|
|
|
 Re: سنـة يا تـوتـا ... (Re: رانيا قاسم)
|
الأخ الجميل ود البشري
كل سنة وبنتنا الحلوة طيبة وعقبال مائة شمعة
ربنا يحفظهم ويخليهم ليكم وتفرحوا بيهم دائما
تمنياتي لك واسرتك الكريمة ان تكونوا دائما بخير وسعادة
أبو كريم
| |
 
|
|
|
|
|
|
|
|
Re: سنـة يا تـوتـا ... (Re: خالد عبد الله محمود)
|
ياخى انا والله صاحبى حتوت !
لن ابدله تبديلا ... يا بياعين
عرفة من متيييين دى ؟
غايتو حقو تبتدو تفتشوا فى العريس من هسه ..
لانو دى ح تكون رحلة كويلة وشاقة ..
ـــــــــــــ
بعدين الصور دى كلها الصوورها ليك منو ؟
بس المدهشة جدا كانت مشيت الملاهى دى !! اتوقع انك
تكون رسلتهم بالبوستة ..
| |
|
|
|
|
|
|
|
|
Re: سنـة يا تـوتـا ... (Re: داليا حافظ)
|
الله يخليك اولا ليهم .....يتربوا في عزك وحسك وضلك ,,,,
وعقبال يطفوا الشمعة الالف .....
ود البشرى يا انتا ....هي يييي وتاني هييييي
عيد ميلاد في السر وكتامي كدا ....ما تعزمونا ماكنا بنجي ونجيب عيالنا يفرحوا شوية معاكم
لك المحبة ....(يا جميل )...عملتا معانا مقاطعات الاطلنطي وكدا لا تجوا رحلنا واجتماعاتنا ولا تعزمونا اعياد الميلاد ....
محبتي
| |
|
|
|
|
|
|
|
|
|
Re: سنـة يا تـوتـا ... (Re: محمد البشرى الخضر)
|
ود البشرى
اللون ده ما عمل ليك زغللة وكرهك البطيخ ؟؟
الزول ده محجوز للزعيم وبنسجلو تحت السن
الوالي كاشو جاااااهز .. رايك شنو ؟؟
ربنا يخليهم يا ودالبشرى
وكل سنة وأنتم جميعا بخير
مودتي
| |
|
|
|
|
|
|
|
|
 Re: سنـة يا تـوتـا ... (Re: تماضر الخنساء حمزه)
|
لك التحية أخ محمد
وكل عام وتوتا والأسرة الكريمة بألف خير
لله ما أحلى الطفولة !!
ونهديها.....
أنـتِ روحُ الرَّبيـعِ، تخـتـالُ فـي الدنيـا فتهتـزُّ رائعـاتُ الــورودِ
وتهبُّ الحيـاة سكـرى مـن العِـطْـر، ويـدْوي الوجـودُ بالتَّغْـريـدِ
كلمـا أبْصَرَتْـكِ عينـايَ تمشـيـن بـخـطـوٍ مـوقَّــعٍ كالنـشـيـدِ
خَفَقَ القلبُ للحيـاة ، ورفّ الـزّهـرُ فـي حقـل عمـريَ المـجـرودِ
تقديري
وأطيب الأماني
| |
|
|
|
|
|
|
|
|
|
Re: سنـة يا تـوتـا ... (Re: محمد البشرى الخضر)
|
السيرة دي ماجاتكم يا ابوتوتا من واشنطن..
وام العريس وامو التانية"خالتوا" حسهم اتقرش
حسي حسي يا ام العروس حسي ووزعي البيبسي يا ام العروس
وانتوا لي اسه مااديتونا الموافقة..
اها اديتونا ...البيبسي ممكن نغض الطرف عنه .....
| |
|
|
|
|
|
|
|
|
|
Re: سنـة يا تـوتـا ... (Re: حنين للبلد)
|
كنا قافلين على حتوت لكن يبدو انو توتا دخلت
منافسة الحلا بقوة وحتسحب البساط منكم بام حتوت معاكم
كل سنة وتوتا حلوة وجميلة وربنا يحفظكم (جت عليكم)
ودالبشرى..
مااااا مشتاقين ولا حاجة ولا تقول لى حمدالله على السلامة ...
| |
|
|
|
|
|
|
|
|
|
Re: سنـة يا تـوتـا ... (Re: محمد البشرى الخضر)
|
الشكر الجزيل لكل من شاركنا فرحة إطفاء شمعة توتا الأولى
ولكل من دعا لها و لأخيها ووالديها جزاه الله كل خير و له و لإسرته مثل ما سأل الله لنا و أكثر
انا في زنقة شغل مبالغة حاليا
لكن سأعود إن شاء الله لتعليقاتكم الكريمة جميعا
بس بسرعة كدة لثابت
تخيل كلامك جهجهني شديد خصوصا وأن أم حتوت مريخابية غير كدا الود جنو سفن أب حتى شوف
الله يستـــر
| |
|
|
|
|
|
|
|
|
|
Re: سنـة يا تـوتـا ... (Re: محمد البشرى الخضر)
|
كل سنة وإنتي طيبة يا توتا
يا بت يا حلوة وصغنطوتا 
وعقبال الشمعة المية
وربنا يخلي ليك ماما وحتوت وبابا
بابا دا خليهو في الآخر
ويحفظكم كلكم لبعض يا رب ..
كلمتك يا ود البشرى إنو حتوت ده كوبي من سعد ولدي
وأظن دا سبب كافي يخلينا نطلب توتا العسل لسعد
أها قلتا شنو
ملحوظة:
العريس هلالابي
| |
|
|
|
|
|
|
|
|
|
Re: سنـة يا تـوتـا ... (Re: محمد البشرى الخضر)
|
ياسر طيفور
وانت بالف خير و ربنا يديم عليك السعادة والأيام الطيبة
خلّي ..
الله يبارك فيك و يخليك
معاوية...
شكرا جزيلا و ربنا يحفظ لك احبابك
خالد فهمي شكرا لطيب الدعاء
البلاير في المداخلة الأولى بس هيدن
طارق الأمين
و كل سنة و انت ومن تحب بخير و طيبين
سرور ...
حرامك ما بقع واطة إلا بس الكلمة عن ستها
ولدكم يشد حيلو و يحنك
من ناحيتي لا أحبذ زواج الأقارب - لكن ما بتدخل
مشكور يا بقال وكل سنة وانت طيب
(النيو لوك ما عجييييييييب لكن يا عمك )
الله يبارك فيك يا هضيبي و شكرا ليك
كمال يا زين ...
وكل سنة وانت بخير و منقط
شايفك منقط بي مزاج في الفيس بوك
دكتور ياسر الله يبارك فيك و كل سنة و انت و اسرتك بالف خير
كع يا متفرد
ربنا يحفظ ليك اولادك و يبارك لك فيهم
أمر ..
الله بارك فيك
و ربنا يتقبل دعواتك الطيبة
آمين
| |
|
|
|
|
|
|
|
|
|
Re: سنـة يا تـوتـا ... (Re: محمد البشرى الخضر)
|
الحبيب الغالي أبو الجعافر
تسلم يا ملك و كل سنة وانت و احباءك بالف خير
Quote: عقبال تطفئ الشمعة المائة
ربي يحفظهم ليكم ياااااااااارب |
و ربنا يحفظ ليك إيمان يا ندوية و عقبال شمعتها المية
Quote: يا حافظ يا حفيظ
و ربنا يديم عليك والاسرة نعمه |
آمين يا رغيم يا عمك
قردابي يا عمك
كل سنة وانت و اسرتك بالف خير
لكن ما جهجهت البروفايل وكدا
و انتِ بالف خير و عافية يا رانيا
آمين يا تمبس
و ربنا يحفظك وأسرتك و من تحب
أبو كريم ... ربنا يحفظ كريم و عقبال شمعته المائة
وانت طيب يا خالد
و ربنا يديم عليكم السعادة
أهاااااااااا جيتي يا دندونة
ما بتردي على خليل مالك
إتعقّد يحليلو لمن بقى يتحاوم بالمراكز كمان
عايني ام حتوت قالت ليك قصة البوسطة دي ما فهمتها
مسلمي يا عمك
الله يبارك فيك و يحفظ لك اأسرتك ومن تحب
و يفرج كربتك
المهم يا تبارك الله يبارك فيك و يديم عليك السعادة
وإنتِ أسعد يا نجوان وشكرا جزيلا
آمين يا دلال
و ربنا يحفظ أسرتك ومن تحبين
الله يبارك فيك يا النذير
شكرا على الدعاء الطيب
وكل سنة وانتِ و اسرتك الكريمة بالف خير يا هالة
عجيبة حركة الغنية البدس دي مش كدة
مشكور سامي على الدعاء
و ربنا يحفظك و أسرتك وأحباءك
وكل سنة وانتِ سعيدة وفي هناء يا داليا
و باسويردك سليم ما مهكور
نعمات يا إنتي ...
لا والله ماليك حق تلومي غيابي كان لأسباب خارجة عن إرادتي
و إن شاء الله تلقيني اول واحد في الفعاليات القادمة
كل سنة وانتِ طيبة ومن تحبين
هلا يا حمد وكل سنةو انت وأولادك بخير و عافية
و انت بالف خير يا ثابت
و السنة الجاية تسترونا شوبة مع العرب بدل الفضايح دي
حموودي يا عمك ..
حتوت يومها جدا زعل من انو ما عندو صورة على التورتة زي توتا
بقينا في التحانيس و المجابدة
كل سنة وانت و اسرتك بالف خير
كمال يا زين
أسمها بغران - بنقطة واحدة
بقران دي شينة خلّي بالك
الخنساء...
وربنا يحفظك و حلوينك كمان
أختنا سلمى
كم اسعدتنا عودتك والله
مشكورة على الإهداء اللطيف
وانت الأسعد يا الكباشي
| Quote: ممكن ننزل صورة العريس؟؟؟ |
يا ريت والله
بلد ..
وربنا يديم عليك السعادة و احباءك | Quote: ابوحتحوت..خطبنا رايك شنو؟؟؟؟ |
تاني في راي ؟ البت بتكم والولد ولدكم
و ربنا يحفظك ومن تحب يا الطاهر
| |
|
|
|
|
|
|
|
|
|
Re: سنـة يا تـوتـا ... (Re: محمد البشرى الخضر)
|
وحفظك الله لأولادك و أسرتك و حفظهم لك آمين يا عاطف
و انت بالف خير يا وهبة
سلامك وصل يا عمك
وأنتِ بالف خير يا رواية
أم حتوت بتسلم ليك وبتهدي ليك البوست
(مرات كدا خشمي خفيف انا خلّي بالك )
وانت بألف خير يا ود الفضل و اسرتك ومن تحب
بت الشيخ ...
كيف ما حمدلت ليك السلامة معقول بس أسي انا في داب اكفر ليك السباعية
كدي شوفي Re: مفاجاة العام الجديد: ياسر طيفور وامنة مختار....
راجعي التاريخ
وكل سنة وانت بخير
خدر يا عمك ..
كل سنة وانت و من تحب بالف خير
آمين يا باشمهندس أحمد
ربنا يتقبل دعاءك إن شاء الله
و ربنا يحفظك و اسرتك يا عصام من كل شر
تيسير ....
وانت بالف خير و ربنا يبارك في سعد و يقر عينك بيه
زي ما قلت لبت عمي فوق أنا مستنير في الحتة
عليكم بصاحبة الشأن Quote: ملحوظة:
العريس هلالابي |
بوزيتف بوينت
وانت بالف خير يا طلحة | Quote: تاني غايتو البلد ديك يرجعك ليها الليهو راجع |
كواريزما دو سوزا يرجع حلة كاملة خليك مني انا
| |
|
|
|
|
|
|
|
|
|
Re: سنـة يا تـوتـا ... (Re: محمد البشرى الخضر)
|
Quote: بس بسرعة كدة لثابت
تخيل كلامك جهجهني شديد خصوصا وأن أم حتوت مريخابية غير كدا الود جنو سفن أب حتى شوف |
ود البشرى
ياحبيبنا الفي حتحوت إتعرفت
نحن علينا بالقطفة ( أقصد اللقطة ) الأولى التي ظهر بها في المناسبة الرسمية
الطبع يغلب التطبع 
كون انو مشاركتي تجهجهك وتخليك تخسر خمسة درهم سفن أب
وترشي الولد بخمسين درهم عشان يتصور
معناها دي مشاركة فعالة
توتا في بت أم روحها التي شيرت مرصع بلون الصفوة
وشريط التسريح نجمة وقلبها أحمر
تلقاك إنت الدرعت فوقها جكيت الجنز
المودة لكم جميعاً
| |
|
|
|
|
|
|
|
|
|
Re: سنـة يا تـوتـا ... (Re: ثابت محمد)
|
ود البشرى ؟
البوست محضووور قال ليك !!
مرحب يا ام حتوت ما مشتاقين وكدا
ازيك .. ازيك يا ام توتا .(ما خوفتينا ياخ !)
Quote: عايني ام حتوت قالت ليك قصة البوسطة دي ما فهمتها
|
تفهم ولييه لا ..
كان ياما كان فى واحد اسمو ود البشرى ..
قاعد طوااااااالى فى النت ممكن تندهش جدا لو سمعت انو شرب لى موية !
والليلة لقينا شاهد من اهله .
اها لما تشوف اولادو فى الملاهى اكيد بكون رسلهم بالبوسته ........
ها ها ها هاااااااااااا
شوفتى نيتى سليمة كيف ؟؟ بس ما بيضاء  ( بتجى مع البياض ) ياقول الفاروق
ــــــــــــــ
اها المره دى اعفينى من الشرح ! لوووووووول
الدور على ود البشرى .. هو الزول دا اصلو ما بعمل اى ى ى ى ى ى حاجة ؟؟
لا حولاااااااااااااااااا ياخ اخير ابو حتوت والله ..
بركة المامعانا هنا .. دا شرح يقطع الخلف .
| |
|
|
|
|
|
|
|
|
 Re: سنـة يا تـوتـا ... (Re: محمد البشرى الخضر)
|
كل سنة و كل شهر و كل يوم و إنت طيبة يا توتا..و كلكم طيبين يا ود البشرى..
تعرف..المداخلة دي كان مفروض تكون فوووق مع اوائل المهنئين..لكن بمجرد ما فتحت البوست..جوني هبة و هديل( 7 و 5) جاريات.. و هاك يا رقيص و فرجة على الصور..و تعليقات..كاواييييي...كاوايييييي (sooooo cute....soooo cute)
و اسئلة..يا ماما..دي منو؟.. و هسة عمرها سنة مش..عشان في one candle..!!
بعد فرجتهم و جاوبتهم..قلت ليهم يللا..خلوني اقول لآية كل سنة و إنت طيبة..قالوا لي يا ماما استني شوية بلييييز..
و ما قدرت ما اتنازل قدام بليييزم فخليت ليهم الكمبيوتر.. و خليتهم يواصلوا الحفلة بتاعتهم مع توتا .. و من وقتها ربنا ما سهل لي الرجعة إلا هسة!!
المهم مش برضو ما متاخر ..عشان نقول ليك و لأم حتوت ربنا يخليهم ليكم و يخليكم ليهم يا رب
| |
|
|
|
|
|
|
|
|
|
Re: سنـة يا تـوتـا ... (Re: محمد البشرى الخضر)
|
ما شاء الله عليك يا توتا ويا حتوت
عيد ميلاد سعيد وعقبال تطفئ الشمعة المية
يا روح ماما وروح بابا
ربنا يحفظهم ويبارك ليكم فيهم
تخريمة :-
ود البشرى بإلله عليك تعضي لي آيه دي في جضوما شديد
| |
|
|
|
|
|
|
|
|
|
Re: سنـة يا تـوتـا ... (Re: محمد البشرى الخضر)
|
ثابت ياخي كدت تقتلني بالضحك Quote: كون انو مشاركتي تجهجهك وتخليك تخسر خمسة درهم سفن أب
وترشي الولد بخمسين درهم عشان يتصور |
ياخي دا خيال واسع بشكل غير عادي يفوق خيال لاعب الوحدات و هو يهدف من سقط لقط - وقيل أبعد - و يسجل القون الأول في اكرم
دندون (وجه ضاحك وآخر غامز) | Quote: البوست محضووور قال ليك !! |
امال الماسكني شنو قاليك
دكتورة سناء يا مرحب وانتِ و زهراتك طيبين و بخير و عافية
مافي لوم ولا حاجة انا البعتذر على تاخير الرد
سلامي و سلام توتا و حتوت و امهم لهبة و هديل و ليك يا دكتورة
هاشم يا عمك ..
وانت و اولادك بخير و طيبين
الإهداء ليك برضو من ام حتوت
و يخليك و يحفظك يا نعوم
تحياتي
| |
|
|
|
|
|
|
|
|
|
Re: سنـة يا تـوتـا ... (Re: naeem ali)
|
Quote: دندون (وجه ضاحك وآخر غامز)
Quote: البوست محضووور قال ليك !!
امال الماسكني شنو قاليك
|
دى حالتك ممسوك ؟؟ و لو فكوك تعمل شنو ؟
ـــــــــــــــــــ
صعب صعب يا على ...
| |
|
|
|
|
|
|
| |
محمد البشرى الخضر
Yassir Tayfour
khaleel
Maawya Hussein
khalid fahmi
سارة علي
ابراهيم بقال سراج
هضيبي علي سعيد
كمال علي الزين
عبدالله كع
GamarBoBa
Gaafar Ismail
osman righeem
ALGARADABI
رانيا قاسم
tmbis
الفاتح خليل الفكي
خالد عبد الله محمود
دينا خالد
العوض المسلمي
تبارك شيخ الدين جبريل
نجوان
Dalal Ezzaldin
داليا حافظ
نعمات حمود
حمد فتح الرحمن
ثابت محمد
محمد عبد الماجد الصايم
salma subhi
الطاهر عثمان
عاطف عمر
عبدالوهاب علي الحاج
Rawia
أسامة الفضل
خدر
احمد التجانى احمد
عصام علي أحمد
هاشم أحمد خلف الله
انعام عبد الحفيظ
ASHRAF TAHA
naeem ali
فيس بوك
تويتر
انستقرام
يوتيوب
بنتيريست