|
طاعني دايما بي ورا قاصد محبتي تخسرا صبرك علي وانا بعملا فيك لمن تموت تتذكرا !!!!
|
طاعني دايما بي ورا ::. كلمات وألحان .. أمجد حمزة . أداء: طه سليمان وقريبا مهيار محمد نجيب .
طاعني دايما بي ورا قاصد محبتي تخسرا صبرك علي وانا بعملا فيك لمن تموت تتذكرا. فاكر خيانتك لي زمان الليلة بمرق دفترا الليلة بمرق ليك كلام هدم العلاقة و وترا قبلك قسا وظلم الغرام قلبك عديل كدة كترا أديتو حبي ودنيتي لكنو للأسف إفترا طاعني دايما بي ورا قاصد محبتي تخسرا
لازم أضوقك العذاب لازم أشوف دمعك جرا وأخلي بي دمعك عواطفك تبقة ما متحجرا تندم علي السويتو لي وتندم علي كل ما جرا بركان زعل جواي وقام نيرانو صدك فجرا
طاعني دايما بي ورا قاصد محبتي تخسرا
ح أخلي يومك كلو هم وايام هناك متعثرة ولو فيك قام شتل الفرح بقلع عروقو وأكسرا ولو ضحكت الأيام معاك ضحكة شماتة ودي فسرا والبسمع في قصة حياتك يقول دي قصة مؤثرة طاعني دايما بي ورا قاصد محبتي تخسرا صبرك علي والبعملا فيك لمن تموت تتذكرا
|
|
|
|
|
|
|
|
Re: طاعني دايما بي ورا قاصد محبتي تخسرا صبرك علي وانا بعملا فيك لمن تموت تتذكرا !!!! (Re: عاطف عبدون)
|
الأمنجي ابراهيم بقال
عضو شعبة أمن القبائل سابقا .
وصاحب المنصب الكبير لولاية شمال دارفور حاليا .
لا تعتقد أن حضورك للمنبر المتزامن مع حضوري سيجعلني أغض النظر عما اقترفته في حق اهل دارفور سابقا .
من خيانات وكشف اسرارهم لجهاز الأمن ومن بعد ذلك اعنقالهم وتعذيبهم
Quote: : طاعني دايما بي ورا قاصد محبتي تخسرا صبرك علي والبعملا فيك لمن تموت تتذكرا
|
ليس بي ورا أنا أطعنك يا بقال وانا دائما أمامك وامام اصدقائك من الشعبة ومن قراء وعضوية هذا المنبر .
اسلوب النساء والمطاعنات الذي تلجأ اليه الان للنيل مني لن يفيدك ولن يغطي على نيلك ذلك المنصب الكبير بالولاية
فأنت استحققته عن جدارة بعد ان وشيت بأصدقائك ورفاقك المناضلين الدارفوريين والمؤمنين بقضايا وطنهم الصغير .
وان عدت عدنا يا بقال .
| |
|
|
|
|
|
|
Re: طاعني دايما بي ورا قاصد محبتي تخسرا صبرك علي وانا بعملا فيك لمن تموت تتذكرا !!!! (Re: shaheen shaheen)
|
يا بقال سنة حلوة عليك ده تعليق جاد جداً .. عكس الاول فى مشكلة فى البيت الاول للقصيدة بتاعت أمجد طاعني دايما بي ورا قاصد محبتي تخسرا صبرك علي وانا بعملا فيك لمن تموت تتذكرا. افتكر لو اتكتب كده ما بيكسر الرتم طاعني دايما بي ورا قاصد محبتي تخسرا .. صبرك علي .. فيك بعملا .. لمن تموت تتذكرا. وبرضو البيت ده فيهو مشكلة فى الوزنة ولو ضحكت الأيام معاك ضحكة شماتة ودي فسرا والبسمع في قصة حياتك يقول دي قصة مؤثرة . كده لو اتكتب , افتكر بيكون احسن لو ضحكت الأيام معاك ضحكة شماتة مُجلجلة.. والسمعوا بـ قصة حياتك قالوا قصة مؤثرة .
* الملاحظة دى عشان انا عامل فيها اليومين ديل ناقد فنى .
| |
|
|
|
|
|
|
|