هل الأستاذ محمود رسول من الله ؟!

Quote: ياخي أنا بناقش في الناس و بحاورها - كلامي صاح/غلط - ده موضوع تاني لكن في حوار في البوست ده و حوار حقيقي كان من جانبي أو من جانب بعض المشاركين : سيد صبري وين حاور هنا ؟

!!؟ . . . حيرتنا رسمي !؟
برضو اتفق معاك انو سيد صبري ما قاعد يقرأ اظنو . . . جا كرر نفس التهمة ( الكذب لو ما روبت الموية ) . . .
تعرف وجه الشبه وين ؟
في انكم كل واحد عاوز التاني يقول ما يقول به هو نفسه . . و الحق هو و ما يقول و ما عداه باطل . . .
هل انتبهتوا انتو الجوز انو الخلاف بينكم في ( الفهم ) و ( التأويل ) لـ ( النص ) ، لانكم ببساطة ما اتفقتوا على تعريف للمصطلح .

خليني اضرب مثل بسيط من المقتبس الفوق دا من كلامك . . . واخد بال سعادتك !؟ و ركز لي في حتة ( كلامك ) و ( كلامي ) دي كويس ، برجع ليك ليها في الآخر . ذكرني كان نسيت . . . سمح ؟
مفردة ( حوار ) الكررتها انت فوق دي ، انا شايفا بفهم ( حوار ) بتاعة الكورة ديك بي ذاتا !
أغلب التامي هنا دا لا يمت لـ( الحوار ) - بما تقصده انت - بشق بصلة . . . لأنو ببساطة من زاوية شوفي - و لأرجو ان تكون محايدة ، لكنك على شك - لأنو حوار غير مضبوط و لا عادل حتى !! من هنا جا تثنيتي لاقتراح استاذ / قصي

نرجع لي كلامك

Quote: - كلامي صاح/غلط - ده موضوع تاني لكن في حوار

يا امين انت عارف معنى ( خطل ) يعني شنو ؟
طيب ياخ ما تكررا عليك الله ساي ياخ
عيب لي الطريقة [ صواب / خطأ ] . . . [ صاح / غلط ] . . . [ صاح / غلت ] ذاتو ان شاء الله . . . استعملا مالا ما حلوة و لّ المافي شنو ؟


-------

يا استاذ / صبري تسمح تفسر القصدتو من ايراد انو [ المؤمن لا يكذب ] !؟
يا زول انت جاك هوس ديني و لّ شنو ؟
تك إت ايزي يا عزيزي . . . دا مجرد حوار ياخ !