لو كنتا ناكر للهوى ذيك كنتا غفرتا ليك كل العذاب العشته فى حبك وكل حقى عليك لكنى عايش للهوى وكل يوم اترجا فيك ورينى كيف أغفر وانت شقاى سببته بيديك حاولت اخدع نفسي يا ظالم واهجر حبى ليك حاولت امنع نفسى منك وتانى ما امشى واجيك ورحلت عنك وعن ديارى وهدمت كل امل لديك وبرضى ما قادر لما اسيبك لما انساك بشتهيك مع كل دفقاتى الحنينة وكل دمعة شوق سجينة تهاتى بيك روحى الحزينة واشقى لما تهاتى بيك ورينى كيف اغفر وانت هدمت كل آمالى فيك ما كنتا قايل أنا يوم بلاقى الحب ولا بكشف دروبو ولا قلبى من شدة إباهو تقدر بتقدر الأشواق تذيبو لكن غرامك حبه حبه صالاهو بنارو ولهيبو وسرقت قلبى يا حبيبى تانى كيف منك اجيبو انت يا ناكر غرامو قلبى ما بتسمع كلامو وبدون سبب يرضيك خصامو لوعة العشاق تصيبو تنسانى يا ظالم وقلبى معاك مفتكرك حبيبو
منقولة طبعا
03-26-2011, 01:40 AM
khaleel
khaleel
تاريخ التسجيل: 02-16-2002
مجموع المشاركات: 30134
يا سسسلام ياسسلام يا ابو خليل ياااخ.. ومن غير عركي وغيرك يحملنا علي جناح اغر ويقذف بنا في مدارات الدردقة والدهشة في عوالم من الغناء النضيف البدوزن عصب الزول الاشتر في زمانات الطفابيع وسطوة سيرة المنافي وعركي فنان كارزيمي وسمفوينة قادرة علي اعتقالي و علي نثري في رمال الصحاري متي ما شدي ومتي ما غني.. والتحية ليك يا خلي يابلي والمجد والخلود للدردقة في حضرة عركي.. والله في
03-26-2011, 02:51 PM
اسعد صلاح البدري
اسعد صلاح البدري
تاريخ التسجيل: 08-12-2009
مجموع المشاركات: 530
Quote: يا سسسلام ياسسلام يا ابو خليل ياااخ.. ومن غير عركي وغيرك يحملنا علي جناح اغر ويقذف بنا في مدارات الدردقة والدهشة في عوالم من الغناء النضيف البدوزن عصب الزول الاشتر في زمانات الطفابيع وسطوة سيرة المنافي وعركي فنان كارزيمي وسمفوينة قادرة علي اعتقالي و علي نثري في رمال الصحاري متي ما شدي ومتي ما غني.. والتحية ليك يا خلي يابلي والمجد والخلود للدردقة في حضرة عركي.. والله في
انه عركي يا ممراح
ايقونة الجمال والحق
03-26-2011, 05:14 PM
نجلاء قرافي
نجلاء قرافي
تاريخ التسجيل: 08-09-2009
مجموع المشاركات: 2163
هلا يا نجلاء وفي حضرة غناوي (عركي) بتعبث بي الاشواق وبتحصل لي حاجات غريبة كده..!!! (وبتذكر الزول الجميل الكان بدردق في التراب في حفلات مصطفي سيد احمد في المكتبة القبطية)... والزول الشهير الذي حدثنا عنه البروفسير علي المك ذلك الذي جبل علي تمزيق جلابيته في قعدات ابو داؤود... فاخوك هنا لمن عركي ده يدور المزيكة ومنذ تلك الزمانات التي كان الراحل اميقو هومن ينفخ (احلي مزيكة) خلفه بتحول انا الي (نقطة) (شفتي ليك زول بتحول الي نقطة) لووووول.... اها انا ده بتحول الي نقطة وبدردق ذاتي بسيرة الدهشة والوجع السوداني في المنافي وبشوف لي اقرب رمال صحاري ذات حرارة نار منقد وادرق فيها لمن الله يغفر لي كزول سوداني اصبح (نقطة) وبعيد عن النيل ونبض بلادي في الفيافي والمنافي البعيدة دي ومسجون في غابة اسمنت في احدي دواعيس الدوحة...
----- وياخ بالله ما تهبشونا يا نجلاء وخلي والخلود لعركي ومزيكته والمجد والرحمة للفنان اميقو وروحه في الخالدين
Quote: وفي حضرة غناوي (عركي) بتعبث بي الاشواق وبتحصل لي حاجات غريبة كده..!!! (وبتذكر الزول الجميل الكان بدردق في التراب في حفلات مصطفي سيد احمد في المكتبة القبطية)... والزول الشهير الذي حدثنا عنه البروفسير علي المك ذلك الذي جبل علي تمزيق جلابيته في قعدات ابو داؤود...
تتذكر يا كيكي
سيف بتاع كلية العلوم
لما يرقص مع عركي في اغنية شفت التوب
03-27-2011, 06:21 AM
محمد سنى دفع الله
محمد سنى دفع الله
تاريخ التسجيل: 12-10-2005
مجموع المشاركات: 10986
عذاب وتعب وشجن عارف يا خليل حتى ابوعركي الاغنية دي بالذات بتعب معاها شديد ونادر ما يغنيها هي اغنية عذاب وربنا يسامحك ويطرح البركة فيك يا ابوخليل اصلك قاصد تدردقنا زي ما قال كيكي
03-27-2011, 01:42 PM
مزمل خيرى
مزمل خيرى
تاريخ التسجيل: 03-29-2009
مجموع المشاركات: 5652
حفلات عركي دايما يحصل فيها شئ مختلف من معجبيه اتذكر مره من ذات المرات حفله نهاريه في المكتبه القبطيه طلعت بت ريحته من رجلينه لي راسه وكانت لحظات معبره وسط الصفافير والتصفيق غايتو كنت قريبه ونالني من العطر رشه ....
واهي ياقلب
03-27-2011, 03:27 PM
khaleel
khaleel
تاريخ التسجيل: 02-16-2002
مجموع المشاركات: 30134
Quote: حفلات عركي دايما يحصل فيها شئ مختلف من معجبيه اتذكر مره من ذات المرات حفله نهاريه في المكتبه القبطيه طلعت بت ريحته من رجلينه لي راسه وكانت لحظات معبره وسط الصفافير والتصفيق غايتو كنت قريبه ونالني من العطر رشه ....
مرة يا نجلاء
اتحركنا من كلية الهندسة ومشينا قاعة بغدادي في كلية الطب
وحفلة رهيبة بي عركي
وانا جوة القاعة صرخت في عركي يا استاذ يا استاذ
جسمي انتحل جسمي انتحل
(لاني كنت ضعيف )
وكانت في ضيفة جميلة قاعدة مع قريبي
وكانت مبسوطة من تفاعلي مع جسمي انتحل
بعد اسبوع تاني كانت في حفلة
الضيفة سالت قريبي
وين خليل الجسمو انتحل
03-27-2011, 03:30 PM
khaleel
khaleel
تاريخ التسجيل: 02-16-2002
مجموع المشاركات: 30134
Quote: عذاب وتعب وشجن عارف يا خليل حتى ابوعركي الاغنية دي بالذات بتعب معاها شديد ونادر ما يغنيها هي اغنية عذاب وربنا يسامحك ويطرح البركة فيك يا ابوخليل اصلك قاصد تدردقنا زي ما قال كيكي
اول مرة يا السني
اسمع لو كنت ناكر
كان من التلفزيون وقدمها
live
في راس السنة من حدائق هيلتون
وكان معاي عوض الكريم ومنعم وعلي وناس حلويين
والزمن كان مبتسم والليالي جميلة حالمة
وعييييييييييييييييك علي راي اخونا بشاشا
03-27-2011, 06:28 PM
عبدالكريم الامين احمد
عبدالكريم الامين احمد
تاريخ التسجيل: 10-06-2005
مجموع المشاركات: 32520
هلا يا خلي وحبابكم يا عركياب احبكم.. وايوووه يا خليل (سيف ود علوم) احسن زول في العالم بيعرف يكسر (الحاجز الرابع) وياتي من جوووه الجماهير وهو راقصا وخاصة عندما يشدو عركي (بست التوب).. له رقصة مميزة وكارزيمية ومستعد ادفع دم قلبي (بس احضر ) حفلة فيها عركي يغني وابو السيوف ياتي بطريقته المميزة تلك من وسط الجموع...
وهنالك ايضا فتي راقي يسمي (السر) من كلية الاداب واسم شهرته (اشليقل) سر الختم ده كان كمان تخصص حفلات سيد خليفة واحسن زول بيعرف يرقص في العالم... -------------------- سيف علوم علمت من بعض الاصدقاء بانه متواجد في نواحي كندا فله منا السلام والشوق الكثيف...
---------------
وياريت يا ابو خليل (وسي سي) لنجلاء تبرونا (بست التوب).. فهذا البوست وبتلك الاغاني صار الاقتراب منه بالنسبة عكس قانون (اقتراب طائر السمندل الخرافي ) من الشمس... فالسمندل الخرافي قيل في الاثر بانه لا يحترق عندما يقترب من الشمس... فها انا في حضرة الدردقة والاندياح اتابط شرا واقترب من هذه الحديقة الملانة بعركي ... حيث انا نقطة وفيييييييييييري نقطة... وسنتابع وسنتدردق...
03-27-2011, 06:56 PM
ود الخليفه
ود الخليفه
تاريخ التسجيل: 07-21-2002
مجموع المشاركات: 3178
Quote: وايوووه يا خليل (سيف ود علوم) احسن زول في العالم بيعرف يكسر (الحاجز الرابع) وياتي من جوووه الجماهير وهو راقصا وخاصة عندما يشدو عركي (بست التوب).. له رقصة مميزة وكارزيمية ومستعد ادفع دم قلبي (بس احضر ) حفلة فيها عركي يغني وابو السيوف ياتي بطريقته المميزة تلك من وسط الجموع
يا ممراح
ناس جامعة امدرمان الاهلية
لما يكون عندهم حفلة بعركي بعملو حركة جميلة
عنده اغنية بقول فيها
ويزغرد قلمي في الكراس لما عركي يصل المقطع
الشباب يجدعو الكراسات فوق ويقولو
اييووووويووو
ولعلك تذكر المالتوف الذي اطلقته طيور الظلام في حفلة عركي
بمدرسة العلوم الرياضية
03-27-2011, 08:49 PM
khaleel
khaleel
تاريخ التسجيل: 02-16-2002
مجموع المشاركات: 30134
Quote: وياريت يا ابو خليل (وسي سي) لنجلاء تبرونا (بست التوب)..
هلا يا خلي وشنو ياخي ما ريقنا نشف وحصل لينا ارتخاء في عضلة الدردقة ونحن جالسين القرفصاء في انتظار الاغنية دي.. لو ما جبتوها سنقول مثلما قالت الشهيرة (نوارة نجم) في الجزيرة مافيش دردقة تاني مافيش دهشة تاني مافيش اركلوجيا تاني..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة