الأسم : أحمد محمد الحسن أحمد درار المنطقة: دنقلا القرية : القولد المعرفة باللغة النوبية: ما ناقش فيها اي حاجة , كما انني لم ازر القولد ولا مرة حتى الآن
01-04-2010, 09:03 AM
ناصر المحسى
ناصر المحسى
تاريخ التسجيل: 12-30-2009
مجموع المشاركات: 7262
احمد درار مرحب بيك يا اخينا هسه انت يسووا ليك شنو؟ زول كبير لغتك صفر وما زرت المنطقة غايتو جهز البستلة والكراس والقلم والاستيكة وبعدين ما تنسي تجيب معاك الكرباج
ــــــــــــــــــــــــــ تسلم يا اخوي ما فاتك كتير كتيرين اتعلموا اللغة عن كبر
01-04-2010, 10:19 AM
محمد المسلمي
محمد المسلمي
تاريخ التسجيل: 08-08-2009
مجموع المشاركات: 11831
سلام يا حكيم وباقى الأهل محمد (مكى) محمد,بالمناسبه مكى ده لقب الوالد لكن سار عليه أكثر من أسمه الحقيقى وهو عبدالمعز. مسقط الرأس:الشلال (كنزى -شلالى),تقع الآن فى النوبه المصريه بعد تقسيم حدود 56. مكان الميلاد:أمدرمان -بيت المال. أجادة اللغة: المتوكيه-(كنزيه -دونقلاويه) جيد. الفدجاويه-(حلفاويه-محسيه-سكوتيه) 60-70%. فى مرحلة تعلم الكتابة. آخر زياره:2003 طبعا عندنا فروع فى حلفا وحلفا الجديده (عمى الاستاذ محمد سعدالدين شاطر) من هناك وصاى (والده جدى من صاى وتدعى زينب خليل وأقاربها آل داؤود تكرورى) كذلك فى دنقلا وعبرى وأقجه.ده طبعا خلاف الشلاليه فى بحرى وبرى.
01-04-2010, 09:21 AM
GamarBoBa
GamarBoBa
تاريخ التسجيل: 03-07-2002
مجموع المشاركات: 4985
محمد مكي ازيك يا عزيز يذكرك صديقي سردوب بكل خير وانت واجهة مضيئة لنا تسلم يا رائع وانت تتحدث كل لهجات اللغة النوبية هنا روابط المهمة وكتاب كبارة وسنواصل في رفد البوست وهناك بوست مجاور للاستاذ ولياب لشرح كيفية الكتابة اسمح لي ان احني قامتي الطويلة لشخصك الكريم
01-04-2010, 10:04 AM
اشرف عبدالودود
اشرف عبدالودود
تاريخ التسجيل: 10-09-2009
مجموع المشاركات: 555
Quote: الصايمنجي ديل كتار في جزيرة بدين واعتقد ان لهم شقين او ثلاتة والقب اتى في اعتقادي لالتزامهم بالدين .. احد هذه الفروع لهم خلوة في سلنارتى هي من اقدم الخلوات في تلك المنطقة .. و ظاهر جدهم الكبير كان صوام.. انا ما عارف محمد ده طلع لمنو!!!!
إذن انا كان معاي حق
لكن حسين العب سؤاله وجيه جداً
01-04-2010, 10:25 AM
اشرف عبدالودود
اشرف عبدالودود
تاريخ التسجيل: 10-09-2009
مجموع المشاركات: 555
حكيم احييك للمرة التانية على البوست الموفق دا وبالجد لامى شتات النوبيين المنتشرين فى اصقاع واركان الدنيا الاربعة ودى فرصة طيبة إنو نتعارف اكتر وبشكل كبير الاسم : اشرف عبدالودود محمدنور المنطقة : المحس نورى _ مشكيلة اللغة : مية المية وزيادة كمان معلومات اضافية : ــــــــــــــــ قرية نورى هى منطقة عريقة واثرية وهى منطقة ملوك وبها جبلين على ضفة النيل الشرقى احد الجبلين دونت فيه اتفاقية البقط الشهيرة اما الجبل القبلى فكان مكتظاً بالسكان ويوجد نفق ارضى يمر داخل النيل الى الجهة الغربية مناطق دفوى الى كوكا وكان موجوداً الى وقت قريب جداً الاسم النوبى الاصلى للمنطقة : نور ويعنى الرب أو السيد اما مشكليلة فهى غنية عن التعريف كما ذكر قريبى مزمل خيرى
01-04-2010, 10:47 AM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
ياخوانا دايرين نفتح المدرسة بس بقي فيها ناس مزعجين خلاص يعني نحن ناقصين يجينا ود الصايم اللهم طولك يا روح المهم لحد ما نكمل الترحيب هاكم الرابط ده اتعلموا الحروف http://www.napata.org/Napata/language.html
01-04-2010, 11:31 AM
ناصر المحسى
ناصر المحسى
تاريخ التسجيل: 12-30-2009
مجموع المشاركات: 7262
مسكاقجلو يا الله انا شفت البوست دا حسع بالله دا كلام انا زعلان منكم كلكم وبالذات عبدالحكيم عليكم الله لمن تفقدوني في بوست عسل ذي دا مش تسألوا مني أها اسمي مبارك شريف .. ولكن اي واحد بيناديني حمزاوي حتى حبوبتي كمان وما حاوريكم اسم حمزاوي دا شنو .. ولكن ممكن تعرفوا من اخوي قمر بوبا( ابوهريرة ) أجيد اللغة النوبية ( الخطين 110 و 220 ) طبعاً ولدت في البلد وطلعت اتكلم المحسية ومن حبي الشديد للنوبة تعلمت اللغة الدنقلاوية يعني بتحدث المحسية والدنقلاوية مليون في المية وتعلمت بعض اللغات في الدراسة ومن ضمنها العربية القرية : كرمة البلد ومنزلي يفتح على الدفوفة عدل تقيف في الدفوفة وتعاين للغرب تشوف باب بيتي
طيب يا محمد الصائم ان ما اوريك
01-04-2010, 11:45 AM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
يا حمزاوي والله قصرنا معاك اعذرنا ياخي الضيوف كتار وكمان انا مكلف ناس زمراوي وبركات يرحب بناس كرمة ويودوهم المجلس بتاعهم وفي شافع عاق اسمه احمد بشير لحد هسه هارب ما جا هو قباض الضيوف. اها زول زيك المفروض يجي من بدري ويحضر ضبح التور يعني تجي بايت في البوست اها دي صور الدفوفة ورينا بيتك بوين؟
01-04-2010, 11:23 AM
سرى بخارى
سرى بخارى
تاريخ التسجيل: 08-10-2009
مجموع المشاركات: 108
حرم الموضوع وسع اوي زي ما بيقول عادل امام دايرين واحد يرحب معاي بالضيوف انا براي ما قادر وين الفاتح شلبي؟ المهم لحد ما نلقي فرقة للتلاميذ الرجاء تحميل كتاب كبارة من الرابط ادناه
اها يا ود الصايم كنا بنقول العربي المفتري الضحاك ده من وين طلعت نوبي من بدين قادر الله يا زول انت متاكد؟ والة اخدت ليك طرف كلام وجيتنا ناطي؟ غايتو بنودي طلبك للفحص
ـــــــــــــ بالمناسبة لما تجي المدرسة تغير صورة بروفايلك وتجينا زول علم اللخبطة ما بتنفع عمك ولياب استاذ صارم خلاص وكمان حمزاوي ده استاذ قديم حيرفعوك اربعة كبار
الليلة الجلد شرطك
01-04-2010, 12:03 PM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
عبحكيم يا عمكـ معقولة بس نقدر تاني على قراية الكُبر دي! يادوب خلصنا من الموضوع دا تاني نرجع؟
تعرف .. زمان (مش أوي يعني) لمن كنت بمشي مع أبوي الله يرحمه الجمعية في الرياض الجماعة كانوا شغالين ليك فيني (أرابي بنجي)! أها .. قمت قررت أتعلم اللغة النوبية وقعدت معاهم في الجمعية مافي موضوع .. كشاتين ورطانة! أها غايتو والحمد لله وصلنا لمرحلة الفهم 80 في المية والكلام بين 30 و50 في المية (أغلبو كلام كشاتين) يعني زي إنجليزي الجركانات وكــدا!!
لكن برضو ما بطال ونأمل للوصول لمرحلة المية في المية في الجهتين!
01-04-2010, 12:27 PM
فيصل محمد خليل
فيصل محمد خليل
تاريخ التسجيل: 12-15-2005
مجموع المشاركات: 26041
فى واحد مشى مع امه للجيران اللى كانوا بيتغدوا ... الولد بقى يعاين فى السفرة فقالوا ليه تعال اتغدا ... امه نطت وقالت لا هو متغدي واساساً ما بيحب الشطة ... فرد عليها الولد فاجني يو (انت بتجيبو الضحكات منين؟)
01-04-2010, 12:45 PM
عبدالأله زمراوي
عبدالأله زمراوي
تاريخ التسجيل: 05-22-2003
مجموع المشاركات: 744
في اليومِ العاشرِ من نيسانْ غمرتني الذِّكري. قذفتْني أشواقُ التأريخ على شطِّ خيالي!
كنتُ على الشُّرفةِ وحدي أتأمَّلُ شهقةَ ليلِ الطَّبلِ على قيثاري. قيثاري، أحزاني. أحزاني كانتْ كبغاثِ الطيرِ على أشجاني والقلبُ يفِرُّ من القلبِ إلى القلبِ الى اوتارِ جناني!
قَوْمي قذفوني بالأزهارِ وسامُوني بالعنبرْ! حُرَّاس الرَّبِّ على الرّدهاتِ. وعلى الرَّبوة أنغامي تتبخترْ !
الاسم الخير محمد خير محمد القرية شبعانة )ريفي القولد اللغة تعبانة جدا لكن ما في زول بيقدر يدقسني يعني بفهم
قريه شبعانة تقع الى الشمال من القولد في الضفة الغربية من النيل الخالد ويحدها شمالا قريه دمبو . في القولد واحدة من اقدم المدارس الثانويه بالسودان وهي المدرسة الاميرية . ودي الوحيدة التي شيدت بواسطه حكومة اما معظم المرافق الاخري فقد تم تشيدها بواسطة الاهالي .
01-04-2010, 01:43 PM
عزام حسن فرح
عزام حسن فرح
تاريخ التسجيل: 03-19-2008
مجموع المشاركات: 8891
Quote: ي الفاتح يدخل ساكت زول ما عندو لغة اقل شئ يجى بصورة
الف يا الخير
ناصر اننقا
سر الختم دهـ انا اعتمدته ... اسم "سري" غير مستخدم سوى فى منطقتنا البقية بيقولوا سر الختم
وأزيدك من الشعر بيت, واحد من اولادنا اسمه سري اغترب فى السعودية فى السبعينات ... تتخيل انه سفروهـ بمغادرة بحجة ان اسمه سري وحسب الراوي انهم اعتقدوا انه كادر سري لجهة.
بوست داخل بوست نوبيي المنبر بالخرطوم نمرة كاملة عد وللذين لم يفكوا اميتهم النوبية (تحدثا وكتابة) اتبرع بكورس كامل فقط بالمساء في اي مكان واهو منها نعمل رابطة لبورداب النوبة بالخرطوم
01-04-2010, 03:58 PM
اشرف عبدالودود
اشرف عبدالودود
تاريخ التسجيل: 10-09-2009
مجموع المشاركات: 555
الاخ ادهم تحيه طيبه ياخى لوعملتا لينا الكورس ده هنا اونلاين نكون شاكرين .انا غايتو عندي اجازه شهر في فبراير ده غالبا حاارجع اقضيها في الخرطوم لو ربنا سهل.لك الشكر الجزيل
01-04-2010, 09:33 PM
ناصر المحسى
ناصر المحسى
تاريخ التسجيل: 12-30-2009
مجموع المشاركات: 7262
Quote: من الأشياء التي أوقفتني، وجود بعض أعضاء المنبر من الذين كنت اعتبرهم "من غير النوبيين"، فبالأمس نجلاءواليوم "بهاء عيسى" وكمان محسي، والله أعرفه منذ وقت طويل ومفتكرو "آرابتود"...فهنيئا لنا بهذه الكوكبة العظيمة....
مولانا ...اضحكتنى اضحك الله سنك ( القجمنى )
كل سنة وانت طيب ايها الشاعر الجميل
01-04-2010, 10:24 PM
حامد محمد حامد
حامد محمد حامد
تاريخ التسجيل: 11-19-2008
مجموع المشاركات: 3085
يا فيصل هليل عشان بس تعرف حقارتكم جينا من الصفحة الاولى وسجلنا وقلنا الوليدات (ريم ومحمد) نصهم حقكم لكن شايفكم فطيتوهم في اللستة عشان كدة الاولاد ديل لو دخلوا الغابة انا معاهم
Quote: ياخ من محاسن الصدف بخارى محسى من بدين بس ما فرعنا
محسى نص نص اتوسخ بالشوايقه وش لابد من الخوف
وكلام نجلاء دة بيخليني انا ذاتي افتح فيكم جبخانة
01-04-2010, 10:52 PM
omar arbab
omar arbab
تاريخ التسجيل: 09-11-2008
مجموع المشاركات: 1848
اها يا ارباب شايل اسم فخم قدر ده وتقول لي اللغة 40% ما بتخجل بشنبك العجيب ده يا زول شيل الثالوث البستلةوالكراسة وقلم الرصاص وعلي المدرسة عدل فاهم؟ ـــــــــــــ مرحب بيك اخي عمر وتشرفنا بك نوبيا
01-04-2010, 11:15 PM
نجلاء سيد أحمد
نجلاء سيد أحمد
تاريخ التسجيل: 02-10-2009
مجموع المشاركات: 9869
يا حكيم الاستاذة تماضر الخنساء (تماضر حمزة) محسية من دلقو يجب ان تكون هنا وسوف اخطرها بذلك ان شاء الله وبالمناسبة هي من احسن الذين يكتبون في هذا الموقع شعرا ونثرا وتغني .... ..
Quote: سلامات حكيم والأحباب هنا وتشكرات بهاء على اللفتة
المنطقة: المحس القرية: دلقو المحس اجادة اللغة النوبية: أحسن
يا سلام هلا بناس المركز من وين في دلقو ؟ سعدنكورتا؟اقتري ؟مشيرفة؟ دلقو ذاتها؟ احبابي واصدقائي في دلقو كثر عضو المنبر احمد شفا اباذر...وردي واخرين كثر ورينا حلتك وبنعرفك تسلمي وخليكي قريب
01-04-2010, 11:39 PM
Medhat Osman
Medhat Osman
تاريخ التسجيل: 09-01-2007
مجموع المشاركات: 11208
ياخوانا البوست ده لخبط لي الدنيا فوق راسي شئ شعر وشئ غني ومجانين وارابري غايتو الله يكون في العون المهم لحد الحصر اليومي والردود الفردية جاءتني ايميلات كتيرة من خارج المنبر يصرون علي اقامة كورسات اللغة الرجاء من الاخ ادهم انزال ايميله هنا للمراسلة وكذلك الاخوة في دول الاغتراب عليهم تجهيز حالهم لتدريس اللغة النوبية مثلا في السعودية الاستاذ ولياب يتولي الامر..وهكذا
01-05-2010, 00:55 AM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
طارق جبريل اولا تهديد النوبيات حتي لو مبطن بيقلل من فرص انضمامك لينا ثانيا يجب ان ترفع السيدة حرمكم المصون تقريرا مفصلا عن حالتكم يعني التزامكم بالتادب في حضرتها وطاعتكم للاوامر بدون نقنقة تسليمكم الراتب بداية كل شهر..وهكذا الخطاب ايضا موجه لاولاد المسلمي لتقديم فروض الولاء والطاعة بعد ذلك سينظر المجلس النوبي في امر انضمامكم في فترة لا تقل عن 5 اعوام متي ما كانت تقارير زوجاتكم مطابقة لما هو مطلوب
وفقكم الله لطاعة زوجاتكم وسدد خطاهن في تاديبكم ع/المجلس النوبي
01-05-2010, 01:21 AM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
Quote: و بلعتنا المداين ... جدنا الشيخ ارباب العقايد
هلا بود الشيوخ حفيد ادريس ود الارباب المحسي المو كضاب غالبية المقابر في الشمالية من اخوان الشيخ ادريس ويقال انهم كانو 70 اخا دعا لهم والدهم لكي ينتشروا في الارض داعيا الرب الا يتعارف احفاده وان تلاقوا في مركب واحدة فتوزعوا في انحاء الوطن.. مافي زول يجئ يقول لينا ايمانكم ضعيف وديانتكم نص نص بس نحن الدين بتاعنا هو صحيح الاسلام ولة رائك شنو؟
01-05-2010, 01:32 AM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
Quote: الاسم الخير محمد خير محمد القرية شبعانة )ريفي القولد اللغة تعبانة جدا لكن ما في زول بيقدر يدقسني يعني بفهم
يا زول هوووووووي الكلام ده ما بيحلك حتمشي المدرسة يعني حتمشي سامع؟ دي حاجة اجبارية شوف ناس ود الصايم حايمين بكراريسهم ــــــــــــ تسلم اخي ويسلم كل اهالي القولد ومرحب بيك
01-05-2010, 01:06 AM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
اها يا محمد النيل مشو عندك سلمي سلامة دي قريبتك وطبعا مشو اقرب مستشفي لمنطقتنا ولدي اهل في الحفير
Quote: كدا الحكاية بقت زى اكشاك الليمون دمتم
ضحكتني والله يا ابوحميد حتي بانت نواجزي تسلم يا اصيل وبالله انقل لينا فكرة اللغة وتدريسها لمريكا خاصة انه صديقي محمد عثمان يوسف لديه خبرة لغوية وايضا بطرفه كتاب الباحث النوبي محمد جلال هاشم..
01-05-2010, 01:12 AM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
Quote: الاسم : أفراح عبدالرحيم عمر المنطقه : بدين - تشي
مرحب بيكي يا افراح معانا واحدة من بدين تشي برضها الاخت نجلاء يا ريت تتعارفوا اكتر لكي تعم الفائدة
اعجبني تمسكك بلغتك النوبية بخصوص كتاب كبارة اوردت الرابط اليوم هنا في البوست الرجاء تحميل الكتاب فكرة اقامة دروس عبر المنبر سينفذ خلال قادم الايام ومنذ الغد سارفد البوست بكيفية الكتابة بالنوبية عبر الانترنت وهناك بوست للاستاذ ولياب هنا بخصوص كيفية الكتابة... تسلمي يا نوبية
01-05-2010, 02:02 AM
محمد النيل
محمد النيل
تاريخ التسجيل: 10-08-2009
مجموع المشاركات: 5899
اخ عبد الحكيم بكون سعيد جدا لما القى معنى اسم شخص يكون مطابق لسلوكه, وهذا البوست سلوك حكيم منك وقدرت تلم الارحام مع بعض واجرك عظيم نحنا هنا فعلا وكما ذكرتُ ببوست الاخ ولياب لدينا مدرسة نوبية مع مادة لتعليم اللغة النوبية بمجهود اخونا النوبى النشط سيد ابراهيم على
والتجهيزات على قدم وساق بجانب نشاط هواية زراعية تابع للجمعية النوبية انتجنا فيه ملوخية وجرير نوعية (بلدنا) ونعناعنا وأُرَّيق. كلها غير متوفرة هنا ورمضان الفات استمتعنا بالاكل النوبى بمزاج. وعقبال لما نعمل التركينج.....ههههههها اخى سوف نحتاج لمساعدتكم فى مجال التعليم النوبى لدينا كتب نوبية وسوفت وير تحصلنا عليه من الام آى تى لتعليم النوبية اون لاين سوف ننزله فى ويبسايت الجمعية قريبا بالمناسبة الامريكان مبهورين بالحضارة النوبية خالص ومهتمين بيه اكتر مننا. تحياتى
01-05-2010, 02:44 AM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
تسلم يا ابو حميد عي همتك العالية انزلت رابط لتحميل الكتاب المرجع بتاع كبارة ولو في خدمة ممكن نقدمها الرجاء طرح الامر وجاهزين لفعل ما في وسعنا من خلفكم ونشد من ازركم شكرا يا هميم
01-05-2010, 03:01 AM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
Quote: هلا بود الشيوخ حفيد ادريس ود الارباب المحسي المو كضاب غالبية المقابر في الشمالية من اخوان الشيخ ادريس ويقال انهم كانو 70 اخا دعا لهم والدهم لكي ينتشروا في الارض داعيا الرب الا يتعارف احفاده وان تلاقوا في مركب واحدة فتوزعوا في انحاء الوطن.. مافي زول يجئ يقول لينا ايمانكم ضعيف وديانتكم نص نص بس نحن الدين بتاعنا هو صحيح الاسلام ولة رائك شنو؟
راي اذن .. نحن مَن ابتلعــــــــــــعنا المدائن يا هكيم
تشكروا يا حَنينين
محمد الفاتح خالد
01-05-2010, 05:40 AM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: طبعا او كالعادة، ولو من باب الضحك علي الدقون او تمشية الحال، مافي زول قال بغم، علي مثل هذه الصفاقة والحماقة، اللتي ستنتهي بكم الي الفناء، في صراع البقاء الجاري في وادي النيل منذ اكثر من 5,000 سنة، والذي بدا في الدلتا وانتهي باحتلال السودان نفسو في 1821م
! تعرف يا بشبش اخوي انا اقدم منك في المنتدى دا ومما شرفتنا حضرتك من سنة 2003م اهو شغال تنزل لينا في كلامك الفارغ دا شغال شتيمة في المحسي والنوبي والفوراوي والزغاوي والجعلي والشايقي ... انت ما بتزهج ... انت داير تصل لي شنو بالضبط .. كدي جيب من الاخر .. وعليك الله خليني من الاستعلائي والابارثيدي والجهوي والنازي والقرميطي وكلماتك الدراب دراب دا .. أديني كلام بسيط يفهمو زول جاي من جزيرة الرحمن ومن مقاودة وكنكلاب وبغداد .. والله العظيم اقيف معاك بس قول لي كلام مفهوم يخش العقل .
01-05-2010, 09:00 AM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
Quote: هذا نموذج، لي طريقة تفكير من يسمون انفسهم بالنوبيين، وماهم كقاعدة الا قبليين ومشروع استعلاء، جهوي، بل نازي وابارثيدي، جديد، اقبح من نموذج الاستعلاء الحالي!
طبعا او كالعادة، ولو من باب الضحك علي الدقون او تمشية الحال، مافي زول قال بغم، علي مثل هذه الصفاقة والحماقة، اللتي ستنتهي بكم الي الفناء، في صراع البقاء الجاري في وادي النيل منذ اكثر من 5,000 سنة، والذي بدا في الدلتا وانتهي باحتلال السودان نفسو في 1821م!
الزول ده ما بِقْدر " يفرح " وما بِهون عليهو الناس " تفرح " ، أنا بعد تفكير في حاله " الحيوان " ده ، لِقيتو زول ما بِسْتاهل والله ما بِسْتاهل الواحِد مِنا يِرُد عليهو بِحرف واحِد ... زول واطي ما بِشْبهنا ... ما عِندو كبير ... ما عِندو حُدود مِمْكِن يِقيف فيها ... حايِم ليهو بِفِكرة وااااااحدة بس مِن إشْترك في سودانيز أون لايِن < العرب ما هُم عرب > و< النوبِيين ما هُم نوبِيين > وفي أثناء بعثرتِهِ لِفْكرتِهِ ظل طوال الوقت يسُب ويشْتِم دون حياء ... ما بِسْتاهل مِن عِده نواحي ... زول " سفيه " ودي ما شتيمة ، ده وصف ، فمن بلغ عُمر كعُمرِهِ ولا زال سباب شتام ، يوصف بِالسُفه ... ومِن ناحِية أُخرى " موهوم " بِفِكرة عن الإسْتِعلاء والأبارثيدِية ، فِكرة مِن عِنْدِياتو ، لأني تحديتو أكثر مِن مرة يِورينا مراجعو ومصادرو وما قِدِر ، لأن الفِكرة مِن عِنْدِياتو ، مُش قُلت ليكُم " مَوهوم " فاكِر روحو مؤرِخ أو مُفكِر وهو شغال هسِع في أمريكا شغلانه ماف راجِل بِشْتغِلا ... قول لينا يا بشاشا إنت شغال في أمريكا شنو؟ يعني بتبيع شنو؟ وزباينك منو؟ نرجع لِلنواحي المُتعدِدة لِتحليل تفكير الحَيوان ده ، عِندو تاريخ مُخْجِل مِن ايام الجامعة ولِلأسف الشديد لازال مُواصِل فيهو في أمريكا لحد اليَوم ... التاريخ الأسَود المُخْجِل ده مِخليهو طوالي كارِه نفسو ونفسو دي بتِتْمظهر فينا نِحنا أبناء جِلْدتِهِ -النوبِيين- فنجر ليهو تاريخ ولصق فيهو كام كِلمة رنانة مِتِل < الأبارثيد >< الإسْتِعلاء الجَهوي > ... وإكْتشف إنها بِتْريِحو خاااالِص ... على الآخِر ... قام ساق فيها مِن عام 2003م ... الناس كانت ولازالت بِتتْجنبو ... وليهُم حق ... الزول سفيه ورِمه ومِتِل بشاشا ده لو فتح فيك ما بِقيف ... ما عِندو حدود ... قام الله في سماهو أراد أن يُحجِم هذا الكائِن التافِه ، فنظر إلى عبيدِهِ ، فأوحى إلى بِأن أتسلط علَيهِ بعد أن رفع عنهُ السُتْر ، فإن المُذْنِب في سِتْر الله ، فإذا فجر رفع الله عنهُ سُتْرهُ وسلط علَيهِ مِثلي ... لِذا أرجو أن تتجاهلو مُداخلاتِهِ ، فهو يحيى بِالرد علَيهِ ويعيش ، وإذا أُهْمِل مات ... دعوه ينبح فهو لا يجيد سُواه ...
01-05-2010, 01:02 PM
محمد عبد الماجد الصايم
محمد عبد الماجد الصايم
تاريخ التسجيل: 10-16-2005
مجموع المشاركات: 35312
قبل ما تجاوب علي سؤال الاخ حمزاوي اسمع النشيد ده و روق دمك شوية ( وش زول غتيت )
النشيد الوطني النوبي ... مكي علي ادريس
تخريمة انت ما قلت عندكم عبيد شغالين في بيتكم ؟ عليك الله العنصري منو انت ولا عزام الساكيهو من بوست لبوست ؟ و انت اصلا كنت منتظر شنو من عزام بعد الكلام الفارغ بتاع منو بريام داك؟
01-05-2010, 01:21 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة