|
|
|
 Re: الشهيد محمد عبدالرحمن الحقيقي (صورة) (Re: Abdelmuhsin Said)
|
يا للخسارة !!!؟؟
ما أشد الاسى عليك يا ايها المسغف العضوي !!!
------------
اسي لو طلع - فعلاً - في طالب استشهد ح تمشي وين ؟ ...
من نفسك بس !
ما كان ممكن تؤجل مسخرتك حتى انقشاع الضباب و انجلاء ( الحقيقة ) ... ( الحقيقة ) !!؟ .. و لّ انت ما باحث عن الحقيق يا سعادة الصحفي الهمام ؟
| |
 
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: قيقراوي)
|
يا رب سلم كل طلاب و ابناء السودان و احمهم
اللهم عليك بالظالمين و الطغاة الباغين و من عاونهم
----------------
عالياً لمزيد من الشهرة
نتضامن مع اي محاولة نيل شهرة
و أي زول عاوز يجرب السنس اوف هيومر تبعو في الاجواء دي ... برضو ندعم ... المافي شنو !؟
و نصلح سراير حديد ذاتو
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: قيقراوي)
|
شوف المحنة دي ياقيقا وشوف خط الرجعة دا
تشتري مترو بكم؟
____________________________
سالم شموع بتاع الاتحاد الاشتراكي
ها قد انجلت بعض جوانب الحقيقة التي فتحت لها هذا الخيط ..
محمد عبد الرحمن (الاسم تحديدا) صناعة حكومية ميه الميه ..
ليس في الأمر قراءة في الكف أو النجوم ..
هي فقط أن تعرف كيف تفكر هذه الجماعة المتسلطة ..
قم لا تأخذ أي شيء من باب المسلمات طالما أن الأمر مرتبط بهم ولو من بعيد ..
وإذا قالوا قولا أو تصرفوا أي تصرف لابد من تقليبه على كل الأوجه والاحتمالات
ثم خذ بأسوأ الاحتمالات لجهتك وأفضل الاحتمالات بالنسبة لهم ..
أسقط من حساباتك أي شيء اسمه الثقة أو الركون لمسائل قد تبدو لك منطقية ..
أنظر إلى ما وراء المنطق .. تجد ما يريدون ..
وعمل ضده .. بلا تردد .. تكسب !
سوف أواصل بعون الله في هذا الجانب المهم مع بعض النماذج ..
تحياتي
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: د.نجاة محمود)
|
سلام يا دكترة
Quote:
شوف المحنة دي ياقيقا وشوف خط الرجعة دا
تشتري مترو بكم؟
|
اليومين ديل بطلت شراء رسمي ي ي
السوق كعب كلو كلو !!
حتى الصحفيين - في الزمن الاستثنائي العلينا دا - انغمسوا مع العوام زينا في قول الكلام الساي !
و يتنافسوا معانا في الهزار كمان !؟ ... ضايقونا في رزقنا عديل !؟ 
--------------
رجاء - بعشم شديد - انك تسحبي الصفة الختيتيها لاستاذي ... الرجل استاذ لي بالجد و اكن ليهو احترام شديد
تعالي نختلف لي ي ي السنة الجاية ... المافي شنو ؟
لكن بدون القاب ... و لّ شنو ؟
اها ؟ ... اتفقنا ؟
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: قيقراوي)
|
| Quote: و أي زول عاوز يجرب السنس اوف هيومر تبعو في الاجواء دي ... برضو ندعم ... المافي شنو !؟ |
المافي يا قيقا يا أخوي شوية "حساسية"
طالما الصحفي المستظرف أعلاه فاكي مخنا ليهو فترة بأن نكون أكثر حساسية تجاه قضايا تعتبر إنصرافية حيال ما يحدث الآن ..
ـــ
ويتكلم عن الإستظراف الأبله أو فيما معناه !!
| |
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: تيسير عووضة)
|
محمد عثمان ابراهيم .. سلام
توقعت .. وخابت توقعاتى تماما .. أن أجد صوره هنا لمحمد عبدالسلام او طارق او سليم او التايه او ..
والطابور طويل ..
توقعت ذلك وكان بالبال أنهم " محمد عبدالرحمن " الحقيقي
الطالب الذى باغته رصاص السلطه وهو يهتف بالصوت ليس الا
" الجامعه تدين , تجار الدين"
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: تيسير عووضة)
|
يا تيسير يا عزيزة
Quote:
المافي يا قيقا يا أخوي شوية "حساسية"
|
ما دا الحارق رزي من قبيل ذاتو !!؟
استغرب لواحد يجي يزمّنا هنا و يدينا محاضرات عن الحساسية و اللذي منو لمّن ناكل في خاترنا ذاتو!
و يجي يفاجئنا بسخف مستظرف زي دا !؟
الله في
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: قيقراوي)
|
Quote: يبدو أن جماعة السبق الصحفى بلعوا طعم الكيزان!
الله يسامحم هسع أنا خاتى صورة الشهيد فى البروفايل بتاعى من أحد البوستات!
|
يا بلة موسى
إنت اسمع كلامي وخلي الصورة زي ما هي. جماعة الريموت كنترول ديل لازم يقتلوا ليهم واحد من وقود الثورة الرخيص في الخرطوم.
غايتو دعواتنا بأن يحفظ الله الأبرياء
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: محمد عثمان ابراهيم)
|
Quote: فقط نريد أن نعرف معلومات المرحوم
|
شوقي سليمان
لا يوجد شهيد ونسال الله أن يحفظ الطلاب والشباب المستهدفين كوقود لثورة الممسكين بمفاتيح التحكم عن بعد في امريكا وأوروبا.
أكثر ما يثير الكراهية ضد المعارضة الشبحية هذه أنها تتمنى مقتل شخص ليحقق البعض سبقاً صحفياً في المنابر.
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: محمد عثمان ابراهيم)
|
وتيسير
هذا البوست لا علاقة له بالفكاهة وهو بوست جاد جداً. لمزيد من الضوء يمكنك النظر في كتابة ربيع مروة بعنوان (سكان الصور) المنشورة في العدد صفر من مجلة كلمن
قيقراوي
يا خينا عايز تقول شنو؟
Quote: توقعت .. وخابت توقعاتى تماما .. أن أجد صوره هنا لمحمد عبدالسلام او طارق او سليم او التايه او ..
والطابور طويل ..
توقعت ذلك وكان بالبال أنهم " محمد عبدالرحمن " الحقيقي
الطالب الذى باغته رصاص السلطه وهو يهتف بالصوت ليس الا
" الجامعه تدين , تجار الدين"
|
محمد حيدر المشرف
في (كائن لا تحتمل خفته) كتب ميلان كونديرا عن مواطنيه المقيمين في فرنسا والذين كانوا يتظاهرون في باريس ضد الأوضاع في براغ.
الآن يتظاهر الناس الناس في الفضاء الإلكتروني لتغيير الأوضاع في عالم الواقع. يا لبصيرة كونديرا النافذة.
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: محمد عثمان ابراهيم)
|
Quote:
قيقراوي
يا خينا عايز تقول شنو؟
|
و عليكم السلام يا اخينا الما بجينا الا وكت " الحساسية "
انا ما عاوز اقول اي شئ
جيت اتسغف ساي
Quote:
مزيد من الضوء يمكنك النظر في كتابة ربيع مروة بعنوان (سكان الصور) المنشورة في العدد صفر من مجلة كلمن
|
Quote:
في (كائن لا تحتمل خفته) كتب ميلان كونديرا عن مواطنيه المقيمين في فرنسا والذين كانوا يتظاهرون في باريس ضد الأوضاع في براغ.
الآن يتظاهر الناس الناس في الفضاء الإلكتروني لتغيير الأوضاع في عالم الواقع. يا لبصيرة كونديرا النافذة.
|
اها مسئول من الخير كان ماركيز كان كونديرا او اي واحد من الشباب الكبار كبار ديلاك ما فيهم واحدن كدا كتب عن مسغف عاوز يسغف شعب السودان الشغيغ البعاني من الامية بكلامن الكبار كبار دا !؟
ينوبك ثواب انحنا اصلو جينا هنا ساكين لينا كيس فضلة خيرك ... شفت كيف ؟
اها سغفنا بالله ... و ما تنسى تتظارف كل ما تلقى فرقة ... و كان ما لقيت فرقة ذاتو، برضو اتظارف ما تتمسك شديد ... المافي شنو !؟
يا محمد عثماننا الذي هو في استراليا ... واخد بال سعادتك !؟ يعني انت برضو ما في الخرطوم ... شنو البخليك واثق كدا انو مافي زول مات ؟
النقول ما في زول مات ... ما الحكومة دي بتكضب ليها كمين و عشرين سنة ؟
ياتو يوم جيت فتحت ليك بوست وقلت ليهم بطلوا كضب و سغفتهم زي ما بتسغف فينا هسي دي ؟
خليك عادل و وزع سغافتك دي على الجميع ...
[ تلخيص اللحظة *]
عندنا كضابين !! ...
واحد سغير ... لحدي اسي قابضنو بالثابتة مرة واااااااااحدة
واحد من يوم عرفناهو بكضب ....
انا واقف في صف الكضب مرة واحدة دا، و لانو بجي منهم. بنحاول نثنيهم و نصحح المسار . اما التانين فما في أمل فيهم تب ... لانهم بدون كضب ما ببقوا ...
اها .. انت في صف منو يا اخوي ؟
---------------
* د. المامون علي صالح
كويس المرة دي ما في وجع راس
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: قيقراوي)
|
Quote: لا يوجد شهيد ونسال الله أن يحفظ الطلاب والشباب المستهدفين كوقود لثورة الممسكين بمفاتيح التحكم عن بعد في امريكا وأوروبا.
أكثر ما يثير الكراهية ضد المعارضة الشبحية هذه أنها تتمنى مقتل شخص ليحقق البعض سبقاً صحفياً في المنابر. |
سلام يا محمد عثمان
المعارضة لا تتمنى مقتل أحد، و لا نتسوّل الشهداء يا مان، لدينا منهم ما يكفى لاضاءة ليل العتمه. و نحن فى الاصل، لا نتمنى موت اخوة الوطن و رفاق النضال، نتمناهم و نشتهيهم أحياء يفرحون و يمرحون تسطع عليهم شمس الحرية و الديمقراطية. لم نعوّد هذا الشعب على الاكاذيب ولا خدعناه بالحيل و الاعيب، و لم تحوجنا عصابة الانقاذ للفضائح و الجرائم و اٍنتهاك حقوق الانسان و التعدى عليهم، تحمد الله لها من الخزى و العار ما يند على الاحصاء و العد، فلماذا تختلق المعارضة الشهداء؟. يمكن ان ننخدع او تنطلى علينا اٍحدى حيل من جٌبلوا على الاحتيال، لكن مصيرها الشمس ان تشرق على ارض الوطن.
سوف اعود لمزيد من التعليق حول الغرائب التى كتبتها يا محمد. مع التحيه.
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: Amani Al Ajab)
|
دي مشكلة الواحد يكون high طول عمره يامحمدعثمان
يشوف صور افتراضية
يشوف صور ظل
يشوف اوهام
يشوف ثورات تمشي زي الفئران تحت ارجله
يشوف ناس احياء عند ربهم وكانهم في الاكفان
دع كل انسان يستمتع بخياله
الحياة كلها صورة ظل
دع الثوار يأكلون هذا الهواء
ويستمتعون بنسائم الاسفير
لاتحسدهم على حمرة.....
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: Amani Al Ajab)
|
Quote: طيب المشكلة شنو؟
هو مصدق انو صحفى نابغة، وانتى مصدقة انك مناضلة تحررية كبيرة ومسيح المهمشين المنتظر!
هو الوهم ده مقصور عليكم؟ |
انتو ما اعرفين خفة الكائن الما خمج
اذا كانت المعارضة تبحث عن شهيد، فهذا الرجل يبحث
عن بطل يشتهر من خلاله بعد ان فاته القطار.
ارحم العمر يا مان
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: على عجب)
|
عودة لمواصلة التعليق حول الغرائب التى نثرها اخونا محمد عثمان.
Quote: يا بلة موسى
إنت اسمع كلامي وخلي الصورة زي ما هي. جماعة الريموت كنترول ديل لازم يقتلوا ليهم واحد من وقود الثورة الرخيص في الخرطوم.
غايتو دعواتنا بأن يحفظ الله الأبرياء |
دا للاسف التدليس و سوء النية بعينه يا محمد عثمان. اصلاً من دعى لهذه المظاهرة او المسيرة هم شباب موجود على الارض داخل الوطن، هم من دعوا لها و من خرجوا فيها، منذ صباح يوم المظاهره بلغت الاعتقالات قرابة الخمسين من شاب و شابة و ارتفعت فوق السبعين بانتصاف النهار. المظاهره هى مبادرة شباب موجود داخل السودان و هو الذى يخرج فيها. الناس الموجود خارج البلاد فقط دعمت المظاهرة بالاعلام عنها، ايوة فقط الاعلام عنها للسودانيين غيرهم هذا ما نستطيع المساهمة به الان، ظروفنا كده، هبات الثورات لا تعرف مواعيد و صادفتنا فى الخارج نعمل شنو يعنى نقول للناس اجلوا لينا الثورة بعد نركب نجكيم، لماذا سوء الظن بالناس يا ترى و اى مصلحة يخدم؟. الذين خرجوا فى المظاهرات هم اخواننا و رفاقنا و زملاء دراسة و عمل و نضال هل تظننا نقدمهم وقودا للموت من اجل سبق صحفى فى النت او حتى منصب سياسي؟. لماذا تسأل الله ان يحفظ الشباب فالله لا يطلق الرصاص و الغاز المسيل للدموع، بدل عن التهكم و الدعوات يمكنك ان توجه قلمك للفيل و تسأله ان يحفظ للناس حقها فى التعبير.
وقع أحدهم ضحية للاشاعات فهذه الاجواء المناسبة لها، و من الواضح ان اٍشاعة مقتل الطالب كانت من اٍخراج السلطة و الامن الحكومى، لانه هو المستفيد الاول منها حتى الان بالاعتقالات حول مشرحة مستشفى ام درمان و بزرع الخوف و بمحاولة التشكيك فى صدقية مبادرة الشباب. أيهما ادعى للتصديق و تلمس الاعذار له عند الخطاء، الشباب الذى يخرج معرّضاً نفسه للخطر و الموت ام أمن الاسلام السياسى الذى يحارب هذا المنبر بنثر المواقع الاباحية؟. يبدو ان معركة الشباب السودانى قاسية فى هذا الليل البهيم.
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: معتز القريش)
|
يا علاء
ياخ الخبر نقلتو رويترز و نشرتو معظم الصحف في العالم، امس انا
عملت ليهو قوقل سيرش لقيتو مالي فضاء السايبر، يعني اذا كان خبر
مفبرك عشان يشوه صورة النظام -اصلا ما محتاجة تشويه- فده يعني أنو
ادى الغرض منو . و إذا كان صحيح و الحكومة بتحاول تعتم عليهو فالايام
كفيلة بكشف الحقيقة.و اذا كان نتيجة غلط أو استعجال فدي مسألة طبيعية
في الظروف الزي دي اللي بتشجع على انتشار الشائعات . يعني ماذا تتصور
أن يحدث في ظل منع ممثلي الصحف و مراسلي الفضائيات من تغطية اخبار
التظاهرات؟
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: بدر الدين اسحاق احمد)
|
الإخوة الكرام شكراً لمداخلاتكم جميعها
يا أبوبكر صالح
إنت عارف فيما احسب حكايات نضج الظروف وحرق المراحل لكن دة موضوع تاني الموضوع الأساسي إن هناك أزمة في المعارضة. المعارضة الواقعية تنظر بطرف عينها للمقاعد التي ستخليها الحركة الشعبية وهكذا تركت مكانها فحدث فراغ. كتاب المنابر الإلكترونية يحاولون الحلول في الفراغ الحاصل دة دون تصورات ودون مشروعية أيضاً. لن أسهب هنا ولكن سآتيك بمقال يوم غد الخميس الذي سينشر في (السوداني) ففيه عن هذا حديث مطول.
حتى الغد أرجو أن تنظر إلى محمد البرادعي الذي سافر إلى مصر للإنضمام إلى المتظاهرين في ميدان التحرير، ثم انظر إلى قادة التظاهرة هنا في سودانيز أونلاين الذين يأمرون الناس بغسل وجوههم بالبيبسي كولا والتظاهر في الشوارع المفتوحة وغير ذلك من أحاديث الدجل الثوري.
د. سيف يا سيفنا
إطمئن يا صديقي أنا لست محمد عثمان أحد أنا محمد عثماني فقط :(
الخبر الوارد في رويترز ووسائل أخرى منسوب لمتظاهرين وهو بهذا المعنى ليس خبراً نهائياً. المتظاهرون أصحاب مصلحة وبالتالي فإن الأخبار المنسوبة لهم ليست لديها مصداقية . في هذا هي تتساوى مع الحكومة بإعتبار أنها طرف صاحب مصلحة أيضاً. لو ملاحظ البي بي سي بتقول ولم يتم التحقق من الخبر من مصدر مستقل أو ما شابه.
هناك أخبار كاذبة كثيرة تنشر في هذا المنبر أو غيره ونشرها منسوبة إلى مصدرها لا يعني صدقيتها.
محمد سيد أحمد
أنت فاكهة المنابر يا عزيزي.. أنا أقرأ بوستاتك كلها ويسرني ذلك!
سناري
موقفي واضح : ضد المستهبلين في الفضاء الإلكتروني الذين يريدون قيادة الثورة من غرفهم في أمريكا وأوروبا.
عبدالملك يوسف الملك
حين يقرأ الواحد كتابتك المبهرة هذه يتأكد أن الطريق القويم يسكنه العقلاء
شكراً لك يا عزيزي
مع تحياتي
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: محمد عثمان ابراهيم)
|
Quote: سناري
موقفي واضح : ضد المستهبلين في الفضاء الإلكتروني الذين يريدون قيادة الثورة من غرفهم في أمريكا وأوروبا. |
موقفك ياريت لو يكون ما واضح
عشان علي الأقل نبني فيه أو عليه عشة من تفاؤل
بس بي وضوح من النوع دا فهو موقف محبط
علي الأقل لي أناولمن تحنظله
أيوي يا محمد عثمان وسط صراع ذي البجري في الساحة دا
صراع جماعات الشباب الثائرة ضد الدكتاتورية والفاشية
فلكل موقعه وموقفه من المواقع والمواقف الرئيسية للفرز الحاصل وبيحصل
وكل واحد بيقوي في ما يليه من المعسكرين
سواء فعل الموالاة هذا كان من غرف المهجر (والله يحرق زيت الهجّر)
أو من الغرف المكندشةأو بنقرات علي الكي بورد صدقني دا كله ما مهم ولا يهم أبداً أبداً
ولا انت المثقف كمان نعذرك ذي الجهلة المنتفعين
البتوسلوا بعبارات من مثل مناضلي الكيبوردات أو آكلي الويل فير...
يعني ماعارف دا كله حصل كيف وليه ومنو الطلع دلع ومنو الطلع مسكوك وحامل بلده في قلبه .
دا كله ما دام طالع من قلب بينبض بالوطن وبيصطف مع أهله الغلبانين مليون وردة حب وتعظيم سلام ليهم
ولي غرفهم الطاهرة وكيبورداتهم الشريفة
أي موقع تاني بيسيئ ليهم دا موقع بيخدم الفاشية الحاكمة وبينطلق من فضاءات تلتحم بفضاءاتها
حتي لو كتب في الفاشية ما كتبه مالك في الخمر
بقدر ما كانت الحملة شرسة ضد الفاشية الحاكمة بقدر ما كانت ردود الفعل المباشرة أو البي الإنابة
حاضرة وبتخصم من موقع هو بالطبع ينظر للفاشية كعدو أساسي وكل الجهود لا بد أن تتحد للنيل منه في حركة
تحول إجتماعي يومي بطيئ تضعف في الفاشية ضربة بعد أخري
أسلحة الفاشية كثيرة ومتنوعة وحارسة للبنية الإجتماعية الراهنة في مقاومتها لعناصر التحول الوطني
داخلها وخارجها وأهمها أسلحة التشويش الفكري والدعائي علي سيرورة الإنهيار بسيرورة العمل المقام
بالكيبورد وبالمال وبالتعبية وبالخروج للشارع وبالمناورة السياسية.
فلكل دوره
وبالطبع فانت تقدر دورك
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: د.نجاة محمود)
|
Quote: لابد للحقيقة أن تنجلي.... ماذا عن الإنباء المتضاربة حول سقوط
طلابي في الموجة الاولي من المظاهرات ?
....الحقيقة أن فبركة أوإختلاق خبر كهذا من قبل أي معارض- يضر المعارضة لأن نتائجه عكسية وقد تقود للتشكيك والطعن في إي عملية إغتيالات أو تعذيب مستقبلية علاوة علي أنه قد يكسر روح التضامن والمؤازرة والروح الإنسانية المتوثبة دوما للمبادرة والمسارعة في التصدي للمارسات الوحشية إذا فالفبركة تضربقضيتنا تماماوتخدم خصومنا فنحن أصحاب غاية نبيلة وعادلة يجب نصل اليها بوسائل صادقةونزيهة تحترم العقول... ثانيا قلت في هذا (نحن بحاجة فعلا لكشف ملابسات الخبر -متي وكيف وأين ) فالقتل والموت -عادة- لايمكن حجبه والتعتيم عليه لفترة طويلة فهناك أهل للميت وجيران وأصدقاء وزملاء دراسة... نعم يمك-ن التعتيم مؤقتا ولكن لن يستمر ذلك طويلا - لذا أتوقع إتضاح الرؤية في الايام القليلة القادمة ! ..... المعارضة والقوي الوطنية والشبابية لاينقصها الشهداء حتي تخلق شهيدا من عدم !...... فمسيرة الدم التي بدأت -بسليم والتاية وبشير وعلي فضل وتمددت شرقا وغربا وشمالا -مسيرة حافلة بالاف الشهداء. ... سجل النظام الدموي والطريقة التي تعامل بها مع المسيرة السلمية من ضرب وإعتقالات وعنف مفرط يمكن أن تنتج قتلي ولا تجعلنا نستبعد سقوط شهيد واحد أو أكثر و يجب أن نضع في الاعتبار دس الاخبار وماكينة الإشاعات المنظمة التي تهدف لضرب مصداقية المعارضة وجعل قضية أي إغتيالات مستقبلية مثار تشكك / آوتهدف للتعتيم علي حدث حقيقي حتي تمتص أي أثار متوقعة له إذا علينا التوثق من ملابسات الحادثة والاستمرار وبلا تردد في فضح عمليات التعذيب والقمع والضرب والإعتقالات و أيا كانت حقيقة الخبر فإن النظام سيظل غارق في الدم والعنف وإعتقال الشرفاء ومصادرة الحريات وسلب حق التعبير ))))) إذا تأكد إن ماحدث كان شائعة أو سوء فهم فعليناالتحقيق في الامر ومعرفة مصدر الخبر وخصوصا أن من نقل الخبر للمنبر أخوة لهم مصداقية ولم يعرف عنهم الاثارةو الاختلاق بل هم مثال للنبل والمبدئية وعليه نرجوا أن يستوثقوا من مصادرهم وكشف منبع الخبر إن كان محددا ومعروفا .. ..الخلاصة :_إذا تأكد عدم صحة النباء فعلينا أن نعي أن سوء الفهم والاشاعة وعدم الدقة والتعامل بعفوية وحسن النوايا وارد في مثل هذه الظروف التي يتم فيها القمع والضرب والتصدي للعزل والتعتيم وعدم الشفافية ..ووارد أيضا إحتمال الدس والفبركة من قبل اجهزة السلطة وخصوصا وأن المعارضة هي المتضرر الأول من هذا الإسلوب .
........
..... |
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: كمال عباس)
|
والله يا كمال كلام عجيب
المعارضة عايزة يكون في مليون شهيد لانها بتحب الدم وبتفتكر الشعب دا ما يطلع الا يشم الدم
اذن المعارضة من مصلحتها يكون في شهيد
اختارت ليه اسم وكلمت الوكالات الاخبارية به
المعارضة عايزة شهيد باي ثمن..
كلام انه الكيزان عملو الشهيد دا كلام لا يدخل العقل
بس الناس الجابت الخبر الكاذب تعتذر
وتقول انه جابت خير كاذب
ذي كذبة جثمان الخاتم رغم كل الادلة الحاسمة التي تنفي ذلك
الى الان الناس مصرة الجثمان اختطف بواسطة محمد جمعة.
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: كمال عباس)
|
انهم اشرف من ان يتركوا تحت و طاة الجلاد الذى يعذب فيهم منذ ثلاث ايام ...
د.حسام مالك
فاروق اسامة
عمر
كمال
لويس
الى جانب الذين لاتظهر صورتهم فى هذا البوستر صهيب وحاتم وابوعبيدة.........
والمختفين من يوم 30 يانير
اطلقوا سراحهم بمواصلة الثورة...
ثوار حركة 30 يانير
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: mohmmed said ahmed)
|
يا محمد عثمان ابراهيم
عليك الله اخونا محمد سيد احمد ده اتوصى بيهو خيراً واهتم بي مداخلاتو ورد عليهو وما تهملو وعامله معاملة ابوسفيان الذى يحب الفخر...
الزول ده جنو وجن تستخدم معاه شعار الدكتور مصطفى محمود: التجاهل التجاهل التجاهل ..
هل لاحظت ان محمد سيداحمد ده (هو وعلى العجب المشهور بعلى ج...) بشتموا مصطفى البطل فى المنبر ده وفى غيره بمناسبة وبدون مناسبة؟ عارف السبب شنو؟ كان ما عارف اقول ليك انا ..
محمد سيداحمد وعلى عجب أيام البطل كان نشط فى سودان فور اول كان بيتجاهلهم وبيعاملهم معاملة سيئة جدا. وطبعا البطل صاحبك وانت عارفو زول طغيان وعنده معايير فى الرد على الناس. وفى سودان فور اول كان بيرد على القمم السامقة بس .. يعنى من حسن موسى وانت طالع. وذلك على الرغم من ان محمد سيداحمد وعلى العجب كانوا بكتبوا وبخاطبوه فى الرايحة والجاية ويعلقو على مقالاته ويفتحوا عنها بوستات ويوجهو ليهو اسئلة كتيرة، وفى البداية كانوا بشيدوا بيه ثم انتقلوا الى النقد والهجوم.. وصاحبك يا زول دى بى طينة ودى بى عجينة.. ..
المهم منذ ذلك الزمن تم تسجيل محمد سيداحمد وعلى العجب فى قائمة "مفقوعى المرارة" وهم اولئك النفر الكرام الذين فقع مصطفى البطل مراراتهم عبر السنوات بسلوكياته العنجهية .. ومنذ ذلك الزمن لا يترك هذا الثنائى النضالى فرصة لرد الجميل الا واهتبلوها.. وقبل اسبوع تقريبا كان لكل من محمد سيداحمد وعلى عجب بوستات منفصلة عن البطل ولكن بوستاتهم كالمعتاد غاصت ولاصت لعدم اهتمام الناس بها ..
عشان كدة بقول ليك يا محمد عثمان .. اهتم بالناس ديل وعاملهم معاملة كويسة ورد على مداخلاتهم باحسان عشان مرارتهم ما تنفقع منك انت كمان ويختوك فى رؤوسهم ويتّلحوك فى الرايحة والجاية ويمارسوا معاك شغل العطالة ونضال البطالة ..
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: حسن التوم)
|
Quote:
موقفي واضح : ضد المستهبلين في الفضاء الإلكتروني الذين يريدون قيادة الثورة من غرفهم في أمريكا وأوروبا.
|
الى حين ميسرة
------------
يا محمد عثماننا انقر " حسن عيسى عبد الرحيم " و حاجة أمنة " - بتعرفم؟ - " حسن عيسى الكوارتي " و حاجة آمنة علي محمود " ياخ !؟ ...
ديل ناس سودانيين ... مواطنين ساي ...
ناس حقيقيين ... موجودين على الارض الطيبة ديك
لكن موجوعين ... و مفجوعين ...
تعرف الفجعهم منو ؟
و فجعهم في منو ؟
ما اظنك عارف ! ... و لا ح تعرف ... و لا ح تحس باحساسهم
انت شارقنك ناس ماركيز و كونديرا و بهموك ابطالهم الوهميين ناس الماما قراندي و مرسيدس
حسن الكواراتي خال " طارق محمد ابراهيم "
و حاجة آمنة جارتم في الحلة الجديدة كوستي
شفت كيف ؟
" طارق زهري باشا " دا شاب جميل - دفعتنا - هينٌ تستخفه بسمة الطفل و الظلال
اغتالتو الانقاذ دي و بدم بارد ...
ما ذنبه ... انو شال احلامو الصغيرة و رحل للخرطوم عشان يرجع دكتور ؟
ما ذنب امو الرجع ليها " جثمان " يقطر ماء لانو الانقاذ تخشى الشهداء ... كل الطغاة برتعدوا من جثامين الشهداء ..
الجسمان اعترض في الطريق لكوستي - 320 كيلو متر - و وصل لكوستي من الخرطوم في اكتر من يوم .. لحد ما الثلج ذاب ...
اسال ؟ ... انا كضاب ساي ... اقرأ التاريخ
و اهم حاجة ... حس شوية !!
استحي من دماء الشهداء ما مننا انحنا الحيين ديل !!
اهاانقر قالوا شنو ؟
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: قيقراوي)
|
Quote: د.حسام مالك
فاروق اسامة
عمر
كمال
لويس
الى جانب الذين لاتظهر صورتهم فى هذا البوستر صهيب وحاتم وابوعبيدة.........
والمختفين من يوم 30 يانير
اطلقوا سراحهم بمواصلة الثورة...
ثوار حركة 30 يانير |
والله الثورة البلقطوها لقيط دي لم تكتمل شروطها ،، ياخي احترموا الفكر الماركسي شوية
بعدين الشباب الفرحانين ديل لن يشعلوا ثورة حتى على سيمائهم لايظهر الغضب والانفعال ولاملامح الثورة
حتى لايبدو انهم يدركون مصير ثورتهم واهدافها
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: د.نجاة محمود)
|
يا على عجب الشهير بعلى ج ..
حالتى النفسية مالها؟ شايف على شنو؟ انا مدعى صفة المحامى زيك فى حين لا استطيع ان اكتب جملتين باللغة العربية بطريقة صحيحة؟ شايفنى بدعى المحاماة ولم اعرف للمحاكم طريقا وليس عندى زبائن ولم اكسب قضية فى حياتى وكل علاقتى بالمحاماة هى المرابطة فى كرين العربات بغرض جلب الزبائن للتوثيق فى مكاتب المحامين الجد جد ثم استلام عطية مزين من المحامى الجد جد؟ زيك وزى الرعاة البتلبطوا فى الناس عشان الواحد يبيع ليه خروف .. وجايينا فى سودانيزاونلاين وسودانفورل عامل ابوعرام وطارح نفسك منقذ السودان. ينقذك البلا. معقول واحد فاشل زيك ينقذ ليه نعجة خليك من بلد؟
شايفنى يا على عجب يا دجال باكل عيشى من السمسرة فى حقوق الانسان واكثر خمسطاشر سنة ما عندى شغل غير صرف المكافآت الوهمية من منظمات الدجل التى تدعى الدفاع عن حقوق الناس وتأخذ مدفوعاتها من المنظمات الاجنبية؟
ليه حق مصطفى البطل يسفهك انت ومحمد سيداحمد ويحتقركم ويخليكم موتورين جارين بى وراه فى البوستات زى البهائم شان تردوا كبرياءكم وكرامتكم المهدرة .
قال الاكاذيب قال. اكاذيب شنو؟ انت قايل سودانفوراول دى ما عندها اراشيف ولا شنو؟ كلو موجود يا على ج..
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: Abdelmuhsin Said)
|
Quote: يا على عجب الشهير بعلى ج ..
حالتى النفسية مالها؟ شايف على شنو؟ انا مدعى صفة المحامى زيك فى حين لا استطيع ان اكتب جملتين باللغة العربية بطريقة صحيحة؟ شايفنى بدعى المحاماة ولم اعرف للمحاكم طريقا وليس عندى زبائن ولم اكسب قضية فى حياتى وكل علاقتى بالمحاماة هى المرابطة فى كرين العربات بغرض جلب الزبائن للتوثيق فى مكاتب المحامين الجد جد ثم استلام عطية مزين من المحامى الجد جد؟ زيك وزى الرعاة البتلبطوا فى الناس عشان الواحد يبيع ليه خروف .. وجايينا فى سودانيزاونلاين وسودانفورل عامل ابوعرام وطارح نفسك منقذ السودان. ينقذك البلا. معقول واحد فاشل زيك ينقذ ليه نعجة خليك من بلد؟
شايفنى يا على عجب يا دجال باكل عيشى من السمسرة فى حقوق الانسان واكثر خمسطاشر سنة ما عندى شغل غير صرف المكافآت الوهمية من منظمات الدجل التى تدعى الدفاع عن حقوق الناس وتأخذ مدفوعاتها من المنظمات الاجنبية؟
ليه حق مصطفى البطل يسفهك انت ومحمد سيداحمد ويحتقركم ويخليكم موتورين جارين بى وراه فى البوستات زى البهائم شان تردوا كبرياءكم وكرامتكم المهدرة .
قال الاكاذيب قال. اكاذيب شنو؟ انت قايل سودانفوراول دى ما عندها اراشيف ولا شنو؟ كلو موجود يا على ج.. |
لتعلم يا (هذا) فانا لا اجد اي مبرر للرد علي هذه اللغة خاصة واذا كانت تاتي من رجل جاوز ال60
كان عليك ان تتعلم ان محاولة الصاق الالغاب البذيئة التي برع فيها عرابك لايمكن ان تشكل لك
منطقا او حجة...لكن يبدو ان الطريقة التي تجتر بها الاكاذيب هي حالة نفسية متاخرة، اتمني لك
الشفاء ..واتمني ان تنصرف الي امور تتناسب مع عمرك.
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: على عجب)
|
يا على عجب - اللغة التى تصفها بالبذيئة هذه أنا ادخرها لامثالك من الدجالين وسماسرة حقوق الانسان من الكذابين وأدعياء النضال و الذين تعودوا ان يصولوا ويجولوا فى هذه المنابر ويمارسوا البلطجة والارهاب والكذب والتلفيق ..
الحارقك شنو بالضبط؟ حارقاك الحقائق التى تطرح الان بين الناس عن الوجه الحقيقى لامثالك من المدعين .. ام حارقك ظهور امثالى من الذين لا يخشون ان يفضحوا امثالك فلم يعد بامكانك ان تصول وتجول على راحتك وتكذب على كيفك كما كنت تفعل فى الماضى؟
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: على عجب)
|
Quote:
محمد سيداحمد وعلى عجب |
يا عبد المحسن سلامات وارجو أن تكون بخير
الحقيقة إن محمد سيدأحمد مختلف فهو:
أولاً: ما بليد بل الحقيقة عندو وجهة نظر ثابتة لا تقبل التحريك في شأن ما يعرف ب(معارضة المعارضة).
ثانياً: ما ممل فهو يقول كلماته باختصار ويمضي تاركاً لك الخيار.
ثالثاً: ما عاطل ومتبطل بل هو يعمل في وظيفة محترمة حسب علمي وفيه خير لأصدقائه كمان.
ولا رأيك شنو يا عبدالمحسن؟
مع مودتي
| |
|
|
|
|
|
|
|
|
 Re: الشهيد محمد عبدالرحمن الحقيقي (صورة) (Re: محمد عثمان ابراهيم)
|
Quote: اهاانقر قالوا شنو ؟
|
قالوا الآتي :
الولد ليهو زمن يخش ويمرق هنا... زووول ماخد خبرو مافي .. أها الولد العبقري والناقد الحفصيف ملوسي قام نقرو ليك
واكتشف عبقريتو .. ااها لقى ملاسى بيسووق خط ضبابي ممكن يزوغ منو.. أها .. الولد الالمعي ما عارف الشغلة كيف وماشة كيف
أها .. قام ساق عجلة سداري عكس الهواء .. أها .. هو ما عارف انه ثقافة سواقة العجلة عكس الهواء ما عاوزة سواقة سداري..
أها .. لو هو عارف كان عرف انه عكس الهواء مفروض يسوق العجلة بدال بدال وبنفس مرتاح .. أها .. قام سداري ونفسو قطع في اول ملف..
اها .. قام جاء ملوسي يديهو دفرة .. أها ملوسي زاات نفسو عاوز يديهو دفرة ولو جاء من باب انه دا ولدي الانا اكتشفتو وعلمتو سواقة العجلة..أها ملوسي ما عارف انه ولدك ولا من تبنيته في لحظة قحط يبقي ولد مسكين لا يعرف سواقة العجلة .. أها .. قلنا يركب ليهو حمار دبزاوي عِري ويفنجط بيهو لمن يتعلم سواقة العجلة.. أها .. اهم شئ عشان تسوق عجلة تحفظ توازنك..
أها..
أمسك .. ماتقع منك الكورة هههههه
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: HAIDER ALZAIN)
|
الاستاذ محمد عثمان
تحياتي
في واحد اسمو سناري بكتب ليك الف كلمة بدلا من الاكتفاء بخمس لسؤاله وضعفها للاجابة
الزول مثقف شديد وبكتب في كتاب
مازول عادي
فلو سمحت طول بالك ولما تصل عشرة الف كلمة ممكن يحدد موقفك
لكن موقفوا يحتاج الي عشرة اضعاف ذلك
والصبر علي المكاره ثوابو كثير
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: عمر صديق)
|
سلام يا محمد عثماننا
قلت ( وقد تكون صادقاً ) :
Quote:
هذا البوست لا علاقة له بالفكاهة وهو بوست جاد جداً. لمزيد من الضوء يمكنك النظر في كتابة ربيع مروة بعنوان (سكان الصور) المنشورة في العدد صفر من مجلة كلمن
|
لكن انقر شنو !؟
الحاجة الفايتة عليك انو ( البوست ) حالة كونوا رسالة، في طرف - مؤثر جداً - تاني، غير ( الكاتب ) تماما. و هو المتلقي ؟
عارف نحنا استقبلنا رسالة ( البوست ) الانت شايفو جادي جدن جدن حتى آدم همسلف دا كيف ؟
عشاني و عشان الدرس ... شوف معاي :
الجادي شنو في ( البوست ) دا !؟
انت عارف الزول الساكن صورة بروفايلك دا !!!؟؟؟
و ليه الصورة دي بالذات ؟
يا زول !!؟ 
اها انت بالنسبة لي انا المتلقي حجج دا يا اما جاهل يا كمان تبقى كضبت في حكاية انو بوستيك دا جاد جدن جدن؟
يا للهول !!!!؟؟؟؟
بجيك صاد ... ضاد
| |
|
|
|
|
|
|
|
|
|
Re: الشهيد محمد عبدالرحمن الحقيقي (صورة) (Re: قيقراوي)
|
Quote:
قيقراوي
يا خينا عايز تقول شنو؟
|
قولي خلو ما بسرك
انت مسئول من الخير زولك - " مايكل ريتشاردز " الغازي صورتو في بروفايلك* - دا قال شنو ؟ الناس زعلانة منو كدا ؟
ياخ خليني انادا عاوز اقول شنو؟ انا زول الله ساي، شوف وط Sharpton said عن ( الكومديان بتاعك ) : ( اصلك بتحب الاسماء الاجنبية !! )
تعال نحدثك بحديث الناس الساي ياخ وكت طلعت مواطن ( ساي ) في رقبتك دي ...
حسن الكوارتي - خال ( الشهيد ) طارق - قال ( علامة التنصيص لا تعني انو دي حرفية الكلام القالو**) :
[ لو الكتل طارق فرد ( عسكري ) فنحنا عافين ليهو. اما اذا كان الحكومة( نظام ) فنحن مفوضين الامر للشعب السوداني و هو قادر على الاقتصاص ] ( في توثيق استاذنا عمار ( اسكول )و كتير من مجايلينا و من جايلهم باحسان هنادا ح اجيبو ليك لو لقيتو ...)
الا هل بلغت
الا هل بلغت
الا هل بلغت
اللهم فاشهد
حاجة آمنة - رحمها الله - مرا طيبة جداً جدن ... و بسيطة ام ككل الامهات ...
فجعها موت طارق كما فجع الكل، يكفيك تعرف انو في يوم موارة الجسد الطاهر الثرى، المشيعيين كان بدايتم في المقابر و ذيول الموكب لسه في الحلة الجديدة ( صراحة ما عارفة المسافة كم بالضبط ) لكنها مسافة كافية لانو تهد رحم الفال !!
المهم يا زول - ما تقلب او نقلب على الناس المواجع - الزولة دي كان موجوعة لموت طارق ... متالمة حد الالم - و لاحظ دي ( جارتم ) ساي - اكدت انو فعلاً مقتل طارق كان مقتل أمة، مسخ طعم الموت - و نحن شعب يحتفي بالموت - غير معنى الحياة الى الابد ...
مرة جاها المنادي نذير الشؤم انو " فلان " مات ...
اتعاملت ببرود شديد و في اسى و حزن و غضب .. و رددت " مات طارق الدكتور اب سماعة !! "
كان تأخر بوستك دا يا حبيب ... مستعجل على شنو ؟
بالجد شكلو وحش خالص
او كان تتوجه بنداءك - في الوكت دا على الاقل - للناس البتحرق حشا الامات انو يا اخوانا :
انتهى الموت الاضافي ..
ابتدا الزمن المخصص للنماء
المفجوعين ما بستاهلوا منك كل الكيل دا
حشف و سوء كيل ...
ليه !؟
-----
مش برضك اصطُلح على تسمية صورة البروفايل في عموم اسافير الله دي اسم ( صورة رمزية ) ؟ ... صورتك الساكنا دي، رمزية لشنو بالضبط ؟
و لّ ساكن ساي بس !؟
** احسبا روايتي " رواية قيقا راوي " ... انت عارف تعقيدات النقلة من المشافهة الى التدوين
و دي مهمتكم انت المثقفين ديل ما مهمة الناس ( الساي ) الزينا ... لكن اهو لما تتقاعسوا عن اداء مهامكم، طلائع الناس ( الساي ) - زينا- بسدوا الفرقة تب ... المافي شنو !؟
| |
|
|
|
|
|
|
| |
محمد عثمان ابراهيم
Balla Musa
معتز القريش
Tragie Mustafa
Abdelmuhsin Said
قيقراوي
Shawgi Sulaiman
محمد فرح
محمد حيدر المشرف
خالد أحمد شطة
HAIDER ALZAIN
abubakr salih
mohmmed said ahmed
Amani Al Ajab
Sinnary
بدر الدين اسحاق احمد
Hussein Mallasi
كمال عباس
عمار عوض
Abdlaziz Eisa
فيس بوك
تويتر
انستقرام
يوتيوب
بنتيريست