|
|
 Re: نوبيـــــو المنبر....نمرة كاملة عــــــــــد (Re: بريمة محمد)
|
الأعزاء جميعا ..
مسكاقلو ..
أولا نعتزر بشدة علي التأخير ...
الاسم .. خالد محمد حسن (المحسي)
من جزيرة بدين (تم تعريفها من قبل)
كنت اجيد اللغة النوبية في صغري و لكن الآن اتلعثم قليلا بفضل البعد و عدم التحدث باللغة لفترة طويلة .. كنت من ضمن من نظموا كورسات للغة النوبية في نادي المحس مع (أدهم) و آخرين أحبهم ..
و كنت ضمن من دعوا لتوحيد و لم شمل النوبيين في منتصف تسعينات القرن الماضي في الجامعات (تجمع الروابط النوبية و اتحاد الروابط النوبية من بعد)..
سعيد جدا بهذا البوست .. و سأدوام بمتابعته و الكتابه فيه ..
و سأكون سعيدا جداً اذا تم تجاهل كل من لا غرض له في افادة البوست ..
لكم جميعا ودي ..
| |
  
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: elmahasy)
|
Quote: وداعاً والعفو العافية .. وسعوا مواعينكم الفكرية..
|
العفو والعافية يا بريمة
انا غايتو ماعون فكري ما بتلقي عندي لكن ودالصايم كان خاتي ليه واحد فوق مع سبت البرادو مع الشيشة لما جا اجازة
كدي بشوفه ليك حيوسع ماعونه ده ولا عنده رأي.
قلت لي قوسن كيكي!
الترجم ليك ده يا بريمة ظلمك ووجهك لاتجاه تاني
لانو رزق وتا طائر والكيكي سمك في النيل
وقوسن كيكي معناها شوكة حوت وحاشاك انت ما شوكة حوت...انت كنسكول بس
ابقي طيب آملين ان نراكم قريبا علي متن الخطوط الجوية النوبية
وصافية لبن يا بريمة وما قاعدين نشيل احقاد لانو الدنيا ما بتستاهل
_______________
خالد المحسي
يأخي بركة الشوفة
كدة الزول اتذكر معاك الاجتماع التأسيسي لاتحاد الروابط لما جوا ناس الاهليه ناس نبيل اشتغلوا همبتة وقمنا هديناهم في علبهم
ايام والله يا محسي يا خالد
بالجد ليك وحشة يا كوماري
كان ما عرفتني انا كنت رئيسك لما كنت سكرتير عام
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: elmahasy)
|
اهلا خالد
ياخي انت عضو في سودايز وما شايفك؟؟
مرحب بيك ياخي والله مشرف بس شنو ماخد
الاسم الكبير ده وتقول لينا اللغة مش عارف شنو؟
الكلام ده عيب منك ياخي..
واصل معانا والمهم نخلي المداخلات الجانبية
ونحرص علي غرض البوست فما ينفع يبقي
اما الزبد فيذهب جفاء..
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: عبد الحكيم نصر)
|
| Quote: فى هذا البوست وجدت ناس طولت منهم زى خالد حاكم الذي درست معه فى دنقلا لثانوية وعمار محمد حامد(جزيرة سمت) الذي تعرفعت عليه اثناء دراستنا فى بولندا. |
سلام يا دكتور فخرى
وين الحى بيك يا عزيزى؟
دائما فى سيرتكم مع الاخ عبد الوارث نصر انت والاخوان عبدالكريم نصر وعنتر عبدالله وسعدوب وباقى الشلة الحلوين وذكريات دنقلا .
من كلام الاخ عبد الحكيم عرفتك فى ايرلندا .
ورينا اخبارك وخلينا نتواصل مع بعض وهاك الايميل [email protected]
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: Medhat Osman)
|
Quote: يا قمر بوبا صابر ده ود حلتي وبالنسبة لي عمي
مالكم معاهو؟؟ده اخو عمنا محمد عبدالهادي يا
عمار.. |
يا حكيم
يا ادهم
قريبكم صابر عبد الهادى ده اساء للنوبيين باسلوب وعبارة حقيرة جدا فى هذا الموقع بسبب جهله باللغة النوبية وحماقته فى الواقعة التى لم يذكر تفاصيلها بالكامل اخونا قمر بوبا .
هل انسان مستنير وبيحترم حقوق الشعوب بيسئ لشعب كامل هو جزء منه بسبب عدم فهمه لحديث فرد ما يعبر عن نفسه فقط ؟
قريبكم صابر عبدالهادى ما زال مطالب باعتذار واضح وعلنى للشعب النوبى , لانو الاعتذار الذى تم فى هذه الواقعة جاء من زملائه فى الحزب الليبرالى وعلى راسهم الاستاذ عادل عبد العاطى .
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: خالد حاكم)
|
خالد
مسكاقمي
لم اتطلع علي ما دار بين الاخوة وعمنا صابر
ولكن ما فهمته من نبيل ومدحت ان كلامه في الاخر
كان شبيه بالاعتذار وذكر انه من حبراب(رغم ان بلد
ابوهو تولا)وانه لم يقصد بحديثه اساءة اهله
فانا شايف انه مجئه في هذا البوست يكفي
وربما العم صابر لم يتشرف بزيارة تولا من قبل
رغم ان اخوه الاكبر مقيم هناك..
ولكن ثق انه نوبي ابا وام واملاكه في تولا يفوق
املاكي ..تعرف انه امين نحند سليمان املاكه اكتر مني
ومن صابر ذاته(امين بالله ما تعمل لينا فلقة وتقول لينا
ادوني حقي)فقط المسالة نقاش وؤبما يكون قد اخطأولكن هذا
لا يمنع وجوده هنا وان كان هناك سوء تفاهم فليحل في اطار
البيت النوبي.....
عمنا في انتظارك..
| |
|
|
|
|
|
|
|
|
 Re: نوبيـــــو المنبر....نمرة كاملة عــــــــــد (Re: ناصر المحسى)
|
ناصر يا عمكـ
عزام دا إلا بعد الأرشفة!
| Quote: قريبكم صابر عبدالهادى ما زال مطالب باعتذار واضح وعلنى للشعب النوبى , لانو الاعتذار الذى تم فى هذه الواقعة جاء من زملائه فى الحزب الليبرالى وعلى راسهم الاستاذ عادل عبد العاطى . |
كلام سليم يا خالد
لكن كمان عصرت على صابر شوية!
على ما أذكر صابر جا عمل بوست اعتذار أو تبرير في شكل اعتذار!
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: ناصر المحسى)
|
قمر بوبا يا أبو صلعة ..
والله أيام و ليك وحشة و دائما ما اتذكر تلك الأيام و أحكيها ..
تتذكر لما كنت بتشاكل الكماسرة بسبب و بدون سبب؟ انا ما سألت مشكلتك كانت شنو معاهم؟؟
بعدين تتذكر يوم ما ودونا قسم الكلاكلة اللفة بعد ما قلبت الراي العام جوة الحافلة ضدنا لما قلت (ده شعب يغني ليه وردي؟)!!!
بعدين تتذكر يوم ما كنا اليوم كلو معسكرين في المطبعة من غير اكل و لا شراب لاستلام الطبعة الأولي من صحيفة (نبتة)و بعدين لما كنا شايلين زي الف نسخة في ضهرنا لحد محطة البص و شكلكتك مع الزول أنصار سنة داك لما قال ليك ما تسب دين و قلت ليه يا زول تعال قيم علي الحد؟؟ وبعدين جيت لما وصلت الشجرة نزلت من البص و جيته بالشباك و و كوركت ليه (...انت ذاتك)؟؟؟ عارف .. كلما يحكوا لي قصة الشايقي الاستحمل الجعلي لحد ما نزل في محطة الدايات بعدين كورك ليه (بالله دي محطة ينزل فوقها راجل؟) .. كلما اسمع النكتة دي اتذكر حكايتك مع انصار السنة ؟؟
و تتذكر .. و تتذكر ..
عارف يا أبوصلعة .. انت دائما بالبال ..
يا حكيم .. لا أنسي ليلة ذهابنا الي (شارع 61) و الشيشة و الونسة .. ام كان اجتماع هو لا أدري ..
تركت في نفسي أثرا عميقا .. و حقيقة كنت و ما زلت تمثل لنا مثلا للنوبي الهميم الحريص علي أرضه و تاريخه بصمودك هناك في أرض الأجداد ..
لم اتمني في حياتي سماع هجرتك أيضاً مثلنا .. يا حكيمنا ..
لكم جميعا ودي .. و نواصل ..
| |
|
|
|
|
|
|
|
|
 Re: نوبيـــــو المنبر....نمرة كاملة عــــــــــد (Re: ناصر المحسى)
|
ناصر يا عمكـ
فتحي زماااان شتت من البلد دي
بقى يجي على الواقف .. تجديد وشتات بس!
| Quote: قال ليك ما تسب دين و قلت ليه يا زول تعال قيم علي الحد؟؟ وبعدين جيت لما وصلت الشجرة نزلت من البص و جيته بالشباك و و كوركت ليه (...انت ذاتك)؟؟؟ |
ولا يسعني هنا إلا أن أقول ليهو
kaaaaaaaaaaaaaaaaaaaaaaaaaak
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: عبد الحكيم نصر)
|
يا خالد يا محسي انت ذاكرتك منتهية
وبعدين مطلع الكمونية دي مالك انت
اصلا نحن كنا راجعين من ليلة انتخابات في الجناح الجنوبي وراكبين حافلة الكلاكلة شرق
اديناه خمسمية وقلنا ليه رجع 250 عشان نحن طلبة ولانها بتجيب حبتين برنجي
قال طلبة بعد الساعة خمسة مافي
وكان شريط المرسال دابو ظاهر والحافلة مستمتعة
لما دورنا شكلة الركاب قالوا لينا اسكتوا عايزين نسمع وردي...قلت ليهم ده شعب يغني ليه وردي هسة؟
قام الكمساري قال لي انت قايل نفسك ود الله ولا شنو
قلنا ده سب العقيدة وقمنا مشينا معاه لحدي اللفة
وخشينا القسم قلنا ليهم الكمساري سب العقيدة
قال تعالوا السبت الليلة مافي شنو كدة والدنيا خميس
قلت ليه زول سب العقيدة تخلوه لحدي السبت كيف؟
الصول الماسك القسم قال لينا اتفكفكوا من هنا ولا بقفلكم انتو ذاتكم ازعاج سلطات قمنا اتخارجنا
قمت انت قلت القانون لا يحمي المغفلين.
كدة كيف يا ود الصايم...خالد ده زول مغرض ونحن كنا بنحمي العقيدة من الكمساري ودايرين الباقي عشان برنجي...ما تكاكي ساي بالله
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: Zomrawi Alweli)
|
يا قمر بوبا و انت غير الكمونية عندك شنو؟
الواقعة بتاعة الكلاكلة شرق صاح ..
أها وين حكاية اليوم التاني؟
لما كنا راجعين بنبته و جينا موقف الخرطوم و ركبنا البص السياحي القلت انت ما سياحي لانو مافيه ستاير و اصريت تدفع حق اتنين طلبة و بعدين الكمساري طنشك و جيت تقول ليه يا... ادينا حقنا ..
و اتدخل عمك انصار السنة و جيت تقول لي و الله الليلة انا لو ما كنت تعبان شديد كان طلعت (ميتين) الكمساري ده .. أها أخليك تكمل الحكاية ..
بعدين انت كنت وين انا لما جيت السودان يا وغد؟؟
طبعا كنت قايل نفسي حاجي الاقي الناس و استعيد الزكريات ولكن.. معاك و الأحوص و آخرين ..
لولا وجود الخطيب و أدهم و عماد و نبيل جاهزون و باقي الشباب ما كنت حاكون لسة متذكر انو انا جيت السودان ..
العزيز خالد حاكم .. ياخي مبروكات و انشاء الله بيت مال و مال ..
اها راجع السودان تاني و لا قنعت؟
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: محسية)
|
بركة الجيتي
اسبوعين غياب وتجي ترمي كلام مبتور وتمشي
غايتو غفرنا ليكي ما تقدم من ذنوب بس لانك
شاركتي في بوست كجبار بفعالية..
شفتي نحن بنقدر المواقف كيف؟
تاني ما تتاخري ...كويس؟؟
ـــــــــــــــ
هلا بيكي ويكفينا اسمك الرنان
وطيبي مقاما ايتها المحسية
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: عبد الحكيم نصر)
|
يا حكيم..انت قصدك بتاع الباغات الفاضية بتاع دينا!
ود الصايم ده قمرهم كلهم علي قول اصالة نصري
بوستات البنقو بتاع صلاح غريبة اقترح انو داير حقه ناشف لما لقي الحسبة كبيرة
بوستات الرياضة بخش الاستاد لوج..مرة بالله الهلال فاز الزول ده جاب ليك حمامة ربطها احتل المنبر براه زي ساعتين بالليل
بوستات القعدات اساسي فيها
البوستات الجادة هو بحترماها لكن الموضوع لو نفس اول زول بحشر ابرته في الكورة هو عشان ينفس الموضوع كله
عنده حساسية مفرطة مع انصاف المفكرين وانصاف الشعراء والانصاص كلها
ود الصايم خليه
انت في ده ولا لقيت ليك واحد من ناسنامتحكر في نص بوست ايمان لندن وبوسة الحبشي
وكلو كوم ونوبة اون لاين كوم تاني اليومين ديل ...
انا لله
الانضباط ياعالم
| |
|
|
|
|
|
|
|
|
 Re: نوبيـــــو المنبر....نمرة كاملة عــــــــــد (Re: محمد النيل)
|
Quote: اننا سعداء
لانكمو تسلكون
الطريق الحقيقى
نحو القضية
طريق مصادمة البندقية
طريق مطاردة البندقية
طريق التقدم نحو القضية
إننا نرفع القبعات تحية
اننا ننحنى لكمو بالتحية
فكل المتاح لنا الان
ان نرفع القبعات
وان ننحى بالتحية |
بل نحن السعداء اخي محمد ان نسمع
هذه القصيدة المفعمة بالانتماء والتمجيد
لشهداء كجبار..
حقيقة لاول مرة اقرأ هذه القصيدة وتاثرت جدا
شكرا لك محمد ونحني هاماتنا للشاعر المنتمي ابدا للجذور
ونتمني له موفور الصحة والعافية ولك التقدير
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: عبد الحكيم نصر)
|
اهلنا مسكاقجلو
و الله الواحد بقي اول حاجه يتمم علي البوست دا قبل الايميل ... ربنا يديكم العافيه و يحفظكم جميعا
*** مسؤولين من الخير وين عزام حسن فرح؟؟؟ حرد و له جمد حسابه؟؟؟
*** ثانيا انا نزلت كم اغنيه نوبيه في الموقع لكنها حلفت يمين ما تشتغل... نعمل شنو؟؟؟ ايكم الروابط
1- < SRC=http://www.sudanvoice.net/v2/asmarallon.mp3 AUTOSTART=true LOOP=FALSE WIDTH=145 HEIGHT=55 ALIGN=CENTER>
2-
< SRC=http://www.sudanvoice.net/v2/WARDI.MPEG AUTOSTART=true LOOP=FALSE WIDTH=400 HEIGHT=500 ALIGN=CENTER>
*** عدلت في الكود عشان تقدرو تقراه لكن السورس كود هو نفسه ( يعني من غير EMBED )
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: عبد الحكيم نصر)
|
يانوبة
يا حلوين
بوستيكم دا مالو طويل وحلو وملولو كدا
اها نوبي ربع مكنه بقسم معاكم
شوفوا لي طريقة بالانتساب ،،، بالمراسلة ،،،، احتياط ،،، بالدس ،،، بالغش ،،، بالمودة إنشاء الله
كان مافي طريقة بنفدس وسطكم رجالة كدا بي حبوبتي المحسية
حلوين فيكم ناس خلو الأنتماء ليكم شرف وفخر
بتشفع ليكم بي محبتي للنوبة عموم وخصوص المحس جاورتهم عاشرتهم خاويتهم الناس قايلني منهم وانا زاتي قايلني منهم وانا منهم
ليكم تحية
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: محمد النيل)
|
Quote: يانوبة
يا حلوين
بوستيكم دا مالو طويل وحلو وملولو كدا
اها نوبي ربع مكنه بقسم معاكم
شوفوا لي طريقة بالانتساب ،،، بالمراسلة ،،،، احتياط ،،، بالدس ،،، بالغش ،،، بالمودة إنشاء الله
كان مافي طريقة بنفدس وسطكم رجالة كدا بي حبوبتي المحسية
حلوين فيكم ناس خلو الأنتماء ليكم شرف وفخر
بتشفع ليكم بي محبتي للنوبة عموم وخصوص المحس جاورتهم عاشرتهم خاويتهم الناس قايلني منهم وانا زاتي قايلني منهم وانا منهم
ليكم تحية |
لله درك يا أخى أبوجنزير
ومرحب بك فى بوست النوبة ..
سلام الله ساى ما عايزين تردوه !!! .. طيب قولوا مسكاقمى .. شالوم .. أي حاجة
دا مش بأكد كلامى القلتو ليكم سابقا ..
بريمة جاكم .. (رزق وتا) ولا (قوسن كيكى) .. بس المهم شدوا حيلكم.
بريمة
| |
|
|
|
|
|
|
|
|
 Re: نوبيـــــو المنبر....نمرة كاملة عــــــــــد (Re: بريمة محمد)
|
| Quote: – مشكيلة – أمنكنجة - فريق – جدي |
يا حكيم ناس امنكجة متين صوتوا وانفصلوا??
اصلا ما كان في تقرير مصير زاتو.
امنكنجة حي من احياء قرية فريق المحس وحتي ما حي في حدود فريق من جهة مشكيلة.
تعتبر امنكجة الحي الثاني في الترتيب بعد ككومة من جهة قرية مشكيلة.
ناس بحبوا يفرقوا الاحياء!!!!!!!
بالمناسبة ناس امنكجة ناس ظراف خالص.
لو كانوا خشوا هنا في المنبر مافي زول كان فارق بوستاتهم.
حسن كديس كان قال لي ود الصائم امشي العب بعيد
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: Medhat Osman)
|
يا مدحت حسن كديس طبعا صاحبنا من بدري
وعنده نسابة مع قرايبنا وهو شخص ساخر جدا
من نوادره في واحد ما متذكر اسمه من جهة جدي
ويبدو عنده صلة بالعرب ويمتلك جمال المهم انتمي للمؤتمر
الوطني وبقي مسئول قام ادوهو عربية ..
مرة ماشي في فريق والعربية اتعطلت فصاحبنا فاتح الكبوت
وواقف يهبش وهو ما عنده اي فكرة عن العربية والعطل
هنا في واحد سال حسن كديس:انت الزول داك بيسوي شنو لعربيته؟
فقام رد:وسق آق دولا تي(قاعد ينضف منها القراد)..
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: محمد النيل)
|
الاخ طارق جريس من العين ارسل يقول
Quote: شكرا على فكرة البوست الرائع عن النوبيين فى البورد
بخصوص اسماء القرى النوبية اغفلت البعض مما اعرفة مثل
أكمة(اكمة شرق وأكمة غرب)أى(اكمن تينو وأكمنأروو) وهى منطقة عمودية اكمة وكولب وعكاشة
وهنالك خريطة فى الصفخة التامنة
كما كان يجب |
شكرا اخي طارق
علي الرسالة
بخصوص قري اكمة فهي مذكورة وان حدث خطأ في الكتابة ساقوم
باصلاحه شكرا علي الملاحظة..(كتبت امكي)
اما بخصوص الكلام الاخير الترتيبات تتم بصورة
مرضية ستسعدك حتما..
شكرا طارق علي الخريطة سانشرها بعد لحظات
بعد اجراء بعد التعديلات عليها
يا ريت تمدنا ببعض الصور وانت علي ما اظن
من شياخة عكاشة ومنها زملائي عبدالرحيم محمد ابراهيم
ود:سيد محمود محمد علي
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: عبد الحكيم نصر)
|
Quote:
اكثر من 8الف مشاهد
850 مداخلة في اسبوعين فقط
هذا شئ مشرف ونريد همتكم معنا للعبور
بالبوست الي بر الامان حتي نطالب الادارة
بمنبر نوبي خالص وسنشرع لتكوين الرابطة في
الاسبوع القادم ..
الي الا |
هيا هيا للعمل ودعنا نتجمع هنا وننطلق
لإسعاد أهلنا النوبيين. رابطة يا حكيم تكون
نواةً لوحدتنا وبها نشارك في البناء والتعمير
ومنها ننطلق نحو ما ينفعنا...
والله سعيد بهذا التجمع الجميل من الشابات
والشباب الواعي والمتحضر والجميل...
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: عبدالأله زمراوي)
|
ابدالاله
ار هدويا منو؟
هدو دفافيو؟
مرحب بك مولانا ومعا من اجل تفعيل
وخلق رابطة نوبية عملية وكما قلت يجب
علينا نعمل نواة لوحدتنا فالخطوة الاولي تكوين
لجنة تمهيدية لوضع الاسس واللوائح من اجل تنفيذ الهدف
الاسمي
...علي الاعضاء البدء بالتسجيل ووضع المقترحات العملية
وسنكون في انتظار مشاركات الاعضاء من خارج المنبر علي الايميلات
المذكورة اعلاه لمدة اسبوع من تاريخه ومن ثم نشرع في التنفيذ
يلا يدكم معانا..
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: مزمل خيرى)
|
انا اسمى مكتوب؟؟ طيييييييب
الاسم : منار مصطفى حسن كاشف
شهرة الوالد : محسوب ( استاذ محسوب مدير مدارس البنات و درس معظم ناس المنطقة)
المنطقة : حلفا- عبرى _ تبج ( والدى من حلفا عبرى والدتى زينب عبد المجيد عبد الرحمن سوار من تبج)
مكان الميلاد : دلقو المحس
مقيمة فى سلطنة عمان - مسقط
شوفتو اللخبطة العجيبة دى .....
اجادة اللغة : تحدثا 60% فهما 250 %
طولت من زيارة البلد آخر مرة 84 ...لكن بعد تسهيل المواصلات حجه دامو
الساعد على ضعف لغتى تحدثا لانى متزوجة من جعلى
بحاول جادة ان اجر اولادى للدم النوبى...
و عافيلوقو
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: ناصر المحسى)
|
مزمل يا ابو نجوان ...تحياتى
تعليقى على الصورة ...بنطون دنقلا فى لقطة نادرة
ياخى ما حصل عديت بيه وكان فاضى كدة ويمكننى ان اكتب بعض ذكريات من الماضى عن هذا البنطون او البنطلون ان جاز التعبير حيث مكثت مع الوالد وعلى فترات متباعدة بالسليم قسم 2 والسليم طبعا هو شرق دنقلا. وما كان يقلقنى ويثير الرعب فى قلبى كمية الجمال اللى كانت بتعدى بالبنطون ولا انسى تلك الرفسة التى اطاحت بى ذات مرة والتى ما زلت اعانى من اثارها حتى اليوم ( الم اقل لك انها ذكريات مؤثرة)
التحية للجميع
| |
|
|
|
|
|
|
|
|
|
Re: نوبيـــــو المنبر....نمرة كاملة عــــــــــد (Re: حامد محمد حامد)
|
Quote: الاخوة الاعزاء الرجاء التكرم ومدنا باقتراحاتكم
من اجل تاسيس كيان عبر هذا البوست
كيان نوبي جامع من اجل تجميع ابناء النوبة
داخل وخارج المنطقة والعمل من اجل النوبة
لم اضع شكل محدد للكيانولكني في انتظار
مقنرحاتكم.. |
هيا بنا اذاً
ماذا ننتظر
لنبعث للنوبة مجدها
ارض ترهاقا المنتصر
ارض الحضارة, الفنون والكِسِر
وبيوتها البيضاء عُرِشت بالكُسِر
ارض الزروع الخضر
من غير مطر
زينتها القَلُّوق واحلى التمر
ونخيل تسطف بنيليها
منظر يسر
العين تبسطه ونور القمر
ضارب بضيَّه اوقات السمر
وجروف القاوونِ تلفحه بعِطِر
تريح النفوس
وتُسكِرُ من غير خمر
فلنتحد لنملأ الافاق حبا وخيْر
| |
|
|
|
|
|
|
| |
elmahasy
GamarBoBa
سيف اليزل برعي البدوي
عبد الحكيم نصر
حبيب نورة
عمار محمد حامد
Medhat Osman
ناصر المحسى
محمد عبد الماجد الصايم
رأفت حسن عباس
Zomrawi Alweli
محسية
قرشى محمد عبدون
welyab
محمد النيل
فيصل محمد خليل
الفاتح شلبي
OSMAN SAYED MOHAMED
ارصد محمد جلال
بريمة محمد
الفاتح يسن
كمال ادريس
مزمل خيرى
هشام كمال
فيس بوك
تويتر
انستقرام
يوتيوب
بنتيريست