يا حسن الشايقي... كمال كرار والأسرة...

Quote: رد الجعلي ابوهم قال لي نكضب يعني

Quote: فتح الله عليك .. امسكي قوي في كلام ابوك دا والله الاتنين تلقيهن .. كتر خيرك والف مبروك ..

Quote: العزيز حسن سلامي وإمتناني وفرحي بك أولاً على هذا الوفاء وهذا الحب الكبير شكري لك يابو محمد على صبرك ووحدتك ومعاناتك في فراق الأسرة بهذا المقدار المهول من التضحيات الجسام وأنت كمثلي تماما ًأحوج مانكون للرعاية من سوانا وقد تقادمت بنا العهود شكري لك ياحسن وأنت تشركنا في هذه الحفاوة بسارة ووالدتها وهن يقطفن أولى ثمار هذا المشوار المفخرة شكري للسر عثمان الطيب في قصيدة هي الروعة والصدق من شاعرٍ بقضايا الناس وصوتٍ لمعاناتهم شكرا لمامان وهو يتحف البوست بهذه المعلقة الرصينة أغنياتك ابكتني ياحسن عامنها سمع وشوف تحاياي لاصدقائك وهم يسجلون حضوراً فخيماً وأمنياتي للدكتورة بحياة عملية هانئة وموفقة، وللسيدة الفضلى أم محمد كل التبريكات عقبال الباقين كلهم يارب 10000 مبروك مرة تاية والحكاية دي ياخوي ماتمشيها لينا ساي؛ شواءات أقلها وربي يحفظكم ويرعاكم

Quote: مركوبك في الحفظ والصون!! غايتو لو السي دي معاهو تعال شيلهم بكرة،، وكان المركوب براهو : انتظرني لامن أجيك!! ههههه باااع ولا أمبوووووح؟؟

Quote: امسكي قوي في كلام ابوك دا والله الاتنين تلقيهن ..

Quote: Now pray with me that your 2 CD's will be here by 2morrow 2pm

Quote: الخدمة الالزامية بالله تكون في مروي وكريمة (أصلــه الناس هناك كما تعلم (بتاكل تمر كتير ) أوكما قال مامان (الخشوم دايرة صيانة ) وجه ضاحك 00