بداية الانهيار المالي: إفــلاس حكـــومة الشمال

Quote: يا معتصم كل سنه وانت طيب يا خي انت امبارح (تقلت) ولا تكون فاطر بي (نعيميه)..ها ...ها...ها تنقيب عشوائي بتاع شنو البتعتمد عليه دوله! جنوب افريقيا وروسيا اكبر منتجين للذهب في العالم ما معتمدين عليه بالرغم من انه ما عشوائي يعني شغاله فيه شركات ومناجم ويمثل قطاع كبير جدا في اقتصادهم. لكن خلينا نقول انه عائد الذهب وصل مليار دولار الحكومه دخلها السنوي من عائدات البترول حوالي 9 مليار يعني فرقة ال8 يتموها من وين. لكن دا ما المهم المهم في الامر انه التنقيب العشوائي لايمكن ان تعتمد عليه الدوله في الحصول علي الضمانات والقروض الخارجيه والتسهيلات. يعني ما زي البترول! البترول الحكومه ممكن تمشي لاي دوله او مؤسسه تقوليها انا بنتج كده برميل في اليوم وتطلب تسهيلات بضمانة ذلك الانتاج في حالة التنقيب العشوائي حا تمشي تقول شنو! ما فيش جهه في الدنيا يتقديم ليك تسهيلات بضمانة تنقيب عشوائي. دا الفرق يا معتصم! بعدين يا معتصم انت عارف انه حكاية التنقيب العشوائي زي ( القمار) ما فيش حكومه مسؤوله من حياة مواطنيين بتعتمد عليها!