|
Re: إهداء عبر الأسافير إلى لأم د. سارة... (Re: د.نجاة محمود)
|
يا الشايقي
لك خالص التحية وكل عام وأنت بخير بمناسبة السنة الجديدة. وأبارك لك تخرج الدكتورة سارة كطبيبة أسنان .. وكما تعلم فإن ضروسنا كلها (مهرتمة) وتحتاج لصيانة فورية . أم سارة تستحق كل التقدير لما قدمته من تضحية ووقفة (رجالية) حتى قطفت الأسرة ثمرة النجاح. وأهدي لك قصيدة شاعرنا السر عثمان الطيب التي صاغها بمناسبة تخرج ابنته سارة من كلية الطب عام 2003م لإنها تعبر تماما عن مضمون بوستك
سارة .. هاكْ منِّي الوصية أبقي مية أبقي مية على البلد وابقي مية على الغلابا المـُتْعَبيـن طبِّبيهُنْ .. المساكين الضُّعاف البيحلمو بي رغيفة جوعى .. والغيرُن ، بطونُنْ فيها كُلْ مايسري يمري الفتارى المُرهَقين البحوموا على المكاتب من صباحات الله بدري لاجوا كايسين الوظيفة لما تتسدَّ المكاتب في وشيهُنْ ثم يلقوا الدنيا ذاتا بابا مقفول في وشيهُنْ ** طبِّبيهُن البِهنقِلوا بالشوارع البلمُّولْنا القمايم من وس خ نا ينضِّفونا لما يرجعوا لي جحور الطين يساهروا ويصحوا طول الليل يكحوا وبكرة في شارع الدكاترة طول نهاراتُنْ يزحُّوا والشمس تلفح وشيهُنْ مابي كرعينُن تشيلُنْ من كُـتُـر ساساق مشيهُنْ طبِّبيهُنْ .. الصِّغيرين اليتامى البُطان الياما ياما في الوجود ما ضاقوا فرحة ضُمَّة لا طعم ابتسامة الكراريسُن حِيطنا الصويبعاتُن قُلاما اللِّي ما دخلوا المدارس ولعبوا في حيشانا قيـرة في الهبوب قاعدين يَضَـرُّوا والحصاد يوم القيامة الحـُنان المابيضُرُّوا الهدايا الماب يخرْتُوا بلا سبب صفق الشديرة لا بيحموا القمري قيلتو لا بينتِّفوا ريش حمامة لا النِّبَل في ايدُن أذيَّة "فيدن" لا حصل ناشوبا طيرة اللطاف المابِيَخَتُوا العُفاف الما بيخُتُّوا مرة بالُنْ للبيدِّي لا بيبحلقوا في جيوبو لا بيمدُّوا عليها أيدي طبِّبيهُنْ البحوموا ورا البهايم في صقاع بيوضة يرعوا يومي ، في صيفا وخريفا العراريقُن غُتاهُن والصِّديريات فنايل في شتاهُنْ العكاكيزُن يهِشــِّن وتاني ما فيهِنْ مآرب غير وكت حالُن يوتِّر حيلُن الهالْكَا اللُّواجة في الوُقاف ينتكلوا فوقِن أو يميطوا الشوك بشيشي لما يرجعوا للمضارب في المغارب ديل يجوك بي طيبة يجروا لما تتكَسِر اللواري وتعَدَم الناس الزوادة بالوجوه السمحة السمحة كُلُّ واحد بي ضبيحتو وفوقا كم ضحكة وزيادة طبِّبيهُنْ البهيموا ورا خطاهُنْ في المصحَّة البوقِّلوا في الرهابات منحى منحى والطَّشاش موية عيونُنْ الذهول في اللاشي صرخة والفراغ متلاشي ، نخَّ زيُّو وابْهَتْ منِّو لونُن البتمتموا في سكاتُن وفي هدوهُن وفي سكونُن نضمي زي صمت المقابر لما صوت الريح يولول تتنفِخ بي بردو ترجف تتركِض حِيَط العنابر يمشوا والواحد مجنزر كمّل الصبر المصوبر ناحية ناحية وزاوية زاوية لا حدود الدنيا "كوبر" لا "التجاني الماحي" بيتُـن لا حكيم الحـُكما "بعشر" في رواحُن وفي مجيهُن العِصير يوم الزيارة شبُّو فوق سورالمصحة يرجوا في الأحباب تجيهُن إلا يا خيبة رجاهُن الزمن عدّى ونساهُن انسرق طوطو دفاترو شال هويَّاتُن معاهو "نمرة" فوق راس كُلِّ صفحة صفحة .. ماها ملاني عافي ونمرة .. أرقاما الطلاسم لا حياة .. ولا فيهــا صحــة ** طبِّبيهُن
البِدوِّرو بي ضراعُن في الدغيش مَكَن المصانع بين هديرو وقرقرابُن إلفة شنَّفت المسامع الضميـرُن صاحي واعي جنَّهُن وجن يوم يغيبوا حتى لو كان لي غيابُن داعي موت أو ألفِ داعي ** سارة هاكْ مني الوصية ثم من ؟ يا سارة .. أمك ثم من ؟ يا سارة .. أمك ثم من ؟ يا سارة .. أمك يا الهديَّة .. ويا الرضيَّة أبقى مية عليها أمك ياما كم سهرت معاكي كم شِقَت في الدنيا تعبت شان تجمِّك شايلي فوق همّينا .. همـِّك من زمان مدَّاك رضاها يلاَّ شيلي الهم معاهـا وشيلي أخوانِك معاها مسِّكيهُن في حبال الله القوية فوق دريبات الله يمشوا لا يكضِّبوا.. لا يغشُّوا ماالزمن دا لعين وقاسي والزمان الجايي أقسى والزمان البعدوألعن بي خلاف الدوغري ـ أبداً ما بتجي العيشة الشريفة وما بتجي اللقمة الهنية
الوصية .. ابقي يا سارة "البلاسم" قدوة .. للجيل في بلادي ما الوطن أدَّاك رسالة ختَّ بين ايديك أمانة مابي تَحَمَل إستهانة قـوِّي في العمل المبادئ بالعقيدة الما بتفرط بالتفاني بي عُلُوَّ الهمة والرغبة الأكيدة بي جسارة الوثبة والعزم الشبابي بالمفاهيم الجديدة "مستحيل" في الدنيا ما في بالإرادة الشمعة توقد كالكهارب والصخور تكسر جلاميدا الأيادي وبالإرادة .. الحديد يتفلَّ بي ضربة حديدة ** سارة يا بتي الكبيرة يا المهيرة الماب تماثلك إلا حبوبتك مهيرة إنت ياها يا الشموخك من شموخا وكبرياك من كبرياها يا النجاحاتك تزيِّن جيد بنات وطني المعافي بيها يقدل في المواكب ماشي قِدَّامي وقيافة منِّي ليك أحلى التهاني وأمنيات قلبي السعيدة ولو تطاوعني المعاني وامتلك ناصية بياني ليكي طول عمري المفضِّل كل ثانية اكتب قصيدة
|
|
|
|
|
|
|
العنوان |
الكاتب |
Date |
إهداء عبر الأسافير إلى لأم د. سارة... | Al-Shaygi | 12-30-10, 11:15 PM |
Re: إهداء عبر الأسافير إلى لأم د. سارة... | Al-Shaygi | 12-30-10, 11:20 PM |
Re: إهداء عبر الأسافير إلى لأم د. سارة... | د.نجاة محمود | 12-31-10, 03:50 AM |
Re: إهداء عبر الأسافير إلى لأم د. سارة... | maman | 12-31-10, 07:04 AM |
Re: إهداء عبر الأسافير إلى لأم د. سارة... | Al-Shaygi | 12-31-10, 08:48 AM |
Re: إهداء عبر الأسافير إلى لأم د. سارة... | Al-Shaygi | 12-31-10, 08:35 AM |
Re: إهداء عبر الأسافير إلى لأم د. سارة... | خالد المحرب | 12-31-10, 08:52 PM |
Re: إهداء عبر الأسافير إلى لأم د. سارة... | طارق ميرغني | 12-31-10, 09:03 PM |
Re: إهداء عبر الأسافير إلى لأم د. سارة... | Al-Shaygi | 01-03-11, 07:39 PM |
Re: إهداء عبر الأسافير إلى لأم د. سارة... | Al-Shaygi | 12-31-10, 09:07 PM |
Re: إهداء عبر الأسافير إلى لأم د. سارة... | الطيب شيقوق | 01-03-11, 07:55 PM |
Re: إهداء عبر الأسافير إلى لأم د. سارة... | Al-Shaygi | 01-03-11, 08:08 PM |
Re: إهداء عبر الأسافير إلى لأم د. سارة... | الطيب شيقوق | 01-03-11, 08:17 PM |
Re: إهداء عبر الأسافير إلى لأم د. سارة... | Al-Shaygi | 01-03-11, 09:48 PM |
Re: إهداء عبر الأسافير إلى لأم د. سارة... | Al-Shaygi | 01-03-11, 09:55 PM |
Re: إهداء عبر الأسافير إلى لأم د. سارة... | طارق ميرغني | 01-03-11, 10:29 PM |
Re: إهداء عبر الأسافير إلى لأم د. سارة... | Al-Shaygi | 01-03-11, 10:37 PM |
Re: إهداء عبر الأسافير إلى لأم د. سارة... | اسعد الريفى | 01-03-11, 11:30 PM |
Re: إهداء عبر الأسافير إلى لأم د. سارة... | Al-Shaygi | 01-04-11, 10:06 AM |
Re: إهداء عبر الأسافير إلى لأم د. سارة... | ساميه حامد | 01-03-11, 11:38 PM |
Re: إهداء عبر الأسافير إلى لأم د. سارة... | Kamal Karrar | 01-04-11, 05:45 AM |
Re: إهداء عبر الأسافير إلى لأم د. سارة... | حسين نوباتيا | 01-04-11, 06:51 AM |
Re: إهداء عبر الأسافير إلى لأم د. سارة... | Kamal Karrar | 01-04-11, 06:59 AM |
Re: إهداء عبر الأسافير إلى لأم د. سارة... | SHIBKA | 01-04-11, 07:01 AM |
Re: إهداء عبر الأسافير إلى لأم د. سارة... | Al-Shaygi | 01-05-11, 08:17 PM |
Re: إهداء عبر الأسافير إلى لأم د. سارة... | Al-Shaygi | 01-04-11, 10:58 PM |
Re: إهداء عبر الأسافير إلى لأم د. سارة... | Al-Shaygi | 01-04-11, 04:06 PM |
Re: إهداء عبر الأسافير إلى لأم د. سارة... | Al-Shaygi | 01-04-11, 10:12 AM |
Re: إهداء عبر الأسافير إلى لأم د. سارة... | طارق ميرغني | 01-04-11, 11:07 PM |
Re: إهداء عبر الأسافير إلى لأم د. سارة... | نيازي مصطفى | 01-04-11, 11:11 PM |
Re: إهداء عبر الأسافير إلى لأم د. سارة... | Al-Shaygi | 01-04-11, 11:19 PM |
Re: إهداء عبر الأسافير إلى لأم د. سارة... | عبد اللطيف بكري أحمد | 01-05-11, 00:31 AM |
Re: إهداء عبر الأسافير إلى لأم د. سارة... | Al-Shaygi | 01-05-11, 07:18 AM |
Re: إهداء عبر الأسافير إلى لأم د. سارة... | ابو جهينة | 01-05-11, 07:40 AM |
Re: إهداء عبر الأسافير إلى لأم د. سارة... | أبو الحسين | 01-05-11, 09:31 AM |
Re: إهداء عبر الأسافير إلى لأم د. سارة... | عبد اللطيف بكري أحمد | 01-05-11, 01:07 PM |
Re: إهداء عبر الأسافير إلى لأم د. سارة... | Al-Shaygi | 01-05-11, 10:20 PM |
Re: إهداء عبر الأسافير إلى لأم د. سارة... | Al-Shaygi | 01-05-11, 08:13 PM |
Re: إهداء عبر الأسافير إلى لأم د. سارة... | عبد اللطيف بكري أحمد | 01-05-11, 08:26 PM |
Re: إهداء عبر الأسافير إلى لأم د. سارة... | Al-Shaygi | 01-05-11, 11:41 PM |
Re: إهداء عبر الأسافير إلى لأم د. سارة... | mahmed alhassan | 01-06-11, 02:04 PM |
Re: إهداء عبر الأسافير إلى لأم د. سارة... | Al-Shaygi | 01-06-11, 04:27 PM |
Re: إهداء عبر الأسافير إلى لأم د. سارة... | Al-Shaygi | 01-06-11, 10:25 PM |
Re: إهداء عبر الأسافير إلى لأم د. سارة... | mahmed alhassan | 01-06-11, 10:54 PM |
Re: إهداء عبر الأسافير إلى لأم د. سارة... | طارق ميرغني | 01-06-11, 11:47 PM |
|
|
|