|
سؤال إلى بورداب السعودية وإحتمال بورداب الخليج ..!!
|
عندكم الوهمة بتاعت لمن تجي تسحب ليك مناديل من العلبة بتقوم تسحبهم منديلين ورا بعض كده : جججك ...جرررك ؟؟
حكمتو بالغة أصلو ما شوفت لي زول بيسحب منديل واحد أو تلاتة مناديل مثلاً ..لالالا بس مندلين ورا بعض وبي وتيرة واااحدة ..جججك ..جرررك..
تخريمة : بورداب امريكا غير معنيين بالسؤال ..ديلك ناس جرورة ساااي ..وبورداب السودان طبعاً ناس منديل البشكير المعلق في اللياقة داك ..
|
|
|
|
|
|
|
|
Re: سؤال إلى بورداب السعودية وإحتمال بورداب الخليج ..!! (Re: abuguta)
|
الفاروق
أفلسف ليك السبب :
جججك ...جرررك ؟؟
هذه لازمة إيقاعية متأصلة في الشعب السوداني . فعند الدق على الباب يكون الدق بإيقاع ( كو كررو ) أما بخصوص لازمة جر المناديل فنحن شعب نعشق التدبيل ، لذا كنا ندبل عند تأكدنا من عقاب المدرس بسبب عدم الحفظ أو الرسوب أو الهرجلة. و ندبل شاي المغربية أب حليبا مقنن. و أمهاتنا و ستات البيوت بعد عمل العصير يضربن المعلقة بطرف الجك بنفس الإيقاع و لكن الفرق هنا أن الصوت رخيم بينما في علبة المناديل بيكون الصوت كتامي شوية. أنظر لأي إيقاع حركي في رقصاتنا الشعبية بالأيدي أو الأرجل أو الرأس في كل قبائل السودان ، ستجدها بنفس الرتم بتاع جججك جرررك.
| |
|
|
|
|
|
|
Re: سؤال إلى بورداب السعودية وإحتمال بورداب الخليج ..!! (Re: زول ساكت)
|
والله دي ونسة فوق الجدول في البلد هناك عندنا في المحس الزول يكون في اجازة طويلة وتلقى شباب الحلة كلهم في المزارع والطواحين وسوق كرمة وانت براك بتلفلف في الحلة زي غنماية الشعبية وتلقى ليك زول ولا زولة فاضية تقوم تتونس جنس الونسات دي
احنا ما عندنا مناديل بنقول
فيييييييييك لغاية ما نمرق الفي المخيخ ظاطو
غايتو جنس غايتو
| |
|
|
|
|
|
|
Re: سؤال إلى بورداب السعودية وإحتمال بورداب الخليج ..!! (Re: Zomrawi Alweli)
|
أبقوتة .. يا اخوي مالك ضغطت مفتاح Alt + Shift وغييرت لغتك ؟ زمان كنت حبوووووب ..أسة شايفك عملت القيير اتوماتيك :)
محمد عبد الرحمن : لا أسكت الله لك حساً وكويس جداً ظهورك جا مع قرب إنتهاء كرت الجزيرة ..لي فترة بجددو براي ياخ وده طبعاً أثر على جودة البث فمرحباً بك من جديد :) بعدين انت قاصد مناقزة ولا الحلاوين ولا الهدى الخليتا بين قوسين دي ؟ لا أخفيك سراً إنو انا أول ما جيت السعودية شهرييين ما كنت بشيل لي منديل من مطعم لأنو قايلو بي قروش ..
| |
|
|
|
|
|
|
|