هل الأستاذ محمود رسول من الله ؟!

Quote: إذا فالرسالة الثانية ليست رسالة مغايرة تقتضي رسولا جديدا يأتي بنوبة جديدة وانما هي عبارة عن فهم جديد للإسلام وبهذا المعنى فإن صاحبها الذي فصلها رسول ولكنه ليس بالمعنى السائد لكلمة رسول ذلك الفهم الذي حاول الأخ أمين الصاقه بأمر الجمهوريين بغرض التشويش..

) :
أنت تقول (إذا فالرسالة الثانية ليست رسالة مغايرة تقتضي رسولا جديدا يأتي بنوبة جديدة وانما هي عبارة عن فهم جديد للإسلام وبهذا المعنى فإن صاحبها الذي فصلها رسول ولكنه ليس بالمعنى السائد لكلمة رسول ) و ده كلام عجيب :
أولا : الرسول - أي رسول من الله -لازم يكون عندو تفويض كامل منه تعالي : يعمل بما أمره الله و يقول بما كلفه الله بقوله ، بعد داك طريقة الأتصال بالله تعالي عشان ياخد بيها الأوامر الالهيه دي موضوع تاني ، يبقي ما في حاجه اسمها الأستاذ رسول لانو (عمل بما علم فاورثه الله علم ما لا يعلم ) كما تدعون : الكلام ده لينا نحن الرجرجه ديل : تتعلم الدين و تعمل بما تعلمته ، يورثك الله علم ما لا تعلم لكن عمرك ما ممكن تبقي رسول بعلمك و بفهمك - سوي للقران أو أي علم/فهم أخر - لازم تعيين و تفويض منه تعالي لشخص محدد إنو يا فلان إنت رسول مني لقول كذا و كذا و كذا ، أو فعل كذا و كذا !! إنو قلتو التفويض ده الأستاذ عندو : كيف هسي تقول (ولكنه ليس بالمعنى السائد لكلمة رسول ) :
ال bottom line يا عمر في النقطه دي : يا إما الأستاذ مكلف و مفوض منه تعالي و في الحاله دي فهو رسول (كامل الدسم ) زيو و زي الرسل من لدن أدم إلي خاتم المرسلين صلي الله عليه و سلم ، يا هو ما مكلف وما مفوض منه تعالي ؛ و هو عباره عن شخص إجتهد و طلع بفكر - صاح غلط ده موضوع تاني - لكن لا يمكن ابدا إطلاق كلمة (رسول ) عليه : و أنتم تفعلون : فبالله البشوش علي الناس منو يا عمر ؟ أنا ولا انتو ؟!!
تانيا : لو الأستاذ عندكم ما رسول ( بغير المعنى السائد لكلمة رسول ) ليه الاصرار بانو الرساله لم تختم بخاتم الأنبياء و المرسلين صلي الله عليه و سلم ؟ طالما هو نوع تاني من الرسل - نوع جديد من الرسل - الداعي شنو لمسالة إنو الرساله لم تختم به صلي الله عليه و سلم ؟ أم هو التشويش ؟!
ثالثا : تقول : الرساله الثانيه (عبارة عن فهم جديد للإسلام ) : طيب (فهم جديد) و صاحب (الفهم الجديد ) ده انتو بتزعمو إنو ( مفوض تفويضا كاملا منه تعالي ) و هو نفسو ( يزعم و يرجو أن يكون محقا إنو نبي ) ، و بعد ده كلو تقول ( فالرسالة الثانية ليست رسالة مغايرة تقتضي رسولا جديدا يأتي بنوبة جديدة ) ؟!! فمن الذي يشوش علي الناس يا عمر ؟؟!!
بجيك راجع إن شاء الله لبقية كلامك .