Quote: رسالة من حرمنا المصون: لكل الاهل في جزيرة سمد التحايا الكبرى بنتكم أسماء علي عبد العزيز علي
كاتب الرسالة طارق جبريل الشايقي
شباب عن إذنكم خلوني ارحب بالدكتور طارق ده تاني
طيلة تواجدي الاسفيري ما لاقاني زول زي طارق ده جميل في حركته الاسفيرية زول بوصف الحاجات بكلمات راقية موغلة في الحنان والدقة والجمال زيه مافي ما شفته يوم متعكنن من زول ولا معكنن زول كتب اجمل قصة في الاسفير انا قريتها ودي ما مجاملة عن الصبي البناي مزج فيها حياة الامتداد وجيل اشتغل في الاجازة وقرا بحقه يحب الليل يموت في نغم الليل..زول زي ماقال واحد عربي يحمل قلبا ناحلاً لو توكأ عليه لأنهدم لما يكتب عن والدته يمين بالله تدمع وتحس انو اي ام في الدنيا ياها امك وياها نفس المحبة يذكرني دايما مع اني ما لاقيتو بعضو منبر شايقي صديقي عملنا منتدي نبتة نحن ورابطة مروي في الجامعة سوا... كان رئيس رابطة مروي لما كنت رئيس رابطة النوبة شاعر فذ وعضو منبر كره المنبر ده وخلاه ومشي هو اسامة معاوية الطيب عشان حركات الناس الزي بريمة ديل
مرحب طارق ومرحب بأسرتك الجميلة المن جزيرة سمت ممثلة في سفيرتنا عندكم اسماء وبالله بلغ تحاياي للمحس الصغار العندكم(طبعا ما حقول شوايقة) وعلموهم حبة رطانة ما تخلوا القاسم المشترك قراصة وبعض مصطلحات الزراعة المشتركة الفي الديكشنري
________ بالنسبة للعمل الجادي الافترعناه ايميلي موجود في البروفايل واخوكم جاهز لاي تكليف ولاي حاجة تتفقوا عليه
___________ بالنسبة لبريمة وحياة معزتكم عندي يا اهل الزول ده زول ساي ويمكن اكتشفت انو بالجد بقرا عننا كتير وعايز يشاغلنا ساي لو في معزة بيني وبينكم تاني لو عمل هنا شنو تاني ما تشتغلوا بيه..العايز يتونس بيه بدون انفعال مرة مرة اهو هو قاعد فياريت ننصرف لمرامي البوست ونقدر نعمل حاجة لأهلنا بقدر ما الزول حب البوست ده بقدر ما متحسر انو ما قادرين نلم اطرافنا ونمش لقدام نعمل حاجة مفيدة
للجميع تحياتي
02-07-2010, 11:14 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
قلبنا الدفتر العاشر وحنفتح الدفتر المليون ونتحول اتمني ان تكون هذه الصفحة فاتحة خير علينا ونكون فيها رابطتنا الاسفيرية يدكم معانا يا شباب وللامام ساحاول انزال ملحمة ايسب وهيلة للاستاذ مكي لتدفعنا للامام
02-07-2010, 11:39 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
بالنسبة لبريمة وحياة معزتكم عندي يا اهل الزول ده زول ساي ويمكن اكتشفت انو بالجد بقرا عننا كتير وعايز يشاغلنا ساي لو في معزة بيني وبينكم تاني لو عمل هنا شنو تاني ما تشتغلوا بيه..العايز يتونس بيه بدون انفعال مرة مرة اهو هو قاعد فياريت ننصرف لمرامي البوست ونقدر نعمل حاجة لأهلنا بقدر ما الزول حب البوست ده بقدر ما متحسر انو ما قادرين نلم اطرافنا ونمش لقدام نعمل حاجة مفيدة
الاخ قمربوبا لك تحياتي وكثير احتراماتي ..
انا اختلف معك في هذه الجزئية ..اولا هو مازول ساي هو عارف نفسه بسوي في شنو وقاصد شنو من دخوله كل مرة وبشوش
في البوست ويشتم الناس بالفاظ نتنه ..وهو بقرأ عشان يلقي ليهو حته من الدكشنري بتاع الغازورات حقة ويجي يستفرغ
لينا هنا ..
واتضحت الرؤياتماما من رابط البوست اعلاه مش بيوصفنا باننا يهود وبس ..لا كمان عنصريين ده دليل علي انه يعاني
من شئ في نفسه !!!
انا برجو من الاخوان العندهم علاقة بهذا الرجل مايقنعونا بانة رجل سوي ...عليهم باقناعة للذهاب لطبيب نفسي ..
سلام قمربوبا مع كثير معزتي
اما جاري ورئيسنا العزيز طارق جبريل نصفه الحلو من عندينا خلي بالك لازم تاكل تركين وتتكلم علي الاقل 50% رطانة
عشان نديك الجنسية المحسية ..مافي وساطة لكن بحق الجيرة بس نديك .. يازول يااصيل الدار دارك حبابك الف ياريس ...
انت ياحكيم داير تصطاد في سويسرا يابرلوم هنا عشان تصطاد لازم يكون عندك تصريح ذي بتاع الحفلات عندنا في السودان
وبعدين يجوك الجماعة يقيسوا ليك سمكة سمكه طولها وعرضها. اه زياده مليمتر واحد ياكا الخربت علينا التجارة ..
عافيلقو
02-08-2010, 00:25 AM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
يا عمدة المشكلة مافي الصيد المشكلة في ريحة التركين قبل ما يتسبك ياخي ناس مونترو ديل اكيد لو شموا الريحة حيعملوا لي مغادرة خروج بدون عودة... بس البحيرة مغرية والصير فيها كتير كده نكلم فيصل سيون يشوف لينا صرفة نمشي نصطاد عندهم.. بالنسبة لكلام اخونا قمر الرجاء اي زول في البوست ده ما يشغله نفسه بالمشجعين ابو القدح بيعرف يعضي اخوهو من وين.. فالتفتوا الي بوستيكم يرحمكم الله...
02-08-2010, 00:49 AM
حسين نوباتيا
حسين نوباتيا
تاريخ التسجيل: 06-06-2008
مجموع المشاركات: 2473
Quote: وحياة معزتكم عندي يا اهل الزول ده زول ساي ويمكن اكتشفت انو بالجد بقرا عننا كتير وعايز يشاغلنا ساي لو في معزة بيني وبينكم تاني لو عمل هنا شنو تاني ما تشتغلوا بيه..العايز يتونس بيه بدون انفعال مرة مرة اهو هو قاعد فياريت ننصرف لمرامي البوست ونقدر نعمل حاجة لأهلنا بقدر ما الزول حب البوست ده بقدر ما متحسر انو ما قادرين نلم اطرافنا ونمش لقدام نعمل حاجة مفيدة
كلام موزون وابصم عليه بالعشرة ..
الاخ بريمة رجل مشاكس وما عندو اي مسلمات ويخضع حتى نفسه التى بين جنبيه للنقد والتنظير وله اراء بعضها سليم وبعضها فطير "فطارة الجن"
ولا اظن ان وصفنا باليهود فيه انتقاص لنا و فعلا نحن نشبه اليهود في التكاتف والتعاون مع بعصنا البعض " يا بريمة دي مخارجة كويسة عليك الله ما تشوتها ضفاري"
عليك الله يا بريمة ولدنا امير قناوي دا ما اعذب من الماء السلسبيل قمة في الادب والحوار العقلاني الخالي من التعصب ورغم عن ذلك شابكو امثالك و mom's boys
ودرابك الغير قانوني دا - الزول دا كان قعد ليك في المصلاية بجهجك اعمل حسابك وكرب نظارة اللحام..
لذا يا حكيم لا تضيع مجهودك في ملاحقته - لان هذا المجهود نحن في حوجة اليه لمد جسور التعاون ..
ارجووووووك يا حكيم ركز لينا في موضوع الجمعية فهو اصلح وابقى..
02-08-2010, 01:13 AM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
ابو الحسن تحياتي بخصوص موضوع الجمعية بس عايز اعمل حاجة شاملة كل تخصص لوحده..يعني التعليم ..الصحة.. اللغة التراث...فعشان كده داير اعمل تصور متكامل ووضعت الخطوط العريضة وياريت تساعدوني بمقترحاتكم
ـــــــــــ الجانب الاخر اتمني عدم الانشغال به العبوا كورتكم وخلوا الجماهير تتكلم
الأخ الـحـبيـب الحـبوب، عبد الحكيم نصر، تحياتي ومودتي،
***- والله والله ياعبده امانة انا ماأتلومت معاك شديـد!!!، تصور من زمان بشوف (البوسـت) الجـميل وفاكر نفسي كتبتو فيه واشتـركت مع الأخرين بمشاركات ترفع (البوسـت)، والليلة قمت بمراجـعة (البوست) بتاعك من الاول ولقيت نفسي برة القائمة!!!، معليش ياعبد الحكيم علي التأخيـر....... والعتب علي الكـبـر!!!
***- جاي لك برواقة، انتظرني!! ***- لك مودتي.
02-08-2010, 01:41 AM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
Quote: يا الفاتح عندي اهلي في كجبار اكيد بتعرفهم المرحوم الاستاذ موسي يحيي هو ابن خالتي وبيته بجوار المدرسة..
أكيد يا عبد الحكيم, المرحوم موسى يحي, كان مدير المدرسة لمن كنت أنا أدرس فى سنة رابعة فى كجبار, وكان معروف انه إنسان هادئ الطبع وصارم (ويقال انه الطبع دهـ من موسى والدهـ يحي, ومن الطرائف أنه أصدقائي فى كجبار منقسمين الى قسمين قسم فيه ناس سامي صديق وبخاري مرسى وشهاب هارون, وهؤلاء كانوا متخصصين فى العوم فى البحر نص النهار وركوب الحمير بدون مناسبة, والقسم الثاني كانوا ناس عامر وياسر موسى, وما كانوا بيغادروا حوش منزلهم الشمالي وكان والدي يكون مطمئن عندما اكون معهم عكس الشلة التانية .
سمعت انه عامر ماشاء الله عليه نجح فى التجارة وعمل ليه شركة بإسم أرشدان (وأذكر أنهم كانوا لديهم مشروع فى حي أرشدان فى الجزء الجنوبي من كجبار) ولديه الان أكثر من مئتين موظف تحت إدارته.
02-08-2010, 01:09 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
اها يا طارق جبريل طلعت نسيبنا علي عبدالعزيز من جزيرة مصل واستقر والده في كباجة وعم زوجتكم محمود عبدالعزيز هو زميلي في الدراسة..اما عبدالجبار فهو يكبرني اما العم الشقيق لحرمكم المصون خضر فزوجته قريبتي خالص (الحاج يوسف)الذي اعرفه ان علي تزوج من المغرب ولو ما كضاب زوجتك من زوجة علي المغربية.. ادينا التفاصيل بنشوف ليك اراضي ونخيل عشان ما يخموكم ساكت الناس ديل.. تسلم يا قريبي
02-08-2010, 01:13 PM
عماد شمت
عماد شمت
تاريخ التسجيل: 12-02-2004
مجموع المشاركات: 3857
Quote: اها يا طارق جبريل طلعت نسيبنا علي عبدالعزيز من جزيرة مصل واستقر والده في كباجة وعم زوجتكم محمود عبدالعزيز هو زميلي في الدراسة..اما عبدالجبار فهو يكبرني اما العم الشقيق لحرمكم المصون خضر فزوجته قريبتي خالص (الحاج يوسف)الذي اعرفه ان علي تزوج من المغرب ولو ما كضاب زوجتك من زوجة علي المغربية.. ادينا التفاصيل بنشوف ليك اراضي ونخيل عشان ما يخموكم ساكت الناس ديل.. تسلم يا قريبي
لا حولاااااااااااااااااااااااااا انت شغال في الأمن يا حبيب محمود في السعودية وعبد الجبار شغال في وزارة التربية والتعليم وازيدك معلومات عشان تكتر لي الارث عبد المنعم ولد محمد عبد العزيز تزوج بت عمه اخت زوجتي طوالي بالله كتر لينا من البلح
02-08-2010, 01:41 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
يا طارق جبريل امن شنو ياخي دي حلتي وبعد شوية حقوقل ليك بيتهم وداير توريني ان عبدالجبار شغال في الوزارة؟؟ مرته اسمها فهيمة وبنته اسمها نورا ازيدك ام كفاية؟؟ طيب ازيدك شوية..اختهم استاذة مريم عبدالعزيز ياخي الناس ديل اهلي ... يا زول انا كنت شاكك انك متزوج ليك محسية قشرة ساكت انت طلعت من بيت الكلاوي.. تعرف ناس مصل ديل كانوا اشهر نوتية في في النيل بيسافروا بالمراكب من وادي حلفا الي الشايقية وفي كتيرين متزوجين هناك وجايبين اولاد.. ياخي دي تفاصيل كتيرة وساواصل.. الدنيا ضيقة خلاص
02-08-2010, 04:38 PM
طارق جبريل
طارق جبريل
تاريخ التسجيل: 10-11-2005
مجموع المشاركات: 22556
Quote: يا طارق جبريل امن شنو ياخي دي حلتي وبعد شوية حقوقل ليك بيتهم وداير توريني ان عبدالجبار شغال في الوزارة؟؟ مرته اسمها فهيمة وبنته اسمها نورا ازيدك ام كفاية؟؟ طيب ازيدك شوية..اختهم استاذة مريم عبدالعزيز ياخي الناس ديل اهلي ... يا زول انا كنت شاكك انك متزوج ليك محسية قشرة ساكت انت طلعت من بيت الكلاوي.. تعرف ناس مصل ديل كانوا اشهر نوتية في في النيل بيسافروا بالمراكب من وادي حلفا الي الشايقية وفي كتيرين متزوجين هناك وجايبين اولاد.. ياخي دي تفاصيل كتيرة وساواصل.. الدنيا ضيقة خلاص
بعد دة يا عبد الحكيم انا عندي نص بوستكم دة
02-08-2010, 04:49 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
عامر موسي اصبح من اكبر موردي قطع الغيار واموره سالكة تمام وكذلك اخوانه.. حجة نفيسة ام موسي خالتي اخت والدتي من ام واحدة اللي هى حبوبتي وبما ان فارق العمر بين حبوبتي وخالتي لم يكن كبيرا..مرة راجع من مصر ايام الدراسة قابلت واحد من كجبار في الباخرة وفي التعارف اخبرته بان نفيسة خالتي فسالني:انت بالجد ام نفيسه لسه عايشة؟؟ رديت نعم:هي حبوبتي وبكامل صحتها فقال:في واحد في كجبار حالف اي زول يقول ام نفيسة عايشة انا ما بخليهو
عماد شمت كيفنك يازول انت عندك اخوك اسمه شهاب؟ يازول نتفق ونختلف علي الطلاق ده فوق حلالنا الممتد بالمحبة ومافي مشكلة لانو رصيد الخوة البين النوبيين انت عارفه كبير قدر شنو وتعرف لمتنا هنا براها جواز سفر ولو معرفة الرجال كنز او كما قال فمعرفة النوبي لاخوه ياها موزونة وزن بالجنة ذاتا ما عليك يا حبوب داك كان رأي ورأيك رأي وما بغلبنا نلقي ليهم سكة نص او (جرور) وو محسنتو جرورن دويق اربيكو ساحاول رفد البوست بهذه الاغنية لاحقا ابقي طيب
____ شوشتا يازول وين الحي بيك..تحليلي انك كاره سودانيز اون لاين شديد بريمة ده طلع ليه حكيم في غزوة براه كدة لقاه في وضع يصعب علي الكافر ذات نفسه..فبدلا من اسره اعطاه الحرية ياخي الزول ده انا كنت قايله بالجد لسة طالبنا رقبة عب زي ما هو قال لكن طلع ساي زول ضللة وعايز يعمل اكشن من مافي الا زول شكله قلبه طيب غايتو دي مشكلة الناس البتفتش للشهرة
02-09-2010, 07:30 AM
Medhat Osman
Medhat Osman
تاريخ التسجيل: 09-01-2007
مجموع المشاركات: 11208
والله يا قمرنا طيب انت ياخي الزول ده كلم النوبيين هناك قال ليهم اهلكم ديل انا بطير ليهم العنصرية الفي راسهم ..وقالوا لي بريمة ده ما بيخليكم..قلت ليهم نحن قدرها بس كلموهو عشان ما يجقلب لو بدينا اها قمنا دورنا فيهو لحد ما قال لينا بلييس قمنا فرضنا عليه شروط: ما يفتح بوستات جديدة ما يعمل غلطات املائية لاني وانا النوبي الضعيف في اللغة العربية طلعت احسن منه.. ياخي الزول عمل 12مداخلة وعدل عشرين مرة ولما راجعنا البوست لقيناهو جايب صفر من 10.. طيب من شروطنا انه لو عايز يقبل ونخليهو طليق يجئ يشيل عفنه من هنا ويكسح..
موسى سلام يا صاحب وفتشت عنك في البلاد ... بس خضر اتجابن معاي.. قال شنو رامي سنارتو وقاعد في ابوراقة .. عموما العشم في قادم الايام .. والمكان ده يا قريبي كنت بامل فيه كتير كمنبر حر ووطن من لا وطن له في زمان انعدام المنابر الحرة وانت سيد العارفين .. فجأة في يوم من الايام صحينا لا لقينا المنبر الحر ولا لمينا في وطنا الافتراضي فقط سوق كبير لمنتجات فاسدة في الغالب وعراك في الفاضي وبشر من نوع هذا البريمة والمحصلة النهائية (احباط اكبر) ... وقال درويش (كم كَذَبنا حين قلنا: نحن استثناء!) عافيلقو ..
الله غالب يا شوشتا تعرف زمان كان في عرس في الحلة الجنبنا انا كنت في تانية ابتدائي المهم مشيت العرس لقيت ليك الاطفال منتظرين قالوا رفاعي الليلة قال حيتشاكل معاك!!!!!!!! ليه ياخوانا..اخوك خش في هيص بيص ..ورفاعي لمن لا يعرفه شخص زول الله ساكت يكبرني بحوالي 15 حول التحق بمدرسه اردوان ووصل لحد الصف الخامس وهو لا يفرق بين الالف والواحد وصادف نقل المدير المتساهل واحلال اخر بديلا له فرجع رفاعي القهقري الي ان وصل الي الصف الاول ومن ثم تم الحاقه بمدرسة تاجاب عند افتتاحها في مدرسة اردوان سال المعلم احد التلاميذ عن مكان ميلاد النبي فاجاب التلميذ ان ذلك تم في الخلاء وايم الله كان علي حق فسخر منه رفاعي قائلا(اوكليقني؟)اي اثعلب؟ الاستاذ افتكر رفاعي عارف الاجابة ووجه ليهو السؤال فرد صديقي رفاعي قائلا:آبا ناصرنتوون كديلا)اي في زريبة جدي ناصرنتود..صاحبك ربط بين النبي والارنب حيث كان جده يربي كميات منها.. المهم صاحبك بقي قدام الامر الواقع اما المبارزة او ان تلاحقني سبة الجبن وحينها ساكون ذليلا مدحورا في المدرسة ووسط اقراني تم اقتيادي مثل سجين سيلاقي حتفه في صباح يوم بارد تحت مقصلة سجن كوبر..ووصل الموكب حيث يوجد من سيبارزني..ووجدته يلبس بنطالا ربما كان قد لبسه جده عندما كان يعمل بمصر يربطه برباط اقرب الي الحبل منه الي الحزام ..واصبح لابد مما لا منه بد ساورتني وساوس كثيرة منها الهروب واصبحت اتفحص الوجوه لعلي اجد احد اشقائي ليخفف عني الوقع..لا شئ ..لقد اجتزنا الخط الاحمر ولا بد من ام المعارك.. الصغار العواليق زادوا في تحفيز رفاعي بل اكدوا له انني قد اكدت لهم استعدادي للنزال(والله كضابين) المهم تحرك بطلي النزال وفي معيتهم جمهور مقدر من الاطفال ..طبعا المعركة لازم تكون في مكان بعيد عن اعين الناس..ذهبنا الي غابة للنخيل يملكها والد رفاعي(المعركة في ميدانه يعني حتي لو هزمت ممكن نلعب مباراة رد) تقدم بدرالدين وتناول حفنة من التراب ووقف موقف الحكم من كابتني الفريقين عند اجراء القرعة..مادا يده ليبدأ احدنا بضربها وكشح الاخر بالتراب دلالة علي خرق الهدنة وبدء ام المعارك..المهم في الامر بدأ رفاعي الضربة الاولي وبادر بكشح التراب..حاولت قواتي امتصاص الضربة الاولي الا ان رفاعي سحب سيرا جلديا كان يخفيه بين تلاليب ملابسه العجيبة تلك وباغتني بضربة اخري كان يعتبرها ستدك كل قواتي ..لا اعرف من اين جاءتني تلك القوة(لا لا ولا قوة ولا حاجة)اندفعت نحو رفاعي ومسكته من خاصرته فاذا هو نمر من ورق وتهاوي رفاعي المسكين واصبح لا يقوي علي الحراك تحت ضرباتي وذهول الجمهور وفجأة وجدت الحكم يعلن انتهاء الجولة(الحكم استاذة ضمن مجموعة من النساء مهمتهن جلب الماء من النهر وكانت تلك مهمة عسيرة خاصة في ظل مناسبة كالزواج) من القصة يا شوشتا هو نمر من ورق كم مرة قلنا ليهو امشي رفض وهدد قال الناس ديل يا انا يا هم والله غالب
02-10-2010, 01:46 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
شاعرنا الفذ مولانا عبدالاله زمراوي صدر له ديوان طبل الهوي وسيعود ريع الديوان لدار المايقوما
اليكم الخبر من وكالة انباء الشعر
Quote: وكالة أنباء الشعر - خاص صدرت المجموعة الشعرية الثالثة بعنوان (طبل الهوى) للشاعر السوداني/عبد الإله زمراوي عن دار بعل للطباعة والنشر بدمشق. يقع الكتاب في 134 صفحة من الحجم المتوسط وقد قدم لها الشاعر الكبيرمحمد المكي إبراهيم. يحتوي الديوان على مجموعة أشعار متنوعة المقاصد، ولكن أعلى الأصوات فيها هو صوت الوطنية والإنحياز الى جماهير الوطن والمطالبة لها بالحرية والديمقراطية كما أورد ذلك الشاعر محمد المكي إبراهيم في مقدمته التي حملت عنوان: (لحنٌ جنائزيٌ أم مارش إنتصار؟) وسيعود ريع الديوان لمصلحة دار أطفال المايقوما للأيتام ويمكن الحصول على نسخة منه عن طريق دار عزّة للطباعة والنشر بالخرطوم.
الاديب السوداني محمد المكي ابراهيم كتب مقدمة لديوان طبل الهوي
محمد المكي إبراهيم*
لحن جنائزي ام مارش انتصار؟؟
أشعر بحزنٍ ثقيلٍ وأنا أكتب هذه الكلمات عن الشاعر عبد الإله زمراوي وديوانه الجديد (طبلُ الهَوى)، وهو مجموعة أشعار متنوعة المقاصد، ولكن أعلى الأصواتُ فيها هو صوت الوطنية والانحياز إلى جماهير الوطن والمطالبة لها بالحرية والديمقراطية. إلا أن هذه اللحظة العصيبة من تاريخ السودان تُنذر الوطنيين من شاكلة زمراوي بأن الوطن سيتفتت كالنجوم العتيقة ويخر ساقطاً عبر السماء كالشهاب فلا تبقى منه سوى إشاراتٍ كونية تقول للمراصد الفلكية أن بلداً بذلك الإسم كان يشغل ذلك الحيز من خريطة الكرة الأرضية. لقد أحببناه بكل قلوبنا وتغنى به شعراؤنا وفنانونا واحتل مكانة سامقة في قلوبنا بفضل زمراوي وأضرابه من المبدعين السودانيين وذلك على عهدين: عهدُ العيش فيه وعهد البعد عنه. وأول العهدين هو الزمن الممتد من الطفولة إلى سنوات النضج الفكري والعاطفي فقد نعمت الأجيال التي نشأت فيه بكل ما تقدم الأوطان لبنيها، خاصة تلك الحياة الاجتماعية القائمة على الحرية والمحبة واحترام ذات الإنسان. ثم جاء هذا الزمن الضيق الكئيب فطرد ألوفا مؤلفة من السودانيين من مواقعهم في الخدمة العامة وقذف بهم في ارض الله الواسعة خارج الحدود. وفي المنافي النائية ظل السودانيون يتذكرون ويحلمون بالجنة التي طردوا منها فيحنون إليها ويمعنون في حبها وتذكر مفرداتها الصغيرة من مناظر ومآثر وصداقات وعلاقات بادت كلها للأسف وطواها النسيان. وقد سطر المغتربون السودانيون الجزء الأكبر من كتاب الذكريات كما هو واضح في كتابات الأساتذة شوقي بدري وزاهر هلال الساداتي وصاحب المسادير الأستاذ منصور المفتاح وذلك في محاولة باسلة لانتزاع حياتنا القديمة من براثن النسيان وحفظها لنا في كتاباتهم على أبهى صورة من الصور. أما الشاعر وبطبيعة فرشاته العريضة فانه يقدم الاحناء الداخلية للشعور ويعطي تعبير حبه وتعلقه بالوطن وأزمانه وأحداثه، وذلك ما عكف عليه هذا الشاعر الموهوب منذ ديوانه الأول وشطرا معتبرا من ديوانه الحالي. إلا ان طوارق الزمان تكالبت على الوطن وصورته في الأذهان وصارت تتهدد وجوده نفسه وهي مصائب متراكبة برع في تصويرها أهل السياسة من السودانيين فإذا نحن إزاء وطن يتخلع ويتفكك ويتناثر إلى أجزاء ويفقد الكثير من عناصر تكوينه وعناصر جماله. ولا يدري احد إلى أين ستذهب غابة النخيل وغابة الطلح وغابة الخيزران وادواح التبلدي وبحر القلزم وجباله المحيطة وهضبة جبل مرة التي هددنا الراحل الفنّان خليل إسماعيل أن من يراها ولو لمرة سيلازمه الحنين طوال السنين*. الى من ستئولُ ملاعب صبانا ومسارح لهونا وعذابات حبنا للوطن وصباياه أو عذاباتنا الشخصية على أيدي جلاوزته والملاحقات التي تعرضنا لها على أيدي مستبديه؟ وما مصير الغناء الحلو الذي كتبه الشاعر عبد الإله زمراوي ورصفاؤه من مبدعي البلاد؟ وأين مستقر الحناجر التي صدحت والكمنجات التي تأوهت والقماري التي نثرت شجوها في ليالي القمر؟ قال فينا أديبنا** عالي المقام "أرضُ اليأس والشعر ولا أحد يغني" ومهما يكن شكل المأساة القادمة فان فينا شاعراً يحمل "طبل الهوى" ويغني. إنه زامر الحي الذي نطرب له أكثر من سواه وعلى رأي الإفرنج لا بد من الغناء في ساعة الميلاد كما في ساعة اللّحد وفي حال التعبد للخالق كما في وداع الأحباب الراحلين. والآن وعلى أنغامه العذبة نشدُ الحزام على جراحِنا وأحلامِنا فإن تكن الغلبةُ للأولى فان ألحانه الجنائزية تصاحبنا ساعة الرحيل وتذهب عنا وحشتها الباهظة وإن تكن الأخرى فإنَّ أنغامه ستكون نشيد انتصارنا والمارش البروسي الذي نمضي على إيقاعِه إلى سماءِ الحريةِ اللا محدود.
كنت قد شرعت في هذه الكتابة علني أستطيع أن أفي هذا التوفيق حقه ، وعل الناس من بعدئذ يستطيعون أن يقدموا لذاك الشامخ شيئاً . فالرجل وبسيرته لعطرة قد شغل حيزاً ليس باليسير في أذهان الناس رجالأ ونساء أطفالاً وشيباً ... يسألونني عنه في كثير الملمات التي تجمعني بإناس ليس من قريتنا فأجد سيرته الجزلة قد سبقته ، يلومني بعضهم ولكأني في موقع يمكنني الإحتفاء بتوفيق وما يدرون بأن توفيق بسحنته وبطيبته وبسيرته وبلسانه اللازع وبمفرداته البسيطة المعبرة وبسخطه وبجمال روحه يشغل ما يشغل من ذاكرتي . وتلك حكاية أعيها ويعيها كل من أتي الرجل بقلب سليم . توفيق هو الحكمة تمشي علي ساقين هو بمثابة الدم الذي يغذي شريان أهلي البسطاء الفقراء الودعاء الطيبون في تلك النواحي من سودان المهمشين . فما جنيت إذ جنيت لكن البلاد جنت ، جنت يوم أهملنا الرجل وما يقدمه من تفاصيل ، جنت يوم تركنا تلك السيرة دون توثيق ودون إهتمام ودون رعاية تذكر فالرجل في تقديري لايقل علامةً عن علامات الساعة والرجل في تقديري لايقل وسامة عن من تحتفي بهم بلادنا تحت دواعي (المبدعين) بلاد تهتم بالعاطلين عن المواهب وتتفاني في قتل المبدعين بالجوع والإهمال والتشرد وربما بالقتل المباشر ودونكم حالات مبدعين كثيرين أثروا وجداننا القومي لكنهم ذهبوا الي سبيل ربهم خالدين في ذاكرة مواطنيهم الذين لا يملكون لهم سوي صالح الدعوات والإبتسامات الجميلة كلما طاف طائفهم بينهم
نواصل نقل كتابة
02-11-2010, 02:27 AM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
قبة الشيخ تاج الختم خيري بفريق هذا الشيخ عرف بتدينه وبعده عن ملذات الدنيا زاره الرئيس الاسبق جعفر النميري وفي معيته الدكتور محي الدين مهدي ابن اخ الشيخ تاج الختم عرفه الدكتور بان هذا هو الرئيس الجديد الذي يحكم السودان وطلب منه ان يبارك مقدمه بصالح الدعاء وفوجئ الرئيس برد الشيخ الذي قال:جدك كان رجلا ظالما وان سلكت طريقه ستكون عاقبتك وخيمة.. تلفت النميري حوله وقال لمن معه ادوني سفة وخرج ولم يعد بعد ذلك للمحس ابدا
02-11-2010, 01:49 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
Quote: د السلام عليكم ورحمة الله وبركاته الاخ حكيم قد ارسل لك عدة رسائل ولم اتلقى منك اى استجابة بالمناسبة دى الرسالة الثالثة واتمنى الاستجابة طبعا اخوك من متابعى منبر النوبيون فى سودانيز اون لاين من بداية البوست وقد حاولت التسجل كثيرا ولكن دون امل اخونا بكرى قافل الباب بالمفتاح ومااى طريقة للاختراق كما جاء فى بداية البوست عن التعريف اسمك : المعز عبدالحفيظ قرشى منتقطك :دفوى المحس القرية : شوفين الاجادة للغة النوبية : عربى كرجة بجل المعلومات عن المنطقة قد سبقونى الاخوان مرتضى محمد جلال وعبد الشفيع على سوركتى لكن انا طبعا من دفوى جنوب القصد للتوضيح فقط وكما تعلمون ان منطقة دفوى كبيرا جدا من ناحية المساحة يحدها اربعة او خمسة شياخات بالضفة الشرقية وانا قريتى شوفين يحدها من الناحية الجنوبية كسكونجة ومن الناحية الشرقية منطقة نورى المحس وسوف ارفق لك صورة عن المنطقة علما بان الصورة اخذت من المنبر ايضا لقد قام بتنزيلها الاخ مدحت عثمان
من دفوي شوفين يا المعز ؟؟محمد عبدالحليم اسماعيل ود اختي حيث ان والدته زينب ابنة خالتي
شكرا المعز وهذه اول رسالة استلمها منك
02-11-2010, 03:00 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
اشرف عبد الغني حاج سابل من جدي المحس كرياب ارسل رسالة يتحسر فيها علي عدم قدرته علي المشاركة رغم انه كان عضوا بالمنبر الا انه فقد اشتراكه نرجو من الباشمهندس بكري مساعدته.. اها يا اشرف دي كرياب حدد لينا بيتك
02-11-2010, 04:36 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
يا حكيم كلنا البوست احتسبناه لحين اذا زول زي بريمة ده ما قادر يفرز المرهاض من المرحاض بجي يفرتق تجمع اجتماعي للتعارف يبقي علي الدنيا السلام شخصيا تاني ما خاشي البوست ده بس تاني بوستات بريمة
والسايقة واصلة واليحصل يحصل
02-12-2010, 00:05 AM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
يا بريمة انا قلت الكلام الفوق دا لكى اؤكد اهمية وجودك فى البوست على الاقل ترفعوا لينا وتحمس الجماعة لاشعال البوست يلا ولَّع ولا يهمك وما عندى رد على كلامك
02-12-2010, 08:19 PM
أمير قناوي
أمير قناوي
تاريخ التسجيل: 01-24-2009
مجموع المشاركات: 618
أخي حسين نوباتيا أشكرك على كلامتك الطيبة بشأن شخصي الضعيف. ولقد إمتنعت عن الرد في وقتها على مضض حتى لا يأتي المحترم بريمة برد وتعليق محترم كما عهدناه. واًستغرب وأنا أرى بريمة قد دنا من تحقيق هدفه. فالأخ حكيم يحتسب البوست شهيداً ويعلن تفرغه لملاحقة بريمة (أو هكذا فهمت !!) . هذا ما أراده بريمة المحترم الظريف. إفساد البوست. لم أتوقع أبداً أن تثنيكم أفعاله الظريفة عن هدفكم . والأخ بريمة كما ترون يقارن نفسه بخير البشر (صلى الله عليه وسلم) في دعوته للكافرين. فلندعوا له بالشفاء ، وإن كان قد سبق في علم الله أنه لن يُشفي ، فلندعوا الجبار المنتقم ، أن يجعل تدميره في تدبيره ، وأن يأخذه أخذ عزيز مقتدر. لا نملك إلا دعاء المظلوم . أناشد الأخ عبدالحكيم أن يترك بريمة لحاله ، وأن يواصل ما بدأه غير عابه بالمنغصات. والصبر على البرماء والبريمات ضريبة النجاح في كل عمل. لا تردوا على بريمة ولاتشمتوه فيكم بتحقيق هدفه (المستحيل بإذن الله).
02-12-2010, 09:37 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
الاخ امير سلام اعرف نبل مقصدك وانا اول من طالبت بترك هذا البريمة لانه لا يسوي شروي نقير ولكن للاسف تجاوب معه جل اعضاء البوست وبريمة قد حقق هدفه عندما اصبح هذا البوست ملكي انا وقمر بوبا وحسين ومحمد النيل ومدحت وغاب كل النوبيين.. هل بعد هذا نترك مثل هذا المريض ليمرح في المنبر كما يريد لم ارد علي بشاشا ولا علي بريمة في هذا البوست الي هذه اللحظة.. ولكن اليت علي نفسي ان اجعل من بريمة عبرة لمن يحاول ان يستفز النوبيين.. وعلي الباغي تدور الدوائر.. المشكلة للان يا امير ان اغلب النوبيين تعاملوا مع هذا البوست كانه ملكي وهذا ما لا اريده كنت اظن ان يتعامل اي فرد منا كان هذا البوست ملكه شخصيا شكرا لك عزيزي.. خلال هذا الاسبوع سنحدد مرامي البوست
أسمك نبيل محمد عبد الرحيم منطقتك قديما وادى حلفاعكاشة (أكمه) وبعد الهجرة حلفا الجديدة القرية 24 إجادتك للغة صفر ولكن بفهم أشكر الأخ حكيم على هذا البوست
4- والمغتربون أو قل المهاجرون الجدد سواء فى أوروبا أو الغرب
النوبة فى الغرب .. أمثال حسين نوباتيا، محمد عبدالماجد ومحمد النيل (محمد أنت ذاتك ما ساهل مع أنك تميل للجوغة) وغيرهم كثير فى الغرب .. هؤلاء شباب يرجى منهم الشعب السودانى أجمع وليس النوبة وحدهم. وعلى ضوء هذا أفهم لماذا قدم أبناء النوبة فى الغرب للقضية النوبية.
البقية فصائل مسكرة العقول وعريضة القفى .. هؤلاء لو جئت مارى بعندياتهم أكون جارى جرى .. تف تف تف .. لما نعلاتى يحفن من الجرى ... هؤلاء يذكرونك بسكان مدينة بومباى .. ما أن فتحت فاهك مع أحد وإلا تجد هندى أخر يبرز أمامك أجمل أنواع الأكروبات دفاعاً عن رفقيه.
بريمة
02-13-2010, 07:36 AM
محمد النيل
محمد النيل
تاريخ التسجيل: 10-08-2009
مجموع المشاركات: 5899
Quote: هؤلاء شباب يرجى منهم الشعب السودانى أجمع وليس النوبة وحدهم
اخوى بريمة قيل ان اللى مافيه خير لاهلو لا يرجى منه خير يقدمه للاخرين والزيت لو ما كف البيت .........الخ نحن لدينا قضايا نوبية حقيقية انت تعلمها ولها اولوية اهتماماتنا وهذا لا يعنى اننا لا نهتم بقضايا الوطن بشكل اعم نومولى مهمة بالنسبة لحلفا والعكس والجنينة مهمة لدى سواكن وبالعكس هناك قضايا خاصة وقضايا عامة وقضايا اعم ورجاء اخرجنى من شريحة الغرب هذه وادرجنى فى تصنيفك الاتى:
Quote: البقية فصائل مسكرة العقول وعريضة القفى
هم اهلى وعشيرتى ودمى وهذا الوصف لا ارضاه لهم
02-13-2010, 08:23 AM
أمير قناوي
أمير قناوي
تاريخ التسجيل: 01-24-2009
مجموع المشاركات: 618
الأخ حكيم لك التحية لم يغب الناس عن البوست ، والكل في ظني (وأنا منهم) يتابع بإهتمام ويستمتع بما ينشرهنا رغم المنغصات. وأحياناً يفتر التجاوب بسبب إنشغال الناس بأمور الدنيا فيخيل لك أنهم قد أحجموا عن المتابعة. ولكن الأمل مازال باقياً أن يثمر هذا الملتقى عملاً ملموساً لأهلنا في الشمال. وإن كانت الأهداف الكبيرة صعبة المنال ، فإن ما حققه هذا البوست حتى الآن من تعريف وتواصل جدير بالتقدير والإحترام. أخي محمد النيل تحياتي لك وقد إنتبهت لما في مداخلة المحترم بريمة من محاولة لإثارة الفتنة والفرقة بتصنيف الناس لأصناف حسب تفكيره النير. أقترح أن يقتصر الرد عليه (إن كان لابد منه) على بضعة كلمات ، حتى لا يتحمس للمزيد من اللغو. وأظن أن قولة (سلاما) تكفي في غالب الأحيان.
02-13-2010, 08:32 AM
حسين نوباتيا
حسين نوباتيا
تاريخ التسجيل: 06-06-2008
مجموع المشاركات: 2473
4- والمغتربون أو قل المهاجرون الجدد سواء فى أوروبا أو الغرب
النوبة فى الغرب .. أمثال حسين نوباتيا، محمد عبدالماجد ومحمد النيل (محمد أنت ذاتك ما ساهل مع أنك تميل للجوغة) وغيرهم كثير فى الغرب .. هؤلاء شباب يرجى منهم الشعب السودانى أجمع وليس النوبة وحدهم. وعلى ضوء هذا أفهم لماذا قدم أبناء النوبة فى الغرب للقضية النوبية.
دا شنو يا بريمة دي اخر تقليعاتك داير تعمل لينا cast system كمان - يا ولدنا كلنا "بنرطن" وبناكل تركين.. والنوبين في كل مشارق الارض ومغاربها لهم نفس الشغف والاهتمام والحب والوفاء لارضهم لكن اكثرنا وفاءا واخلاصا للارض هم هؤلاء الافذاذ الذين قدموا ارواحهم فداءا لها -و الشباب في العتامير وهم يفلحون الارض و يلقحون النخيل و يشقون الجداول هم صمام الامان للقضية النوبية وجذورها الراسخة في الارض هم من يقف في وجه سدنة السدود باجسادهم واصواتهم وانفاسهم. اما نحن جميعا فدورنا رغم اهميته ثانوي - وهو دور الداعم لهؤلاء الشباب ..
اخوك حسين- هندي اصلي من سكان مدينة بومباي .. divide concur is not going to work with us brother
حكيم وين المسودة ؟؟
02-13-2010, 08:47 AM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
Quote: حقيقة أخذت من وقتكم .. ولم يكن قصدى .. بس أنا عنيد شويتين .. حينما يتوفر الوقت .. سوف أقوم بمسح كل مداخلاتى بيدى .. وعد. يلا أرمو قدام .. والعفو والعافية دنيا وأخرى .. حسين طلع هندى ... ما قلتوا نوبة بريمة
في إنتظار تتفيذ الوعد. ووعد الحر دين عليه. والعفو والعافية.
02-13-2010, 11:58 AM
GamarBoBa
GamarBoBa
تاريخ التسجيل: 03-07-2002
مجموع المشاركات: 4985
الأخ الحبيب فيصل خليل سلامات مشتاقين وأشكرك للمساندة فى بوست المناشدة ودائما سباق فى الخير والموافق . وبوستك التوثيقى الرائع عن حلفا خير دليل وتعكس شخصية رجل هميم بوطنه الضائع . لك المودة والإحترام أخى
02-14-2010, 00:20 AM
عمار محمد حامد
عمار محمد حامد
تاريخ التسجيل: 03-21-2008
مجموع المشاركات: 650
اعتقد انه من الواجب علينا إلزام الاخرين على .. توخي الدقة في اختيار الالفاظ والمعاني والمدلولات . حتى لا نترك الفرصة لمن اراد الاساءة ان يتدثر .. سياسات التبييض...غسيل اموال...تطهير عرقي....تحسين نسل النوبيين
السيد العزيز محمد سليمان احمد محمد علي بك (welyab)
والله ساورني الشك في انك ستفعلها وتضع بوستي هنا في هذا الجمع النوبي المحترم ياخ هذه هي دعوه اعلان الي ضرب عنقي وتقول من اراد الاساء ان يتدثر؟ زانت تعلم من قدم الاساءه وما انا الا مستنكر لها مثلي ومثل كل اهلي النوبيين والكل يعلم ما انا من يتجراء لان يسيئ الي فردا فما بالك بقوم كامل وهم من اهلي واصدقائي ولست بجبان ذو غايات خفيه حتي اتدثر فانا واضح استنكر ما جاء في ملابسات هذه القصه ومرحبا بالاهل وارائهم الثمينه في ذلك البوست ودي واحترامي الي الجميع
02-16-2010, 07:55 AM
OSMAN SAYED MOHAMED
OSMAN SAYED MOHAMED
تاريخ التسجيل: 11-04-2009
مجموع المشاركات: 455
اهلى واحبابى لكم شوق عميق لقد كنت مصابا فى جهازى بفايروس عواليق جدا نتيجة اهمالى لتجديد الانتيفايروس تبعى وبعد عراك مع الفايرسات المتعددة المشاكل تم العلاج وها انذا اعود اليكم دنقلاويا حلاب تيس نوبيا اصيلا يتحرق شوقا الى ما سياتى من عمل لخدمتكم بالاسفير وغيره دمتم النيل فاطمة شقلة
02-21-2010, 00:06 AM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
يا ابو حميد سلامة جهازك والجاتك فيه سامحتك تعرف اليوم كنت بفكر في سر غيابك بس اتذكرت الاخطار السابق بتاعك بالغياب قلت يمكن يا دوب بدأ البيات الشتوي او الزول ده منشغل بالدار بتاعتهم الجديدة
حمدلله علي السلامة وخليك قريب دايرين نخش في الخطوات العملية
02-21-2010, 00:24 AM
سيف الدولة كامل
سيف الدولة كامل
تاريخ التسجيل: 03-29-2009
مجموع المشاركات: 4349
شكرا اخ نصر تود الغياب عن الاسفير والبيات الشتوى سيتم قريبا ولن يكون باستمرار وشكرا لاحاسيس الافتقاد وما زال ايضا موضوع الدار ياخذ بعضا من وقتى الى ان تنتهى مراسم احتفال الافتتاح ح يكون فى غناء نوبى بس ما تكلم زول ومن غَيْرُنا لديار ال............!!!؟ خمن الباقى براك هههههههها النيل شِقْلاً تود
02-21-2010, 04:29 AM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
جاني صوت لوم من عضو بالبوست لانني لم ارحب به لا يا عزيزي لم اتجاهلك زلكن لدي اسباب كثيرة اولا انت جيت متأخر خالص تانيا:فيصل خليل قام بالواجب ثالثا:انت ما شايف بريمة رابعا :لغتك صفر يعني حندخلك المدرسة
واخيرا وده المهم في زول بيرحبوا بيهو في بيته؟؟؟؟؟؟؟ ــــــــــــــــــــ آسف يا عزيزي نبيل والله ما مقصودة بس انا منذ فترة اعلنت ان هذا البوست ملك للجميع فاحببت ان يكون البساط نوبي يعني كلنا في الهم نوبة ولكن يعلم الله انا افتكرت نفسي رحبت بيك.. فلك العتبي حتي ترضي.. وبحاول انزل ليك صور من عكاشة.. لي اصدقاء وزملاء من عكاشة دكتور سيد محمود وعبدالرحيم محمد ابراهيم وغيرهم... سلمت يل نبيل وخليك قريب.
02-21-2010, 05:04 AM
احمد سردوب
احمد سردوب
تاريخ التسجيل: 08-09-2008
مجموع المشاركات: 1534
الزميل حكيم تحياتي انا من مروي كما تعلم وانتمي لجنسي النوبي رغم لغتي العربية وعدم معرفتي باللغة النوبية الا من خلال بعض المصطلحات النوبية والتي حتي المواطنيين يفتكرونها مصطلحات عربية لجهلنا باصولنا النوبية وكلماتي هذه ليست استعلاء علي بقية الاجناس ولكن فقط لمن يحاولون الانتساب للعرب او نسيان اصولهم وليس عنصرية او جهوية لقناعتي بالمساواة بين كل الشعوب عربا كانوا او بيض او يهود او سود وانا السوداني النوبي الاسود الافريقي السوداني الذي يقرب من الافريقي مهما كان دينه اكتر من بقية الاجناس , انما ينقص من انسانيتهم بقدر ما عملوا من عمايل ضد الانسانية لا افهم ندائك هذا بشكل عنصري بل بشكل توضيحي وليس استعلائي علي الاجناس الاخري وهذا ديدن اهلنا النوبيون انا احمد سردوب من مروي منطقة بعانخي و تهراقا وغيرهم من ملوكنا الغابرين فهل اعد نوبي بعد توضيحي هذا رغم اني احسب علي قبيلة الشايقية قسم العونية ام لا ؟؟؟؟؟؟؟؟؟؟؟؟؟؟؟
02-21-2010, 05:23 AM
محمد النيل
محمد النيل
تاريخ التسجيل: 10-08-2009
مجموع المشاركات: 5899
Quote: والله كل يوم بقوم من الصباح بتاوق من الشباك أشوف كان أجد لي زول من أ صحابي القدام.
الاخ سيف الدولة ياصاحبى فى الكأسين: كاس الدولة والممتاز وزيد عليهم كاس الياس المحمول جوا وبحرا مرحبا بك هلالابيا او نوبيا فكله عندنا سيان لقد نورت دارنا بطلعتك البهية
02-21-2010, 05:53 AM
بريمة محمد
بريمة محمد
تاريخ التسجيل: 04-30-2009
مجموع المشاركات: 13471
الظاهر حكيم نايم نرحب بك نيابة عنه اتفضل لا جوة اكل من ملوحتنا دى وبلحتين تلاتة قبلما تشرب الموية وبعدين امش اخد ليك غيبة كدا وتعال بعد سنة كدا بالليل تكون عملت فينا خير
02-21-2010, 07:36 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
ايماننا بالقيم الاجتماعية والانسانية لمجتمعنا النوبي الداعية للتعاون والتعاضد والتكافل. وبناءاً على ماضي النوبة التليد وحاضره الذي يدعو للتامل والتكاتف ومستقبل علينا صياغته تم انشاء جمعية نوباتيا الخيرية.
(1) تعريف الجمعية : يقصد بها جمعية نوبري الخيرية. قيام الجمعية ومباشرة انشطتها: 1.تقوم الجمعية وتكون ذات شخصية اعتبارية . 2.تباشر الجمعية نشاطها وفقا لهذا الدستور.
(2) الاهداف: تتكون للجمعية الاهداف التالية: أ) الاهتمام بالشرائح الضعيفة في المجتمع ذات الدخل المحدود وتقديم الدعم الخدمي التعليمي والصحي والمعيشي وتحسين البيئة والارتقاء بالمنطقة النوبية انسانا ولغة وتاريخا. ب) المشاركة الفاعلة في تحقيق القيم والاهداف السامية وفق تطلعات النوبيين في المنطقة النوبية والمهاجر.. ج) المحافظة علي الارض النوبية وتطويرها بالتضامن مع اهل المنطقة. د)ابراز الثقافة النوبية ونشرها عالميا بكل الوسائل المتاحة والاتصال بالمهتمين بالاثار والتاريخ واللغة من اجل المحافظة علي الارث الانساني .. ه)اللغة النوبية لسان النوبيين نقلها الينا الاجداد وحافظوا عليها فلنعمل من اجل تطويرها وجعلها في مصاف اللغات الحية وتطويرها لمواكبة عصر النهضة.. 6)الفن النوبي لعب دورا كبيرا في تنمية القدرات النوبية والتعبير عن واقعنا والمحافظة علي لغتنا العمل علي المحافظة عليه وابتداع الوسائل من اجل نشره عالميا.
3/العضوية:- 3/1 يحق لكل نوبي ذكراٍ او انثى الانضمام للجمعية متى ما امن باهدافها وكان حسن السير والسلوك . 3/2 لا يفقد من ينضم للجمعية عضويته الا في الحالات الاتية: (أ) الموت. (ب) الاستقالة. (ج) اذا اتى العضو بعمل مشئين للاخلاق والسلوك العام.. (هـ) اذا دعا العضو للنعرات العنصرية او القبلية.
4/الهيكل الاداري:- 1) الجمعية العمومية. 1. 1 تتكون الجمعية العمومية من جميع الاعضاء الحاضرين وتمثل السلطة العليا للجمعية. 1. 2 مهام الجمعية العمومية : 1) إجازة اللوائح . 2) إجازة خطاب الدورة. 3) انتخاب اللجنة التنفيذية. 4) تعديل اللوائح. 5) اصدار القرارات والتوصيات. 1. 3 اجتماعات الجمعية العمومية: 1) تعقد الجمعية العمومية اجتماعها السنوي كل عام 2) يحق للجمعية عقد اجتماع طارئ بدعوة من الجمعية العمومية او ثلثي الاعضاء او المسجل العام. 3) تعقد الجمعية العمومية اجتماعتها بحضور اكثر من نصف اعضائها الحاضرين . 4) في حالة عدم اكتمال النصاب(النصف+واحد) يعقد الاجتماع بعد اسبوع بمن يحضر من الاعضاء. 5) يتم الاعلان عن جدول اعمال الجمعية العمومية قبل اسبوع من تاريخ انعقاده.
2)اللجنة التنفيذية: 2. 1 تتكون اللجنة التنفيذية من الاتي: 1.رئيس 2.نائب الرئيس 3.الامين العام . 4.أمين شئون العضوية 5.أمين المال 6.عضو 7.مديرون للأمانات المتخصصة
2. 2 مهام اللجنة التنفيذية: 1) وضع البرامج والميزانيات وفقاً للسياسات العامة. 2) التنسيق مع الجمعيات والمنظمات الطوعية . 3) التنسيق مع الاطباء والصيدليات والمرضى 4) ادارة نشاط الجمعية وتسيير الاعمال العامة بالجمعية 2. 3 مدة اللجنة التنفيذية عامان
5/ مالية الجمعية: تتكون ايرادات الجمعية من الاتي: . 1 اشتراك الاعضاء. . 2 التبرعات والدعم الذي تقدمه الجهات الرسمية و الشعبية . . 3 الاستثمارات والنشاطات التجارية التابعة لها. . 4 اي مصادر مشروعة اخرى تقدمها اللجنة التنفيذية. . 5 تحفظ اموال الجمعية في حساب مصرفي خاص بها بتوقيعات مجازة من الجمعية العمومية. . 6 تخضع مالية الجمعية للمراجعة السنوية بواسطة مراجع مالي يعين بواسطة الجمعية العمومية وتودع نسخة لدى مفوضية العون الانساني.
(6)اللوائح: يضع مسؤلي اللجنة التنفيذية اللوائح المالية والادارية ويعمل بها على ان تعرض للجمعية العمومية لاجازتها.
(7)تعديل الدستور: يجوز للجنة التنفيذية او مجلس الادارة ان يتقدم بمشروع تعديل الدستور وتناقشه وتجيزه الجمعية العمومية باغلبية الحاضرين .
02-21-2010, 07:46 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
هذا مشروع دستور الجمعية النوبية بين ايديكم للنقاش والتعديل والحذف والاضافة الاسم مقترح من وفي انتظار اختيار اسم ملائم الاهداف تحتاج لاضافات كثيرة المكاتب المتخصصة بحاجة الي تسمية ومن ثم وضع مهام كل مكتب اقترح تعميم الجمعية عبر كل المنتديات النوبية وتشكيل كيان جامع عبر الفيس بوك حتي نستطيع تجميع اكبر عدد من الاعضاء.. تحديد اشتراكات الاعضاء وقيمتها متروك للجمعية العمومية وفقنا الله واياكم لخدمة النوبة
02-21-2010, 07:59 PM
حسين نوباتيا
حسين نوباتيا
تاريخ التسجيل: 06-06-2008
مجموع المشاركات: 2473
ايماننا بالقيم الاجتماعية والانسانية لمجتمعنا النوبي الداعية للتعاون والتعاضد والتكافل. وبناءاً على ماضي النوبة التليد وحاضره الذي يدعو للتامل والتكاتف ومستقبل علينا صياغته تم انشاء جمعية نوباتيا الخيرية.
(1) تعريف الجمعية : يقصد بها جمعية نوبري الخيرية. قيام الجمعية ومباشرة انشطتها: 1.تقوم الجمعية وتكون ذات شخصية اعتبارية . 2.تباشر الجمعية نشاطها وفقا لهذا الدستور.
(2) الاهداف: تتكون للجمعية الاهداف التالية: أ) الاهتمام بالشرائح الضعيفة في المجتمع ذات الدخل المحدود وتقديم الدعم الخدمي التعليمي والصحي والمعيشي وتحسين البيئة والارتقاء بالمنطقة النوبية انسانا ولغة وتاريخا. ب) المشاركة الفاعلة في تحقيق القيم والاهداف السامية وفق تطلعات النوبيين في المنطقة النوبية والمهاجر.. ج) المحافظة علي الارض النوبية وتطويرها بالتضامن مع اهل المنطقة. د)ابراز الثقافة النوبية ونشرها عالميا بكل الوسائل المتاحة والاتصال بالمهتمين بالاثار والتاريخ واللغة من اجل المحافظة علي الارث الانساني .. ه)اللغة النوبية لسان النوبيين نقلها الينا الاجداد وحافظوا عليها فلنعمل من اجل تطويرها وجعلها في مصاف اللغات الحية وتطويرها لمواكبة عصر النهضة.. 6)الفن النوبي لعب دورا كبيرا في تنمية القدرات النوبية والتعبير عن واقعنا والمحافظة علي لغتنا العمل علي المحافظة عليه وابتداع الوسائل من اجل نشره عالميا.
3/العضوية:- 3/1 يحق لكل نوبي ذكراٍ او انثى الانضمام للجمعية متى ما امن باهدافها وكان حسن السير والسلوك . 3/2 لا يفقد من ينضم للجمعية عضويته الا في الحالات الاتية: (أ) الموت. (ب) الاستقالة. (ج) اذا اتى العضو بعمل مشئين للاخلاق والسلوك العام.. (هـ) اذا دعا العضو للنعرات العنصرية او القبلية.
4/الهيكل الاداري:- 1) الجمعية العمومية. 1. 1 تتكون الجمعية العمومية من جميع الاعضاء الحاضرين وتمثل السلطة العليا للجمعية. 1. 2 مهام الجمعية العمومية : 1) إجازة اللوائح . 2) إجازة خطاب الدورة. 3) انتخاب اللجنة التنفيذية. 4) تعديل اللوائح. 5) اصدار القرارات والتوصيات. 1. 3 اجتماعات الجمعية العمومية: 1) تعقد الجمعية العمومية اجتماعها السنوي كل عام 2) يحق للجمعية عقد اجتماع طارئ بدعوة من الجمعية العمومية او ثلثي الاعضاء او المسجل العام. 3) تعقد الجمعية العمومية اجتماعتها بحضور اكثر من نصف اعضائها الحاضرين . 4) في حالة عدم اكتمال النصاب(النصف+واحد) يعقد الاجتماع بعد اسبوع بمن يحضر من الاعضاء. 5) يتم الاعلان عن جدول اعمال الجمعية العمومية قبل اسبوع من تاريخ انعقاده.
2)اللجنة التنفيذية: 2. 1 تتكون اللجنة التنفيذية من الاتي: 1.رئيس 2.نائب الرئيس 3.الامين العام . 4.أمين شئون العضوية 5.أمين المال 6.عضو 7.مديرون للأمانات المتخصصة
2. 2 مهام اللجنة التنفيذية: 1) وضع البرامج والميزانيات وفقاً للسياسات العامة. 2) التنسيق مع الجمعيات والمنظمات الطوعية . 3) التنسيق مع الاطباء والصيدليات والمرضى 4) ادارة نشاط الجمعية وتسيير الاعمال العامة بالجمعية 2. 3 مدة اللجنة التنفيذية عامان
5/ مالية الجمعية: تتكون ايرادات الجمعية من الاتي: . 1 اشتراك الاعضاء. . 2 التبرعات والدعم الذي تقدمه الجهات الرسمية و الشعبية . . 3 الاستثمارات والنشاطات التجارية التابعة لها. . 4 اي مصادر مشروعة اخرى تقدمها اللجنة التنفيذية. . 5 تحفظ اموال الجمعية في حساب مصرفي خاص بها بتوقيعات مجازة من الجمعية العمومية. . 6 تخضع مالية الجمعية للمراجعة السنوية بواسطة مراجع مالي يعين بواسطة الجمعية العمومية وتودع نسخة لدى مفوضية العون الانساني.
(6)اللوائح: يضع مسؤلي اللجنة التنفيذية اللوائح المالية والادارية ويعمل بها على ان تعرض للجمعية العمومية لاجازتها.
(7)تعديل الدستور: يجوز للجنة التنفيذية او مجلس الادارة ان يتقدم بمشروع تعديل الدستور وتناقشه وتجيزه الجمعية العمومية باغلبية الحاضرين .
راجعلك يا حبيب.. Mandolgo
02-21-2010, 08:57 PM
حسين نوباتيا
حسين نوباتيا
تاريخ التسجيل: 06-06-2008
مجموع المشاركات: 2473
اتفق معك في معظم النقاط لكن يجب توضيح بعض الاشياء ان هذه الجمعية قاصرة في البدء على نوبي المنبر كنواه ويمكن ان نبحث عن ممثلين لها في مناطق اخرى لتوسيع العمل
الخيري . وكما اتفقنا في الاجتماع التمهيدي يجب بدء التكيلف لتمثيل المناطق ممن تبرعوا بالمشارعة طواعية من امثال الاستاذ زمراوي الخ..
ثانيا من المهم جدا الاشارة لخطورة السدود على المنطقة النوبية - لان اي عمل خيري لا معني له في ظل وجود تهديد للمنطقة النوبية - اذا لنضمن العمل على توعية الجماهير النوبية
من خطورة السدود كنقطة اساسية في الدستور وحتى لا تتضارب الاهداف لاحقا.
ثالثا لفظ جمعية عمومية لا تعني بالضرورة كل نوبي بل كل نوبي راغب في المشاركة في هذا العمل المعين وتحت الاهداف المنصوص عليها سوا في العمل الخيري او التوجه العام
لهذه المجموعة..
وبجيك راجع تاني..
02-21-2010, 09:11 PM
عبد الحكيم نصر
عبد الحكيم نصر
تاريخ التسجيل: 11-02-2008
مجموع المشاركات: 2992
حسين شكرا علي المشاركة ورفد الدستور باقتراحاتك وحقيقة لا تنمية في ظل المهددات بالاغراق وانا اؤمن تماما علي اقتراحك بادراج مادة واضحة في الدستور توضح معارضتنا للاغراق ..هذه تثنية مني.. كل مقترحاتك عملية وفي انتظار المزيد من المساهمات والاقتراحات
02-22-2010, 00:00 AM
سيف الدولة كامل
سيف الدولة كامل
تاريخ التسجيل: 03-29-2009
مجموع المشاركات: 4349
الفاضل سيف الدولة تحياتي الاسماء مطروحة للسادة اعضاء البوست للافادة للاسف لم تذكر اسماء من المحس.. ذكرت اسم ماهر محمد صالح وهنا عضو بالمنبر يحمل نفس الاسم وهو من ابناء السكوت اتمني ان يكون هو زميلك في انتظار الاعضاء كل بمنطقته..
شوف لينا زملاء من المحس ..
02-22-2010, 01:20 AM
سيف الدولة كامل
سيف الدولة كامل
تاريخ التسجيل: 03-29-2009
مجموع المشاركات: 4349
Quote: ثانيا من المهم جدا الاشارة لخطورة السدود على المنطقة النوبية - لان اي عمل خيري لا معني له في ظل وجود تهديد للمنطقة النوبية - اذا لنضمن العمل على توعية الجماهير النوبية
من خطورة السدود كنقطة اساسية في الدستور وحتى لا تتضارب الاهداف لاحقا.
ثالثا لفظ جمعية عمومية لا تعني بالضرورة كل نوبي بل كل نوبي راغب في المشاركة في هذا العمل المعين وتحت الاهداف المنصوص عليها سوا في العمل الخيري او التوجه العام
الاعزاء حكيم وحسين لكم التحية كلام جميل ولا حياة في المنطقة النوبية في ظل التهديد بالسدود وياريت يكون من اهداف الجمعية السعي لاصدار قرار رئاسي بالغاء السدود في المنطقة بالتنسيق مع لجان المناهضة في هذا الامر طبعا مع التفرق الكامل لتقديم خدمات في جميع اوجه الحياة. ونقطة اخيرة نتمني السعي بقوة لبداية سريعة ويكون هنالك التزام واضح من الاعضاء بالاستمرارية في هذا العمل الجليل. اقترح ان يكون هنالك ممثلين من مناطق حلفا والسكوت والمحس ودنقلا من السعودية
02-22-2010, 08:02 AM
محمد النيل
محمد النيل
تاريخ التسجيل: 10-08-2009
مجموع المشاركات: 5899
الاخ حكيم شكرا لمجهودك الرائع اسم الجمعية جميل جدا واوافقك على اغلب البنود اما فى لباقى فراييى كالاتى: رقم 7 فى اللجنة التنفيذية اراك قد تركته عاماغير محدود عادة عدد اللجنة بيكون محدد بالضبط ويستحسن ان يكون فرديا مثلا 3\5\7\9 وهكذا إ لا ان يكون للرئيس صوتان وذلك لحسم التسويط على قرارات اللجنة بالاغلبية العادية تجنبا للتساوى. سنتين على اللجنة التنفيذية كتير خاصة على المؤسسات حديثة الإنشاء, الى ان يتم نضجها الادارى وايضا طالما سيكون هناك تعامل مالى اعتقد انه يجب تحديد مكان تسجيل الجمعية لتقنين حركتها المالية حسب العرف المالى او الضرائبى او الرقابة المالية المتبعة لكل بلد. اسقاط العضوية لاسباب اخلاقية شرط غير قابل للتطبيق من ناحية فنية اجرائية لان تحديد ذلك خارج نطاق عمل الجميعية اى كمن يمنع مرتكب المعاصى للذهاب للجامع او اتيان عمل الخير والجمعية معروف هدفها خيرى ولكن من تحوم حوله هذه الشكوك لا يتم تعيينه فى عمل ادارى للجمعية لكن اذا تمت من العضو المخالفة الاخلاقية فى حوض الجمعية مستقلا دار او مواعين الجمعية او نفوذها او تنفيذ اضرار للجمعية او لاعضاءها فبعد الاثبات يمكن منع العضو وايقافه من الجمعية . وايضا ارجو تحديد كيفية او امكانية الاجتماعات العمومية او التنفيذية بالتفصيل إن امكن الآن او من من خلال اللوائح لاحقا. قد تكون قد فاتت عليَّ بعض التوضيحات بصدد ما ذكرت آنفا عند غيابى فى الفترة السابقة ارجو افادتى وشكرا
02-22-2010, 02:49 PM
OSMAN SAYED MOHAMED
OSMAN SAYED MOHAMED
تاريخ التسجيل: 11-04-2009
مجموع المشاركات: 455
اثني ما ذهب اليه حسين في ان نجعل ادارة الجمعيه في اولها مقصورة علي نوبيي المنبر الي ان يشتد عودها و تبدا في جني ثمارها و من ثم يشترك فيها الاخرون و اقول ليكم معاكم للطيش و بكل ما نملك من مال ووقت و قوة
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة